Lormav 3:4 - Akha

⁴ Maˬ ngeuˇ-a. Tsawˇ haˬ zaˬ yawˬ gʼaˬ na luꞈ jaˬ myawꞈ myawꞈ kʼawꞈ, Miˬyehˇ yaw tsaˬ yaw dawˇ meh. Jaˇ liꞈ laꞈ kʼoeˇ heu loꞈ-ehˇ ehˇ taˬ-euˬ meh. “Nawˬ neh ngehˬ-euˬ tmˇ-euˬ laꞈ kʼoeˇ, yaw tsaˬ yaw dawˇ ya bi mawˇ meh. Nawˬ-ahˇ aˬ cawˬ yaˇ kʼaˬ daˇ ngeh, aˬ myah luꞈ nawˇ gʼaˬ leˇ tehꞈ-a.”

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁴ Tiqpawf-iq maqngeur-a. Tsawrhaq dawqtawvluf jaqmyawf pyeufjir-euq khawf, (Jc 116:11) Miqyaer-aq, tsaq-awr dawr-eu mae. Yaerbof-euq lafkhoer boftaq-euq lof-aer, “Nawq-euq dawq baqda’nae, nawr-aq, dawr-awr tsaq-eu nga laer dovlar-awr, Nawq-anr yarkhaq darlar ngae nawr ghaqler taef-a.” (Jc 51:4)

Lormav 3:4 ပူးပေါင်းရင်းမြစ်များ

Yawˇbaˆ 36:3

Ngaˬ-euˬ zaˬ siˬ tsawˇ gahˇ-aˬ, naꞈ dui dui-eu ma. Ngaˬ-ahˇ beh-euˬ yaw sahˇ pyeuꞈ-eu Miˬyehˇ tsaˬ-eu dawˇ-eu gaˇ kawˆ, ngaˇ kʼaˇ siˬ kʼaˇ nya-eu loꞈ-ehˇ ja mehˬ ma.

Yawˇbaˆ 40:8

Ngaˇ maˬ tsaˬ maˬ dawˇ-a lehˇ nawˇ ja duˬ mawꞈ te loˇ. Ngaˇ lehˬ-eu gʼaˬ pyeuꞈ-awˇ, nawˇ yaw tsaˬ ma lehˇ ehˇ mawꞈ te loˇ.

Jaceuq 100:5

Sahˬpaˬ Miˬyehˇ-aˬ, muiˬ-eu jaˬ-eu meh. Aˬ yawꞈ-euˬ gʼoeˇ-eu gaˬ-eu jeˬ mˬ maˬ maˬ byaˆ zaˇ ziˇ gmˬ-awˇ, aˬ yawꞈ saˇ jaˇ ziꞈ-eu jeˬ mˬ maˬ maˬ byaˆ zaˇ ziˇ ziꞈ-eu meh.

Jaceuq 116:11

Tsawˇ haˬ tiˬ gʼaˬ-ahˇ-iˬ maˬ jah coeˇ luꞈ-a lehˇ ngaˇ guˆ-awˇ ehˇ luꞈ kʼawꞈ jah-eu gʼaˬ byehˆ maˬ byehˆ.

Jaceuq 119:160

Nawˬ-euˬ zahˇ dawˬ kʼoꞈ dawˬ-euˬ puˇ nmꞈ-aˬ, yaw tsaˬ yaw dawˇ jeˬ meh. nawˬ neh yaˇ kʼaˬ daˇ-eu jeˬ-aˬ, mˬ maˬ maˬ byaˆ zaˇ ziˇ gmˬ meh.

