Lormav 2:17 - Akha

¹⁷ Nawˬ-euˬ gaˇ kawˆ aˬ joˆ-ehˇ ehˇ paˬ nga. Nawˇ Yuˇdaˆ tsawˇ haˬ ma lehˇ nawˇ yawˬ haˇ yawˬ ha ehˇ-eu meh. Zahˇ dawˬ kʼoꞈ dawˬ-ahˇ gʼoe luꞈ-awˇ, Miˬyehˇ-euˬ tsawˇ haˬ ma lehˇ kʼahˬ sehˇ jehˆ-eu meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁷ Nawr aqdir Yurdav tsawrhaq ma laer aer-awr, zanrdawq-anr ghoe-eu uqtaf, Miqyaer-anr taf-eu jeq-anr khanqsaer jaev-eu mae.

Lormav 2:17 ပူးပေါင်းရင်းမြစ်များ

Jaceuq 135:4

Aˬ yawꞈ-euˬ tsawˇ haˬ bi geuꞈ-eu gʼaˇ duˬ Yaˬkoˆ-ahˇ tseˇ doˆ-awˇ, aˬ yawꞈ-euˬ tsawˇ jeuˬ bi geuꞈ-eu gʼaˇ duˬ Iˇsaˬleˬlaˆ-ahˇ aˬ yawꞈ tseˇ doˆ-euˬ meh.

Iˇsaˬyaˇ 45:25

Yaˬkoˆ-euˬ zaˬ deuˬ uˆ deuˬ dawˬ tawˆ-ahˇ, ngaˇ Sahˬpaˬ Miˬyehˇ ka kʼoꞈ-awˇ, aˬ yawꞈ maꞈ ngaˬ-ahˇ ya ja ceuˬ tehꞈ-a.

Miˇkaˬ 3:11

Meuˬ-ahˇ uˆ lahˇ-eu deuˬ, laꞈ nmꞈ nmꞈ nehˬ gaˇ haw-awˇ uˆ lahˇ luꞈ meh. Piˇ ma deuˬ-aˬ, aˇ poeˬ za gaˇ haw-awˇ zahˇ dawˬ kʼoꞈ dawˬ-euˬ dawˬ tsuiꞈ yuˇ doˆ nehˬ luꞈ-awˇ, Miˬyehˇ gʼaˇ duˬ ngehˬ dah-eu deuˬ kʼawꞈ, pyuˇ myaˆ pyawˬ-ahˇ haw-awˇ ngehˬ dah luꞈ-eu meh. Ehˇ kʼawꞈ, aˬ yawꞈ maꞈ dawˬ tawˆ luꞈ Sahˬpaˬ Miˬyehˇ aˬ yawꞈ maꞈ nehˬ-ehˇ jawˇ meh lehˇ ehˇ-eu meh. “Luˬ-iˇ seˇ-iˇ-eu jeˬ nga maꞈ kʼoeˇ taˆ maˬ keuˆ le-aˇ. Sahˬpaˬ Miˬyehˇ nga maꞈ nehˬ-ehˇ jawˇ ma” lehˇ aˬ yawꞈ maꞈ ehˇ-eu meh.

Zeˬpaˬniˇ 3:11

Aˇ yamˬ kʼoeˇ yamˬ keuˆ laˇ ngeh jawˇ, nui ma huiˬ-eu mahˇ-eu tsawˇ haˬ, ngaˇ laˆ byoˆ jiˇ nehˬ-euˬ miˇ neh, ngaˬ-euˬ gawˬ duˇ yaw shawˇ kʼoeˇ taˆ, naw maꞈ iˬ baˇ maˬ paˇ mˇ-ehˇ, ngaˬ-euˬ tsawˇ haˬ pyeuꞈ-eu naw maꞈ, aˇ hu ngaˬ-ahˇ puiˬ-euˬ gaˇ kawˆ, shaꞈ dawˇ poˆ-eu maˬ paˇ loˬ meh.

Maꞈtehˬ 3:9

Aˬbyaˬhaˬ naw maꞈ-euˬ aˬ da ma lehˇ ehˇ naˇ, kʼehˬ-eu kʼaˆ-eu jeˬ-ahˇ ya buˬ-iˇ ma lehˇ naw maꞈ taˬ noeˬ. Ngaˇ naw maꞈ-ahˇ ehˇ nehˬ nyaˇ. Kʼaˬ lo heu deuˬ kʼawꞈ Aˬbyaˬhaˬ-euˬ zaˬ pyeuꞈ jiˇ laˇ ni Miˬyehˇ jahˇ nya meh.

Luˇkaꞈ 10:28

Yeˬsuˇ ehˇ-eu, “Nawˇ ehˇ-eu tsaˬ meh. Kʼoeˇ loꞈ-ehˇ mˇ-awˬ. Mˬ maˬ maˬ byaˆ zaˇ ziˇ dehꞈ-eu jeˬ-ahˇ nawˇ za tehꞈ-a.”

