Lormav 3:31 - Akha

³¹ Heu loꞈ-ehˇ ehˇ-eu baˬ da neh Zahˇ dawˬ kʼoꞈ dawˬ-ahˇ aˬ dui byehˇ dzeh-eu ma lehˇ ehˇ mawꞈ ta loˇ. Maˬ ngeuˇ. Maˬ byehˇ dzeh-eu uˬ taꞈ, ziꞈ dah ni tuˆ tehˬ taˬ-eu ma.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

³¹ Tox-aer ngeur nar-aq, aqdui jan-eu jeq-anr ghoe-awr zanrdawq-anr lavbyov-eu nga lor? Maqngeur, zanrdawq-anr lavzif-eu ma.

Lormav 3:31 ပူးပေါင်းရင်းမြစ်များ

Jaceuq 119:126

Sahˬpaˬ Miˬyehˇ-oˇ, tsawˇ haˬ zaˬ nawˬ-euˬ zahˇ dawˬ kʼoꞈ dawˬ-ahˇ maˬ naˇ haˬ-eu miˇ neh, nawˬ-euˬ nui ma bi mawˇ yamˬ tsaˬ laˇ-euˬ meh.

Jaceuq 40:8

Miˬyehˇnawˬ-euˬnui kʼahˇbyah ni, ngaˇmˇmawꞈ-eu nui ma ahˇma. nawˬneh mehˬ-euˬtsoˆ-euˬdawˬdeuˬ, nui ma laꞈkʼoeˇboꞈtaˬ-euˬma.

Iˇsaˬyaˇ 42:21

Sahˬpaˬ Miˬyehˇ ka kʼoꞈ-eu nui ma keuˆ-eu miˇ neh, aˬ yawꞈ-euˬ zahˇ dawˬ kʼoꞈ dawˬ deuˬ-ahˇ bi goˇ-awˇ, aˬ yawꞈ-euˬ tsawˇ haˬ deuˬ zahˇ dawˬ kʼoꞈ dawˬ-ahˇ taˬ huiˬ gaˇ, aˬ yawꞈ haw mawꞈ mawˇ mawꞈ-eu meh.

Maꞈtehˬ 15:6

Naw maꞈ kʼoeˇ loꞈ-ehˇ ehˇ-eu laꞈ kʼoeˇ, aˇ hu ba neh tawˬ ka leꞈ-euˬ zahˇ oeˇ-ahˇ tehꞈ-ehˇ leh jeh-awˇ, Miˬyehˇ neh biꞈ taˬ-euˬ dawˬ deuˬ-ahˇ naw maꞈ yaw zeu maˬ baw-a.

Maꞈtehˬ 3:15

Ehˇ kʼawꞈ, Yeˬsuˇ ehˇ-eu, “Miˬyehˇ-euˬ nui kʼahˇ byah laˇ ni, nymˬ-mˇ aˇ nyaꞈ heu loꞈ-ehˇ ya mˇ meh.” Kʼoeˇ ngeh, Yeˬsuˇ-ahˇ iˇ cuꞈ shawˇ nehˬ-eu gʼaˇ duˬ Yoˇhaˬ nui ma tsaˬ-euˬ meh.

Maꞈtehˬ 5:17

“Zahˇ dawˬ kʼoꞈ dawˬ hawˇ-eu Miˬyehˇ gʼaˇ duˬ ngehˬ dah-eu deuˬ neh mehˬ taˬ tsoˆ taˬ yaꞈ-euˬ dawˬ deuˬ-ahˇ laˆ cawˆ le-eu gʼaˇ duˬ ngaˇ oe-euˬ nga lehˇ naw maꞈ taˬ noeˬ. Kʼoeˇ deuˬ-ahˇ laˆ cawˆ-eu gʼaˇ duˬ oe-euˬ maˬ ngeuˇ. Mˇ byah-eu gʼaˇ duˬ oe-euˬ ma.

Maꞈtehˬ 5:20

Ngaˇ naw maꞈ-ahˇ ehˇ nehˬ nyaˇ. Zahˇ dawˬ kʼoꞈ dawˬ mehˬ-eu saˬ laˬ deuˬ hawˇ-eu Paˬliˬsehˇ deuˬ naˆ maˬ tseˇ naw maꞈ yaw tsaˬ yaw dawˇ jeˬ maˬ ahˇ dzehˬ naˇ, mˬ taˆ Miˇ kʼahˬ laꞈ kʼoeˇ naw maꞈ maˬ ya uˇ leˇ-a.

