Lormav 2:10 - Akha

¹⁰ Ehˇ kʼawꞈ, Yuˇdaˆ tsawˇ haˬ deuˬ-ahˇ neh aˇ dahˬ beh-awˇ, Yuˇdaˆ tsawˇ haˬ maˬ ngeuˇ-eu deuˬ-ahˇ keuˆ ni, yaw muiˬ jeˬ kʼaˇ mˇ-eu tsawˇ haˬ dawˬ tawˆ luꞈ-ahˇ, yaw shehꞈ kʼahˬ sehˇ hawˇ-eu taˬ huiˬ taˬ mahˇ nehˬ-eu jeˬ maˬ ehˇ, nui saˇ oꞈ-eu jeˬ maˬ ehˇ, Miˬyehˇ biꞈ nehˬ tehꞈ-a.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁰ Aerkhawf, yawmuiq jeq kharmr-eu tsawrhaq yawqghaq navluf, yawshaef khanqsaer, taqhuiq taqmanr-eu jeq hawr-eu nuisar of-eu jeq za taef-a. Yurdav tsawrhaq-anr jeqhu keuvle-awr, Heqlaqsar tsawrhaq-anr keuvle taef-a.

Lormav 2:10 ပူးပေါင်းရင်းမြစ်များ

Yawˇbaˆ 22:21

Yawˇbaˆ-oˇ, Miˬyehˇ-ahˇ dehꞈ tsaˬ-awˇ, aˬ yawꞈ-ahˇ muiˇ-eu tsawˇ haˬ loꞈ-ehˇ taˬ paˇ mˇ. Nawˇ kʼoeˇ loꞈ-ehˇ jahˇ naˇ aˬ yawꞈ guiˬ lahˬ biꞈ laꞈ tehꞈ-a.

Jaceuq 15:2

dawˇcoe ni cah luꞈ-eu tsawˇhaˬ, yaw tsaˬyaw dawˇmˇ-eu tsawˇhaˬ, dawˇcoe ni dawˬngehˬ-eu tsawˇhaˬ,

Jaceuq 29:11

SahˬpaˬMiˬyehˇ-euˬzaˬdeuˬ-ahˇ, SahˬpaˬMiˬyehˇ gʼaˬbiꞈlahˬ-awˇ, nui saˇoꞈ-eu guiˬlahˬyaw dzahˇ, aˬyawꞈmaꞈ-ahˇbiꞈnehˬ-eu meh.

Jaceuq 37:37

Tsawˇshawˇtiˬgʼaˬ-ahˇnoeˬtaˬ-awˇ, tsawˇmuiˬtiˬgʼaˬ-ahˇhaw taˬ-awˬ. tsaˬleˇdzoeˇleˇ-eu tsawˇhaˬdeuˬ, zaˬoeˬsahˇgaˇya mawˇtehꞈ-a.

Dawqdaq 11:18

Haiˬ-eu tsawˇ haˬ deuˬ mˇ poeˬ shaˇ poeˬ maˬ baw-ehˇ, yaw tsaˬ yaw dawˇ tsawˇ haˬ neh mˇ-euˬ jeˬ guiˬ lahˬ za-eu yaw duˬ baw meh.

Dawqdaq 8:18

Pyuˇ shuiˇ myawˬ gahˬ hawˇ-eu tsawˇ myahˇ doˆ-eu jeˬ ngaˇ biꞈ nya-awˇ, tsawˇ ziˇ gmˬ-eu baw le za le-eu jeˬ, ngaˇ jawˇ gaˇ jaˆ-eu ma.

Iˇsaˬyaˇ 26:12

Nga maꞈ kʼoeˇ taˆ baw le za le-eu jeˬ, Sahˬpaˬ Miˬyehˇ nawˇ biꞈ nehˬ laꞈ tehꞈ-a. Nga maꞈ neh kʼaˇ mˇ kʼaˇ shaˇ za-euˬ jeˬ, nawˬ neh biꞈ-euˬ guiˬ lahˬ tehꞈ meh.