Yoˇhaˬ 5:39

Jaˇ liꞈ laꞈ kʼoeˇ mˬ maˬ maˬ byaˆ zaˇ ziˇ dehꞈ-eu jeˬ-ahˇ poˆ mawˇ nya tehꞈ-a lehˇ naw maꞈ noeˬ-awˇ, Jaˇ liꞈ gui-eu meh. Naw maꞈ gui-eu Jaˇ liꞈ kʼoeˇ-euˬ laꞈ kʼoeˇ, ngaˬ-euˬ gaˇ kawˆ ehˇ taˬ-euˬ meh.

Yoˇhaˬ 5:45

Ngaˇ-aˬ, naw maꞈ-euˬ yaw lehˬ Ngaˬda-ahˇ ja mehˬ leˇ-eu gʼaˬ meh lehˇ taˬ noeˬ. Naw maꞈ noeˬ tmˬ-awˇ nui ma huiˬ taˬ-euˬ Moˇseˬ-aˬ, naw maꞈ-euˬ yaw lehˬ Ngaˬda-ahˇ ja mehˬ leˇ tehꞈ-a.

Yoˇhaˬ 7:19

Moˇseˬ neh naw maꞈ-ahˇ Zahˇ dawˬ kʼoꞈ dawˬ biꞈ yaꞈ-euˬ maˬ ngeuˇ-a loˇ. Ehˇ kʼawꞈ, naw maꞈ tiˬ gʼaˬ-iˬ Zahˇ dawˬ kʼoꞈ dawˬ-ahˇ maˬ caw teh-a. Aˬ jeˬ miˇ neh naw maꞈ ngaˬ-ahˇ sehꞈ-eu lehˇ leh jeh te.”

Yoˇhaˬ 8:33

Aˬ yawꞈ maꞈ ehˇ-eu, “Nga maꞈ Aˬbyaˬhaˬ-euˬ zaˬ deuˬ uˆ deuˬ ma. Aˬ cawˬ-euˬ zaˬ kʼaˆ kʼawꞈ tiˬ jawˇ-iˬ maˬ geuꞈ haw-aˬ. ‘Naw maꞈ ya buˬ-iˇ tehꞈ-a’ lehˇ nawˇ ehˇ-eu teu, aˬ jeˬ ehˇ mawꞈ te.”

Yoˇhaˬ 8:41

Naw maꞈ-aˬ, naw maꞈ-euˬ aˬ da mˇ-euˬ loꞈ-ehˇ mˇ-eu meh. Aˬ yawꞈ maꞈ ehˇ-eu, “Nga maꞈ-euˬ aˬ da-aˬ, Miˬyehˇ tiˬ gʼaˬ tehꞈ ma. Nga maꞈ maˇ maˇ ni aˬ yawꞈ-euˬ zaˬ ma. Jawˇ zaˇ shaˬ leˇ-awˇ dehꞈ le-euˬ zaˬ deuˬ maˬ ngeuˇ.”

Lormav 2:23

Nawˇ Miˬyehˇ-euˬ zahˇ dawˬ kʼoꞈ dawˬ jaˆ ma lehˇ kʼahˬ sehˇ jehˆ-eu kʼawꞈ, zahˇ dawˬ kʼoꞈ dawˬ-ahˇ mˇ bahˬ mˇ bahˬ-ehˇ, Miˬyehˇ-euˬ myaˆ pyawˬ naˇ mehˇ cawˆ ni jahˇ luꞈ te loˇ.

Lormav 3:27

Toˆ-ehˇ ngeuˇ naˇ, aˬ dui nui ma huiˬ kʼaˇ aˬ gaˇ paˇ za ta. Tiˬ gaˇ-iˬ maˬ paˇ za meh. Aˬ jeˬ miˇ neh ehˇ naˇ, Zahˇ dawˬ kʼoꞈ dawˬ mehˬ nah caw teh-eu baˬ da neh Miˬyehˇ-ahˇ tsaˬ leˇ tsahˇ leˇ-eu tsawˇ haˬ pyeuꞈ laˇ nya-eu maˬ ngeuˇ-a. Jah-eu baˬ da neh tehꞈ-ehˇ pyeuꞈ laˇ nya-eu meh.

Lormav 9:32

Aˬ jeˬ miˇ neh maˬ poˆ mawˇ nya ta lehˇ ehˇ ngeh, jah-eu jeˬ-ahˇ aˬ yawꞈ maꞈ maˬ gʼoe-ehˇ, yawˬ ha neh mˇ-euˬ shaˇ-euˬ jeˬ-ahˇ tehꞈ-ehˇ gʼoe-eu miˇ neh meh. Kʼoeˇ miˇ neh, “tsawˇ haˬ zaˬ sahˬ tiꞈ tiꞈ-eu kʼaˬ lo”-ahˇ aˬ yawꞈ maꞈ sahˬ tiꞈ tiꞈ-euˬ meh.

