Lormav 4:17 - Akha

¹⁷ “Ngaˇ nawˬ-ahˇ tsawˇ jeuˬ gʼawˬ mya jeuˬ-euˬ aˬ da yaw dzahˇ gʼaˬ bi pyeuꞈ laˇ ma” lehˇ, Jaˇliꞈ laꞈ kʼoeˇ aˬ yawꞈ-ahˇ ehˇ taˬ-euˬ meh. Dawˬ ma saˇ jaˇ kʼoeˇ-aˬ, Aˬyaˬhaˬ jah-eu Miˬyehˇ-euˬ mehˬ shi yaw muiˬ meh. Shiˇ-euˬ tsawˇ haˬ-ahˇ bi gʼoꞈ dehꞈ laˇ nya-awˇ, maˬ jaˆ haw maˬ mawˇ haw-euˬ jeˬ-ahˇ dawˬ biꞈ-awˇ bi jaˆ laˇ nya-eu Miˬyehˇ-ahˇ Aˬbyaˬhaˬ jah-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁷ Aqbyaqhaq janluf-eu Miqyaer-aq, shir-euq tsawrhaq-anr daef-eu jeq bifnya-eu uqtaf, maqjav-eu jeq-anr kur-awr bi javlar nya-eu Miqyaer mae. Miqyaer khoerghaq-euq maeqshi, Aqbyaqhaq-aq, aqdui yawqghaq navluf-euq aqda yawdzanr pyeuflar-euq mae. Khoer-aq, “Ngar, nawq-anr mirkhanq-euq tsawrjeuq ghawqmya jeuq-euq aqda yawdzanr bi pyeuflar ma,” (Adb 17:5) laer Yaerbof-euq lafkhoer boftaq-euq lof-aer mae.

Lormav 4:17 ပူးပေါင်းရင်းမြစ်များ

Aˇ dahˬ 17:16

Ngaˇ aˬ yawꞈ-ahˇ guiˬ lahˬ biꞈ-awˇ, nawˬ-euˬ gʼaˇ duˬ aˬ li tiˬ li bi ciˬ ma. Aˬ yawꞈ-ahˇ ngaˇ dawˬ ngehˬ gʼeh nehˬ-awˇ, tsawˇ jeuˬ dawˬ tawˆ luꞈ-euˬ aˬ ma ma dzahˇ bi pyeuꞈ laˇ ma. Aˬ yawꞈ-euˬ zaˬ deuˬ uˆ deuˬ laꞈ kʼoeˇ sahˬpaˬ deuˬ kʼawꞈ doˆ laˇ tehꞈ-a.”

Aˇ dahˬ 17:20

Iˇshaˬmeˬlaˇ gʼaˇ duˬ kʼawꞈ nawˇ ngaˬ-ahˇ shaˇ-eu ngaˇ ya gaˬ gʼaˬ-euˬ miˇ neh, aˬ yawꞈ-euˬ zaˬ deuˬ uˆ deuˬ-ahˇ ngaˇ bi jeuˬ bi o le ma. Aˬ yawꞈ-ahˇ sahˬpaˬ zaˬ yo tseˇ nyiꞈ gʼaˬ-euˬ aˬ da yaw dzahˇ bi pyeuꞈ laˇ-awˇ, aˬ yawꞈ-euˬ zaˬ deuˬ uˆ deuˬ-ahˇ huiˬ-eu tsawˇ jeuˬ bi pyeuꞈ laˇ ma.

Aˇ dahˬ 28:3

Nawˇ tsawˇ jeuˬ gʼawˬ mya jeuˬ-euˬ aˬ da yaw dzahˇ pyeuꞈ laˇ ni, miˬ zaˬ sheuˬ-awˇ nymˇ dahˬ dahˬ dzaˬ gaˇ Baoˬ huiˬ-eu Miˬyehˇ guiˬ lahˬ biꞈ-awˇ, zaˬ myaˬ laˇ luꞈ-uˇ.

Iˇsaˬyaˇ 43:6

Laꞈ taˆ pyawˬ aˬ yawꞈ maꞈ-ahˇ bi pyehˬ-awˇ, laˬ oˆ pyawˬ maˬ bi gʼeu tehˬ ni ngaˇ dawˬ ngehˬ ma. Miˇ ma oeˬ coeˇ oeˬ pyawˬ jawˇ byaˆ taˬ-euˬ, ngaˬ-euˬ tsawˇ haˬ gʼoꞈ uiˬ laˇ nya ni ngaˇ ja ma.