Iˇsaˬyaˇ 32:17

Tsawˇ haˬ yawˬ gʼaˬ na luꞈ yaw tsaˬ yaw dawˇ jeˬ-ahˇ poˆ-eu miˇ neh, nui saˇ oꞈ-awˇ coꞈ ngehˇ ni gʼeh-eu jeˬ, mˬ maˬ maˬ byaˆ zaˇ ziˇ keuˆ le tehꞈ-a.

Iˇsaˬyaˇ 48:18

“Ngaˬ-euˬ dawˬ-ahˇ naw maꞈ naˇ haˬ law nmˇ, maˬ gui-iˇ ni yoeˇ-eu lawˇ baˬ tiˬ gawˆ loꞈ-ehˇ, naw maꞈ gʼaˇ duˬ guiˬ lahˬ yoeˇ-awˇ, lawˇ deh-ahˇ tahˬ pymˬ-eu iˇ kʼawˇ loꞈ-ehˇ, gʼaˬ leˇ-eu jeˬ naw maꞈ za-euˬ tehꞈ-a.

Iˇsaˬyaˇ 48:22

“Iˬ baˇ zaˬ deuˬ nui saˇ maˬ oꞈ-a” lehˇ, Sahˬpaˬ Miˬyehˇ ehˇ taˬ-euˬ meh.

Iˇsaˬyaˇ 55:12

“Baˬbuˇloˬ meuˬ-ahˇ neh laˬ kʼaˬ tiˬ cehˇ, naw maꞈ ya gʼoꞈ doˆ laˇ tehꞈ-a. Naw maꞈ nui ma saˇ lehˆ ni ya doˆ le tehꞈ-a. Gawˬ jawˬ gawˬ duˇ naw maꞈ mehˬ shi caˇ dawˬ caˇ-awˇ, sahˬ lahˬ aˇ bawˇ deuˬ laꞈ kʼawˆ tehˆ tehꞈ-a.

Iˇsaˬyaˇ 57:19

Dawˬ peh gaˇ mahˇ kʼaˇ jawˇ-eu tsawˇ haˬ-ahˇ, nui saˇ oꞈ-eu jeˬ ngaˇ biꞈ ma. Ngaˬ-euˬ tsawˇ haˬ deuˬ-ahˇ ngaˇ naˇ gawˇ laˆ saˆ ma.

Yeˬlaˬmiˇ 33:6

Ehˇ kʼawꞈ, meuˬ heu meuˬ hawˇ-eu meuˬ laꞈ kʼoeˇ jawˇ-eu tsawˇ haˬ deuˬ-ahˇ ngaˇ paˇ laˆ saˆ nehˬ-awˇ, jawˇ saˇ bi doˆ laˇ ma. Aˬ yawꞈ maꞈ-ahˇ guˆ kʼaˇ maˬ za ni bi dehꞈ-awˇ, huiˬ dui dui-eu nui saˇ oꞈ-eu jeˬ ngaˇ bi mawˇ ma.

Bawˇtsahˬ 6:26

Sahˬpaˬ Miˬyehˇ-euˬ myaˆ pyawˬ naw maꞈ jawˇ paw zeuˆ pyawˇ-awˇ, naw maꞈ-ahˇ nui saˇ oꞈ-eu jeˬ biꞈ luꞈ-uˇ.”

Maꞈtehˬ 10:13

Nymˇ kʼoeˇ nymˇ laꞈ kʼoeˇ jawˇ-eu nymˇ kʼahˬ zaˬ deuˬ naw maꞈ-ahˇ ha geuꞈ nehˬ laꞈ naˇ, naw maꞈ neh dawˬ cawˬ puˬ nehˬ-euˬ nui saˇ oꞈ-eu jeˬ, kʼoeˇ gaˇ jaˆ yaꞈ luꞈ-uˇ. Ehˇ kʼawꞈ, aˬ yawꞈ maꞈ naw maꞈ-ahˇ maˬ ha geuꞈ nehˬ laꞈ naˇ, naw maꞈ neh dawˬ cawˬ puˬ nehˬ-euˬ nui saˇ oꞈ-eu jeˬ, naw maꞈ-ahˇ paˇ gʼoꞈ kʼoꞈ le luꞈ-uˇ.

