Lormav 3:20 - Akha

²⁰ Aˬ jeˬ miˇ neh ehˇ naˇ, Zahˇ dawˬ kʼoꞈ dawˬ mehˬ nah caw teh-eu baˬ da neh Miˬyehˇ-ahˇ tsaˬ leˇ tsahˇ leˇ gʼaˬ-euˬ tsawˇ haˬ maˬ pyeuꞈ laˇ nya-a siˬ. Zahˇ dawˬ kʼo dawˬ-aˬ, tsawˇ haˬ zaˬ-ahˇ yawˬ ha iˬ baˇ mˇ-euˬ gaˇ kawˆ bi siˬ leˇ-eu gʼaˇ duˬ tehꞈ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²⁰ Zanrdawq-anr mrcaw-eu baqda’nae, tsawrhaq tiqghaq-iq Miqyaer-euq maeqshi tsaq-awr dawr-eu tsawrhaq maq pyeuflar nya-a. Aqjeq mirnae aernar-aq, zanrdawq-euq baqda’nae iqbax-anr siqnya-eu tsawrganr anrlar-eu mae.

Lormav 3:20 ပူးပေါင်းရင်းမြစ်များ

Yawˇbaˆ 15:15

Aˬ jeˬ miˇ neh aˬ yawꞈ-euˬ mˬ taˆ gʼaˬ kʼehˇ deuˬ-ahˇ Miˬyehˇ maˬ jah coeˇ ta. Aˬ yawꞈ maꞈ kʼawꞈ Miˬyehˇ mehˬ shi maˬ muiˬ maˬ shawˇ-eu miˇ neh maˬ ngeuˇ-a loˇ.

Jaceuq 130:3

Nga maꞈ-euˬ iˬ baˇ-ahˇ nawˇ noeˬ taˬ naˇ, aˬ geu gʼaˬ dzeuˇ-iˇ nya nmˇ.

Jaceuq 143:2

Nawˬ-euˬ zaˬ kʼaˆ pyeuꞈ-eu ngaˬ-ahˇ, yaˇ kʼaˬ taˬ daˇ nehˬ laꞈ. Nawˬ-euˬ mehˬ shi yaw tsaˬ yaw dawˇ tiˬ gʼaˬ-iˬ maˬ jawˇ-a.

Gʼaˬkʼehˇ 13:39

Moˇseˬ-euˬ Zahˇ dawˬ kʼoꞈ dawˬ neh maˬ bi buˬ-iˇ nya-eu yawˬ jeˬ na luꞈ laꞈ kʼoeˇ, jah-eu tsawˇ haˬ deuˬ Yeˬsuˇ baˬ da neh buˬ-iˇ nya meh.

Lormav 2:13

Aˬ jeˬ miˇ neh ehˇ naˇ, tsawˇ haˬ zaˬ-aˬ, Zahˇ dawˬ kʼoꞈ dawˬ-ahˇ ya gaˬ-euˬ baˬ da neh tehꞈ-ehˇ Miˬyehˇ-ahˇ tsaˬ leˇ tsahˇ leˇ-eu maˬ ngeuˇ-a. Zahˇ dawˬ kʼoꞈ dawˬ laꞈ kʼoeˇ ehˇ taˬ-euˬ loꞈ-ehˇ mˇ-awˇ neh tehꞈ-ehˇ Miˬyehˇ-ahˇ tsaˬ leˇ tsahˇ leˇ nya-eu meh.

Lormav 3:28

Tsawˇ haˬ tiˬ gʼaˬ Miˬyehˇ-ahˇ tsaˬ leˇ tsahˇ leˇ-eu kʼoeˇ-aˬ, Zahˇ dawˬ kʼoꞈ dawˬ mehˬ nah caw teh-eu baˬ da neh maˬ ngeuˇ-ehˇ, jah-eu baˬ da neh meh lehˇ aˬ dui tuˆ tehˬ taˬ-euˬ ma.

Lormav 4:13

Miˇ tsaˬ heu dawˬ tawˆ luꞈ Aˬbyaˬhaˬ hawˇ-eu aˬ yawꞈ-euˬ zaˬ deuˬ uˆ deuˬ-ahˇ biꞈ ma lehˇ Miˬyehˇ saˇ jaˇ dzaˬ ngeh, Aˬbyaˬhaˬ Zahˇ dawˬ kʼoꞈ dawˬ mehˬ nah caw teh-eu miˇ neh dzaˬ-euˬ maˬ ngeuˇ-a. Ehˇ kʼawꞈ, aˬ yawꞈ jah-awˇ, Miˬyehˇ neh yaw tsaˬ yaw dawˇ tsawˇ haˬ lehˇ bi ha geuꞈ-euˬ miˇ neh meh.

Lormav 4:15

Zahˇ dawˬ kʼoꞈ dawˬ-aˬ, Miˬyehˇ nui ma pehˇ-eu jeˬ bi keuˆ le-eu meh. Ehˇ kʼawꞈ, zahˇ dawˬ kʼoꞈ dawˬ maˬ jaˆ gaˇ-aˬ, zahˇ dawˬ kʼoꞈ dawˬ-ahˇ mˇ bahˬ-eu jeˬ kʼawꞈ maˬ jaˆ-aˇ.