Iˇsaˬyaˇ 44:7

Ngaˬ neh mˇ-euˬ gaˇ-ahˇ nui gʼaˬ mˇ nya meh loˇ. Aˇ dahˬ beh ngeh hawˇ-eu aˇ saˬ saˬ ngeh keuˆ ni, kʼaˇ pyeuꞈ laˇ-eu jeˬ tsaˬ tsehˆ nya-eu aˬ suˇ gʼaˬ jawˇ ta.

Iˇsaˬyaˇ 48:13

Miˇ tsaˬ dawˬ pehˬ-ahˇ ngaˬ-euˬ aˬ laꞈ neh tehˆ-awˇ, mˬ-ahˇ aˇ maˇ laꞈ neh toˆ pyeh-euˬ ma. Mˬ hawˇ-eu miˇ-ahˇ ngaˇ dawˬ biꞈ ngeh, tiˬ poˆ tehꞈ-ehˇ jaˆ le-euˬ meh.

Iˇsaˬyaˇ 49:12

Gaˇ mahˇ kaˬ gaˇ jawˇ-eu ngaˬ-euˬ tsawˇ haˬ deuˬ oe tehꞈ-a. Laꞈ taˆ paw pyawˬ hawˇ-eu nahˇ ma ga kʼehˬ paw neh maˬ ehˇ, laꞈ oˆ paw Aˬsaˬgʼawˬ meuˬ-ahˇ neh maˬ ehˇ, aˬ yawꞈ maꞈ gʼoꞈ laˇ tehꞈ-a.”

Iˇsaˬyaˇ 51:2

Naw maꞈ-euˬ aˬ da yaw dzahˇ Aˬbyaˬhaˬ-ahˇ shaˇ noeˬ-awˬ. Aˬ ma ma dzahˇ Saˬlaˇ-ahˇ noeˬ keuˆ-awˬ. Aˬbyaˬhaˬ-ahˇ ngaˇ kuˇ doˆ ngeh zaˬ maˬ jawˇ kʼawꞈ, ngaˇ guiˬ lahˬ biꞈ-awˇ zaˬ oeˬ sahˇ le ngeh, aˬ yawꞈ-euˬ zaˬ deuˬ uˆ deuˬ maˬ gui jiˇ coeˇ-a.

Iˇsaˬyaˇ 55:12

“Baˬbuˇloˬ meuˬ-ahˇ neh laˬ kʼaˬ tiˬ cehˇ, naw maꞈ ya gʼoꞈ doˆ laˇ tehꞈ-a. Naw maꞈ nui ma saˇ lehˆ ni ya doˆ le tehꞈ-a. Gawˬ jawˬ gawˬ duˇ naw maꞈ mehˬ shi caˇ dawˬ caˇ-awˇ, sahˬ lahˬ aˇ bawˇ deuˬ laꞈ kʼawˆ tehˆ tehꞈ-a.

Maꞈtehˬ 3:9

Aˬbyaˬhaˬ naw maꞈ-euˬ aˬ da ma lehˇ ehˇ naˇ, kʼehˬ-eu kʼaˆ-eu jeˬ-ahˇ ya buˬ-iˇ ma lehˇ naw maꞈ taˬ noeˬ. Ngaˇ naw maꞈ-ahˇ ehˇ nehˬ nyaˇ. Kʼaˬ lo heu deuˬ kʼawꞈ Aˬbyaˬhaˬ-euˬ zaˬ pyeuꞈ jiˇ laˇ ni Miˬyehˇ jahˇ nya meh.

Yoˇhaˬ 5:21

Aˬda-aˬ, shiˇ-euˬ tsawˇ haˬ deuˬ-ahˇ bi gʼoꞈ dehꞈ laˇ-awˇ, dehꞈ-eu jeˬ biꞈ-eu loꞈ-ehˇ, Zaˬmaˇ kʼawꞈ, aˬ yawꞈ biꞈ mawꞈ-eu tsawˇ haˬ-ahˇ dehꞈ-eu jeˬ biꞈ-eu meh.

