Lormav 16:7 - Akha

⁷ Naw maꞈ gʼaˇ duˬ leh jeh dui dui-eu laꞈ kʼoeˇ gaˇ mˇ luꞈ-eu Maˬliˇ-ahˇ kʼawꞈ noeˬ mawˇ luꞈ ma. Ngaˬ nehˬ-ehˇ tiˬ kawˆ loꞈ-ehˇ tawˬ-ahˇ uˇ-euˬ aˬ yuiꞈ aˬ nyiˇ Yuˇdaˆ tsawˇ haˬ pyeuꞈ-eu Aˬdawˇniˆ hawˇ-eu Yuˇniˆ aˬ nyaꞈ-ahˇ kʼawꞈ noeˬ mawˇ luꞈ ma. Aˬ yawꞈ nyaꞈ-aˬ, tsawˇ myahˇ doˆ-eu gʼaˬ kʼehˇ pyeuꞈ-awˇ, ngaˬ-euˬ mehˬ hu neh Ka li zaˬ pyeuꞈ laˇ-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁷ Ngaq naeq-aer kuv-anr urhaw-euq ngaq-euq aqyuif aqnyir pyeuf-eu Aqdawrniv hawr-eu Yurniv aqnyaf-anr khawf dawqcawq puq-eu ma. Aqyawf nyaf-aq, ngaq-euq maeqhu nae Kalizaq pyeuflar-awr, ghaqkhaer deuq-euq ghanrcae tsawrmyanr muiq-eu mae.

Lormav 16:7 ပူးပေါင်းရင်းမြစ်များ

Iˇsaˬyaˇ 45:17

Ehˇ kʼawꞈ, Iˇsaˬleˬlaˆ-ahˇ Sahˬpaˬ Miˬyehˇ ka kʼoꞈ-awˇ, mˬ maˬ maˬ byaˆ zaˇ ziˇ gʼaˬ leˇ-eu gʼaˬ pyeuꞈ-awˇ, shaꞈ dawˇ-eu jeˬ maˬ keuˆ le-ehˇ daˬ maˬ ga-a.’

Iˇsaˬyaˇ 45:25

Yaˬkoˆ-euˬ zaˬ deuˬ uˆ deuˬ dawˬ tawˆ-ahˇ, ngaˇ Sahˬpaˬ Miˬyehˇ ka kʼoꞈ-awˇ, aˬ yawꞈ maꞈ ngaˬ-ahˇ ya ja ceuˬ tehꞈ-a.

Yoˇhaˬ 14:20

Aˇ nah kʼoeˇ nah keuˆ le ngeh, ngaˇ ngaˬ Da-euˬ laꞈ kʼoeˇ jawˇ-eu gaˇ kawˆ hawˇ-eu, ngaˇ naw maꞈ-euˬ ma laꞈ kʼoeˇ jawˇ-eu loꞈ-ehˇ naw maꞈ kʼawꞈ ngaˬ-euˬ laꞈ kʼoeˇ jawˇ-eu gaˇ kawˆ, naw maꞈ ya siˬ duˬ tehꞈ-a.

Yoˇhaˬ 15:2

Aˇ siˬ maˬ siˬ le-eu ngaˬ-euˬ uˬ laꞈ deuˬ-ahˇ aˬ yawꞈ deuˆ cuˬ dzeh jiˇ-eu meh. Ehˇ kʼawꞈ, aˇ siˬ siˬ le-eu uˬ laꞈ deuˬ-ahˇ-aˬ, bi siˬ dzehˬ le-eu gʼaˇ duˬ, uˬ pyaˬ daw nehˬ-eu meh.

Yoˇhaˬ 6:56

Ngaˬ-euˬ shaˬ jiˇ dzaˬ-awˇ ngaˬ-euˬ shiˬ dawˇ-eu tsawˇ haˬ-aˬ, ngaˬ-euˬ laꞈ kʼoeˇ jawˇ-eu tsawˇ haˬ pyeuꞈ-awˇ, ngaˇ kʼawꞈ, aˬ yawꞈ-euˬ laꞈ kʼoe jawˇ-eu ma.