Lormav 5:13

Zahˇ dawˬ kʼoꞈ dawˬ maˬ biꞈ leꞈ mi naˆ-ehˇ, miˇ tsaˬ kʼoeˇ taˆ iˬ baˇjaˆ taˬ-euˬ meh. Ehˇ kʼawꞈ, zahˇ dawˬ kʼoꞈ dawˬ maˬ jaˆ gaˇ-aˬ, iˬ baˇ-ahˇ iˬ baˇ lehˇ maˬ sawˇ-aˬ.

Lormav 5:20

Zahˇ dawˬ kʼoꞈ dawˬ biꞈ leꞈ-euˬ-aˬ, yaw lehˬ mˇ-eu bi myaˬ laˇ-eu gʼaˇ duˬ meh. Ehˇ kʼawꞈ, iˬ baˇ kʼaˇ myaˬ laˇ gaˇ Miˬyehˇ-euˬ guiˬ lahˬ kʼoeˇ myaˆ maˬ tseˇ myaˬ laˇ luꞈ-eu meh.

Lormav 7:11

Aˬ jeˬ miˇ neh ehˇ naˇ, iˬ baˇ kʼoeˇ zahˇ dawˬ kʼoꞈ dawˬ-ahˇ gʼoe-eu laꞈ kʼoeˇ ngaˬ-ahˇ jaˬ myawꞈ myawꞈ-awˇ sehꞈ nehˬ laꞈ-euˬ meh.

Lormav 9:32

Aˬ jeˬ miˇ neh maˬ poˆ mawˇ nya ta lehˇ ehˇ ngeh, jah-eu jeˬ-ahˇ aˬ yawꞈ maꞈ maˬ gʼoe-ehˇ, yawˬ ha neh mˇ-euˬ shaˇ-euˬ jeˬ-ahˇ tehꞈ-ehˇ gʼoe-eu miˇ neh meh. Kʼoeˇ miˇ neh, “tsawˇ haˬ zaˬ sahˬ tiꞈ tiꞈ-eu kʼaˬ lo”-ahˇ aˬ yawꞈ maꞈ sahˬ tiꞈ tiꞈ-euˬ meh.

1 Gawˇliˬtu 15:56

Shiˇ-eu jeˬ-euˬ byaˬ iˬ-aˬ, iˬ baˇ meh. Iˬ baˇ-euˬ baoˬ-aˬ, Zahˇ dawˬ kʼoꞈ dawˬ meh.

Gaˬlaˬtiˆ 2:16

Ehˇ kʼawꞈ, tsawˇ haˬ tiˬ gʼaˬ-aˬ, Zahˇ dawˬ kʼoꞈ dawˬ-ahˇ mˇ byah-eu miˇ neh maˬ ngeuˇ-ehˇ, Yeˬsuˇ Ka li-ahˇ jah-eu baˬ da neh tehꞈ-ehˇ Miˬyehˇ-ahˇ tsaˬ leˇ tsahˇ leˇ nya-eu meh lehˇ aˬ dui siˬ nya ma. Aˬ jeˬ miˇ neh ehˇ naˇ, Zahˇ dawˬ kʼoꞈ dawˬ-ahˇ mˇ byah-awˇ Miˬyehˇ-ahˇ tsaˬ leˇ tsahˇ leˇ nya-eu tsawˇ haˬ tiˬ gʼaˬ-iˬ maˬ jawˇ-a.

Gaˬlaˬtiˆ 2:19

Ehˇ kʼawꞈ ngaˇ-aˬ, Zahˇ dawˬ kʼoꞈ dawˬ-ahˇ taꞈ leˇ-awˇ shiˇ gʼaˬ-euˬ tsawˇ haˬ ma. Miˬyehˇ-euˬ gʼaˇ duˬ dehꞈ nya ni Zahˇ dawˬ kʼoꞈ dawˬ neh bi sehꞈ-euˬ tsawˇ haˬ ma. Ngaˇ-aˬ, Ka li nehˬ-ehˇ laꞈ yaꞈ kʼoeˇ taˆ kamˇ shiˇ gʼaˬ-euˬ ma.

Gaˬlaˬtiˆ 5:4

Naw maꞈ Zahˇ dawˬ kʼoꞈ dawˬ-ahˇ mˇ byah-eu laꞈ kʼoeˇ Miˬyehˇ-ahˇ tsaˬ leˇ tsahˇ leˇ ni leh jeh-eu tsawˇ haˬ deuˬ-aˬ, Ka li-ahˇ maˬ paˇ taꞈ-ehˇ, Miˬyehˇ gʼawˬ shaˬ gaˬ-eu guiˬ lahˬ-euˬ laꞈ nyiˇ paw jawˇ-eu tsawˇ haˬ deuˬ pyeuꞈ-eu meh.

HeˬByehˇ 7:19

Aˬ jeˬ miˇ neh ehˇ naˇ, Moˇseˬ-ahˇ gʼoe-awˇ Miˬyehˇ neh biꞈ-euˬ Zahˇ dawˬ kʼoꞈ dawˬ kʼoeˇ-aˬ, tiˬ jeˬ-ahˇ-iˬ byah laˇ ni maˬ mˇ byah nehˬ nya-a. Nymˬ-mˇ-aˬ, aˬ dui-ahˇ Miˬyehˇ jawˇ paw bi peh dzehˬ laˇ-euˬ muiˬ dzehˬ-eu noeˬ tmˬ-eu jeˬ-ahˇ aˬ dui za-euˬ ma.