Lormav 3:11 - Akha

¹¹ Noeˬ siˬ noeˬ mawˇ nya-eu tsawˇ haˬ, tiˬ gʼaˬ-iˬ maˬ jawˇ-a. Miˬyehˇ-ahˇ shaˇ poˆ-eu tsawˇ haˬ, tiˬ gʼaˬ-iˬ maˬ jawˇ-a.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹¹ Ghovshaw nya-eu tsawrhaq tiqghaq-iq maqjawr-aer, Miqyaer-anr sharpov-eu tsawrhaq khawf tiq ghaq taef-aer khawf maqjawr-a.

Lormav 3:11 ပူးပေါင်းရင်းမြစ်များ

Jaceuq 53:2

Tsawˇ gahˇ ahˇ-awˇ aˬ yawꞈ-ahˇ uˬ duˬ tahˬ-eu tsawˇ haˬ jawˇ ngaˇ loˇ lehˇ, mˬ taˆ Miˬyehˇ miˇ tsaˬ zaˬ-ahˇ haw luꞈ meh.

Jaceuq 53:4

Ngaˬ-euˬ tsawˇ haˬ deuˬ-ahˇ deh dzaˬ nawˬ dzaˬ-awˇ, ngaˬ-ahˇ guiˬ lahˬ maˬ shaˇ ni dehꞈ luꞈ-eu, haiˬ-eu tsawˇ haˬ teu deuˬ noeˬ siˬ noeˬ mawˇ nya-eu nui ma maˬ ahˇ ta loˇ lehˇ, Miˬyehˇ naˇ haˬ luꞈ meh.

Jaceuq 94:8

Ngaˬ-euˬ tsawˇ haˬ deuˬ-oˇ, naw maꞈ aˇ naˆ naˆ-ehˇ laꞈ-i te. Aˬ myah siˬ laˇ gahˇ laˇ-eu gʼeh te.

Dawqdaq 1:22

“Aˬ dzawˬ deuˬ-oˇ, aˇ myah keuˆ ni dzawˬ-eu gʼeh te. Aˇ gah deuˬ-oˇ, aˇ myah keuˆ ni gah-eu gʼeh te. Aˇ myah keuˆ ni zaˬ siˬ tsawˇ gahˇ-ahˇ ja bu-eu gʼeh te.

Dawqdaq 1:7

Sahˬpaˬ Miˬyehˇ-ahˇ guˆ-eu jeˬ-aˬ, zaˬ siˬ tsawˇ gahˇ-euˬ duˬ ciˇ meh. Zaˬ siˬ tsawˇ gahˇ hawˇ-eu dawˬ mehˬ dawˬ tsoˆ-ahˇ bye-eu deuˬ-aˬ, aˬ dzawˬ aˇ gah meh.

Iˇsaˬyaˇ 27:11

Aˇ bawˇ uˬ laꞈ deuˬ gui-iˇ kʼehꞈ-iˇ-awˇ, zaˬ miˬ zaˬ deuˬ miˬ dzaˬ gʼoˆ uiˬ tehꞈ-a. Tsawˇ haˬ kʼoeˇ deuˬ guiˬ lahˬ-ahˇ maˬ siˬ nya-eu miˇ neh, aˬ yawꞈ maꞈ-ahˇ beh-euˬ yaw sahˇ, aˬ yawꞈ maꞈ-ahˇ gʼawˬ shaˬ maˬ gaˬ nehˬ-a.

Iˇsaˬyaˇ 31:1

Iˇjiˇtuˆ miˇ kʼahˬ-ahˇ laꞈ jeuˬ shaˇ-iˇ-eu tsawˇ haˬ deuˬ, yaw kʼaˆ-ehˇ ya noeˬ shaˬ tehꞈ-a. Iˇsaˬleˬlaˆ-euˬ muiˬ-eu shawˇ-eu Miˬyehˇ pyeuꞈ-eu, Sahˬpaˬ Miˬyehˇ-ahˇ maˬ gʼoe-ehˇ, mahˬ deuˬ-ahˇ nui kʼaˬ tsmˬ-awˇ, mahˬ laˆ lawˬ myaˬ gaˇ nui ma huiˬ-eu, mahˬ dziˬ-eu yehˇ deuˬ-euˬ gʼaˬ-ahˇ gʼoe-eu deuˬ, yaw kʼaˆ-ehˇ ya noeˬ shaˬ tehꞈ-a.

Iˇsaˬyaˇ 55:6

Sahˬpaˬ Miˬyehˇ-ahˇ poˆ mawˇ nya paˬ-ehˇ gʼeh ngeh poˆ-awˬ. Gaˇ mahˇ maˬ iˇ kaˬ mi naˆ-ehˇ kuˇ-awˬ.