Luˇkaꞈ 1:79

shiˇ-eu naˇ shmˇ yaw zahˇ uˬ moˆ, kʼaˇ dehꞈ kʼaˇ jawˇ-eu deuˬ kʼoeˇ taˆ, mˬ taˆ neh bya ka leꞈ tehꞈ-a. Nui saˇ oꞈ-eu gaˇ ma kʼoeˇ taˆ, kuiˇ toꞈ paˇ ciˬ kʼoꞈ daˆ nya ni, aˬ dui ahˇ sheuˬ gʼeh laꞈ tehꞈ-a.”

Luˇkaꞈ 12:37

Baw leˬ gʼaˬ gʼoꞈ laˇ ngeh, maˬ yuꞈ kʼaˆ ni loꞈ luꞈ-eu zaˬ kʼaˆ deuˬ guiˬ lahˬ huiˬ tehꞈ-a. Ngaˇ naw maꞈ-ahˇ maˇ jawˆ ni ehˇ nehˬ nyaˇ. Baw leˬ gʼaˬ joꞈ paꞈ paꞈ-awˇ, aˬ yawꞈ-euˬ gʼawˇ mawˇ hawˬ byawˇ laˆ dawˆ nehˬ-awˇ, aˬ yawꞈ maꞈ-ahˇ hawˬ jeh-ahˇ nuiˇ-awˇ bi dzaˬ tehꞈ-a.

Luˇkaꞈ 19:42

heu loꞈ-ehˇ ehˇ-eu meh. “Yeˬluˇsaˬlehˬ meuˬ-oˇ, nawˬ-ahˇ nui saˇ oꞈ-eu jeˬ biꞈ nya-eu aˬ jeˬ-a lehˇ iˬ nah nawˇ siˬ nya law nmˇ-aˬ, muiˬ dui dui meh. Ehˇ kʼawꞈ, kʼoeˇ jeˬ-ahˇ nymˬ-mˇ nawˇ maˬ mawˇ-a.

Luˇkaꞈ 22:14

Baˬsaˬkaˬ dzaˬ byawˇ dzaˬ-eu aˇ yamˬ keuˆ laˇ ngeh, Yeˬsuˇ hawˬ jeh-ahˇ jawˬ leˇ-euˬ meh. Gʼaˬ kʼehˇ deuˬ kʼawꞈ, aˬ yawꞈ nehˬ-ehˇ jawˬ leˇ-euˬ meh.

Luˇkaꞈ 9:48

aˬ yawꞈ maꞈ-ahˇ heu loꞈ-ehˇ ehˇ nehˬ-euˬ meh. “Ngaˬ-euˬ tsawˇ myahˇ uˬ moˆ zaˬ yaw nyiˇ heu gʼaˬ-ahˇ kʼaˇ ha geuꞈ-eu tsawˇ haˬ-aˬ, ngaˬ-ahˇ ha geuꞈ gaˇ duˇ-eu meh. Ngaˬ-ahˇ kʼaˇ ha geuꞈ-eu tsawˇ haˬ-aˬ, ngaˬ-ahˇ kʼehˇ gʼeh leꞈ-euꞈ gʼaˬ-ahˇ kʼawꞈ ha geuꞈ gaˇ duˇ-eu meh. Aˬ jeˬ miˇ neh ehˇ naˇ, naw maꞈ laꞈ kʼoeˇ aˬ cawˬ naˆ maˬ tseˇ nyiˇ dzehˬ-eu gʼaˬ-aˬ, aˬ cawˬ naˆ maˬ tseˇ huiˬ dzehˬ-eu gʼaˬ pyeuꞈ-eu meh.”