Jaceuq 138:2

Maˬ tsehˆ leˇ nya-eu nawˬ-euˬ gʼoeˇ-eu gaˬ-eu jeˬ hawˇ-eu nawˬ-euˬ saˇ jaˇ ziꞈ-eu jeˬ baˬ da neh, nawˬ-euˬ tsawˇ myahˇ hawˇ-eu nawˬ-eu zahˇ dawˬ kʼoꞈ dawˬ deuˬ dawˬ tawˆ luꞈ kʼoeˇ taˆ huiˬ-eu nawˇ bi siˬ laꞈ-euˬ baˬ da neh, nawˬ-euˬ Uˬ duˬ tahˬ nymˇ nymˇ ma jaˆ-eu paw ciˬ pyawˇ-awˇ awˆ byaˆ-eu laꞈ kʼoeˇ, nawˬ-euˬ tsawˇ myahˇ-ahˇ ja ceuˬ-eu ma.

Jaceuq 51:4

Nawˬ-ahˇ ngaˇ mˇ lehˬ gʼaˬ-euˬ ma. Nawˬ-ahˇ tehꞈ-ehˇ mˇ lehˬ-euˬ ma. Nawˬ neh yaw haiˬ lehˇ sawˇ taˬ-euˬ jeˬ-ahˇ ngaˇ mˇ dzeuˇ-euˬ ma. Kʼoeˇ miˇ neh nawˇ ngaˬ-ahˇ yaˇ kʼaˬ daˇ-euˬ dawˇ dui dui meh. Ngaˇ yaw lehˬ meh lehˇ nawˇ daˇ-euˬ tsaˬ dui dui meh.

Jaceuq 62:9

Tsawˇ haˬ zaˬ dawˬ tawˆ luꞈ saꞈ kʼoeˬ loꞈ-ehˇ tehꞈ meh. Huiˬ zaˬ nyiˇ zaˬ dawˬ tawˆ luꞈ yawꞈ ngehꞈ meh. Aˬ yawꞈ maꞈ-ahˇ paˆ yawˬ neh saˆ haw ngeh tiˬ pawꞈ-iˬ maˬ kah-ehˇ, saꞈ kʼoeˬ naˆ maˬ tseˇ pyaˇ-eu meh.

Miˇkaˬ 7:20

Aˇ hu ba nga maꞈ-euˬ aˬ poeˬ aˬ bawˇ deuˬ-ahˇ saˇ jaˇ dzaˬ taˬ-euˬ jaˆ-eu loꞈ-ehˇ, Aˬbyaˬhaˬ hawˇ-eu Yaˬkoˆ-euˬ zaˬ deuˬ uˆ deuˬ pyeuꞈ-eu nawˬ-euˬ tsawˇ haˬ deuˬ-ahˇ, nawˬ-euˬ saˇ jaˇ ziꞈ-eu jeˬ hawˇ-eu maˬ tsehˆ leˇ nya-eu gʼoeˇ-eu gaˬ-eu jeˬ nawˇ bi mawˇ tehꞈ-a.

Maꞈtehˬ 11:19

Tsawˇ haˬ-euˬ Zaˬmaˇ oe ngeh jawˇ, dzaˬ-eu dawˇ-eu miˇ neh, ‘Tsawˇ haˬ heu gʼaˬ-ahˇ haw sheˇ. Aˇ dzehˬ dzaˬ dzeuˇ-awˇ aˬ gaꞈ dzaˇ uiˇ aˇ dzehˬ dawˇ dzeuˇ-eu uˬ taꞈ, kawˬ taꞈ-eu tsawˇ haˬ deuˬ hawˇ-eu, iˬ baˇ zaˬ lehˇ sawˇ dzeh taˬ-euˬ deuˬ nehˬ-ehˇ cawˬ cawˬ-eu nga’ lehˇ, aˬ yawꞈ maꞈ ehˇ-eu meh. Ehˇ kʼawꞈ, Miˬyehˇ-euˬ zaˬ siˬ tsawˇ gahˇ tsaˬ-eu gaˇ kawˆ, aˬ yawˆ yawꞈ bya cehˆ ni doˆ laˇ tehꞈ-a.”

