Lormav 2:19 - Akha

¹⁹ Nawˇ-aˬ, myaˆ behꞈ-ahˇ gaˇ ma sheuˬ mehˬ-eu tsawˇ haˬ pyeuꞈ-awˇ, yaw zahˇ laꞈ kʼoeˇ jawˇ-eu tsawˇ haˬ deuˬ gʼaˇ duˬ yaw shehꞈ pyeuꞈ-eu ma lehˇ, yawˬ haˇ yawˬ ha sawˇ taˬ-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁹ Nawr, myavbaef-anr garma sheuqmaeq-eu tsawrhaq pyeuf-awr, yawzanr-euq lafkhoer jawr-eu tsawrhaq-anr yawshaef bya’naeq-eu tsawrhaq pyeuf-eu ma laer yawduq baw-eu mae.

Lormav 2:19 ပူးပေါင်းရင်းမြစ်များ

Dawqdaq 26:12

Yawˬ ha maˬ bym gaˇ bym ma lehˇ noeˬ-eu tsawˇ haˬ-aˬ, aˬ dzawˬ aˇ gah naˆ maˬ tseˇ doeˇ-eu meh.

Iˇsaˬyaˇ 49:6

Sahˬpaˬ Miˬyehˇ ngaˬ-ahˇ heu loꞈ-ehˇ ehˇ-eu meh. “Ngaˬ-euˬ zaˬ kʼaˆ-oˇ, ngaˇ nawˬ-ahˇ, huiˬ dzehˬ-eu gaˇ paˇ bi mˇ ma. Dzeuˇ-iˇ-euˬ Iˇsaˬleˬlaˆ tsawˇ haˬ-ahˇ sheuˬ kʼoꞈ doˆ-awˇ, aˬ yawꞈ maꞈ dehꞈ doˆ dzaˬ laˇ ni ya mˇ-eu gaˇ tehꞈ-ehˇ maˬ ngeuˇ, mˬ dzeˇ miˇ dzeˇ keuˆ ni ka kʼoꞈ-eu jeˬ za ni, nawˬ-ahˇ miˇ tsaˬ-euˬ yaw shehꞈ paˇ bi geuꞈ-eu ma.”

Iˇsaˬyaˇ 5:21

Yawˬ haˇ yawˬ ha tsawˇ gahˇ ahˇ ma lehˇ noeˬ-awˇ, yawˬ haˇ yawˬ ha bym ma lehˇ noeˬ-eu deuˬ, ya noeˬ shaˬ dui dui tehꞈ-a.

Iˇsaˬyaˇ 56:10

Ngaˬ-euˬ tsawˇ haˬ deuˬ-ahˇ mehˬ-eu tsoˆ-eu gʼaˇ duˬ, aˬ yuiꞈ aˬ tsu bi geuꞈ taˬ-euˬ kʼoeˇ deuˬ, dawˬ tawˆ luꞈ myaˆ behꞈ tahˬ sawˇ meh. Aˬ yawꞈ maꞈ tiˬ jeˬ-iˬ maˬ siˬ nya-ehˇ, maˬ tsehꞈ-eu nymˇ loꞈ aˬ kuiˬ-ahˇ duˇ-awˇ, yuꞈ ja taˬ-awˇ yuꞈ maˆ maˆ-eu, yuꞈ gaˇ gaˬ-eu aˬ kuiˬ-ahˇ duˇ-eu meh.

Maꞈtehˬ 15:14

Aˬ yawꞈ maꞈ gʼaˇ duˬ kʼahˬ taˬ lahˇ. Aˬ yawꞈ maꞈ-aˬ, myaˆ behꞈ deuˬ-ahˇ sheuˬ gʼeh-eu myaˆ behꞈ behꞈ-eu aˬ yuiꞈ aˬ tsu meh. Myaˆ behꞈ neh myaˆ behꞈ-ahˇ sheuˬ gʼeh naˇ, nyiˬ gʼaˬ luꞈ duˬ kʼahˬ-ahˇ ga ahˇ tehꞈ-a.”