Yoˇhaˬ 12:26

Ngaˬ-euˬ gaˇ mˇ mawꞈ-eu tsawˇ haˬ aˬ geuˬ gʼaˬ maˬ kaˬ, ngaˬ-euˬ mehˬ nah ya caw teh laˇ meh. Aˬ jeˬ miˇ neh ehˇ naˇ, ngaˬ-euˬ zaˬ kʼaˆ-aˬ, ngaˇ kʼaˇ jawˇ gaˇ ya jawˇ tehꞈ-a. Ngaˬ-euˬ gaˇ kʼaˇ mˇ-eu tsawˇ haˬ-ahˇ ngaˬ Da taˬ huiˬ taˬ mahˇ nehˬ tehꞈ-a.”

Yoˇhaˬ 14:27

“Ngaˬ neh naw maꞈ-ahˇ biꞈ taˬ yaꞈ-euˬ jeˬ-aˬ, nui saˇ oꞈ-eu jeˬ pyeuꞈ-eu ma. Ngaˇ nui saˇ oꞈ-eu jeˬ biꞈ-eu-aˬ, miˇ tsaˬ zaˬ deuˬ nui saˇ oꞈ-eu jeˬ biꞈ gaˇ maˬ duˇ. Naw maꞈ nui ma shaˬ zahˬ taˬ mˇ. Taˬ guˆ.

Yoˇhaˬ 16:33

Ngaˬ-euˬ laꞈ kʼoeˇ naw maꞈ nui saˇ oꞈ-eu jeˬ za nya ni, naw naw maꞈ-ahˇ heu loꞈ-ehˇ ehˇ-eu ma. Miˇ tsaˬ heu kʼoeˇ taˆ, kʼehˬ-eu kʼaˆ-eu jeˬ-ahˇ naw maꞈ ya daˬ tehꞈ-a. Ehˇ kʼawꞈ, tiˬ pawꞈ-iˬ taˬ guˆ. Miˇ tsaˬ heu-ahˇ ngaˇ gʼaˬ leˇ-euˬ ma.”

Gʼaˬkʼehˇ 10:35

Aˬ geu jeˬ tsawˇ jeuˬ pyeuꞈ-eu maˬ kaˬ, aˬ yawꞈ-ahˇ guˆ-awˇ yaw tsaˬ yaw dawˇ jeˬ mˇ-eu tsawˇ haˬ-ahˇ aˬ yawꞈ nui ma tsaˬ-eu meh.

Lormav 14:17

Aˬ jeˬ miˇ neh ehˇ naˇ, Miˬyehˇ Miˇkʼahˬ-aˬ, dzaˬ-eu dawˇ-eu jeˬ maˬ ngeuˇ-a. Kʼoeˇ-aˬ, yaw tsaˬ yaw dawˇ jeˬ, Miˬyehˇ laꞈ kʼoeˇ nui saˇ oꞈ-eu jeˬ hawˇ-eu, Muiˬ-eu Shawˇ-eu Yaw sahˇ Miˬyehˇ neh biꞈ-euˬ laˬ kʼaˬ cehˇ-eu jeˬ pyeuꞈ-eu meh.

Lormav 15:13

Muiˬ-eu Shawˇ-eu Yaw sahˇ Miˬyehˇ-euˬ baoˬ baˬ da neh naw maꞈ-euˬ noeˬ tmˬ-eu jeˬ huiˬ laˇ mahˇ laˇ nya ni, naw maꞈ Miˬyehˇ-ahˇ jah-eu jeˬ-ahˇ gʼoe-awˇ, noeˬ tmˬ-eu jeˬ-euˬ dawˬ pehˬ duˬ puˇ pyeuꞈ-eu Miˬyehˇ naw maꞈ-ahˇ laˬ kʼaˬ cehˇ nui saˇ za-eu jeˬ bi byah laˇ luꞈ-uˇ.