Iˇsaˬyaˇ 65:1

Sahˬpaˬ Miˬyehˇ heu loꞈ-ehˇ ehˇ-eu meh. “Ngaˬ-euˬ tsawˇ haˬ deuˬ shaˇ dawˬ-ahˇ, naˇ haˬ nehˬ-eu gʼaˇ duˬ ngaˇ lehˬ hmˬ kʼawꞈ, aˬ yawꞈ maꞈ ngaˬ-ahˇ guiˬ lahˬ maˬ shaˇ-a. Aˬ yawꞈ maꞈ bi haw mawˇ-eu lehˇ ngaˇ mˇ jeh kʼawꞈ, aˬ yawꞈ maꞈ ngaˬ-ahˇ maˬ poˆ-a. Ngaˇ heu gaˇ jawˇ ma lehˇ ehˇ gaˬ nehˬ kʼawꞈ, aˬ yawꞈ maꞈ ngaˬ-ahˇ guiˬ lahˬ maˬ shaˇ-a.

Iˇsaˬyaˇ 9:13

Baoˬ huiˬ-eu Sahˬpaˬ Miˬyehˇ kʼoeˇ naˆ ni kʼehˬ nehˬ kʼawꞈ, Iˇsaˬleˬlaˆ tsawˇ haˬ deuˬ nui ma maˬ paˇ-ehˇ, aˬ yawꞈ jawˇ paw maˬ gʼoꞈ laˇ-aˇ.

Yeˬlaˬmiˇ 4:22

Sahˬpaˬ Miˬyehˇ ehˇ-eu, “Ngaˬ-euˬ tsawˇ haˬ dzawˬ dui dui-awˇ ngaˬ-ahˇ maˬ siˬ nya-a. Naˬ lehˬ lehˬ-eu zaˬ-ahˇ duˇ leˇ-awˇ, noeˬ siˬ-eu jeˬ tiˬ pawꞈ-iˬ maˬ ahˇ-a. Yaw haiˬ mˇ-eu nya suˇ suˇ-awˇ, yaw muiˬ mˇ-eu maˬ kʼoˆ tsehˆ-a.”

Hawˇseˬ 4:6

Ngaˬ-euˬ tsawˇ jeuˬ cawˆ-iˇ-euˬ-aˬ, ngaˬ-ahˇ siˬ nya gaˇ taꞈ leˇ-eu tsawˇ gahˇ teˬ-eu baˬ da neh meh. Naw maꞈ piˇ ma geuꞈ-eu deuˬ-aˬ, ngaˬ neh mehˬ-euˬ dawˬ deuˬ pyeuꞈ-eu, tsawˇ gahˇ-ahˇ byehˇ dzeh-euˬ miˇ neh, ngaˬ-euˬ piˇ ma maˬ paˇ ngeuˇ meh. Miˬyehˇ-euˬ zahˇ dawˬ kʼoꞈ dawˬ-ahˇ, naw maꞈ byehˇ dzeh-euˬ baˬ da neh, naw maꞈ-euˬ zaˬ deuˬ uˆ deuˬ-ahˇ, ngaˇ maˬ haw cawˬ ni byehˇ dzeh ma.

Hawˇseˬ 7:10

Iˇsaˬleˬlaˆ miˇ kʼahˬ laꞈ kʼoeˇ, aˬ yawꞈ maꞈ neh yaw haiˬ mˇ-euˬ, aˬ yawꞈ maꞈ gaˬ dehˆ taˬ-euˬ meh. Kʼoeˇ naˆ naˆ-ehˇ pyeuꞈ laˇ taˬ kʼawꞈ, aˬ yawꞈ maꞈ-euˬ Miˬyehˇ pyeuꞈ-eu, Sahˬpaˬ Miˬyehˇ jawˇ-eu paw dzeˇ, aˬ yawꞈ maꞈ maˬ gʼoꞈ pyawˇ laˇ-a.

Maꞈtehˬ 13:19

Gaˇ ma-ahˇ ga-iˇ-euˬ siˬ yoeˬ lehˇ ehˇ-eu-aˬ, Miˬyehˇ Miˇkʼahˬ gaˇ kawˆ mehˬ gaˇ ya gaˬ-euˬ kʼawꞈ, maˬ gʼoˆ shaw nya-eu tsawˇ haˬ deuˬ-ahˇ ehˇ mawꞈ-eu meh. Haiˬ-eu yaw sahˇ laˇ-awˇ, aˬ yawꞈ maꞈ-euˬ nui ma laꞈ kʼoeˇ sehˬ ahˇ taˬ-euˬ jeˬ-ahˇ ja tawˆ ni yuˇ byoˆ gʼeh-eu meh.

