Lormav 4:11 - Akha

¹¹ Aˇ nah ba hawˇ-eu aˬ yawꞈ baˆ kʼoˆ mehˬ dzaˬ yehˬ-euˬ meh. Aˬ yawꞈ baˆ kʼoˆ mehˬ dzaˬ maˬ yehˬ mi naˆ-ehˇ Miˬyehˇ neh aˬ yawꞈ-ahˇ yaw tsaˬ yaw dawˇ tsawˇ haˬ lehˇ ha geuꞈ nehˬ laꞈ gʼaˬ-euˬ gaˇ kawˆ bi siˬ bi mawˇ-eu gʼaˇ duˬ, baˆ kʼoˆ mehˬ dzaˬ yehˬ-eu zahˇ jahˇ-euˬ jeˬ pyeuꞈ-eu meh. Kʼoeˇ miˇ neh, baˆ kʼoˆ mehˬ dzaˬ maˬ yehˬ-euˬ kʼawꞈ, Miˬyehˇ-ahˇ jah-awˇ Miˬyehˇ neh yaw tsaˬ yaw dawˇ tsawˇ haˬ meh lehˇ kʼaˇ sawˇ taˬ-euˬ tsawˇ haˬ dawˬ tawˆ luꞈ-euˬ guiˬ lahˬ saꞈ laˇ paw aˬ da yaw dzahˇ gʼaˬ-aˬ, Aˬbyaˬhaˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹¹ Aqyawf jan-eu mirnae, bawkhov maeqdzaq maqyaeq-euq minav-aer, tsaq-awr dawr-eu tsawrhaq pyeuflar-euq mae. Aqyawf tsaq-awr dawr-eu tsawrhaq pyeuflar-euq mae laer bi mawrlar-eu gharduq, tsaqtsov-eu tiqjeq lof-aer bawkhov maeqdzaq yaeq-euq mae. Bawkhov maeqdzaq maqyaeq-euq khawf jan-eu mirnae, tsaq-awr dawr-eu tsawrhaq pyeuflar-euq mae laer sawxnaeq taq-euq tsawrhaq dawqtawv luf-euq aqda yawdzanr khawf pyeuf-eu mae.

Lormav 4:11 ပူးပေါင်းရင်းမြစ်များ

Aˇ dahˬ 17:24

Aˬbyaˬhaˬ baˆ kʼoˆ mehˬ dzaˬ yehˬ ngeh, aˬ yawꞈ-euˬ aˇ kʼoꞈ gʼoeˬ tseˇ gʼoeˬ kʼoꞈ kʼawˆ laˇ-euˬ meh.

Jaceuq 47:9

Aˬbyaˬhaˬ-euˬ Miˬyehˇ-euˬ tsawˇ haˬ deuˬ nehˬ-ehˇ, tsawˇ jeuˬ kʼoeˇ taˆ uˆ lahˇ-eu deuˬ uiˬ laˇ-eu meh. Miˇ tsaˬ guiˇ maꞈ dawˬ tawˆ luꞈ naˆ maˬ tseˇ, aˬ yawꞈ baoˬ jaˆ dzehˬ-awˇ, huiˬ dui dui-eu uˆ lahˇ-eu gʼaˬ pyeuꞈ-eu meh.

Doˆ-iˇ 12:13

Laˇ gʼoˆ-ahˇ lehꞈ taˬ-euˬ shiˬ kʼoeˇ-aˬ, naw maꞈ jawˇ-eu nymˇ deuˬ-ahˇ tseˇ paˆ-awˇ haw siˬ nya-eu gʼaˇ duˬ, bi siˬ bi mawˇ-eu jeˬ pyeuꞈ-eu ma. Iˇjiˇtuˆ tsawˇ haˬ-ahˇ ngaˇ kʼehˬ nehˬ kʼaˆ nehˬ luꞈ ngeh, shiˬ kʼoeˇ-ahˇ ngaˇ ya mawˇ naˇ, naw maꞈ-ahˇ maˬ laˆ tahˬ maˬ laˆ naˇ ni, bi buˬ bi law-iˇ ma.

