Lormav 3:12 - Akha

¹² Dawˬ tawˆ luꞈ Miˬyehˇ-ahˇ byehˇ-awˇ, gaˇ bahˬ iˇ jiˇ-euˬ meh. Yaw muiˬ jeˬ-ahˇ mˇ-eu tsawˇ haˬ, tiˬ gʼaˬ-iˬ maˬ jawˇ-a.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹² Tsawrhaq dawqtawvluf garbanq banq-ir-awr, Yawqghaq navluf tiqgar durni gardanr maqtsoeq-eu tsawrhaq pyeuflar-euq mae. Yawmuiq jeq mr-eu tsawrhaq maqjawr-a, tiqghaq-iq maqjawr-a.” (Jc 14:1-3; 53:1-3)

Lormav 3:12 ပူးပေါင်းရင်းမြစ်များ

Aˇ dahˬ 1:31

Miˬyehˇ-aˬ, yawˬ ha neh mˇ gʼaˬ taˬ-euˬ gaˇ deuˬ-ahˇ haw-awˇ, nui kʼahˇ shiˇ dui dui-euˬ meh. Uˬ ciꞈ kʼoeˇ miˇ buˬ-iˇ-awˇ uˬ shawˬ keuˆ le ngeh, koꞈ nah tiˬ nah dzeuˇ-iˇ-euˬ meh.

Jaceuq 14:3

Dawˬtawˆluꞈ gaˇma bahˬjiˇ-awˇ, tiˬkawˆnaˆni dehꞈcawˆjiˇ-awˇ, yaw muiˬmˇ-eu gʼaˬmaˬjawˇ-a. Tiˬgʼaˬtehꞈ-ehˇkʼawꞈmaˬjawˇ-a.

Jaceuq 53:1

Aˬ dzawˬ deuˬ-euˬ nui ma laꞈ kʼoeˇ, “Miˬyehˇ maˬ jawˇ-a” lehˇ ehˇ luꞈ meh. Aˬ yawꞈ maꞈ dehꞈ bahˬ jiˇ-awˇ, guˆ dui dui paˬ-ehˇ gʼeh-eu jeˬ mˇ luꞈ meh. Yaw tsaˬ yaw dawˇ jeˬ mˇ-eu tiˬ gʼaˬ-iˬ maˬ jawˇ-a.

Jaceuq 53:3

Aˬ yawꞈ maꞈ dawˬ tawˆ luꞈ gaˇ mahˇ dehꞈ kaˬ-awˇ, tiˬ kawˆ loꞈ-ehˇ dehꞈ doeˇ taˬ-euˬ meh. Yaw tsaˬ yaw dawˇ jeˬ mˇ-eu tsawˇ haˬ maˬ jawˇ-a. Tiˬ gʼaˬ-iˬ maˬ jawˇ-a.

Doˆ-iˇ 32:8

Ngaˬ neh aˬ yawꞈ maꞈ-ahˇ bi cah-euˬ gaˇ ma-ahˇ aˬ yawꞈ maꞈ byehˇ dzeh gʼaˬ-euˬ meh. Aˬ yawꞈ maꞈ shuiˇ mawˇ neˇ mawˇ kawˇ kʼaˇ doˆ-awˇ, uˬ duˬ tahˬ-eu uˬ taꞈ, lawˇ-eu shehˇ-eu jeˬ kʼawꞈ mˇ luꞈ meh. Kʼoeˇ-aˬ, aˬ yawꞈ maꞈ-ahˇ Iˇjiˇtuˆ miˇ kʼahˬ laꞈ kʼoeˇ neh sheuˬ doˆ nehˬ laꞈ-euˬ aˬ yawꞈ maꞈ-euˬ miˬyehˇ meh lehˇ, aˬ yawꞈ maꞈ ehˇ luꞈ meh.

Dawˬ tsoˆ 7:20

Yaw lehˬ tiˬ pawꞈ-iˬ maˬ mˇ-ehˇ, yaw dawˇ tehꞈ-ehˇ mˇ-eu tsawˇ muiˬ, miˇ taˆ tiˬ gʼaˬ-iˬ maˬ jawˇ-a.

Dawˬ tsoˆ 7:29

Ngaˬ neh poˆ duˬ-euˬ gaˇ kawˆ uˬ dzah-aˬ, heu loꞈ-ehˇ ma. Miˬyehˇ neh aˬ dui-ahˇ beh taˬ-euˬ muiˬ dui jaˬ dui dui-eu meh. Ehˇ kʼawꞈ, aˬ dui yawˬ haˇ yawˬ ha dehꞈ bahˬ dehꞈ lahˇ-euˬ meh.”

Iˇsaˬyaˇ 53:6

Aˬ dui dawˬ tawˆ byoˆ-iˇ-eu yawˇ deuˬ-ahˇ duˇ-awˇ, tiˬ gʼaˬ tiˬ paw iˇ byoˆ jiˇ taˬ-euˬ meh. Ehˇ kʼawꞈ, aˬ dui-ahˇ oꞈ-eu kʼehˬ-eu kʼaˆ-eu jeˬ dawˬ tawˆ, Sahˬpaˬ Miˬyehˇ-ahˇ aˬ yawꞈ-euˬ kʼoeˇ taˆ baꞈ daˆ nehˬ jiˇ-euˬ meh.