Maꞈtehˬ 4:16

Yaw zahˇ laꞈ kʼoeˇ jawˇ luꞈ-eu deuˬ, yaw shehꞈ ya mawˇ-euˬ meh. Shiˇ-eu miˇ kʼahˬ yaw zahˇ laꞈ kʼoeˇ, kʼaˇ jawˇ-eu tsawˇ haˬ deuˬ kʼoeˇ taˆ, yaw shehꞈ bya keuˆ le gʼaˬ-euˬ meh.”

Maꞈtehˬ 5:14

“Naw maꞈ-aˬ, miˇ tsaˬ dawˬ tawˆ luꞈ gʼaˇ duˬ yaw shehꞈ pyeuꞈ-eu meh. Gawˬ jawˬ uˬ du jaˆ-eu meuˬ-ahˇ maˬ dehˬ kaˬ zaꞈ nya-a.

Maꞈtehˬ 6:23

Ehˇ kʼawꞈ, nawˬ-euˬ myaˆ nuiˆ maˬ muiˬ naˇ, nawˬ-euˬ gʼawˇ mawˇ mawˇ lah-ehˇ zahˇ tsui ni jaˆ tehꞈ-a. Kʼoeˇ miˇ neh, nawˬ-euˬ laꞈ kʼoeˇ ahˇ-eu yaw shehꞈ kʼoeˇ zahˇ tsui ni gʼeh naˇ, yaw zahˇ kʼoeˇ aˇ naˆ ni doeˇ nmˇ.

Maˬkuˆ 10:15

Zaˬ yaw nyiˇ tiˬ gʼaˬ loꞈ-ehˇ Miˬyehˇ Miˇkʼahˬ-ahˇ maˬ ha geuꞈ-eu tsawˇ haˬ aˬ geu gʼaˬ maˬ kaˬ, kʼoeˇ gaˇ maˬ ya uˇ leˇ-aˇ lehˇ, naw maꞈ-ahˇ ngaˇ maˇ jawˆ ni ehˇ-eu ma.”

Luˇkaꞈ 1:79

shiˇ-eu naˇ shmˇ yaw zahˇ uˬ moˆ, kʼaˇ dehꞈ kʼaˇ jawˇ-eu deuˬ kʼoeˇ taˆ, mˬ taˆ neh bya ka leꞈ tehꞈ-a. Nui saˇ oꞈ-eu gaˇ ma kʼoeˇ taˆ, kuiˇ toꞈ paˇ ciˬ kʼoꞈ daˆ nya ni, aˬ dui ahˇ sheuˬ gʼeh laꞈ tehꞈ-a.”

Yoˇhaˬ 9:34

Aˬ yawꞈ maꞈ aˬ yawꞈ-ahˇ ehˇ-eu, “Nawˇ loꞈ-ehˇ gʼeh-eu iˬ baˇ laꞈ kʼoeˇ dehꞈ le-awˇ huiˬ laˇ-euˬ tsawˇ haˬ tiˬ gʼaˬ nga maꞈ-ahˇ paˇ mehˬ paˇ tsoˆ-eu gʼeh te loˇ.” Kʼoeˇ naˇ, aˬ yawꞈ-ahˇ Yuˇdaˆ tsawˇ haˬ-euˬ uˬ duˬ tahˬ nymˇ-ahˇ maˬ bi taꞈ ni teh dzeh nehˬ-euˬ meh.

Gʼaˬkʼehˇ 26:18

Aˬ yawꞈ maꞈ jah-eu laꞈ kʼoeˇ iˬ baˇ pyehˬ nehˬ-euˬ jeˬ-ahˇ za-awˇ, Miˬyehˇ neh tseˇ doˆ-euˬ tsawˇ haˬ deuˬ nehˬ-ehˇ jawˇ duˬ za nya ni aˬ yawꞈ maꞈ-euˬ myaˆ nuiˆ nawˇ pah nehˬ-awˇ, yaw zahˇ laꞈ kʼoeˇ neh yaw shehꞈ-ahˇ ya sheuˬ kʼoꞈ laꞈ nehˬ-awˇ, Saˬdaˬ-euˬ baoˬ uˬ moˆ jawˇ luꞈ-eu deuˬ-ahˇ Miˬyehˇ jawˇ paw ya sheuˬ kʼoꞈ laꞈ nehˬ meh’ lehˇ ehˇ-eu meh.