Doˆ-iˇ 31:13

“Iˇsaˬleˬlaˆ tsawˇ haˬ deuˬ-ahˇ heu loꞈ-ehˇ ehˇ nehˬ-awˬ. Ngaˬ-euˬ gʼaˬ naˬ naˬ-eu aˇ nah pyeuꞈ-eu jawˇ nah ngeh nah, naw maꞈ lah-awˬ daw-awˬ. Aˬ jeˬ miˇ neh ehˇ naˇ, lah-eu daw-eu kʼoeˇ-aˬ, Sahˬpaˬ Miˬyehˇ pyeuꞈ-eu ngaˇ, naw maꞈ-ahˇ ngaˬ-euˬ tsawˇ haˬ bi pyeuꞈ laˇ-euˬ gaˇ kawˆ, mˬ maˬ maˬ byaˆ zaˇ ziˇ jiˇ ni saˇ kiˇ pyeuꞈ-eu meh.

Doˆ-iˇ 31:17

Aˇ nah kʼoeˇ nah-aˬ, ngaˇ hawˇ-eu Iˇsaˬleˬlaˆ tsawˇ haˬ-euˬ yaw kaˬ-ahˇ, mˬ maˬ maˬ byaˆ zaˇ ziˇ saˇ kiˇ pyeuꞈ-eu meh. Aˬ jeˬ miˇ neh ehˇ naˇ, Sahˬpaˬ Miˬyehˇ pyeuꞈ-eu ngaˇ-aˬ, koꞈ nah laꞈ kʼoeˇ mˬ beh miˇ beh beh-awˇ, shiꞈ nah aˬ yawꞈ nah-ahˇ gaˇ maˬ mˇ ni naˬ-euˬ ma.”

Yeˬsaˬgeˬlaˇ 20:12

Sahˬpaˬ Miˬyehˇ pyeuꞈ-eu ngaˇ aˬ yawꞈ maꞈ-ahˇ bi muiˬ bi shawˇ laˇ-euˬ gaˇ kawˆ, ngaˇ hawˇ-eu aˬ yawꞈ maꞈ yaw kaˬ-ahˇ saˇ kiˇ pyeuꞈ ni, jawˇ nah tawˬ-awˇ bi lah bi daw-euˬ ma.

Yeˬsaˬgeˬlaˇ 20:20

Jawˇ nah ngeh nah-ahˇ, nah muiˬ nah shawˇ aˇ nah bi pyeuꞈ-awˬ. Kʼoeˇ-aˬ, ngaˇ hawˇ-eu naw maꞈ yaw kaˬ-ahˇ dzaˬ taˬ-euˬ dawˬ ma saˇ jaˇ gaˇ kawˆ saˇ kiˇ pyeuꞈ-awˇ, Sahˬpaˬ Miˬyehˇ pyeuꞈ-eu ngaˇ-aˬ, naw maꞈ-euˬ Miˬyehˇ pyeuꞈ-eu gaˇ kawˆ saˇ kiˇ pyeuꞈ-eu meh lehˇ mehˬ nehˬ tsoˆ nehˬ-euˬ ma.

Maꞈtehˬ 16:16

Siˇmoˬ Beˬtuˆluˆ ehˇ-eu, “Nawˇ-aˬ, Dehꞈ luꞈ-eu Miˬyehˇ-euˬ Zaˬmaˇ pyeuꞈ-eu Meˬsiˇya meh.”

Maꞈtehˬ 8:11

Ngaˇ naw maꞈ-ahˇ heu loꞈ-ehˇ ehˇ-eu ma. Nahˇ ma doˆ kʼehˬ ga kʼehˬ paw jawˇ-eu tsawˇ haˬ gʼawˬ mya ni uiˬ laˇ-awˇ, mˬ taˆ Miˇ kʼahˬ laꞈ kʼoeˇ, Aˬbyaˬhaˬ, Iˇtsaˆ, Yaˬkoˆ aˬ ha maꞈ nehˬ-ehˇ hawˬ jawˬ jawˬ taꞈ tehꞈ-a.