Luˇkaꞈ 20:16

Aˬ yawꞈ oe-awˇ, aˬ gaꞈ yaˇ kmˇ mˇ paˆ paˆ-eu tsawˇ haˬ kʼoeˇ deuˬ-ahˇ sehꞈ-awˇ, yawˬ deuˬ yawˬ-ahˇ aˬ gaꞈ yaˇ kmˇ kʼoeˇ kmˇ a nehˬ-awˇ paˇ bi mˇ tehꞈ-a.” Yeˬsuˇ kʼoeˇ loꞈ-ehˇ ehˇ gaˇ tsawˇ haˬ kʼoeˇ deuˬ ya gaˬ ngeh, “Kʼoeˇ loꞈ-ehˇ maˬ pyeuꞈ laˇ kʼmˬ-aˇ’ lehˇ ehˇ-eu meh.

Yoˇhaˬ 3:33

Aˬ yawꞈ ehˇ gaˇ kʼaˇ jah-eu tsawˇ haˬ-aˬ, Miˬyehˇ-euˬ dawˬ tsaˬ meh lehˇ jah gaˇ duˇ-eu meh.

Lormav 11:1

“Miˬyehˇ aˬ yawꞈ-euˬ tsawˇ haˬ deuˬ-ahˇ byehˇ dzeh taˬ loˇ” lehˇ ngaˇ naˇ haˬ mawꞈ-eu ma. Maˬ ngeuˇ-a. Ngaˇ kʼawꞈ, Iˇsaˬleˬlaˇ tsawˇ haˬ ma. Aˬbyaˬhaˬ-euˬ zaˬ deuˬ uˆ deuˬ pyeuꞈ-eu Beˬyaˬmiˬ tsawˇ jeuˬ ma.

Lormav 11:11

“Yuˇdaˆ tsawˇ haˬ deuˬ sahˬ tiꞈ tiꞈ ngeh, coˬ dzeh-iˇ-awˇ maˬ paˇ tuˇ laˇ nya ni pyeuꞈ-iˇ taˬ loˇ” lehˇ ngaˇ naˇ haˬ mawꞈ-eu ma. Maˬ ngeuˇ-a. Aˬ yawꞈ maꞈ iˬ baˇ mˇ-euˬ baˬ da neh, aˬ yawꞈ maꞈ myaˆ bi naˆ-eu gʼaˇ duˬ Yuˇdaˆ tsawˇ haˬ maˬ ngeuˇ-eu deuˬ kʼoeˇ taˆ ka kʼoꞈ-eu jeˬ bi keuˆ le-euˬ meh.

Lormav 3:31

Heu loꞈ-ehˇ ehˇ-eu baˬ da neh Zahˇ dawˬ kʼoꞈ dawˬ-ahˇ aˬ dui byehˇ dzeh-eu ma lehˇ ehˇ mawꞈ ta loˇ. Maˬ ngeuˇ. Maˬ byehˇ dzeh-eu uˬ taꞈ, ziꞈ dah ni tuˆ tehˬ taˬ-eu ma.

Lormav 6:15

Toˆ-ehˇ ngeuˇ naˇ, aˬ joˆ-ehˇ jahˇ nmˇ. Aˬ dui zahˇ dawˬ kʼoꞈ dawˬ uˬ moˆ maˬ jawˇ-ehˇ Miˬyehˇ-euˬ guiˬ lahˬ yaw dzahˇ uˬ moˆ jawˇ luꞈ-eu miˇ neh iˬ baˇ mˇ-eu la. Maˬ ngeuˇ-a.

Lormav 6:2

Kʼoeˇ loꞈ-ehˇ maˬ ngeuˇ-a. Iˬ baˇ mˇ-eu jeˬ-ahˇ taꞈ leˇ-awˇ, aˬ dui shiˇ dzeuˇ gʼaˬ-euˬ gaˇ duˇ-eu-aˬ, iˬ baˇ laꞈ kʼoeˇ aˬ duiˬ aˬ joˆ-ehˇ paˇ dehꞈ daˆ gʼeh leꞈ nya nmˇ.

