Lormav 2:14 - Akha

¹⁴ Yuˇdaˆ tsawˇ haˬ maˬ ngeuˇ-eu deuˬ-aˬ, Moˇseˬ neh biꞈ-euˬ Zahˇ dawˬ kʼoꞈ dawˬ maˬ jaˆ-a. Ehˇ kʼawꞈ, aˬ yawꞈ maꞈ noeˬ siˬ nya-awˇ Zahˇ dawˬ kʼoꞈ dawˬ laꞈ kʼoeˇ ehˇ taˬ-euˬ loꞈ-ehˇ dehꞈ tsaˬ nya naˇ, aˬ yawꞈ maꞈ-euˬ noeˬ siˬ nya-eu nui ma-aˬ, aˬ yawꞈ maꞈ-euˬ zahˇ dawˬ kʼoꞈ dawˬ pyeuꞈ-eu meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁴ Zanrdawq maqjav-eu aqcawq tsawrjeuq tsawrca deuq, zanrdawq maqjav-eu khawf, aqyawfmaf, yawqhar yawqha noeqsiq-awr, zanrdawq aertaq-euq lof-aer mr nar-aq, mr-eu khoer aqyawf maf-euq gharduq zanrdawq pyeuf-eu mae.

Lormav 2:14 ပူးပေါင်းရင်းမြစ်များ

Gʼaˬkʼehˇ 10:35

Aˬ geu jeˬ tsawˇ jeuˬ pyeuꞈ-eu maˬ kaˬ, aˬ yawꞈ-ahˇ guˆ-awˇ yaw tsaˬ yaw dawˇ jeˬ mˇ-eu tsawˇ haˬ-ahˇ aˬ yawꞈ nui ma tsaˬ-eu meh.

Gʼaˬkʼehˇ 14:16

Dzeuˇlaˇ-euˬ aˇ yamˬ-ahˇ, tsawˇ jeuˬ dawˬ tawˆ luꞈ yawˬ ha-euˬ zahˇ yawˬ ha tawˬ-awˇ bi dehꞈ tawˬ-euˬ meh.

Gʼaˬkʼehˇ 17:30

Aˇ hu tsawˇ haˬ deuˬ aˬ yawꞈ-ahˇ maˬ siˬ nya ngeh mˇ dzeuˇ shaˇ dzeuˇ yaꞈ-euˬ jeˬ-ahˇ Miˬyehˇ iˬ baˇ maˬ taˬ-a. Ehˇ kʼawꞈ, nymˬ-mˇ poˆ jawˇ-aˬ, yawˬ gaˇ na luꞈ jawˇ-eu tsawˇ haˬ dawˬ tawˆ luꞈ iˬ baˇ noeˬ poˆ-eu gʼaˇ duˬ Miˬyehˇ neh dawˬ biꞈ taˬ-euˬ meh.

Lormav 1:32

Kʼoeˇ loꞈ-ehˇ dehꞈ-eu tsawˇ haˬ deuˬ shiˇ-eu geuˇ meh lehˇ, Miˬyehˇ-euˬ zahˇ dawˬ kʼoꞈ dawˬ laꞈ kʼoeˇ ehˇ tsehˆ taˬ-euˬ aˬ yawꞈ maꞈ siˬ nya meh. Ehˇ kʼawꞈ, aˬ yawꞈ maꞈ kʼoeˇ loꞈ-ehˇ mˇ-eu maˬ byehˇ-eu uˬ taꞈ, kʼoeˇ loꞈ-ehˇ mˇ caw-eu tsawˇ haˬ deuˬ-ahˇ nui ma tsaˬ-eu meh.