Luˇkaꞈ 19:9

Yeˬsuˇ aˬ yawꞈ-ahˇ ehˇ nehˬ-eu, “Iˬ nah nymˇ heu nymˇ-ahˇ ka kʼoꞈ-eu jeˬ keuˆ le-euˬ meh. Aˬ jeˬ miˇ neh ehˇ naˇ, nymˇ sahˇ gʼaˬ kʼawꞈ, Aˬbyaˬhaˬ-euˬ zaˬ meh.

Yoˇhaˬ 3:33

Aˬ yawꞈ ehˇ gaˇ kʼaˇ jah-eu tsawˇ haˬ-aˬ, Miˬyehˇ-euˬ dawˬ tsaˬ meh lehˇ jah gaˇ duˇ-eu meh.

Yoˇhaˬ 3:36

Zaˬmaˇ-ahˇ kʼaˇ jah-eu tsawˇ haˬ-aˬ, mˬ maˬ maˬ byaˆ zaˇ ziˇ dehꞈ-eu jeˬ za-eu meh. Zaˬmaˇ-ahˇ maˬ jah-eu tsawˇ haˬ-aˬ, dehꞈ-eu jeˬ maˬ za-ehˇ, Miˬyehˇ kʼehˬ nehˬ kʼaˆ nehˬ-eu uˬ moˆ ya jawˇ tehꞈ-a.

Yoˇhaˬ 6:35

Yeˬsuˇ aˬ yawꞈ maꞈ-ahˇ ehˇ nehˬ-eu, “Ngaˇ-aˬ, saꞈ laˇ bi dehꞈ-eu kaˬ muˇ ma. Ngaˇ jawˇ gaˇ kʼaˇ laˇ-eu tsawˇ haˬ-aˬ, tiˬ jawˇ-iˬ hawˬ maˬ paˇ mehꞈ-aˇ. Ngaˬ-ahˇ kʼaˇ jah-eu tsawˇ haˬ-aˬ, tiˬ jawˇ-iˬ iˇ cuꞈ maˬ paˇ mehꞈ-aˇ.

Yoˇhaˬ 6:40

Ngaˬ Da-euˬ nui kʼahˇ-aˬ, Zaˬmaˇ-ahˇ mawˇ-awˇ kʼaˇ jah-eu tsawˇ haˬ dawˬ tawˆ luꞈ, mˬ maˬ maˬ byaˆ zaˇ ziˇ dehꞈ-eu jeˬ bi za-eu gʼaˇ duˬ meh. Aˇ saˬ saˬ ngeh nah, aˬ yawꞈ maꞈ-ahˇ ngaˇ bi gʼoꞈ dehꞈ laˇ ma.”

Yoˇhaˬ 6:47

Ngaˇ naw maꞈ-ahˇ maˇ jawˆ ni ehˇ nehˬ nyaˇ. Jah-eu tsawˇ haˬ mˬ maˬ maˬ byaˆ zaˇ ziˇ dehꞈ-eu jeˬ za-eu meh.

Yoˇhaˬ 8:33

Aˬ yawꞈ maꞈ ehˇ-eu, “Nga maꞈ Aˬbyaˬhaˬ-euˬ zaˬ deuˬ uˆ deuˬ ma. Aˬ cawˬ-euˬ zaˬ kʼaˆ kʼawꞈ tiˬ jawˇ-iˬ maˬ geuꞈ haw-aˬ. ‘Naw maꞈ ya buˬ-iˇ tehꞈ-a’ lehˇ nawˇ ehˇ-eu teu, aˬ jeˬ ehˇ mawꞈ te.”

Lormav 10:11

“Aˬ yawꞈ-ahˇ kʼaˇ jah-eu tsawˇ haˬ deuˬ daˬ ga-awˇ maˬ ya shaꞈ dawˇ-aˇ” lehˇ, Jaˇliꞈ laꞈ kʼoeˇ ehˇ taˬ-euˬ meh.

Lormav 10:4

Jah-eu tsawˇ haˬ yawˬ gʼaˬ na luꞈ Miˬyehˇ-ahˇ tsaˬ leˇ tsahˇ leˇ nya ni, Ka li neh Zahˇ dawˬ kʼoꞈ dawˬ-ahˇ aˇ saˬ bi saˬ-euˬ meh.