Lormav 7:13

Toˆ-ehˇ maˇ-iˬ, muiˬ-eu jaˬ-eu jeˬ kʼoeˇ neh ngaˬ-euˬ kʼoeˇ taˆ shiˇ-eu jeˬ bi keuˆ le-euˬ ta loˇ. Maˬ ngeuˇ-a. Kʼoeˇ loꞈ-ehˇ jahˇ nehˬ laꞈ-euˬ kʼoeˇ-aˬ, iˬ baˇ neh meh. Aˬ yawꞈ maˇ maˇ ni iˬ baˇ pyeuꞈ-eu gaˇ kawˆ bya cehˆ ni bi mawˇ duˬ laˇ-eu gʼaˇ duˬ, yaw muiˬ jeˬ-ahˇ gʼoe-awˇ ngaˬ-euˬ kʼoeˇ taˆ shiˇ-eu jeˬ bi keuˆ le-euˬ meh. Kʼoeˇ miˇ neh, zahˇ dawˬ kʼoꞈ dawˬ baˬ da neh iˬ baˇ kʼoeˇ yaw beh naˆ maˬ tseˇ doeˇ dzehˬ-eu mawˇ duˬ laˇ-eu meh.

Lormav 7:7

Toˆ-ehˇ ngeuˇ naˇ, Zahˇ dawˬ kʼoꞈ dawˬ kʼoeˇ aˬ yawˇ yawꞈ iˬ baˇ ahˇ meh lehˇ aˬ dui ehˇ nmˇ loˇ. Maˬ ngeuˇ-a. Ehˇ kʼawꞈ, Zahˇ dawˬ kʼoꞈ dawˬ jaˆ-eu baˬ da neh iˬ baˇ ehˇ-eu aˬ jeˬ-a lehˇ aˬ dui siˬ nya laˇ-euˬ ma. “Aˬ cawˬ-euˬ myawˬ-ahˇ mehˇ juiˇ taˬ juiˇ” lehˇ Zahˇ dawˬ kʼoꞈ dawˬ laꞈ kʼoeˇ maˬ ehˇ taˬ law nmˇ-aˬ, kʼoeˇ loꞈ-ehˇ mehˇ juiˇ juiˇ-eu jeˬ-ahˇ ngaˇ maˬ siˬ nya-aˇ.

Lormav 9:14

Toˆ-ehˇ ngeuˇ naˇ, Miˬyehˇ maˬ tsaˬ maˬ dawˇ nga lehˇ aˬ dui ehˇ nmˇ loˇ. Maˬ ngeuˇ-a.

1 Gawˇliˬtu 6:15

Naw maꞈ-euˬ gʼawˇ mawˇ-aˬ, Ka li-euˬ gʼawˇ mawˇ-ahˇ tsoꞈ-eu aˇ sehˇ deuˬ pyeuꞈ-eu meh lehˇ maˬ siˬ nya te loˇ. Ka li-euˬ gʼawˇ mawˇ-ahˇ tsoꞈ-eu aˇ sehˇ tiˬ sehˇ ngaˇ yuˇ-awˇ, meh maˬlaˇ-euˬ gʼawˇ mawˇ-ahˇ taꞈ-eu aˇ sehˇ bi pyeuꞈ-iˇ kʼmˬ ta loˇ. Tiˬ jeˬ gʼeh-awˇ neh-iˬ maˬ bi pyeuꞈ-iˇ kʼmˬ-aˇ.

2 Gawˇliˬtu 1:18

Miˬyehˇ saˇ jaˇ ziꞈ-eu yaw duˬ baw-eu loꞈ-ehˇ, “Oe-eu” hawˇ-eu “Maˬ oe-eu” nyiˬ jeˬ luꞈ tiˬ poˆ tehꞈ-ehˇ nga maꞈ maˬ ehˇ-aˬ lehˇ ehˇ tsehˆ peuˬ ma.

Gaˬlaˬtiˆ 2:17

Toˆ-ehˇ ngeuˇ naˇ, Ka li laꞈ kʼoeˇ Miˬyehˇ-ahˇ aˬ dui tsaˬ leˇ tsahˇ leˇ nya ni leh jeh luꞈ ngeh, aˬ dui kʼawꞈ Yuˇdaˆ tsawˇ haˬ maˬ ngeuˇ-eu deuˬ naˆ ni iˬ baˇ zaˬ pyeuꞈ luꞈ-eu ngeuˇ naˇ, Ka li-aˬ iˬ baˇ-euˬ gʼaˇ duˬ mˇ luꞈ shaˇ luꞈ ta loˇ. Maˬ ngeuˇ-a.