Lormav 2:18

Miˬyehˇ bi mˇ mawꞈ-eu jeˬ-ahˇ nawˇ siˬ nya-awˇ, yaw muiˬ jeˬ-ahˇ aˬ joˆ-ehˇ ya tseˇ geuꞈ-eu gaˇ kawˆ Zahˇ dawˬ kʼoꞈ dawˬ laꞈ kʼoeˇ mehˬ taˬ-euˬ nawˇ siˬ nya meh.

Lormav 2:20

Aˬ dzawˬ aˇ gah deuˬ-ahˇ mehˬ paˇ tsoˆ paˇ-eu tsawˇ haˬ pyeuꞈ-awˇ, maˬ siˬ maˬ nya-eu tsawˇ haˬ deuˬ-ahˇ mehˬ nehˬ tsoˆ nehˬ-eu tsawˇ haˬ ma lehˇ nawˇ sawˇ taˬ-euˬ meh. Zaˬ siˬ tsawˇ gahˇ hawˇ-eu yaw tsaˬ yaw dawˇ dawˬ tawˆ luꞈ Zahˇ dawˬ kʼoꞈ dawˬ laꞈ kʼoeˇ ahˇ jiˇ ma lehˇ nawˇ jah duˬ taˬ-euˬ meh.

1 Gawˇliˬtu 3:18

Tsawˇ haˬ tiˬ gʼaˬ-iˬ yawˬ haˇ yawˬ ha jaˬ myawꞈ myawꞈ-eu maˬ tsaˬ-a. Tsawˇ haˬ tiˬ gʼaˬ na miˇ tsaˬ heu kʼoeˇ taˆ zaˬ siˬ tsawˇ gahˇ ahˇ ma lehˇ noeˬ naˇ, aˬ diˇ aˬ maˇ tsawˇ gahˇ ahˇ-eu tsawˇ haˬ pyeuꞈ laˇ nya ni, tsawˇ gahˇ maˬ ahˇ-eu tsawˇ haˬ jeˬ huˬ pyeuꞈ-iˇ-eu tsaˬ meh.

1 Gawˇliˬtu 4:10

Nga maꞈ-aˬ, Ka li gʼaˇ duˬ aˬ dzawˬ aˇ gah pyeuꞈ-eu ma. Ehˇ kʼawꞈ, naw maꞈ-aˬ, Ka li laꞈ kʼoeˇ zaˬ siˬ tsawˇ gahˇ ahˇ-eu tsawˇ haˬ meh. Nga maꞈ gʼaˬ baˬ-awˇ, naw maꞈ gʼaˬ kʼaˆ-eu meh. Nga maꞈ-ahˇ aˬ cawˬ taˬ nyiˇ dui dui-awˇ, naw maꞈ-ahˇ taˬ huiˬ-eu meh.

Piˇliˇpiˆ 2:15

Kʼoeˇ loꞈ-ehˇ mˇ naˇ, iˬ baˇ mˇ-awˇ bahˬ-eu muˆ-eu tsawˇ haˬ deuˬ jawˇ-eu miˇ tsaˬ heu kʼoeˇ taˆ, naw maꞈ-aˬ, iˬ baˇ taˬ kʼaˇ maˬ za ni muiˬ dui dui-eu Miˬyehˇ-euˬ zaˬ deuˬ pyeuꞈ laˇ tehꞈ-a. Mˬ kʼoeˇ taˆ tsehˬ-eu aˬ guiˇ loꞈ-ehˇ aˬ yawꞈ maꞈ-ahˇ yaw shehꞈ bya nehˬ-awˬ.