Lormav 10:6

Ehˇ kʼawꞈ, jah-eu baˬ da neh Miˬyehˇ-ahˇ tsaˬ leˇ tsahˇ leˇ-eu gaˇ kawˆ Jaˇliꞈ laꞈ kʼoeˇ heu loꞈ-ehˇ ehˇ taˬ-euˬ meh. “Mˬ kʼoeˇ taˆ aˬ suˇ gʼaˬ daˆ leˇ nmˇ lehˇ yawˬ haˇ yawˬ ha taˬ naˇ haˬ.” (Kʼoeˇ-aˬ, Ka li-ahˇ sheuˬ ka laˬ leˇ gaˇ ehˇ mawꞈ-eu meh.)

Lormav 3:22

Aˬ yawꞈ maꞈ Yeˬsuˇ Ka li-ahˇ jah-eu baˬ da neh Miˬyehˇ-ahˇ tsaˬ leˇ tsahˇ leˇ-eu tsawˇ haˬ bi pyeuꞈ laˇ-euˬ meh. Ka li-ahˇ kʼaˇ jah-eu tsawˇ haˬ dawˬ tawˆ luꞈ-ahˇ, tsawˇ jeuˬ maˬ tseˇ paˆ ni, Miˬyehˇ kʼoeˇ loꞈ-ehˇ jahˇ nehˬ-euˬ meh.

Lormav 3:26

Ehˇ kʼawꞈ, nymˬ-mˇ-aˬ, aˬ yawꞈ-euˬ yaw tsaˬ yaw dawˇ jeˬ bi mawˇ leˇ-eu gʼaˇ duˬ aˬ yawꞈ mˇ luꞈ-eu miˇ neh, tsawˇ haˬ zaˬ-euˬ iˬ baˇ-ahˇ aˬ yawꞈ maˬ paˇ haw dzeuˇ meh. Kʼoeˇ loꞈ-ehˇ mˇ-eu laꞈ kʼoeˇ, Miˬyehˇ aˬ yawꞈ tsaˬ-eu dawˇ-eu gʼaˬ pyeuꞈ-eu gaˇ kawˆ hawˇ-eu, Yeˬsuˇ-ahˇ kʼaˇ jah-eu tsawˇ haˬ yawˬ gʼaˬ na luꞈ Miˬyehˇ-ahˇ tsaˬ leˇ tsahˇ leˇ-eu tsawˇ haˬ bi pyeuꞈ laˇ-eu gaˇ kawˆ bi siˬ bi mawˇ laꞈ-euˬ meh.

Lormav 3:30

Tsawˇ jeuˬ dawˬ tawˆ luꞈ gʼaˇ duˬ Miˬyehˇ tiˬ gʼaˬ tehꞈ meh. Kʼoeˇ miˇ neh, baˆ kʼoˆ mehˬ dzaˬ yehˬ-euˬ Yuˇdaˆ tsawˇ haˬ-ahˇ maˬ ehˇ, baˆ kʼoˆ mehˬ dzaˬ maˬ yehˬ-euˬ aˬ cawˬ tsawˇ jeuˬ-ahˇ maˬ ehˇ, jah-eu tiˬ jeˬ baˬ da neh tehꞈ-ehˇ aˬ yawꞈ-ahˇ tsaˬ laˇ tsahˇ laˇ nya ni jahˇ tehꞈ-a.

Lormav 4:10

Kʼoeˇ loꞈ-ehˇ pyeuꞈ laˇ-euˬ kʼoeˇ aˬ geu ngeh yamˬ-ahˇ-a. Baˆ kʼoˆ mehˬ dzaˬ maˬ yehˬ mi naˆ-ehˇ pyeuꞈ laˇ taˬ loˇ. Yehˬ gʼaˬ miˇ tsa pyeuꞈ laˇ taˬ loˇ. Kʼoeˇ-aˬ, Aˬbyaˬhaˬ aˬ yawꞈ baˆ kʼoˆ mehˬ dzaˬ maˬ yehˬ mi naˆ-ehˇ pyeuꞈ laˇ-euˬ gaˇ kawˆ meh. Yehˬ gʼaˬ miˇ tsa pyeuꞈ laˇ-euˬ gaˇ kawˆ maˬ ngeuˇ-a.