Gaˬlaˬtiˆ 2:21

Miˬyehˇ gʼawˬ shaˬ gaˬ-eu guiˬ lahˬ-ahˇ ngaˇ maˬ byehˇ dzeh. Ehˇ kʼawꞈ, Zahˇ dawˬ kʼoꞈ dawˬ baˬ da neh tsawˇ haˬ zaˬ Miˬyehˇ-ahˇ tsaˬ leˇ tsahˇ leˇ nya meh lehˇ ngeuˇ naˇ, Ka li shiˇ-euˬ-aˬ, tiˬ jeˬ-iˬ gaˇ dahˇ maˬ tsoeˬ gaˇ duˇ meh.

Gaˬlaˬtiˆ 6:14

Ngaˇ tehꞈ law nmˇ-aˬ, aˬ dui-euˬ Sahˬpaˬ Yeˬsuˇ Ka li-euˬ laꞈ yaꞈ gaˇ kawˆ tehꞈ-ehˇ kʼahˬ sehˇ jehˆ ma. Laꞈ yaꞈ baˬ da neh, miˇ tsaˬ heu-ahˇ taꞈ-eu jeˬ ngaˬ-euˬ gʼaˇ duˬ yaw shiˇ-ahˇ duˇ-awˇ, ngaˇ kʼawꞈ miˇ tsaˬ-ahˇ taꞈ-eu jeˬ-euˬ gʼaˇ duˬ yaw shiˇ-ahˇ duˇ-eu ma.

Dawˬmehˬ 32:4

“Aˬ dui lo guˇ Sahˬpaˬ Miˬyehˇ, yawꞈ mˇ-euˬ jeˬ tsaˬ meh byah meh. Aˬ dui Miˬyehˇ saˇ jaˇ ziꞈ-awˇ, tsaˬ dui, sui dui, dawˇ dui dui meh.

1 Tiˆmoˇseˬ 3:16

Aˬ dui-euˬ uˬ duˬ tahˬ-eu zahˇ sahˇ kʼoꞈ heu hmˬ-euˬ zaꞈ taˬ-euˬ jeˬ aˇ naˆ ni huiˬ-eu gaˇ kawˆ, tsawˇ haˬ tiˬ gʼaˬ-iˬ tsawˇ pyehˇ maˬ pyehˇ nya-a. Miˬyehˇ shiˬ shaˬ pi le-euˬ heu, Yaw sahˇ Miˬyehˇ saˇ kiˇ kamˬ-awˇ, mˬ taˆ gʼaˬ kʼehˇ mawˇ duˬ-euˬ meh. Tsawˇ jeuˬ doe ni mehˬ doe jiˇ-awˇ, miˇ tsaˬ doe ni yawꞈ-ahˇ jah meh. Yaw shehꞈ kʼahˬ sehˇ laꞈ kʼoeˇ yawꞈ-ahˇ, mˬ taˆ sheuˬ daˆ kʼoꞈ leꞈ-euˬ meh.

Tiˇtuˆ 1:2

Kʼoeˇ-aˬ, mˬ maˬ maˬ byaˆ zaˇ ziˇ dehꞈ-eu jeˬ-ahˇ noeˬ tmˬ-eu jeˬ kʼoeˇ taˆ dawˬ pehˬ taˬ taˬ-euˬ meh. Jaˬ myawꞈ maˬ myawꞈ-eu Miˬyehˇ-aˬ, aˇ yamˬ-ahˇ maˬ beh mi naˆ-ehˇ, dehꞈ-eu jeˬ kʼoeˇ aˬ dui-ahˇ biꞈ ma lehˇ saˇ jaˇ dzaˬ taˬ-euˬ meh.