Lormav 2:7

Tsawˇ haˬ tiˬ paˆ na deuˬ-aˬ, yaw muiˬ jeˬ-ahˇ maˬ tsehˆ leˇ ni mˇ-eu laꞈ kʼoeˇ, yaw shehꞈ kʼahˬ sehˇ hawˇ-eu taˬ huiˬ taˬ mahˇ nehˬ-eu jeˬ-ahˇ maˬ ehˇ, mˬ maˬ maˬ byaˆ zaˇ ziˇ maˬ shiˇ ni ya dehꞈ-eu jeˬ-ahˇ maˬ ehˇ, poˆ luꞈ-eu meh. Kʼoeˇ loꞈ-ehˇ gʼeh-eu tsawˇ haˬ deuˬ-ahˇ mˬ maˬ maˬ byaˆ zaˇ ziˇ dehꞈ-eu jeˬ Miˬyehˇ biꞈ nehˬ tehꞈ-a.

Lormav 2:9

Yuˇdaˆ tsawˇ haˬ deuˬ-ahˇ neh aˇ dahˬ beh-awˇ, Yuˇdaˆ tsawˇ haˬ maˬ ngeuˇ-eu deuˬ-ahˇ keuˆ ni, maˬ muiˬ-eu jeˬ kʼaˇ mˇ-eu tsawˇ haˬ dawˬ tawˆ luꞈ, kʼehˬ-eu kʼaˆ-eu jeˬ hawˇ-eu shaˬ zahˬ naꞈ dui dui-eu jeˬ-ahˇ ya daˬ tehꞈ-a.

Lormav 5:1

Jah-eu jeˬ baˬ da neh nymˬ-mˇ aˬ dui Miˬyehˇ-ahˇ tsaˬ leˇ tsahˇ leˇgʼaˬ-euˬ miˇ neh, aˬ dui-euˬ Sahˬpaˬ Yeˬsuˇ Ka li baˬ da neh Miˬyehˇ-ahˇ tsaˬ leˇ dzoeˇ leˇ-euˬ ma.

Lormav 8:6

Shiˬ shaˬ jiˇ-euˬ nui noeˬ neh bi uˆ lahˇ-euˬ jeˬ-aˬ, shiˇ-eu jeˬ-ahˇ aˇ saˬ saˬ leˇ-eu meh. Yaw sahˇ Miˬyehˇ neh bi uˆ lahˇ-euˬ tsawˇ haˬ deuˬ-aˬ, dehꞈ-eu jeˬ hawˇ-eu nui saˇ oꞈ-eu jeˬ-ahˇ aˇ saˬ saˬ leˇ-eu meh.

Lormav 9:21

Oeˬ lahˬ tehˆ-eu tsawˇ haˬ miˇ tsaˬ shaˬ jehˆ yuˇ-awˇ, yawˬ ha kʼaˇ tehˆ mawꞈ-eu loꞈ-ehˇ maˬ tehˆ nya ta loˇ. Shaˬ jehˆ aˬ yawꞈ tiˬ kʼoˇ-ahˇ tehꞈ-ehˇ miˇ tsaˬ nyiˬ tsuˆ tsuˆ doˆ-awˇ, aˬ yawꞈ neh kʼaˇ noeˬ-euˬ loꞈ-ehˇ, bawˬ-iˬ gʼeh ngeh zmˬ-eu gʼaˇ duˬ muiˬ-eu oeˬ lahˬ hawˇ-eu, nui gaˇ zmˬ-eu gʼaˇ duˬ yaw kʼaˆ-ehˇ maˬ muiˬ-eu oeˬ lahˬ maˬ tehˆ beu nya ta loˇ.

