Lormav 2:21 - Akha

²¹ Nawˇ aˬ cawˬ-ahˇ mehˬ-eu tsoˆ-eu jeˬ maˇ-iˬ, aˬ jeˬ miˇ neh yawˬ haˇ yawˬ ha maˬ mehˬ maˬ tsoˆ te. Smˇ kʼoeˬ taˬ kʼoeˬ lehˇ aˬ cawˬ-ahˇ dawˬ mehˬ mehˬ-awˇ, yawˬ ha gʼaˬ smˇ kʼoeˬ kʼoeˬ luꞈ te loˇ.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²¹ Nawr, aqcawq-anr maeqnaeq tsovnaeq-eu khawf, yawqhar yawqha maqmaeq-eu le lor? Nawr, aqcawq-anr smrkhoeq taqkhoeq laer dawqmaeq maeq-eu khawf, nawr ghaq parkhoeq-eu le laq?

Lormav 2:21 ပူးပေါင်းရင်းမြစ်များ

Iˇsaˬyaˇ 42:20

Iˇsaˬleˬlaˆ-oˇ, nawˬ neh mawˇ-euˬ jeˬ maˬ gui jiˇ coeˇ-a. Ehˇ kʼawꞈ, dawˬ tsuiꞈ gʼoˆ nya ma loˇ. Naw maꞈ gaˬ-eu naˬ bawˇ tsoꞈ kʼawꞈ, gaˬ duˬ taˬ-euˬ aˬ jeˬ jaˆ te.”

Iˇsaˬyaˇ 56:11

Biꞈ dehˆ-euˬ maˬ baw-eu aˬ kuiˬ loꞈ-ehˇ, aˬ yuiꞈ aˬ tsu kʼoeˇ deuˬ noeˬ siˬ nya-eu jeˬ maˬ ahˇ-ehˇ, yawˬ gʼaˬ na luꞈ yawˬ ha nui kʼahˇ poˆ-awˇ, yawˬ ha-ahˇ muiˬ laˇ ni leh jeh-eu meh.

Yeˬsaˬgeˬlaˇ 22:27

Sahˬpaˬ sahˬ ma geuꞈ-eu deuˬ-aˬ, jeˬ zaˬ kawꞈ sehꞈ-awˇ, pyaˆ dzaˬ luꞈ-eu kʼaˬ yehˇ-ahˇ duˇ-eu meh. Aˬ yawꞈ maꞈ smˇ muiˬ muiˬ laˇ ni tsawˇ haˬ sehꞈ-eu meh.

Miˇkaˬ 3:11

Meuˬ-ahˇ uˆ lahˇ-eu deuˬ, laꞈ nmꞈ nmꞈ nehˬ gaˇ haw-awˇ uˆ lahˇ luꞈ meh. Piˇ ma deuˬ-aˬ, aˇ poeˬ za gaˇ haw-awˇ zahˇ dawˬ kʼoꞈ dawˬ-euˬ dawˬ tsuiꞈ yuˇ doˆ nehˬ luꞈ-awˇ, Miˬyehˇ gʼaˇ duˬ ngehˬ dah-eu deuˬ kʼawꞈ, pyuˇ myaˆ pyawˬ-ahˇ haw-awˇ ngehˬ dah luꞈ-eu meh. Ehˇ kʼawꞈ, aˬ yawꞈ maꞈ dawˬ tawˆ luꞈ Sahˬpaˬ Miˬyehˇ aˬ yawꞈ maꞈ nehˬ-ehˇ jawˇ meh lehˇ ehˇ-eu meh. “Luˬ-iˇ seˇ-iˇ-eu jeˬ nga maꞈ kʼoeˇ taˆ maˬ keuˆ le-aˇ. Sahˬpaˬ Miˬyehˇ nga maꞈ nehˬ-ehˇ jawˇ ma” lehˇ aˬ yawꞈ maꞈ ehˇ-eu meh.

Maꞈtehˬ 21:13

Tsawˇ haˬ kʼoeˇ deuˬ-ahˇ aˬ yawꞈ ehˇ nehˬ-eu, “‘Ngaˬ-euˬ Uˬ duˬ tahˬ nymˇ nymˇ ma-ahˇ guiˬ lahˬ shaˇ-eu nymˇ lehˇ kuˇ tehꞈ-a’ lehˇ, Miˬyehˇ neh ehˇ taˬ-euˬ gaˇ kawˆ Jaˇliꞈ laꞈ kʼoeˇ boꞈ taˬ-euˬ meh. Ehˇ kʼawꞈ, Uˬ duˬ tahˬ nymˇ nymˇ ma heu smˇ kʼoeˬ tahˇ joe-euˬ baˇ shmˇ duˬ pyeuꞈ-iˇ ni naw maꞈ jahˇ luꞈ-eu ngaˇ.”