2 Gawˇliˬtu 11:22

Aˬ yawꞈ maꞈ Heˬbyehˇ tsawˇ haˬ ngeuˇ naˇ, ngaˇ kʼawꞈ Heˬbyehˇ tsawˇ haˬ ma. Aˬ yawꞈ maꞈ Iˇsaˬleˬlaˆ tsawˇ haˬ ngeuˇ naˇ, ngaˇ kʼawꞈ Iˇsaˬleˬlaˆ tsawˇ haˬ ma. Aˬ yawꞈ maꞈ Aˬbyaˬhaˬ-euˬ zaˬ ngeuˇ naˇ, ngaˇ kʼawꞈ ngeuˇ ma.

Gaˬlaˬtiˆ 2:15

Aˬ dui maꞈ-aˬ, dehꞈ le ngeh neh maˇ maˇ ni Yuˇdaˆ tsawˇ haˬ ma. Aˬ yawꞈ maꞈ ehˇ-eu loꞈ-ehˇ, “aˬ cawˬ tsawˇ jeuˬ iˬ baˇ zaˬ deuˬ” maˬ ngeuˇ.

Eˇpeˇsu 2:11

Kʼoeˇ miˇ neh, dehꞈ le ngeh neh Yuˇdaˆ tsawˇ haˬ maˬ ngeuˇ-eu naw maꞈ-ahˇ, Yuˇdaˆ tsawˇ haˬ deuˬ neh “baˆ kʼoˆ mehˬ dzaˬ maˬ yehˬ-euˬ tsawˇ haˬ” lehˇ bi kuˇ-awˇ, Yuˇdaˆ tsawˇ haˬ deuˬ yawˬ haˇ yawˬ ha “baˆ kʼoˆ mehˬ dzaˬ yehˬ-euˬ tsawˇ haˬ deuˬ” lehˇ kuˇ-euˬ gaˇ taˬ ngehˇ. (Dawˬ kʼoeˇ dawˬ-aˬ, tsawˇ haˬ zaˬ neh shiˬ shaˬ jiˇ gʼawˇ mawˇ-ahˇ mˇ-euˬ jeˬ-ahˇ ehˇ mawꞈ-eu meh.)

Panmaeq 2:9

Nawˇ aˇ naˆ ni shaˬ zahˬ mˇ luꞈ-eu gaˇ kawˆ hawˇ-eu, aˇ naˆ ni iˇ shaˬ shaˬ-eu gaˇ kawˆ ngaˇ siˬ nya ma. Ehˇ kʼawꞈ, maˇ maˇ ni ehˇ leꞈ naˇ, nawˇ smˇ muiˬ muiˬ-eu meh. Yuˇdaˆ tsawˇ haˬ maˬ ngeuˇ gaˇ yawˬ haˇ yawˬ ha ngeuˇ ma lehˇ ehˇ-eu tsawˇ haˬ kʼoeˇ deuˬ neh nawˬ-ahˇ aˇ naˆ ni ja bu ja doeˇ-euˬ gaˇ kawˆ ngaˇ siˬ nya ma. Aˬ yawꞈ maꞈ-aˬ, nehꞈ Saˬdaˬ-ahˇ taꞈ-eu aˇ muˇ tiˬ muˇ meh.

Panmaeq 3:1

“Saˬdiˇ Ka li zaˬ aˇ muˇ-euˬ mˬ taˆ gʼaˬ kʼehˇ-ahˇ heu loꞈ-ehˇ boꞈ nehˬ-awˬ. “Heu-aˬ, Miˬyehˇ-euˬ Yaw sahˇ shiꞈ sahˇ jawˇ-awˇ, aˬ guiˇ shiꞈ siˬ jaˆ-eu gʼaˬ-euˬ dawˬ meh. Nawˇ aˬ jeˬ mˇ luꞈ-eu gaˇ kawˆ ngaˇ siˬ nya ma. Nawˇ-aˬ, shiˇ-euˬ kʼawꞈ, dehꞈ luꞈ-eu meh lehˇ aˬ cawˬ sawˇ taˬ-euˬ meh.

Panmaeq 3:9

Naˇ haˬ-awˬ. Yuˇdaˆ tsawˇ haˬ maˬ ngeuˇ gaˇ yawˬ haˇ yawˬ ha ngeuˇ ma lehˇ ehˇ-eu nehꞈ Saˬdaˬ-ahˇ taꞈ-eu aˇ muˇ kʼoeˇ muˇ-ahˇ, nawˬ-euˬ aˬ kuiˇ dawˬ peh uˬ duˬ bi shaˇ tahˬ laˇ ma. Ngaˇ nawˬ-ahˇ gaˬ-eu gaˇ kawˆ aˬ yawꞈ maꞈ dawˬ tawˆ luꞈ ya siˬ tehꞈ-a.