Lormav 9:23

Aˬ yawꞈ-euˬ yaw shehꞈ kʼahˬ sehˇ biꞈ nehˬ laꞈ-eu lehˇ lehˬ hmˬ taˬ-euˬ aˬ yawꞈ gʼawˬ shaˬ gaˬ-eu aˬ dui maꞈ kʼoeˇ taˆ shehˆ daˆ nehˬ laꞈ-euˬ yaw shehꞈ kʼahˬ sehˇ kʼoeˇ kʼawꞈ, aˬ yawꞈ bi mawˇ mawꞈ-eu meh.

Gaˬlaˬtiˆ 5:22

Ehˇ kʼawꞈ, Yaw sahˇ Miˬyehˇ laꞈ kʼoeˇ siˬ le-eu aˇ siˬ deuˬ-aˬ, gʼoeˇ-eu gaˬ-eu, laˬ kʼaˬ cehˇ-eu, nui saˇ oꞈ-eu, nui ma gʼawˬ mahˇ ni taˬ-eu, gʼawˬ shaˬ gaˬ-eu nui ma ahˇ-eu, yaw muiˬ jeˬ mˇ-eu, saˇ jaˇ ziꞈ-eu,

Gaˬlaˬtiˆ 5:6

Aˬ jeˬ miˇ neh ehˇ naˇ, Yeˬsuˇ Ka li laꞈ kʼoeˇ jawˇ-eu tsawˇ haˬ deuˬ gʼaˇ duˬ, baˆ kʼoˆ mehˬ dzaˬ yehˬ-euˬ hawˇ-eu maˬ yehˬ-euˬ tiˬ pawꞈ-iˬ beu gaˇ duˬ maˬ jaˆ-a. Gʼoeˇ-eu gaˬ-eu jeˬ mˇ doˆ shaˇ doˆ laꞈ nya-eu jah-eu kʼoeˇ tiˬ jeˬ tehꞈ-ehˇ gaˇ dahˇ tsoeˬ-eu jeˬ pyeuꞈ-eu meh.

Piˇliˇpiˆ 4:7

Yeˬsuˇ Ka li laꞈ kʼoeˇ naw maꞈ nui saˇ oꞈ-eu jeˬ za nya ni, tsawˇ haˬ zaˬ maˬ noeˬ doˆ coeˇ-eu Miˬyehˇ-euˬ nui saˇ oꞈ-eu jeˬ naw maꞈ-ahˇ caw ba tehꞈ-a.

1 Tiˆmoˇseˬ 1:17

Aˬ yawꞈ tiˬ gʼaˬ tehꞈ-ehˇ maˇ maˇ ni Miˬyehˇ pyeuꞈ-eu, maˬ shiˇ nya-eu uˬ taꞈ, tsawˇ haˬ zaˬ-euˬ myaˆ nuiˆ neh maˬ haw mawˇ nya-eu mˬ maˬ maˬ byaˆ zaˇ ziˇ Sahˬpaˬ-ahˇ, taˬ huiˬ taˬ mahˇ nehˬ-eu jeˬ hawˇ-eu yaw shehꞈ kʼahˬ sehˇ mˬ maˬ maˬ byaˆ zaˇ ziˇ jaˆ luꞈ-uˇ.

HeˬByehˇ 2:7

Tiˬ kʼehˬ tiˬ yamˬ laꞈ kʼoeˇ nawˬ neh, mˬ taˆ gʼaˬ kʼehˇ deuˬ-euˬ laꞈ oˆ, aˬ yawꞈ-ahˇ yuˇ awˆ nehˬ-euˬ meh. Yaw shehꞈ kʼahˬ sehˇ huiˬ dui dui-eu, ciˬ huiˬ ciˬ mahˇ-eu shuiˇ uˬ kʼoˆ, aˬ yawꞈ-ahˇ nawˇ nyehꞈ kʼoˆ nehˬ-awˇ,

Yaˬkoˆ 2:22

Aˬ yawꞈ-euˬ jah-eu jeˬ hawˇ-eu aˬ yawꞈ neh mˇ-euˬ shaˇ-euˬ jeˬ tiˬ gaˇ taꞈ-eu kʼoeˇ, nawˇ maˬ haw mawˇ nya te loˇ. Aˬ yawꞈ-euˬ jah-eu jeˬ-aˬ, aˬ yawꞈ neh mˇ-euˬ shaˇ-euˬ jeˬ laꞈ kʼoeˇ byah laˇ-euˬ meh.