Luˇkaꞈ 20:16

Aˬ yawꞈ oe-awˇ, aˬ gaꞈ yaˇ kmˇ mˇ paˆ paˆ-eu tsawˇ haˬ kʼoeˇ deuˬ-ahˇ sehꞈ-awˇ, yawˬ deuˬ yawˬ-ahˇ aˬ gaꞈ yaˇ kmˇ kʼoeˇ kmˇ a nehˬ-awˇ paˇ bi mˇ tehꞈ-a.” Yeˬsuˇ kʼoeˇ loꞈ-ehˇ ehˇ gaˇ tsawˇ haˬ kʼoeˇ deuˬ ya gaˬ ngeh, “Kʼoeˇ loꞈ-ehˇ maˬ pyeuꞈ laˇ kʼmˬ-aˇ’ lehˇ ehˇ-eu meh.

Lormav 10:4

Jah-eu tsawˇ haˬ yawˬ gʼaˬ na luꞈ Miˬyehˇ-ahˇ tsaˬ leˇ tsahˇ leˇ nya ni, Ka li neh Zahˇ dawˬ kʼoꞈ dawˬ-ahˇ aˇ saˬ bi saˬ-euˬ meh.

Lormav 2:20

Aˬ dzawˬ aˇ gah deuˬ-ahˇ mehˬ paˇ tsoˆ paˇ-eu tsawˇ haˬ pyeuꞈ-awˇ, maˬ siˬ maˬ nya-eu tsawˇ haˬ deuˬ-ahˇ mehˬ nehˬ tsoˆ nehˬ-eu tsawˇ haˬ ma lehˇ nawˇ sawˇ taˬ-euˬ meh. Zaˬ siˬ tsawˇ gahˇ hawˇ-eu yaw tsaˬ yaw dawˇ dawˬ tawˆ luꞈ Zahˇ dawˬ kʼoꞈ dawˬ laꞈ kʼoeˇ ahˇ jiˇ ma lehˇ nawˇ jah duˬ taˬ-euˬ meh.

Lormav 3:4

Maˬ ngeuˇ-a. Tsawˇ haˬ zaˬ yawˬ gʼaˬ na luꞈ jaˬ myawꞈ myawꞈ kʼawꞈ, Miˬyehˇ yaw tsaˬ yaw dawˇ meh. Jaˇ liꞈ laꞈ kʼoeˇ heu loꞈ-ehˇ ehˇ taˬ-euˬ meh. “Nawˬ neh ngehˬ-euˬ tmˇ-euˬ laꞈ kʼoeˇ, yaw tsaˬ yaw dawˇ ya bi mawˇ meh. Nawˬ-ahˇ aˬ cawˬ yaˇ kʼaˬ daˇ ngeh, aˬ myah luꞈ nawˇ gʼaˬ leˇ tehꞈ-a.”

Lormav 3:6

Kʼoeˇ loꞈ-ehˇ maˬ ngeuˇ-a. Miˬyehˇ maˬ tsaˬ maˬ dawˇ naˇ, miˇ tsaˬ zaˬ-ahˇ aˬ yawꞈ aˬ joˆ-ehˇ yaˇ kʼaˬ daˇ nya nmˇ.

Lormav 4:14

Miˬyehˇ neh saˇ jaˇ dzaˬ taˬ-euˬ jeˬ-aˬ, Zahˇ dawˬ kʼoꞈ dawˬ mehˬ nah caw teh-eu tsawˇ haˬ deuˬ-ahˇ biꞈ-eu gʼaˇ duˬ ngeuˇ naˇ, tsawˇ haˬ zaˬ-euˬ jah-eu jeˬ gaˇ dahˇ maˬ tsoeˬ-eu uˬ taꞈ, Miˬyehˇ-euˬ saˇ jaˇ kʼawꞈ yawꞈ ngehꞈ meh.

Lormav 7:22

Ngaˬ-euˬ gʼawˇ mawˇ laꞈ kʼoeˇ mawˇ-aˬ, Miˬyehˇ-euˬ zahˇ dawˬ kʼoꞈ dawˬ-ahˇ laˬ kʼaˬ cehˇ miˇ-a.