Iˇsaˬyaˇ 59:8

Naw maꞈ dawˬ peh tiˬ gʼaˬ-iˬ nui saˇ maˬ oꞈ-a. Naw maꞈ mˇ-euˬ yaw tsaˬ tiˬ jeˬ-iˬ maˬ jaˆ-a. Gaˇ ma yaw gʼahˬ kahˇ-ahˇ naw maꞈ cah-awˇ, kʼoeˇ gaˇ kʼaˇ cah-eu tsawˇ haˬ nui saˇ maˬ oꞈ-a.

Iˇsaˬyaˇ 64:6

Aˬ dui dawˬ tawˆ luꞈ iˬ baˇ ahˇ-eu ma. Aˬ dui mˇ-euˬ muiˬ dui dui-eu jeˬ-aˬ, jawꞈ dui dui-eu pehˇ kʼahˬ-ahˇ duˇ-eu meh. Aˬ dui-euˬ iˬ baˇ baˬ da neh aˬ dui yaw dehꞈ dehꞈ-eu, aˇ paꞈ nyoeˬ-iˇ koˆ-iˇ jiˇ-awˇ, jaˬ lehˇ bi baw byoˆ gaˇ duˇ leˇ-eu meh.

Yeˬlaˬmiˇ 2:13

Aˬ jeˬ miˇ neh ehˇ naˇ ngaˬ-euˬ tsawˇ jeuˬ, iˬ baˇ nyiˬ jeˬ mˇ taˬ-euˬ meh. Dehꞈ-eu saꞈ laˇ iˇ cuꞈ lawˇ kʼawꞈ pyeuꞈ-eu ngaˬ-ahˇ, aˬ yawꞈ maꞈ byehˇ dzeh-awˇ, iˇ cuꞈ maˬ dahˬ ziꞈ nya-eu lah duˬ gawˬ-euˬ meh.

Maꞈtehˬ 25:30

Gaˇ dahˇ maˬ tsoeˬ-eu zaˬ kʼaˆ heu gʼaˬ-ahˇ-aˬ, laꞈ nyiˇ paw zahˇ tsui ni gʼeh gaˇ baꞈ dzeh-awˬ. Kʼoeˇ gaˇ, aˬ yawꞈ ngoeˇ ngoeˇ-ehˇ seuˬ teuꞈ teuꞈ-ehˇ shaˬ luꞈ-uˇ.’

Lormav 3:11

Noeˬ siˬ noeˬ mawˇ nya-eu tsawˇ haˬ, tiˬ gʼaˬ-iˬ maˬ jawˇ-a. Miˬyehˇ-ahˇ shaˇ poˆ-eu tsawˇ haˬ, tiˬ gʼaˬ-iˬ maˬ jawˇ-a.

Lormav 3:13

Kʼaˬ meh lmˬ bymˇ duˬ kʼahˬ pyeuꞈ-awˇ, mehˬ laˇ jaˬ myawꞈ mehˇ shuiˇ kʼmˇ-awˇ, mehˬ luˬ aˇ lawˇ doꞈ-ahˇ duˇ meh.

Eˇpeˇsu 2:3

Aˬ dui dawˬ tawˆ luꞈ kʼawꞈ, aˬ yawꞈ maꞈ loꞈ-ehˇ shiˬ shaˬ jiˇ-euˬ nui kʼahˇ mehˬ nah dehꞈ dzeuˇ yaꞈ-awˇ, aˬ dui-euˬ nui ma gʼawˇ mawˇ kʼaˇ loˆ laˇ-euˬ jeˬ mˇ-euˬ ma. Aˬ dui-aˬ, miˇ tsaˬ zaˬ kʼaˇ ngeuˇ-eu ngeuˇ-awˇ, Miˬyehˇ nui ma pehˇ-eu jeˬ-ahˇ ya daˬ-eu yaw duˬ baw-euˬ ma.

Piˇleˇmoˬ 1:11

Dzeuˇ laˇ ngeh, aˬ yawꞈ nawˬ-euˬ gʼaˇ duˬ gaˇ dahˇ maˬ tsoeˬ-a. Ehˇ kʼawꞈ nymˬ-mˇ-aˬ, nawˬ-euˬ gʼaˇ duˬ maˬ ehˇ, ngaˬ-euˬ gʼaˇ duˬ maˬ ehˇ, gaˇ dahˇ tsoeˬ-eu tsawˇ haˬ tiˬ gʼaˬ pyeuꞈ laˇ-euˬ meh.

1 Beˬtuˆluˆ 2:25

Yaw beh, naw maꞈ-aˬ, gaˇ ma byoˆ-iˇ-awˇ shaˬ luꞈ-eu yawˇ deuˬ-ahˇ duˇ-eu meh. Ehˇ kʼawꞈ, nymˬ-mˇ-aˬ, naw maꞈ-ahˇ Bo saˆ haw piˇ-eu gʼaˬ pyeuꞈ-eu Yawˇ bo-eu yaw sahˇ-euˬ mehˬ nah bi caw teh-eu gʼaˇ duˬ, naw maꞈ-ahˇ sheuˬ kʼoꞈ doˆ nehˬ laꞈ-euˬ meh.