Lormav 16:10

Ka li-ahˇ saˇ jaˇ ziꞈ-eu gaˇ kawˆ kʼaˬ duˬ ni mˇ mehˬ-euˬ gʼaˬ pyeuꞈ-eu Aˬbeˇleˇ-ahˇ kʼawꞈ noeˬ mawˇ luꞈ ma. Aˬliˇtawˇbuˆ-euˬ nymˇ kʼahˬ zaˬ deuˬ-ahˇ kʼawꞈ noeˬ mawˇ luꞈ ma.

Lormav 16:11

Aˬ yuiꞈ aˬ nyiˇ Yuˇdaˆ tsawˇ haˬ pyeuꞈ-eu Heˬloˇdiˇoˬ hawˇ-eu Naˬgiˬsuˇ-euˬ nymˇ jiˇ-ahˇ taꞈ-eu aˬ yuiꞈ aˬ nyiˇ Ka li zaˬ deuˬ-ahˇ kʼawꞈ noeˬ mawˇ luꞈ ma.

Lormav 16:21

Ngaˬ-euˬ gaˇ mˇ cawˬ pyeuꞈ-eu Tiˆmoˇseˬ gʼeh, naw maꞈ-ahˇ noeˬ mawˇ luꞈ miˇ-a lehˇ tsaꞈ ahˇ laꞈ-euˬ meh. Kʼoeˇ loꞈ-ehˇ duˇ ni, ngaˬ-eu cawˬ Yuˇdaˆ tsawˇ haˬ deuˬ pyeuꞈ-eu Luˇgiˇ, Yaˬsoˬ, Sawˇsiˇpaˬtaˆ aˬ ha smˇ gʼaˬ kʼawꞈ, naw maꞈ-ahˇ noeˬ mawˇ miˇ-a lehˇ tsaꞈ ahˇ laꞈ-euˬ meh.

Lormav 16:3

Yeˬsuˇ Ka li-euˬ gaˇ laꞈ kʼoeˇ mˇ cawˬ shaˇ cawˬ pyeuꞈ-eu Biˇgiˇla hawˇ-eu Aˬguˇla aˬ nyaꞈ dzeˇ zaˬ-ahˇ noeˬ mawˇ luꞈ ma lehˇ ngaˇ dawˬ cawˬ puˬ ahˇ laꞈ-eu ma.

Lormav 16:6

Aˬshaˆ miˇ kʼahˬ laꞈ kʼoeˇ Ka li zaˬ pyeuꞈ beh beh laˇ-euˬ gʼaˬ pyeuꞈ-eu, ngaˇ gʼoeˇ dui dui-eu Eˇbehˇnehˇ-ahˇ kʼawꞈ noeˬ mawˇ luꞈ ma.

Lormav 16:8

Sahˬpaˬ Miˬyehˇ laꞈ kʼoeˇ ngaˇ gʼoeˇ dui dui-eu Aˬbaˬliˇ-ahˇ kʼawꞈ noeˬ mawˇ luꞈ ma.

Lormav 16:9

Ka li-euˬ gaˇ laꞈ kʼoeˇ mˇ cawˬ shaˇ cawˬ pyeuꞈ-eu Uˇlaˬbaˬ hawˇ-eu, ngaˇ gʼoeˇ dui dui-eu Saˬdaˬkuˇ-ahˇ kʼawꞈ noeˬ mawˇ luꞈ ma.

Lormav 8:1

Kʼoeˇ miˇ neh, Yeˬsuˇ Ka li laꞈ kʼoeˇ jawˇ luꞈ-eu tsawˇ haˬ deuˬ-aˬ, nymˬ-mˇ yaˇ kʼaˬ daˇ nehˬ-eu jeˬ-ahˇ maˬ ya daˬ-a.