HeˬByehˇ 6:18

Miˬyehˇ neh saˇ jaˇ dzaˬ-euˬ jeˬ hawˇ-eu aˬ yawꞈ neh kamˬ-euˬ heu nyiˬ jeˬ-aˬ, tiˬ jawˇ-iˬ maˬ poˆ maˬ paˇ laˇ nya-eu, Miˬyehˇ jaˬ myawꞈ maˬ myawꞈ kʼmˬ-eu jeˬ pyeuꞈ-eu meh. Kʼoeˇ miˇ neh, guˆ-eu gaˆ-eu jeˬ-ahˇ dzeuˇ-awˇ Miˬyehˇ laꞈ kʼoeˇ ya jawˇ luꞈ-eu aˬ dui-aˬ, aˬ dui mehˬ shi jaˆ-eu noeˬ tmˬ duˬ-ahˇ ziꞈ dah ni tuˆ tehˬ taˬ-eu gʼaˇ duˬ nui ma ziꞈ dah ni jaˆ-eu ma.

1 Yoˇhaˬ 5:10

Miˬyehˇ-euˬ Zaˬmaˇ-ahˇ kʼaˇ jah-eu tsawˇ haˬ-euˬ nui ma laꞈ kʼoeˇ, Miˬyehˇ neh saˇ kiˇ kamˬ taˬ-euˬ jeˬ ahˇ-eu meh. Ehˇ kʼawꞈ, Miˬyehˇ-ahˇ maˬ jah-eu tsawˇ haˬ-aˬ, Miˬyehˇ jaˬ myawꞈ myawꞈ-euˬ meh lehˇ bi doˆ laˇ ni jahˇ gaˇ duˇ-eu meh. Aˬ jeˬ miˇ neh ehˇ naˇ, Miˬyehˇ neh aˬ yawꞈ-euˬ Zaˬmaˇ gaˇ kawˆ ehˇ taˬ-euˬ dawˬ-ahˇ aˬ yawꞈ maˬ jah-a.

1 Yoˇhaˬ 5:20

Maˇ maˇ ni gʼeh-eu Miˬyehˇ-ahˇ aˬ dui siˬ nya laˇ ni, Miˬyehˇ-euˬ Zaˬmaˇ oe-awˇ noeˬ siˬ noeˬ mawˇ nya-eu tsawˇ gahˇ biꞈ laꞈ-euˬ meh lehˇ aˬ dui siˬ nya ma. Aˬ yawꞈ-euˬ Zaˬmaˇ Yeˬsuˇ Ka li laꞈ kʼoeˇ aˬ dui jawˇ luꞈ-eu miˇ neh, maˇ maˇ ni gʼeh-eu Miˬyehˇ laꞈ kʼoeˇ aˬ dui jawˇ luꞈ-eu ma. Heu-aˬ, maˇ maˇ ni gʼeh-eu Miˬyehˇ hawˇ-eu mˬ maˬ maˬ byaꞈ zaˇ ziˇ dehꞈ-eu jeˬ pyeuꞈ-eu meh.

Panmaeq 3:7

“Piˇlaˬdeˬpiˇ Ka li zaˬ aˇ muˇ-euˬ mˬ taˆ gʼaˬ kʼehˇ-ahˇ heu loꞈ-ehˇ boꞈ nehˬ-awˬ. “Heu-aˬ, muiˬ-eu shawˇ-eu tsaˬ-eu dawˇ-eu gʼaˬ pyeuꞈ-awˇ, Daˬbiˇ-euˬ mahˬ tawꞈ kahˬ tuˆ tehˬ taˬ-awˇ, aˬ yawꞈ laˇ gʼoˆ pah ngeh tsawˇ haˬ tiˬ gʼaˬ-iˬ maˬ piˬ tehꞈ kʼoꞈ nya-eu uˬ taꞈ, aˬ yawꞈ laˇ gʼoˆ piˬ tehˬ ngeh tsawˇ haˬ tiˬ gʼaˬ-iˬ maˬ pah nya-eu gʼaˬ-euˬ dawˬ meh.