Lormav 1:22

Yaw gahˇ ma lehˇ yawˬ haˇ yawˬ ha ehˇ kʼawꞈ, aˬ dzawˬ aˇ gah-ahˇ duˇ-eu meh.

Lormav 1:28

Miˬyehˇ gaˇ kawˆ dawˇ coe ni siˬ nya taˬ paˬ-ehˇ gʼeh-eu jeˬ-ahˇ aˬ yawꞈ maꞈ maˬ shaˇ noeˬ-eu baˬ da neh, aˬ yawꞈ maꞈ maˬ mˇ kʼmˬ-eu jeˬ mˇ ni, bahˬ dui jawꞈ dui dui-eu jeˬ mˇ-eu nui ma jaˆ gaˇ, Miˬyehˇ neh aˬ yawꞈ maꞈ-ahˇ a dzeh nehˬ-euˬ meh.

Lormav 3:10

Jaˇliꞈ laꞈ kʼoeˇ heu loꞈ-ehˇ ehˇ taˬ-euˬ meh. “Yaw tsaˬ yaw dawˇ poˆ-eu tsawˇ haˬ, tiˬ gʼaˬ-iˬ maˬ jawˇ-a.

Lormav 3:12

Dawˬ tawˆ luꞈ Miˬyehˇ-ahˇ byehˇ-awˇ, gaˇ bahˬ iˇ jiˇ-euˬ meh. Yaw muiˬ jeˬ-ahˇ mˇ-eu tsawˇ haˬ, tiˬ gʼaˬ-iˬ maˬ jawˇ-a.

Lormav 8:7

Tsawˇ haˬ ti gʼaˬ yawˬ ha-euˬ shiˬ shaˬ jiˇ nui noeˬ neh bi uˆ lahˇ shaw naˇ, Miˬyehˇ-ahˇ muiˇ-eu tsawˇ haˬ pyeuꞈ laˇ-eu meh. Aˬ jeˬ miˇ neh ehˇ naˇ, Miˬyehˇ-euˬ zahˇ dawˬ kʼoꞈ dawˬ-ahˇ aˬ yawꞈ maˬ caw teh-a. Caw teh-eu gʼaˇ duˬ maˇ maˇ ni maˬ gʼeh nya-a.

Tiˇtuˆ 3:3

Aˬ jeˬ miˇ neh ehˇ naˇ, aˬ dui kʼawꞈ dzeuˇ laˇ ngeh aˬ dzawˬ aˇ gah gah-awˇ, ehˇ dawˬ maˬ naˇ haˬ-euˬ uˬ taꞈ, yaw lehˬ yaw ca jeˬ-ahˇ mˇ-euˬ ma. Shiˬ shaˬ jiˇ-euˬ nui noeˬ nui loˆ hawˇ-eu byawˬ gʼa mo gʼa-eu gʼawˬ mya jeˬ-euˬ zaˬ kʼaˆ geuꞈ dzeuˇ yaꞈ-euˬ ma. Aˬ cawˬ-ahˇ myaˆ naˆ-euˬ uˬ taꞈ, coeˬ-eu ciˆ-eu jeˬ mˇ dzeuˇ yaꞈ-euˬ tsawˇ haˬ deuˬ pyeuꞈ-eu ma. Aˬ cawˬ aˬ dui-ahˇ bye-awˇ, aˬ dui kʼawꞈ aˬ cawˬ-ahˇ bye-euˬ ma.

1 Yoˇhaˬ 5:20

Maˇ maˇ ni gʼeh-eu Miˬyehˇ-ahˇ aˬ dui siˬ nya laˇ ni, Miˬyehˇ-euˬ Zaˬmaˇ oe-awˇ noeˬ siˬ noeˬ mawˇ nya-eu tsawˇ gahˇ biꞈ laꞈ-euˬ meh lehˇ aˬ dui siˬ nya ma. Aˬ yawꞈ-euˬ Zaˬmaˇ Yeˬsuˇ Ka li laꞈ kʼoeˇ aˬ dui jawˇ luꞈ-eu miˇ neh, maˇ maˇ ni gʼeh-eu Miˬyehˇ laꞈ kʼoeˇ aˬ dui jawˇ luꞈ-eu ma. Heu-aˬ, maˇ maˇ ni gʼeh-eu Miˬyehˇ hawˇ-eu mˬ maˬ maˬ byaꞈ zaˇ ziˇ dehꞈ-eu jeˬ pyeuꞈ-eu meh.