Lormav 8:11

Yeˬsuˇ-ahˇ shiˇ-euˬ gaˇ bi gʼoꞈ dehꞈ laˇ-euˬ Miˬyehˇ-euˬ Yaw sahˇ kʼoeˇ naw maꞈ-euˬ laꞈ kʼoeˇ jawˇ naˇ, Ka li-ahˇ shiˇ-euˬ gaˇ bi gʼoꞈ dehꞈ laˇ-euˬ kʼoeˇ gʼaˬ naw maꞈ-euˬ laꞈ kʼoeˇjawˇ-eu aˬ yawꞈ-euˬ Yaw sahˇ Miˬyehˇ-ahˇ gʼoe-awˇ, shiˇ nya-eu naw maꞈ-euˬ gʼawˇ mawˇ-ahˇ dehꞈ-eu jeˬ biꞈ nehˬ laꞈ tehꞈ-a.

Lormav 9:3

Aˬ yawꞈ maꞈ-euˬ gʼaˇ duˬ Miˬyehˇ yaˬ kʼehˇ yaˬ nehˬ laꞈ-eu jeˬ-ahˇ ngaˇ daˬ-awˇ, Ka li-ahˇ gʼawˬ tsehˆ ya tsehˆ kʼawꞈ nui kʼahˇ shiˇ ma.

1 Gawˇliˬtu 1:30

Ehˇ kʼawꞈ, naw maꞈ-ahˇ-aˬ, Yeˬsuˇ Ka li-ahˇ bi tsoꞈ taꞈ-eu gʼaˇ duˬ Miˬyehˇ mˇ-awˇ, Ka li-aˬ aˬ dui-euˬ zaˬ siˬ tsawˇ gahˇ pyeuꞈ ni Miˬyehˇ jahˇ-euˬ meh. Ka li baˬ da neh Miˬyehˇ-ahˇ aˬ dui tsaˬ leˇ tsahˇ leˇ-awˇ, Miˬyehˇ-euˬ muiˬ-eu shawˇ-eu tsawˇ haˬ pyeuꞈ laˇ-awˇ, iˬ baˇ-ahˇ buˬ-iˇ law-iˇ gʼaˬ-euˬ ma.

2 Gawˇliˬtu 11:23

Ngaˇ tsawˇ uˬ loꞈ-ehˇ ngehˬ la de. Aˬ yawꞈ maꞈ Ka li-euˬ zaˬ kʼaˆ ngeuˇ naˇ, ngaˇ-aˬ, aˬ yawꞈ maꞈ naˆ maˬ tseˇ bym dzehˬ-eu Ka li-euˬ zaˬ kʼaˆ ma. Aˬ yawꞈ maꞈ naˆ maˬ tseˇ ngaˇ mˇ taˬ shaˇ taˬ-euˬ jaˆ ma. Aˬ yawꞈ maꞈ naˆ maˬ tseˇ tawˬ-ahˇ uˇ haw-euˬ ma. Aˬ yawꞈ maꞈ naˆ maˬ tseˇ yahˬ caˆ neh bi juiꞈ haw-euˬ ma. Aˬ yawꞈ maꞈ naˆ maˬ tseˇ shiˇ taw tehˬ ni gʼawˬ mya poˆ bi kʼehˬ bi kʼaˆ haw-euˬ ma.

2 Gawˇliˬtu 12:2

Dzeuˇ laˇ-euˬ tseˇ oeˬ kʼoꞈ-ahˇ, mˬ kʼoeˇ taˆ goˇ dui dui-eu tiˆ-ahˇ bi ciˬ daˆ leꞈ-euˬ Ka li zaˬ tiˬ gʼaˬ-ahˇ ngaˇ siˬ nya ma. (Gaˇ kawˆ kʼoeˇ maˇ maˇ ni pyeuꞈ dzeuˇ yaꞈ-euˬ jeˬ ngeuˇ-eu maˬ siˬ. Yaw sahˇ laꞈ kʼoeˇ ya siˬ ya mawˇ-euˬ jeˬ pyeuꞈ-eu maˬ siˬ. Ngaˬ-ahˇ maˬ ehˇ duˬ nya nya. Miˬyehˇ tiˬ gʼaˬ tehꞈ-ehˇ siˬ duˬ-eu meh.)

2 Gawˇliˬtu 5:17

Tsawˇ haˬ tiˬ gʼaˬ Ka li laꞈ kʼoeˇ jawˇ naˇ, yaw shuiꞈ beh paˇ-euˬ tsawˇ haˬ pyeuꞈ-eu meh. Yaw oeˇ byoˆ tsehˆ-awˇ, yaw shuiꞈ paˇ laˇ-euˬ meh.