Lormav 7:25

Aˬ dui-euˬ Sahˬpaˬ Yeˬsuˇ Ka li-ahˇ gʼoe-awˇ aˬ dui-ahˇ ka kʼoꞈ nehˬ laꞈ-euˬ Miˬyehˇ-euˬ guiˬ lahˇ-ahˇ ja ceuˬ kaˇ-euˇ. Ngaˇ heu loꞈ-ehˇ shaˬ luꞈ-eu ma. Ngaˬ-euˬ nui ma tehꞈ-ehˇ Miˬyehˇ-euˬ zahˇ dawˬ kʼoꞈ dawˬ mehˬ nah caw teh nya-awˇ, ngaˬ-euˬ shiˬ shaˬ jiˇ-aˬ, iˬ baˇ-euˬ zahˇ sahˇ kʼoꞈ mehˬ nah caw teh luꞈ-eu ma.

Lormav 8:4

Shiˬ shaˬ jiˇ nui noeˬ mehˬ nah maˬ caw teh-ehˇ, Yaw sahˇ Miˬyehˇ mehˬ nah caw teh-awˇ dehꞈ luꞈ-eu aˬ dui-euˬ laꞈ kʼoeˇ, Zahˇ dawˬ kʼoꞈ dawˬ laꞈ kʼoeˇ ehˇ taˬ-euˬ yaw tsaˬ yaw dawˇ jeˬ nui kʼahˇ tiˬ shiˇ byah laˇ nya ni, Miˬyehˇ kʼoeˇ loꞈ-ehˇ mˇ-euˬ meh.

1 Gawˇliˬtu 9:21

Kʼoeˇ loꞈ-ehˇ duˇ ni, Yuˇdaˆ tsawˇ haˬ-euˬ Zahˇ dawˬ kʼoꞈ dawˬ laꞈ nyiˇ jawˇ-eu aˬ cawˬ tsawˇ jeuˬ deuˬ Ka li zaˬ bi pyeuꞈ laˇ-eu gʼaˇ duˬ, ngaˬ-euˬ gʼawˇ mawˇ Yuˇdaˆ tsawˇ haˬ maˬ ngeuˇ-eu loꞈ-ehˇ geuꞈ-awˇ mehˬ-euˬ ma. Kʼoeˇ loꞈ-ehˇ mˇ-euˬ kʼoeˇ-aˬ, Miˬyehˇ-euˬ zahˇ dawˬ kʼoꞈ dawˬ-ahˇ ngaˇ maˬ caw teh lehˇ ehˇ mawꞈ-eu maˬ ngeuˇ. Ngaˇ-aˬ, maˇ maˇ ni Ka li-euˬ zahˇ dawˬ kʼoꞈ dawˬ uˬ moˆ jawˇ daˆ laꞈ-euˬ tsawˇ haˬ ma.

Gaˬlaˬtiˆ 2:19

Ehˇ kʼawꞈ ngaˇ-aˬ, Zahˇ dawˬ kʼoꞈ dawˬ-ahˇ taꞈ leˇ-awˇ shiˇ gʼaˬ-euˬ tsawˇ haˬ ma. Miˬyehˇ-euˬ gʼaˇ duˬ dehꞈ nya ni Zahˇ dawˬ kʼoꞈ dawˬ neh bi sehꞈ-euˬ tsawˇ haˬ ma. Ngaˇ-aˬ, Ka li nehˬ-ehˇ laꞈ yaꞈ kʼoeˇ taˆ kamˇ shiˇ gʼaˬ-euˬ ma.

Gaˬlaˬtiˆ 2:21

Miˬyehˇ gʼawˬ shaˬ gaˬ-eu guiˬ lahˬ-ahˇ ngaˇ maˬ byehˇ dzeh. Ehˇ kʼawꞈ, Zahˇ dawˬ kʼoꞈ dawˬ baˬ da neh tsawˇ haˬ zaˬ Miˬyehˇ-ahˇ tsaˬ leˇ tsahˇ leˇ nya meh lehˇ ngeuˇ naˇ, Ka li shiˇ-euˬ-aˬ, tiˬ jeˬ-iˬ gaˇ dahˇ maˬ tsoeˬ gaˇ duˇ meh.