Lormav 4:2 - Akha

² Aˬ yawꞈ neh mˇ-euˬ shaˇ-euˬ jeˬ baˬ da neh aˬ yawꞈ Miˬyehˇ-ahˇ tsaˬ leˇ tsahˇ leˇ nya-euˬ ngeuˇ law nmˇ-aˬ, aˬ yawꞈ nui ma huiˬ kʼaˇ za tehꞈ-a. Ehˇ kʼawꞈ, Miˬyehˇ kʼoeˇ loꞈ-ehˇ maˬ sawˇ-a.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

² Mr-awr shar-eu baqda’nae Aqbyaqhaq tsaq-awr dawr-eu tsawrhaq pyeuflar-euq lawnmr-aq, aqyawf nuima huiqkhar za taef-a. Aerkhawf, Miqyaer-euq maeqshi aqyawf nuima huiqkhar maqza-a.

Lormav 4:2 ပူးပေါင်းရင်းမြစ်များ

Aˇ dahˬ 12:18

Kʼoeˇ ngeh, sahˬ paˬ kʼoeˇ gʼaˬ Aˬbyaˬ-ahˇ bi kuˇ laˬ-iˇ-awˇ, heu loꞈ-ehˇ ehˇ nehˬ-euˬ meh. “Nawˇ ngaˬ-ahˇ aˬ jeˬ jahˇ nehˬ laꞈ te. Zaˬ miˬ zaˬ heu gʼaˬ nawˬ-euˬ miˬ zaˬ ma lehˇ aˬ jeˬ miˇ neh nawˇ maˬ ehˇ te.

Aˇ dahˬ 12:20

Aˬbyaˬ aˬ nyaꞈ dzeˇ zaˬ aˬ yawꞈ nyaꞈ kʼaˇ jaˆ-eu jeˬ dawˬ tawˆ luꞈ yuˇ-awˇ, miˇ kʼahˬ kʼoeˇ kʼahˬ laꞈ kʼoeˇ neh bi doˆ-iˇ-eu gʼaˇ duˬ, sahˬ paˬ kʼoeˇ gʼaˬ aˬ yawꞈ-euˬ tsawˇ haˬ deuˬ-ahˇ dawˬ biꞈ-awˇ, aˬ nyaꞈ dzeˇ zaˬ-ahˇ miˇ kʼahˬ kʼoeˇ kʼahˬ laꞈ kʼoeˇ bi doˆ-iˇ-euˬ meh.

Yeˬsaˬgeˬlaˇ 8:9

“Laꞈ kʼoeˇ uˇ-iˇ-awˇ, aˬ yawꞈ maꞈ neh mˇ taˬ-euˬ haiˬ dui jawꞈ dui dui-eu jeˬ-ahˇ haw-iˇ-awˬ” lehˇ, ngaˬ-ahˇ ehˇ-eu meh.

Lormav 15:17

Ngaˇ Yeˬsuˇ Ka li-ahˇ nui ma taꞈ-eu miˇ neh, Miˬyehˇ-euˬ gaˇ mˇ luꞈ-eu heu kʼahˬ sehˇ jehˆ kʼaˇ za ma.

1 Gawˇliˬtu 1:29

Tsawˇ haˬ tiˬ gʼaˬ-iˬ Miˬyehˇ mehˬ shi kʼahˬ sehˇ maˬ bi jehˆ nya-eu gʼaˇ duˬ, Kʼoeˇ loꞈ-ehˇ jahˇ-euˬ meh.

1 Gawˇliˬtu 1:31

Kʼoeˇ miˇ neh, Jaˇliꞈ laꞈ kʼoeˇ ehˇ taˬ-euˬ loꞈ-ehˇ, “Kʼahˬ sehˇ kʼaˇ jehˆ-eu tsawˇ haˬ deuˬ Sahˬpaˬ Miˬyehˇ neh mˇ-euˬ gaˇ-ahˇ tehꞈ-ehˇ jehˆ luꞈ-uˇ.”

1 Gawˇliˬtu 4:7

Naw maꞈ aꞈ cawˬ taꞈ-ehˇ huiˬ dzehˬ mahˇ dzeh ni aˬ suˇ gʼaˬ neh jahˇ-euˬ ta. Naw maꞈ kʼaˇ jaˆ-eu jeˬ dawˬ tawˆ luꞈ Miˬyehˇ neh biꞈ laꞈ-euˬ maˬ ngeuˇ-a loˇ. Toˆ-ehˇ ngeuˇ naˇ, naw maꞈ kʼaˇ za-euˬ jeˬ Miˬyehˇ neh biꞈ laꞈ-euˬ laꞈ sawˬ maˬ ngeuˇ-eu loꞈ-ehˇ aˬ joˆ-ehˇ kʼahˬ sehˇ jehˆ nya te.

1 Gawˇliˬtu 9:16

Ngaˇ Laˬ kʼaˬ cehˇ-eu Guiˬ lahˬ dawˬ mehˬ-eu baˬ da neh kʼahˬ sehˇ jehˆ kʼaˇ za-eu maˬ ngeuˇ. Maˬ mehˬ-ehˇ maˬ gʼeh nya ni Miˬyehˇ neh ciˬ pi nehˬ laꞈ-euˬ meh. Ngaˇ Laˬ kʼaˬ cehˇ-eu Guiˬ lahˬ dawˬ maˬ mehˬ naˇ, ngaˬ-euˬ gʼaˇ duˬ aˇ naˆ ni guˆ kʼaˇ za-eu nga.