2 Gawˇliˬtu 5:21

Ka li-aˬ, iˬ baˇ tiˬ pawꞈ-iˬ maˬ ahˇ-a. Ehˇ kʼawꞈ, Ka li laꞈ kʼoeˇ Miˬyehˇ-euˬ yaw tsaˬ yaw dawˇ jeˬ-ahˇ aˬ dui za nya ni, aˬ dui-euˬ gʼaˇ duˬ Miˬyehˇ neh Ka li-ahˇ iˬ baˇ bi pyeuꞈ-iˇ-euˬ meh.

Gaˬlaˬtiˆ 1:22

Kʼoeˇ ngeh keuˆ ni-aˬ, Yuˇdaˆ miˇ kʼahˬ-ahˇ jawˇ-eu Ka li zaˬ aˇ muˇ deuˬ ngaˬ-ahˇ tsawˇ tsaˬ maˬ tsoˆ nya-a siˬ.

Gaˬlaˬtiˆ 2:2

Miˬyehˇ ngaˬ-ahˇ pah mehˬ nehˬ laꞈ-euˬ miˇ neh iˇ-euˬ ma. Aˬ yuiꞈ aˬ tsu deuˬ nehˬ-ehˇ ciˬ cuˇ ni tahˬ dzoeˇ-awˇ, Yuˇdaˆ tsawˇ haˬ maˬ ngeuˇ-eu deuˬ-ahˇ Laˬ kʼaˬ cehˇ-eu Guiˬ lahˬ dawˬ mehˬ-euˬ gaˇ kawˆ ngaˇ dzawˇ nehˬ-euˬ ma. Ngaˬ neh mˇ dzeuˇ yaꞈ-euˬ jeˬ hawˇ-eu nymˬ-mˇ mˇ luꞈ-eu jeˬ yawꞈ ngehꞈ-ehˇ maˬ bi pyeuꞈ-iˇ mawꞈ-eu miˇ neh, kʼoeˇ loꞈ-ehˇ dzawˇ nehˬ-euˬ ma.

Gaˬlaˬtiˆ 2:6

Aˬ yuiꞈ aˬ tsu bi geuꞈ taˬ-euˬ tsawˇ haˬ kʼoeˇ deuˬ kʼawꞈ, ngaˬ-euˬ gʼaˇ duˬ tehꞈ law nmˇ-aˬ teu naˆ naˆ-ehˇ beu gaˇ meh lehˇ maˬ noeˬ nya. Aˬ jeˬ miˇ neh ehˇ naˇ, Miˬyehˇ-aˬ, tsawˇ haˬ zaˬ-ahˇ laꞈ nyiˇ paw tehꞈ-ehˇ haw-awˇ daˇ-eu maˬ ngeuˇ-a. Ngaˇ ehˇ-eu aˬ yuiꞈ aˬ tsu kʼoeˇ deuˬ-aˬ, ngaˬ-ahˇ nui noeˬ nui duˇ yaw shuiꞈ tiˬ jeˬ-iˬ maˬ biꞈ lahˬ laꞈ-aˬ.

Gaˬlaˬtiˆ 5:6

Aˬ jeˬ miˇ neh ehˇ naˇ, Yeˬsuˇ Ka li laꞈ kʼoeˇ jawˇ-eu tsawˇ haˬ deuˬ gʼaˇ duˬ, baˆ kʼoˆ mehˬ dzaˬ yehˬ-euˬ hawˇ-eu maˬ yehˬ-euˬ tiˬ pawꞈ-iˬ beu gaˇ duˬ maˬ jaˆ-a. Gʼoeˇ-eu gaˬ-eu jeˬ mˇ doˆ shaˇ doˆ laꞈ nya-eu jah-eu kʼoeˇ tiˬ jeˬ tehꞈ-ehˇ gaˇ dahˇ tsoeˬ-eu jeˬ pyeuꞈ-eu meh.