Lormav 9:30

Aˬ dui heu loꞈ-ehˇ ehˇ nya meh. Miˬyehˇ-ahˇ tsaˬ lehˇ tsahˇ leˇ nya ni maˬ leh jeh-euˬ Yuˇdaˆ tsawˇ haˬ maˬ ngeuˇ-eu kʼoeˇ deuˬ kʼawꞈ, jah-eu baˬ da neh Miˬyehˇ-ahˇ tsaˬ lehˇ tsahˇ leˇ-eu tsawˇ haˬ pyeuꞈ laˇ-euˬ meh.

Lormav 9:33

Jaˇliꞈ laꞈ kʼoeˇ ehˇ taˬ-euˬ, “Haw yawˬ, tsawˇ haˬ bi coˬ-iˇ-eu, tsawˇ haˬ sahˬ tiꞈ tiꞈ duˬ kʼaˬ lo, Ziˇoˬ meuˬ-ahˇ ngaˇ bi jaˆ ma. Ehˇ kʼawꞈ, aˬ yawꞈ-ahˇ jah-eu deuˬ daˬ ga-awˇ maˬ ya shaꞈ dawˇ-aˇ.”

Lormav 9:6

Miˬyehˇ neh saˇ jaˇ dzaˬ taˬ-euˬ loꞈ-ehˇ maˬ pyeuꞈ laˇ-aˬ lehˇ ngaˇ ehˇ-eu maˬ ngeuˇ. Miˬyehˇ neh saˇ jaˇ dzaˬ taˬ-euˬ loꞈ-ehˇ aˬ diˇ pyeuꞈ laˇ taˬ-euˬ meh. Aˬ jeˬ miˇ neh ehˇ naˇ, Miˬyehˇ neh tseˇ doˆ-euˬ tsawˇ haˬ deuˬ laꞈ kʼoeˇ, Iˇsaˬleˬlaˆ tsawˇ haˬ deuˬ tehꞈ-ehˇ maˬ ngeuˇ ni, aˬ cawˬ tsawˇ jeuˬ kʼawꞈ ahˇ-eu meh.

2 Gawˇliˬtu 1:22

Aˬ dui-ahˇ aˬ yawꞈ-euˬ tsawˇ haˬ bi pyeuꞈ-eu gʼaˇ duˬ jmˬ diˬ nehˬ laꞈ-awˇ, aˬ duiˬ-euˬ nui ma laꞈ kʼoeˇ Muiˬ-eu Shawˇ-eu Yaw sahˇ Miˬyehˇ bi jawˇ le-eu laꞈ kʼoeˇ, aˬ yawꞈ-euˬ tsawˇ haˬ ma lehˇ kamˬ tsehˆ taˬ-euˬ meh.

Gaˬlaˬtiˆ 3:22

Ehˇ kʼawꞈ, miˇ tsaˬ heu dawˬ tawˆ luꞈ iˬ baˇ uˆ lahˇ-eu uˬ moˆ jawˇ luꞈ-eu meh lehˇ Jaˇliꞈ laꞈ kʼoeˇ ehˇ taˬ-euˬ meh. Kʼoeˇ miˇ neh, Yeˬsuˇ Ka li-ahˇ jah-eu deuˬ-ahˇ biꞈ ma lehˇ ehˇ taˬ-euˬ laꞈ sawˬ kʼoeˇ-aˬ, jah-eu tsawˇ haˬ deuˬ-ahˇ biꞈ-euˬ meh.

Gaˬlaˬtiˆ 3:29

Naw maꞈ Ka li-euˬ tsawˇ haˬ ngeuˇ naˇ, Aˬbyaˬhaˬ-euˬ zaˬ deuˬ uˆ deuˬ lehˇ sawˇ nya-eu miˇ neh, Miˬyehˇ neh saˇ jaˇ dzaˬ taˬ-euˬ jeˬ biˇ za tehꞈ-a.