2 Gawˇliˬtu 11:12

Gʼaˬ kʼehˇ kʼoeˇ deuˬ gʼeh nga maꞈ kʼaˇ mˇ-eu loꞈ-ehˇ mˇ luꞈ-eu ma lehˇ ehˇ-awˇ kʼahˬ sehˇ jehˆ kʼaˇ maˬ bi za ni, nymˬ-mˇ ngaˇ kʼaˇ mˇ luꞈ-eu jeˬ-ahˇ maˬ byehˇ dzeh ni mˇ daˆ leꞈ ma.

2 Gawˇliˬtu 11:30

Ngaˇ kʼahˬ sehˇ ya jehˆ naˇ, ngaˇ gʼaˬ baˬ-eu gaˇ kawˆ kʼahˬ sehˇ jehˆ ma.

2 Gawˇliˬtu 5:12

Nga maꞈ-ahˇ naw maꞈ ha geuꞈ nehˬ laꞈ ni, yawˬ ha-euˬ gaˇ kawˆ naw maꞈ-ahˇ maˬ paˇ boꞈ ahˇ laꞈ ma. Yawˬ ha nui ma aˬ joˆ-ehˇ taˬ-eu gaˇ kawˆ-ahˇ maˬ shaˇ sawˇ ni, aˬ cawˬ yawˬ ha-ahˇ noeˬ huiˬ laˇ gaˇ tehꞈ-ehˇ kʼahˬ sehˇ jehˆ luꞈ-eu tsawˇ haˬ deuˬ mehˬ shi, nga maꞈ-euˬ gaˇ kawˆ naw maꞈ kʼahˬ sehˇ bi jehˆ mawꞈ miˇ-a.

Gaˬlaˬtiˆ 3:22

Ehˇ kʼawꞈ, miˇ tsaˬ heu dawˬ tawˆ luꞈ iˬ baˇ uˆ lahˇ-eu uˬ moˆ jawˇ luꞈ-eu meh lehˇ Jaˇliꞈ laꞈ kʼoeˇ ehˇ taˬ-euˬ meh. Kʼoeˇ miˇ neh, Yeˬsuˇ Ka li-ahˇ jah-eu deuˬ-ahˇ biꞈ ma lehˇ ehˇ taˬ-euˬ laꞈ sawˬ kʼoeˇ-aˬ, jah-eu tsawˇ haˬ deuˬ-ahˇ biꞈ-euˬ meh.

Eˇpeˇsu 2:9

Naw maꞈ mˇ-euˬ shaˇ-euˬ baˬ da neh za-euˬ maˬ ngeuˇ-a. Kʼoeˇ loꞈ-ehˇ ngeuˇ law nmˇ-aˬ, tsawˇ haˬ aˬ geu gʼaˬ maˬ kaˬ, kʼahˬ sehˇ jehˆ kʼaˇ za tehꞈ-a.

Piˇliˇpiˆ 3:9

A yawꞈ laꞈ kʼoeˇ tiˬ byah tiˬ loꞈ ya jawˇ ni, ngaˇ kʼoeˇ loꞈ-ehˇ sawˇ-euˬ ma. Zahˇ dawˬ kʼoꞈ dawˬ-ahˇ mˇ byah-eu baˬ da neh za nya meh lehˇ sawˇ taˬ-euˬ ngaˬ neh mˇ za-euˬ Miˬyehˇ-ahˇ tsaˬ leˇ tsahˇ leˇ-eu kʼoeˇ hmˬ tiˬ pawꞈ-iˬ maˬ paˇ ahˇ ma. Nymˬ-mˇ ngaˇ za taˬ-euˬ Miˬyehˇ-ahˇ tsaˬ leˇ tsahˇ leˇ-eu heu-aˬ, ngaˇ Ka li-ahˇ jah-eu baˬ da neh za taˬ-euˬ ma. Heu-aˬ, jah-eu kʼoeˇ taˆ Miˬyehˇ neh biꞈ nehˬ laꞈ-euˬ Miˬyehˇ-ahˇ tsaˬ leˇ tsahˇ leˇ-eu jeˬ pyeuꞈ-eu meh.

Yawˇshuˆ 24:2

Iˇsaˬleˬlaˆ tsawˇ haˬ dawˬ tawˆ luꞈ-ahˇ Yawˇshuˆ ehˇ nehˬ-eu, “Iˇsaˬleˬlaˆ tsawˇ jeuˬ-euˬ Miˬyehˇ pyeuꞈ-eu Sahˬpaˬ Miˬyehˇ heu loꞈ-ehˇ ehˇ-eu meh. ‘Aˇ hu ba naw maꞈ-euˬ aˬ poeˬ aˬ bawˇ deuˬ Uˇpaˬlaˇ lawˇ baˬ nui baˬ paw jawˇ-awˇ, miˬ yehˇ nui deuˬ-ahˇ uˬ duˬ tahˬ-euˬ meh. Aˬ poeˬ aˬ bawˇ kʼoeˇ deuˬ laꞈ kʼoeˇ, Aˬbyaˬhaˬ hawˇ-eu Naˬkawˬ aˬ nyaꞈ nmˇ-euˬ aˬ da kʼawꞈ ahˇ-eu meh.