Yoˇhaˬ 5:25

Shiˇ taˬ-euˬ loꞈ-ehˇ duˇ-eu tsawˇ haˬ deuˬ, Miˬyehˇ Zaˬmaˇ-euˬ dawˬ ya gaˬ-eu aˇ nah keuˆ le luꞈ-awˇ, aˇ nah kʼoeˇ nah heu gaˇ keuˆ le taˬ-euˬ meh. Aˬ yawꞈ-euˬ dawˬ-ahˇ naˇ haˬ geuꞈ-eu tsawˇ haˬ deuˬ yaw dehꞈ ya dehꞈ tehꞈ-a.

Yoˇhaˬ 6:63

Naw maꞈ-ahˇ dehꞈ-eu saꞈ laˇ biꞈ-euˬ-aˬ, Miˬyehˇ-euˬ Yaw sahˇ meh. Tsawˇ haˬ zaˬ-euˬ baoˬ neh tiˬ jeˬ-iˬ maˬ gʼeh nya-a. Ngaˬ neh naw maꞈ-ahˇ ehˇ-euˬ gaˇ kawˆ heu-aˬ, dehꞈ-eu saꞈ laˇ biꞈ-eu Miˬyehˇ-euˬ Yaw sahˇ-ahˇ naw maꞈ bi za nya-eu gʼaˇ duˬ pyeuꞈ-eu ma.

Gʼaˬkʼehˇ 15:18

gaˇ kawˆ heu deuˬ aˇ hu ba neh, bi siˬ laꞈ-euˬ yaw sahˇ pyeuꞈ-eu, SahˬpaˬMiˬyehˇ ehˇ taˬ-euˬ meh.’

Lormav 3:29

Maˬ ngeuˇ naˇ, Miˬyehˇ-aˬ, Yuˇdaˆ tsawˇ haˬ deuˬ-euˬ Miˬyehˇ tehꞈ-a loˇ. Aˬ cawˬ tsawˇ jeuˬ-euˬ Miˬyehˇ maˬ ngeuˇ-a loˇ. Ngeuˇ meh. Yuˇdaˆ tsawˇ haˬ maˬ ngeuˇ-eu deuˬ-euˬ Miˬyehˇ kʼawꞈ ngeuˇ meh.

Lormav 4:18

Aˬbyaˬhaˬ-aˬ, noeˬ tmˬ kʼaˇ maˬ paˇ za-euˬ kʼawꞈ, jah-awˇ noeˬ tmˬ-euˬ meh. Kʼoeˇ miˇ neh, “tsawˇ jeuˬ gʼawˬ mya jeuˬ-euˬ aˬ da” pyeuꞈ laˇ-euˬ meh. “Nawˬ-euˬ zaˬ nawˬ-euˬ uˆ deuˬ mˬ taˆ aˬ guiˇ loꞈ-ehˇ jeuˬ le o le tehꞈ-a” lehˇ, Jaˇliꞈ laꞈ kʼoeˇ aˬ yawꞈ-ahˇ ehˇ taˬ-euˬ meh.

Lormav 4:2

Aˬ yawꞈ neh mˇ-euˬ shaˇ-euˬ jeˬ baˬ da neh aˬ yawꞈ Miˬyehˇ-ahˇ tsaˬ leˇ tsahˇ leˇ nya-euˬ ngeuˇ law nmˇ-aˬ, aˬ yawꞈ nui ma huiˬ kʼaˇ za tehꞈ-a. Ehˇ kʼawꞈ, Miˬyehˇ kʼoeˇ loꞈ-ehˇ maˬ sawˇ-a.

Lormav 8:11

Yeˬsuˇ-ahˇ shiˇ-euˬ gaˇ bi gʼoꞈ dehꞈ laˇ-euˬ Miˬyehˇ-euˬ Yaw sahˇ kʼoeˇ naw maꞈ-euˬ laꞈ kʼoeˇ jawˇ naˇ, Ka li-ahˇ shiˇ-euˬ gaˇ bi gʼoꞈ dehꞈ laˇ-euˬ kʼoeˇ gʼaˬ naw maꞈ-euˬ laꞈ kʼoeˇjawˇ-eu aˬ yawꞈ-euˬ Yaw sahˇ Miˬyehˇ-ahˇ gʼoe-awˇ, shiˇ nya-eu naw maꞈ-euˬ gʼawˇ mawˇ-ahˇ dehꞈ-eu jeˬ biꞈ nehˬ laꞈ tehꞈ-a.

