Lormav 2:24 - Akha

²⁴ “Naw maꞈ Yuˇdaˆ tsawˇ haˬ deuˬ baˬ da neh, Yuˇdaˆ tsawˇ haˬ maˬ ngeuˇ-eu deuˬ Miˬyehˇ-euˬ tsawˇ myahˇ cawˆ ni ngehˬ luꞈ tmˇ luꞈ meh” lehˇ, Jaˇliꞈ laꞈ kʼoeˇ ehˇ taˬ-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²⁴ Yaerbof-euq lafkhoer boftaq-euq lof-aer, “Nawmaf-euq baqda’nae, aqcawq tsawrjeuq tsawrca, Miqyaer-euq tsawrmyanr-anr yaeqbawq saerlu-aer aerluf-eu mae.” (Isy 52:5)

Lormav 2:24 ပူးပေါင်းရင်းမြစ်များ

2 Saˬmeuˬlaˆ 12:14

Ehˇ kʼawꞈ, kʼoeˇ loꞈ-ehˇ mˇ-eu laꞈ kʼoeˇ Sahˬpaˬ Miˬyehˇ-ahˇ nawˇ yaw zeu maˬ baw-euˬ miˇ neh, nawˬ-euˬ aˬ li ya shiˇ tehꞈ-a.”

Iˇsaˬyaˇ 52:5

Nymˬ-mˇ Baˬbuˇloˬ miˇ kʼahˬ kʼawꞈ, naw maꞈ-ahˇ kʼoeˇ loꞈ-ehˇ jahˇ nehˬ-euˬ meh. Naw maꞈ-ahˇ nyehꞈ geuꞈ gʼeh-awˇ, aˇ poeˬ maˬ biꞈ nehˬ-a. Naw maꞈ-ahˇ uˆ lahˇ-eu tsawˇ haˬ kʼoeˇ deuˬ kʼahˬ sehˇ jehˆ-awˇ, ngaˬ-ahˇ yaw zeu maˬ baw ni dehꞈ haw-eu maˬ naˬ leˇ-a.

Yeˬsaˬgeˬlaˇ 20:27

“Tsawˇ haˬ zaˬ-oˇ, nymˬ-mˇ poˆ jawˇ-aˬ, Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ pyeuꞈ-eu ngaˇ heu loꞈ-ehˇ ehˇ-eu meh lehˇ, Iˇsaˬleˬlaˆ tsawˇ haˬ deuˬ-ahˇ ehˇ nehˬ-awˬ. Aˬ yawꞈ maꞈ-euˬ aˬ da deuˬ ngaˬ-ahˇ saˇ jaˇ puiˬ-euˬ laꞈ kʼoeˇ, yehˬ bawˬ sehˇ lu-ehˇ gʼeh nehˬ laꞈ-euˬ heu loꞈ-ehˇ jaˆ-a siˬ.

Maꞈtehˬ 18:7

Tsawˇ haˬ zaˬ-euˬ jah-eu nui ma byoˆ-iˇ ni jahˇ-eu gʼawˬ mya jeˬ jaˆ-eu baˬ da neh, miˇ tsaˬ tahˬ kʼawˇ heu aˇ naˆ ni guˆ laˇ paˬ-ehˇ gʼeh-eu nga. Kʼoeˇ loꞈ-ehˇ gʼeh-eu jeˬ aˬ myah luꞈ jaˆ luꞈ meh. Ehˇ kʼawꞈ, kʼoeˇ loꞈ-ehˇ gʼeh-eu jeˬ bi doˆ laˇ ni mˇ-eu tsawˇ haˬ deuˬ ya noeˬ shaˬ dui dui tehꞈ-a.

1 Tiˆmoˇseˬ 5:14

Kʼoeˇ miˇ neh, aˬ dui-ahˇ muiˇ-eu deuˬ aˬ dui-euˬ gaˇ kawˆ ja bu ja doeˇ kʼaˇ maˬ bi za ni, aˇ kʼoꞈ maˬ kʼawˆ laˇ-euˬ zaˬ miˬ zaˬ deuˬ bi dahˬ dzaˬ-iˇ-awˇ, zaˬ ciˬ zaˬ cu mˇ-eu laꞈ kʼoeˇ yawˬ ha-euˬ nymˇ jiˇ-ahˇ bo saˆ-eu jeˬ-ahˇ ngaˇ geuꞈ mawꞈ-eu ma.

1 Tiˆmoˇseˬ 6:1

Miˬyehˇ-euˬ tsawˇ myahˇ-ahˇ maˬ ehˇ, aˬ dui neh mehˬ-euˬ tsoˆ-euˬ jeˬ-ahˇ maˬ ehˇ, tsawˇ haˬ tiˬ gʼaˬ-iˬ yaw doeˇ maˬ ya ehˇ ni, aˬ cawˬ-euˬ zaˬ kʼaˆ kʼaˇ geuꞈ luꞈ-eu tsawˇ haˬ dawˬ tawˆ luꞈ yawˬ ha-euˬ baw leˬ-ahˇ yaw zeu ya baw-eu gaˇ kawˆ siˬ nya paˬ-ehˇ gʼeh-eu meh.

Tiˇtuˆ 2:5

Aˇ kʼoꞈ maˬ kʼawˆ laˇ-euˬ zaˬ miˬ zaˬ kʼoeˇ deuˬ yawˬ ha-euˬ nui ma-ahˇ gʼaˬ leˇ-awˇ, muiˬ-eu nymˇ sahˇ aˬ ma deuˬ pyeuꞈ laˇ-eu laꞈ kʼoeˇ kʼaˬ dzeˇ zaˬ-euˬ laꞈ oꞈ awꞈ nya laˇ-eu miˇ neh, Miˬyehˇ-euˬ guiˬ lah dawˬ-ahˇ aˬ cawˬ ja bu ja doeˇ kʼaˇ maˬ za-ehˇ pyeuꞈ laˇ ni aˬ yawꞈ maꞈ ya mehˬ ya tsoˆ-eu meh.

Tiˇtuˆ 2:8

Nawˬ-ahˇ muiˇ-eu tsawˇ haˬ deuˬ aˬ dui-ahˇ ja bu ja doeˇ kʼaˇ maˬ za ni bi shaꞈ dawˇ-iˇ pa-ehˇ, yaw lehˬ maˬ poˆ doˆ nya-eu tsaˬ-eu muiˬ-eu dawˬ deuˬ zmˬ-awˇ mehˬ-awˬ tsoˆ-awˬ.

2 Beˬtuˆluˆ 2:2

Ehˇ kʼawꞈ, aˬ yawꞈ maꞈ maˬ muiˬ maˬ jaˬ-eu jeˬ mˇ-eu mehˬ nah tsawˇ haˬ gʼawˬ mya ni caw teh gʼeh tehꞈ-a. Aˬ yawꞈ maꞈ kʼoeˇ loꞈ-ehˇ mˇ-eu baˬ da neh, yaw tsaˬ yaw dawˇ Gaˇma-ahˇ aˬ cawˬ ja doeˇ tehꞈ-a.