Gaˬlaˬtiˆ 3:7

Kʼoeˇ miˇ neh, maˇ maˇ ni Aˬbyaˬhaˬ-euˬ zaˬ deuˬ uˆ deuˬ-aˬ, jah-eu jeˬ ahˇ-eu tsawˇ haˬ deuˬ meh lehˇ naw maꞈ siˬ duˬ-eu tsaˬ meh.

Gaˬlaˬtiˆ 5:5

Nga maꞈ law nmˇ-aˬ, nga maꞈ-euˬ jah-eu jeˬ laꞈ kʼoeˇ Yaw sahˇ Miˬyehˇ-euˬ baoˬ gaˇ mˇ-eu baˬ da neh Miˬyehˇ-ahˇ tsaˬ leˇ tsahˇ leˇ nya gaˇ noeˬ tmˬ kʼaˇ za ma.

Gaˬlaˬtiˆ 6:16

Yaw dehꞈ dehꞈ ngeh zahˇ sahˇ kʼoꞈ heu hmˬ mehˬ nah kʼaˇ caw teh-eu tsawˇ haˬ deuˬ kʼoeˇ taˆ, nui saˇ oꞈ-eu jeˬ hawˇ-eu Miˬyehˇ-euˬ gʼawˬ shaˬ gaˬ-eu guiˬ lahˬ jaˆ luꞈ-uˇ. Aˬ yawꞈ maꞈ hawˇ-eu Miˬyehˇ-euˬ tsawˇ haˬ dawˬ tawˆ luꞈ kʼoeˇ taˆ jaˆ luꞈ-uˇ.

Eˇpeˇsu 1:13

Naw maꞈ kʼawꞈ, naw maꞈ jawˇ gaˇ ka kʼoꞈ-eu jeˬ bi keuˆ le-euˬ Laˬ kʼaˬ cehˇ-eu Guiˬ lahˬ dawˬ pyeuꞈ-eu yaw tsaˬ yaw dawˇ dawˬ-ahˇ ya gaˬ-awˇ, Miˬyehˇ-euˬ tsawˇ haˬ pyeuꞈ laˇ-euˬ meh. Naw maꞈ Ka li-ahˇ jah-awˇ, Miˬyehˇ neh saˇ jaˇ dzaˬ taˬ-euˬ loꞈ-ehˇ Muiˬ-eu Shawˇ-eu Yaw sahˇ Miˬyehˇ bi oe-eu laꞈ kʼoeˇ, aˬ yawꞈ-euˬ tsawˇ haˬ bi pyeuꞈ tsehˆ-eu gʼaˇ duˬ naw maꞈ-ahˇ jmˬ diˬ taˬ-euˬ meh.

Eˇpeˇsu 4:30

Miˬyehˇ-euˬ Muiˬ-eu Shawˇ-eu Yaw sahˇ-ahˇ bi noeˬ shaˬ-eu jeˬ taˬ mˇ. Aˬ jeˬ miˇ neh ehˇ naˇ, ka kʼoꞈ-eu aˇ nah keuˆ le ngeh naw maꞈ Miˬyehˇ-euˬ tsawˇ haˬ pyeuꞈ-eu duˬ laˇ ni, Yaw sahˇ Miˬyehˇ laꞈ kʼoeˇ naw maꞈ-ahˇ juˬ diˬ taˬ-euˬ meh.

Dawˬmehˬ 30:6

Nawˬ-euˬ nui ma dawˬ tawˆ luꞈ aˬ yawꞈ-ahˇ gaˬ-awˇ, miˇ kʼahˬ kʼoeˇ kʼahˬ laꞈ kʼoeˇ nawˇ ya dehꞈ ya jawˇ daˆ leꞈ ni, nawˇ hawˇ-eu nawˬ-euˬ zaˬ deuˬ-ahˇ naˇ haˬ geuꞈ-eu nui ma Sahˬpaˬ Miˬyehˇ biꞈ nehˬ laꞈ tehꞈ-a.