Luˇkaꞈ 11:46

Yeˬsuˇ ehˇ-eu, “Zahˇ dawˬ kʼoꞈ dawˬ mehˬ-eu saˬ laˬ deuˬ-oˇ, naw maꞈ kʼawꞈ ya noeˬ shaˬ dui dui tehꞈ-a. Aˬ jeˬ miˇ neh ehˇ naˇ, naw maꞈ aˬ cawˬ-ahˇ maˬ pi coeˇ-eu kʼaˆ behˆ ciˬ pi-awˇ, naw maꞈ-aˬ, laꞈ noeˇ neh tehꞈ-ehˇ kʼawꞈ caw dehˬ caw toˆ nehˬ-eu maꞈ baw-a.

Luˇkaꞈ 12:47

“Baw leˬ-euˬ nui kʼahˇ siˬ nya siˬ nya-ehˇ, baw leˬ-euˬ nui kʼahˇ maˬ mˇ-eu zaˬ kʼaˆ-aˬ, yaw kʼaˆ-ehˇ diˬ gaˇ ya daˬ tehꞈ-a.

Luˇkaꞈ 19:22

“Aˬ yawꞈ ehˇ kʼoꞈ nehˬ-eu, ‘Haiˬ dui dui-eu zaˬ kʼaˆ-oˇ, nawˬ-euˬ kʼaˬ meh-ahˇ doˆ le-euˬ dawˬ neh, nawˬ-ahˇ ngaˇ yaˇ kʼaˬ daˇ ma. Ngaˬ neh maˬ yuˇ taˬ-euˬ gaˇ ngaˇ yuˇ geuꞈ-awˇ, ngaˬ neh maˬ sehˬ-euˬ gaˇ ngaˇ yehˬ dzaˬ-euˬ nawˇ siˬ duˬ-eu nga laˬ.

Luˇkaꞈ 4:23

Kʼoeˇ naˇ, aˬ yawꞈ maꞈ-ahˇ Yeˬsuˇ heu loꞈ-ehˇ ehˇ nehˬ-euˬ meh. “‘Saˬ laˬ gʼoˬ-oˇ, yawˬ ha-euˬ naˇ gawˇ jeˬ huˬ laˆ taˬ-awˬ’ lehˇ ehˇ-eu dawˬ daˬ loꞈ-ehˇ, naw maꞈ ngaˬ-ahˇ ehˇ mawꞈ tehꞈ-a lehˇ ngaˇ siˬ nya ma. Gaˬbeˬneˬoˬ meuˬ-ahˇ ngaˬ neh mˇ mehˬ yaꞈ-euˬ jeˬ, heu gaˇ jiˇ mˇ mehˬ haw sheˇ lehˇ naw maꞈ ehˇ mawꞈ tehꞈ-a.

1 Gawˇliˬtu 9:27

Aˬ cawˬ-ahˇ dawˬ mehˬ mehˬ-eu gʼaˬ geuꞈ-eu kʼawꞈ, yawˬ ha gʼaˬ Miˬyehˇ mehˬ shi smˬ-iˇ-euˬ tsawˇ haˬ maˬ ya pyeuꞈ-eu gʼaˇ duˬ, ngaˬ-euˬ gʼawˇ mawˇ gʼahˇ laˇ ni yawˬ haˇ yawˬ ha teˇ teˇ-ehˇ zuiˆ luꞈ-eu ma.

Gaˬlaˬtiˆ 6:13

Baˆ kʼoˆ mehˬ dzaˬ yehˬ-euˬ tsawˇ haˬ deuˬ kʼawꞈ, Zahˇ dawˬ kʼoꞈ dawˬ mehˬ nah maˬ caw teh-a. Shiˬ shaˬ jiˇ gʼawˇ mawˇ-ahˇ taꞈ-eu zahˇ heu hmˬ-ahˇ naw maꞈ mˇ ni aˬ yawꞈ maꞈ jahˇ nya ma lehˇ kʼahˬ sehˇ jehˆ mawꞈ-eu miˇ neh, naw maꞈ-ahˇ baˆ kʼoˆ mehˬ dzaˬ bi yehˬ mawꞈ-eu meh.