Lormav 2:12

Yuˇdaˆ tsawˇ haˬ maˬ ngeuˇ-eu deuˬ-aˬ, Moˇseˬ neh biꞈ-euˬ Zahˇ dawˬ kʼoꞈ dawˬ maˬ jaˆ-a. Aˬ yawꞈ maꞈ Zahˇ dawˬ kʼoꞈ dawˬ-ahˇ maˬ taꞈ-ehˇ iˬ baˇ mˇ naˇ, Zahˇ dawˬ kʼoꞈ dawˬ-ahˇ maˬ taꞈ-ehˇ ya luˬ ya seˇ-iˇ tehꞈ-a. Yuˇdaˆ tsawˇ haˬ deuˬ-aˬ, Zahˇ dawˬ kʼoꞈ dawˬ jaˆ-eu miˇ neh, iˬ baˇ mˇ naˇ, Zahˇ dawˬ kʼoꞈ dawˬ laꞈ kʼoeˇ kʼaˇ ehˇ taˬ-euˬ loꞈ-ehˇ yaˇ kʼaˬ daˇ nehˬ gaˇ ya daˬ tehꞈ-a.

Lormav 2:15

Aˬ yawꞈ maꞈ dehꞈ-euˬ jawˇ-euˬ kʼoeˇ-aˬ, aˬ yawꞈ maꞈ-euˬ nui ma laꞈ kʼoeˇ Zahˇ dawˬ kʼoꞈ dawˬ boꞈ ahˇ taˬ-euˬ gaˇ duˇ-eu gaˇ kawˆ saˇ kiˇ kamˬ luꞈ-eu meh. Aˬ yawꞈ maꞈ-euˬ nui ma laꞈ kʼoeˇ Zahˇ dawˬ kʼo dawˬ boꞈ ahˇ taˬ-euˬ gaˇ duˇ-eu gaˇ kawˆ, aˬ yawꞈ maꞈ-euˬ noeˬ siˬ nya-eu nui ma kʼoeˇ siˬ kʼawꞈ, saˇ kiˇ kamˬ luꞈ-eu meh. Aˬ jeˬ miˇ neh ehˇ naˇ, tiˬ poˆ na aˬ yawꞈ maꞈ neh mˇ-euˬ tsaˬ meh lehˇ aˬ yawꞈ maꞈ-euˬ nui noeˬ kʼoeˇ aˬ yawꞈ maꞈ-ahˇ ehˇ nehˬ-awˇ, tiˬ poˆ na maˬ tsaˬ-a lehˇ aˬ yawꞈ maꞈ-ahˇ pyehˇ luꞈ meh.

Lormav 2:27

Naw maꞈ Yuˇdaˆ tsawˇ haˬ deuˬ-ahˇ aˬ cawˬ iˬ baˇ taˬ tehꞈ-a. Aˬ jeˬ miˇ neh ehˇ naˇ, naw maꞈ Zahˇ dawˬ kʼoꞈ dawˬ boꞈ doˆ taˬ-euˬ jaˆ-awˇ baˆ kʼoˆ mehˬ dzaˬ yehˬ-euˬ kʼawꞈ, Zahˇ dawˬ kʼoꞈ dawˬ mehˬ nah maˬ caw teh-a. Aˬ cawˬ tsawˇ jeuˬ kʼoeˇ deuˬ-aˬ, shiˬ shaˬ jiˇ baˆ kʼoˆ mehˬ dzaˬ maˬ yehˬ-euˬ kʼawꞈ, Zahˇ dawˬ kʼoꞈ dawˬ-ahˇ naˇ haˬ geuꞈ-eu meh.

1 Gawˇliˬtu 11:14

Kʼaˬ dzeˇ zaˬ uˬ duˬ tsehˇ kahˇ gʼawˬ mahˇ ni taˬ naˇ, shaꞈ dawˇ paˬ-ehˇ gʼeh-eu jeˬ pyeuꞈ-eu gaˇ kawˆ, tsawˇ haˬ-euˬ zahˇ sahˇ kʼoꞈ-ahˇ naw maꞈ siˬ nya luꞈ meh.

1 Gawˇliˬtu 9:21

Kʼoeˇ loꞈ-ehˇ duˇ ni, Yuˇdaˆ tsawˇ haˬ-euˬ Zahˇ dawˬ kʼoꞈ dawˬ laꞈ nyiˇ jawˇ-eu aˬ cawˬ tsawˇ jeuˬ deuˬ Ka li zaˬ bi pyeuꞈ laˇ-eu gʼaˇ duˬ, ngaˬ-euˬ gʼawˇ mawˇ Yuˇdaˆ tsawˇ haˬ maˬ ngeuˇ-eu loꞈ-ehˇ geuꞈ-awˇ mehˬ-euˬ ma. Kʼoeˇ loꞈ-ehˇ mˇ-euˬ kʼoeˇ-aˬ, Miˬyehˇ-euˬ zahˇ dawˬ kʼoꞈ dawˬ-ahˇ ngaˇ maˬ caw teh lehˇ ehˇ mawꞈ-eu maˬ ngeuˇ. Ngaˇ-aˬ, maˇ maˇ ni Ka li-euˬ zahˇ dawˬ kʼoꞈ dawˬ uˬ moˆ jawˇ daˆ laꞈ-euˬ tsawˇ haˬ ma.