Piˇliˇpiˆ 3:9

A yawꞈ laꞈ kʼoeˇ tiˬ byah tiˬ loꞈ ya jawˇ ni, ngaˇ kʼoeˇ loꞈ-ehˇ sawˇ-euˬ ma. Zahˇ dawˬ kʼoꞈ dawˬ-ahˇ mˇ byah-eu baˬ da neh za nya meh lehˇ sawˇ taˬ-euˬ ngaˬ neh mˇ za-euˬ Miˬyehˇ-ahˇ tsaˬ leˇ tsahˇ leˇ-eu kʼoeˇ hmˬ tiˬ pawꞈ-iˬ maˬ paˇ ahˇ ma. Nymˬ-mˇ ngaˇ za taˬ-euˬ Miˬyehˇ-ahˇ tsaˬ leˇ tsahˇ leˇ-eu heu-aˬ, ngaˇ Ka li-ahˇ jah-eu baˬ da neh za taˬ-euˬ ma. Heu-aˬ, jah-eu kʼoeˇ taˆ Miˬyehˇ neh biꞈ nehˬ laꞈ-euˬ Miˬyehˇ-ahˇ tsaˬ leˇ tsahˇ leˇ-eu jeˬ pyeuꞈ-eu meh.

HeˬByehˇ 11:7

Mehˬ hu paw pyeuꞈ laˇ-eu lehˇ gʼeh-eu maˬ ya mawˇ-eu gaˇ kawˆ deuˬ-ahˇ yahˇ-awˇ dehꞈ-eu gʼaˇ duˬ, Miˬyehˇ Noˇaˬ-ahˇ dawˬ biꞈ ngeh Noˇaˬ naˇ haˬ geuꞈ-euˬ kʼoeˇ-aˬ, jah-eu jeˬ baˬ da neh meh. Miˬyehˇ-euˬ ehˇ dawˬ-ahˇ aˬ yawꞈ naˇ haˬ-eu laꞈ kʼoeˇ, aˬ yawꞈ hawˇ-eu aˬ yawꞈ-euˬ nymˇ kʼahˬ zaˬ deuˬ ya buˬ-iˇ ni saˇ baoˬ tiˬ laˇ tsoˆ-euˬ meh. Kʼoeˇ loꞈ-ehˇ mˇ-eu laꞈ kʼoeˇ, Miˬyehˇ-ahˇ byehˇ dzeh-euˬ tsawˇ haˬ kʼoeˇ deuˬ-ahˇ aˬ yawꞈ gʼawˬ tsehˆ tsehˆ-awˇ, jah-eu baˬ da neh Miˬyehˇ-euˬ yaw tsaˬ yaw dawˇ jeˬ-ahˇ aˬ yawꞈ za-euˬ meh.;

2 Beˬtuˆluˆ 1:1

Yeˬsuˇ Ka li-euˬ zaˬ kʼaˆ hawˇ-eu gʼaˬ kʼehˇ pyeuꞈ-eu ngaˇ Siˇmoˬ Beˬtuˆluˆ, Miˬyehˇ hawˇ-eu Ka kʼoꞈ-eu gʼaˬ pyeuꞈ-eu Yeˬsuˇ Ka li-euˬ yaw tsaˬ yaw dawˇ jeˬ baˬ da neh nga maꞈ-euˬ jah-eu jeˬ-ahˇ duˇ-eu aˇ poeˬ kʼaˆ dui dui-eu jah-eu jeˬ za taˬ-euˬ deuˬ jawˇ gaˇ sahˬ boꞈ boꞈ ahˇ laꞈ-eu ma.

Panmaeq 9:4

Sahˬ lahˬ aˇ bawˇ deuˬ-ahˇ maˬ laˆ cawˆ-eu gʼaˇ duˬ, aˬ yawꞈ maꞈ-ahˇ ehˇ nehˬ taˬ-euˬ meh. Naˇ kʼawˇ-ahˇ Miˬyehˇ-euˬ jmˬ maˬ diˬ taˬ-euˬ tsawˇ haˬ deuˬ-ahˇ tehꞈ-ehˇ bi laˆ cawˆ-eu gʼaˇ duˬ pyeuꞈ-eu meh.