Lormav 9:11

Miˬyehˇ neh noeˬ taˬ-euˬ jeˬ maˬ ya bi tsehˆ-iˇ ni, aˬ li kʼoeˇ nyiˬ li laꞈ kʼoeˇ tiˬ li-ahˇ tseˇ doˆ-eu gʼaˇ duˬ Miˬyehˇ lehˬ hmˬ taˬ-euˬ miˇ neh, “Aˬ yuiꞈ gʼaˬ-aˬ, aˬ nyiˇ gʼaˬ-euˬ zaˬ kʼaˆ ya geuꞈ tehꞈ-a” lehˇ, Leˬbehˇkaꞈ-ahˇ ehˇ nehˬ-euˬ meh. Aˬ yawꞈ nyaꞈ nmˇ maˬ dehꞈ le mi naˆ-ehˇ, kʼoeˇ loꞈ-ehˇ ehˇ taˬ-euˬ meh. Aˬ nyaꞈ nmˇ yaw muiˬ yaw doeˇ tiˬ jeˬ-iˬ maˬ mˇ nya laˇ mi naˆ-ehˇ ehˇ taˬ-euˬ dawˬ pyeuꞈ-eu meh. Kʼoeˇ miˇ neh, Miˬyehˇ neh tseˇ doˆ-euˬ lehˇ ehˇ-eu-aˬ, aˬ yawꞈ kuˇ mawꞈ-eu gʼaˬ-ahˇ kuˇ gaˇ ehˇ-eu meh. Aˬ nyaꞈ nmˇ neh mˇ-euˬ yaw muiˬ yaw doeˇ-ahˇ tiˬ jeˬ-iˬ maˬ taꞈ-a.

Lormav 9:26

‘Naw maꞈ nga-euˬ tsawˇ maˬ ngeuˇ’ lehˇ, ngaˇ ehˇ-euˬ jawˇ duˬ nyiˬ paˆ-ehˇ, ‘Dehˬ luꞈ-eu Miˬyehˇ-euˬ zaˬ’ lehˇ, aˬ yawꞈ maꞈ-ahˇ bi kuˇ paˇ ma.”

1 Gawˇliˬtu 1:28

Miˇ tsaˬ zaˬ deuˬ neh gaˇ dahˇ tsoeˬ meh lehˇ noeˬ-euˬ jeˬ-ahˇ gaˇ dahˇ maˬ tsoeˬ-ehˇ bi pyeuꞈ-iˇ-eu gʼaˇ duˬ, miˇ tsaˬ zaˬ neh gaˇ dahˇ maˬ tsoeˬ-a lehˇ taˬ nyiˇ dui dui-euˬ jeˬ-ahˇ aˬ yawꞈ tseˇ doˆ-euˬ meh.

1 Gawˇliˬtu 15:45

Aˬ jeˬ miˇ neh ehˇ naˇ, “Tsawˇ haˬ zaˬ yaw beh gʼaˬ pyeuꞈ-eu Aˬdaˬ-ahˇ, yaw dehꞈ bi dehꞈ-eu gʼaˇ duˬ beh taˬ-euˬ meh” lehˇ, Jaˇliꞈ laꞈ kʼoeˇ boꞈ taˬ-euˬ meh. Ehˇ kʼawꞈ, aˇ saˬ saˬ-eu gʼaˬ pyeuꞈ-eu Aˬdaˬ yawˬ gʼaˬ yawˬ-aˬ, dehꞈ-eu jeˬ biꞈ-eu Yaw sahˇ pyeuꞈ-eu meh.

1 Tiˆmoˇseˬ 6:13

Yawˬ jeˬ na luꞈ-ahˇ dehꞈ-eu saꞈ laˇ biꞈ-euˬ gʼaˬ pyeuꞈ-eu Miˬyehˇ mehˬ shi hawˇ-eu, sahˬ paˬ Boˬtiˆ Piˇlaˆ-ahˇ jah-eu jeˬ ziꞈ dah ni mehˬ nehˬ-euˬ gʼaˬ pyeuꞈ-eu Yeˬsuˇ Ka li mehˬ shi, ngaˇ nawˬ-ahˇ dawˬ heu loꞈ-ehˇ biꞈ-eu ma.