Eˇpeˇsu 2:12

Kʼoeˇ ngeh, naw maꞈ Ka li-ahˇ maˬ taꞈ leˇ-aˬ siˬ. Naw maꞈ-aˬ, aˬ cawˬ tsawˇ jeuˬ loꞈ-ehˇ pyeuꞈ-awˇ, Miˬyehˇ neh tseˇ doˆ-euˬ tsawˇ jeuˬ laꞈ kʼoeˇ maˬ ahˇ-a. Naw maꞈ-aˬ, Miˬyehˇ neh aˬ yawꞈ-euˬ tsawˇ haˬ deuˬ-ahˇ dzaˬ-euˬ dawˬ ma saˇ jaˇ-ahˇ maˬ ya taꞈ-ehˇ, miˇ tsaˬ heu kʼoeˇ taˆ noeˬ tmˬ duˬ maˬ jaˆ-eu uˬ taꞈ, Miˬyehˇ maˬ baw ni dehꞈ yaꞈ-euˬ meh.

Eˇpeˇsu 2:3

Aˬ dui dawˬ tawˆ luꞈ kʼawꞈ, aˬ yawꞈ maꞈ loꞈ-ehˇ shiˬ shaˬ jiˇ-euˬ nui kʼahˇ mehˬ nah dehꞈ dzeuˇ yaꞈ-awˇ, aˬ dui-euˬ nui ma gʼawˇ mawˇ kʼaˇ loˆ laˇ-euˬ jeˬ mˇ-euˬ ma. Aˬ dui-aˬ, miˇ tsaˬ zaˬ kʼaˇ ngeuˇ-eu ngeuˇ-awˇ, Miˬyehˇ nui ma pehˇ-eu jeˬ-ahˇ ya daˬ-eu yaw duˬ baw-euˬ ma.

Dawˬmehˬ 4:7

“Aˇ naˆ ni huiˬ-eu tsawˇ jeuˬ maˬ kaˬ, aˬ yawꞈ maꞈ loˬ ngeh caw ba nehˬ nya-eu aˬ dui-euˬ Miˬyehˇ pyeuꞈ-eu Sahˬpaˬ Miˬyehˇ loꞈ-ehˇ gʼeh-eu miˬ yehˇ maˬ jawˇ-a. Aˬ yawꞈ-ahˇ aˬ dui loˬ-awˇ kʼaˇ shaˇ ngeh, aˬ dui-euˬ shaˇ dawˬ naˇ haˬ nehˬ laꞈ-eu meh.

Piˇliˇpiˆ 4:8

Aˬ yuiꞈ aˬ nyiˇ Ka li zaˬ deuˬ-oˇ, aˇ saˬ saˬ-eu dawˬ heu loꞈ-ehˇ ehˇ-eu ma. Yaw muiˬ jeˬ hawˇ-eu ja ceuˬ paˬ-ehˇ gʼeh-eu jeˬ pyeuꞈ-eu, tsaˬ-eu dawˇ-eu jeˬ, aˬ cawˬ yaw zeu baw paˬ-ehˇ gʼeh-eu jeˬ, aˬ cawˬ-ahˇ dehꞈ tsaˬ dehꞈ tsahˇ-eu jeˬ, muiˬ-eu shawˇ-eu jeˬ, aˬ cawˬ haw gaˬ paˬ-ehˇ gʼeh-eu jeˬ, aˬ cawˬ taˬ huiˬ taˬ mahˇ paˬ-ehˇ gʼeh-eu jeˬ, heu deuˬ naw maꞈ laꞈ kʼoeˇ bi ahˇ-awˬ.