Yaˬkoˆ 3:13

Naw maꞈ laꞈ kʼoeˇ, tsawˇ gahˇ ahˇ-awˇ siˬ-eu nya-eu tsawˇ haˬ jawˇ te loˇ. Muiˬ-eu dehꞈ-eu jawˇ-eu jeˬ laꞈ kʼoeˇ maˬ ehˇ, nui nahˬ nui yu hawˇ-eu nui gahˇ neh mˇ doˆ shaˇ doˆ laꞈ-eu muiˬ-eu gaˇ deuˬ laꞈ kʼoeˇ maˬ ehˇ, zaˬ siˬ tsawˇ gahˇ kʼoeˇ bi doˆ laˇ-awˬ.

1 Beˬtuˆluˆ 1:7

Lawˬ haw-eu kʼoeˇ-aˬ, naw maꞈ-euˬ jah-eu jeˬ maˇ jawˆ ni gʼeh-eu gaˇ kawˆ bi siˬ duˬ laˇ-eu gʼaˇ duˬ meh. Laˆ piˬ laˆ byoˆ nya-eu jeˬ pyeuꞈ-eu shuiˇ-ahˇ kʼawꞈ miˬ dzaˬ neh ya lawˬ haw-eu-aˬ, shuiˇ naˆ maˬ tseˇ poeˬ dui lawˬ dui dui-eu naw maꞈ-euˬ jah-eu jeˬ-ahˇ kʼawꞈ ya bi lawˬ haw tehꞈ-a. Kʼoeˇ naˇ, Yeˬsuˇ Ka li-ahˇ bya cehˆ ni ya mawˇ ngeh nah Miˬyehˇ naw maꞈ-ahˇ ja ceuˬ nehˬ laꞈ-awˇ, yaw shehꞈ kʼahˬ sehˇ bi za-eu uˬ taꞈ, ciˬ huiˬ ciˬ mahˇ nehˬ laꞈ tehꞈ-a.

1 Beˬtuˆluˆ 5:4

Yawˇ bo-eu deuˬ dawˬ tawˆ luꞈ kʼoeˇ taˆ uˆ lahˇ-eu Huiˬ-eu Yawˇ bo-eu gʼaˬ oe ngeh, tiˬ jawˇ-iˬ maˬ cehˇ-iˇ nya-eu yaw shehꞈ kʼahˬ sehˇ huiˬ-eu shuiˇ uˬ kʼoˆ-ahˇ naw maꞈ za tehꞈ-a.

1 Saˬmeuˬlaˆ 2:30

Ngaˇ-aˬ, Iˇsaˬleˬlaˆ-euˬ Miˬyehˇ pyeuꞈ-eu Sahˬpaˬ Miˬyehˇ ma. Nawˬ-euˬ nymˇ jiˇ hawˇ-eu nawˬ-euˬ aˇ jeuˬ-ahˇ, aˬ myah luꞈ ngaˬ-euˬ gaˇ mˇ-eu piˇ ma deuˬ bi geuꞈ ma lehˇ, dzeuˇ laˇ ngeh ngaˇ saˇ jaˇ dzaˬ taˬ-euˬ ma. Ehˇ kʼawꞈ, nymˬ-mˇ kʼoeˇ loꞈ-ehˇ maˬ paˇ geuꞈ nya meh lehˇ ngaˇ ehˇ-eu ma. Ngaˬ-ahˇ taˬ huiˬ-eu tsawˇ haˬ-ahˇ ngaˇ taˬ huiˬ nehˬ-awˇ, ngaˬ-ahˇ yaw zeu maˬ baw-eu tsawˇ haˬ-ahˇ ngaˇ yaw zeu maˬ baw.