HeˬByehˇ 11:12

Ziˇ jiˇ-eu dawˬ peh peh le-euˬ tsawˇ haˬ kʼoeˇ tiˬ gʼaˬ o neh, mˬ taˆ tsehˬ-eu aˬ guiˇ hawˇ-eu iˬ ma laˆ shaˆ lawˇ deh-ahˇ jaˆ-eu kʼaˇ shuiˬ loꞈ-ehˇ myaˬ dui dui-eu zaˬ deuˬ uˆ deuˬ jeuˬ le o le-euˬ meh.

HeˬByehˇ 11:3

Miˬyehˇ-euˬ dawˬ neh boeˬ boeˬ luˆ luˆ dawˬ tawˆ luꞈ-ahˇ beh-awˇ, maˬ mawˇ nya-eu jeˬ yuˇ-awˇ mawˇ nya-eu jeˬ jahˇ doˆ taˬ-euˬ meh lehˇ aˬ dui siˬ nya-eu heu-aˬ, jah-eu jeˬ baˬ da neh siˬ nya-eu jeˬ pyeuꞈ-eu meh.

HeˬByehˇ 11:7

Mehˬ hu paw pyeuꞈ laˇ-eu lehˇ gʼeh-eu maˬ ya mawˇ-eu gaˇ kawˆ deuˬ-ahˇ yahˇ-awˇ dehꞈ-eu gʼaˇ duˬ, Miˬyehˇ Noˇaˬ-ahˇ dawˬ biꞈ ngeh Noˇaˬ naˇ haˬ geuꞈ-euˬ kʼoeˇ-aˬ, jah-eu jeˬ baˬ da neh meh. Miˬyehˇ-euˬ ehˇ dawˬ-ahˇ aˬ yawꞈ naˇ haˬ-eu laꞈ kʼoeˇ, aˬ yawꞈ hawˇ-eu aˬ yawꞈ-euˬ nymˇ kʼahˬ zaˬ deuˬ ya buˬ-iˇ ni saˇ baoˬ tiˬ laˇ tsoˆ-euˬ meh. Kʼoeˇ loꞈ-ehˇ mˇ-eu laꞈ kʼoeˇ, Miˬyehˇ-ahˇ byehˇ dzeh-euˬ tsawˇ haˬ kʼoeˇ deuˬ-ahˇ aˬ yawꞈ gʼawˬ tsehˆ tsehˆ-awˇ, jah-eu baˬ da neh Miˬyehˇ-euˬ yaw tsaˬ yaw dawˇ jeˬ-ahˇ aˬ yawꞈ za-euˬ meh.;

1 Beˬtuˆluˆ 2:10

Yaw beh-aˬ, naw maꞈ Miˬyehˇ-euˬ tsawˇ haˬ maˬ ngeuˇ-a. Ehˇ kʼawꞈ, nymˬ-mˇ aˬ yawꞈ-euˬ tsawˇ haˬ pyeuꞈ laˇ-euˬ meh. Yaw beh Miˬyehˇ gʼawˬ shaˬ gaˬ-eu jeˬ-ahˇ naw maꞈ maˬ siˬ nya-aˬ. Ehˇ kʼawꞈ, nymˬ-mˇ aˬ yawꞈ-euˬ gʼawˬ shaˬ gaˬ-eu jeˬ-ahˇ naw maꞈ za-euˬ meh.

2 Beˬtuˆluˆ 3:8

Ehˇ kʼawꞈ, ngaˇ gaˬ dui dui-eu cawˬ deuˬ-oˇ, naw maꞈ maˬ ngehˇ kʼmˬ-eu gaˇ kawˆ tiˬ hmˬ heu loꞈ-ehˇ jaˆ meh. Sahˬpaˬ Miˬyehˇ-euˬ mehˬ shi, tiˬ nah hawˇ-eu tiˬ heˇ kʼoꞈ beu gaˇ duˬ maˬ jaˆ-a. Aˬ yawꞈ tiˬ kawˆ meh.