Gaˬlaˬtiˆ 6:15

Baˆ kʼoˆ mehˬ dzaˬ yehˬ-euˬ maˬ ehˇ, maˬ yehˬ-euˬ maˬ ehˇ, huiˬ-eu gaˇ kawˆ maˬ ngeuˇ-a. Tsawˇ haˬ yaw shuiꞈ pyeuꞈ laˇ-eu tehꞈ-ehˇ huiˬ dui dui-eu gaˇ kawˆ pyeuꞈ-eu meh.

Eˇpeˇsu 2:10

Nymˬ-mˇ aˬ dui kʼaˇ ngeuˇ-eu loꞈ-ehˇ Miˬyehˇ neh aˬ dui-ahˇ beh taˬ-euˬ meh. Aˬ yawꞈ neh aˬ dui-ahˇ bi mˇ-eu lehˇ lehˬ hmˬ taˬ-euˬ yaw muiˬ jeˬ-ahˇ aˬ dui mˇ nya ni, Yeˬsuˇ Ka li laꞈ kʼoeˇ aˬ dui-ahˇ beh taˬ-euˬ meh.

Gawˇlawˇsehˇ 4:10

Ngaˬ nehˬ-ehˇ tiˬ kawˆ loꞈ-ehˇ tawˬ-ahˇ uˇ luꞈ-eu Aˬliˬdaˬguˇ naw maꞈ-ahˇ dawˬ cawˬ puˬ ahˇ laꞈ-euˬ meh. Kʼoeˇ loꞈ-ehˇ duˇ ni, Baˬnaˬbaˇ-euˬ aˬ yuiꞈ aˬ nyiˇ tsaˬ-eu Maˬkuˆ kʼawꞈ, naw maꞈ-ahˇ dawˬ cawˬ puˬ ahˇ laꞈ-euˬ meh. (Maˬkuˆ laˇ naˇ, aˬ joˆ-ehˇ ya ha nehˬ-eu gaˇ kawˆ naw maꞈ-ahˇ mehˬ nehˬ gʼaˬ-euˬ ma.)

Piˇleˇmoˬ 1:23

Yeˬsuˇ Ka li gʼaˇ duˬ ngaˬ nehˬ-ehˇ tawˬ-ahˇ uˇ luꞈ-eu Iˇbaˬpaˬlaˇ naw maꞈ-ahˇ dawˬ cawˬ puˬ ahˇ laꞈ-euˬ meh.

1 Yoˇhaˬ 4:13

Miˬyehˇ-euˬ laꞈ kʼoeˇ aˬ dui jawˇ luꞈ-awˇ, aˬ dui-euˬ laꞈ kʼoeˇ kʼawꞈ aˬ yawꞈ jawˇ luꞈ-eu yaw duˬ baw-eu ma. Aˬ jeˬ miˇ neh ehˇ naˇ, aˬ dui-ahˇ aˬ yawꞈ-euˬ Yaw sahˇ Miˬyehˇ biꞈ laꞈ-euˬ meh.

1 Yoˇhaˬ 5:20

Maˇ maˇ ni gʼeh-eu Miˬyehˇ-ahˇ aˬ dui siˬ nya laˇ ni, Miˬyehˇ-euˬ Zaˬmaˇ oe-awˇ noeˬ siˬ noeˬ mawˇ nya-eu tsawˇ gahˇ biꞈ laꞈ-euˬ meh lehˇ aˬ dui siˬ nya ma. Aˬ yawꞈ-euˬ Zaˬmaˇ Yeˬsuˇ Ka li laꞈ kʼoeˇ aˬ dui jawˇ luꞈ-eu miˇ neh, maˇ maˇ ni gʼeh-eu Miˬyehˇ laꞈ kʼoeˇ aˬ dui jawˇ luꞈ-eu ma. Heu-aˬ, maˇ maˇ ni gʼeh-eu Miˬyehˇ hawˇ-eu mˬ maˬ maˬ byaꞈ zaˇ ziˇ dehꞈ-eu jeˬ pyeuꞈ-eu meh.

Panmaeq 1:9

Ngaˇ-aˬ, naw maꞈ-euˬ aˬ yuiꞈ aˬ nyiˇ Ka li zaˬ pyeuꞈ-eu Yoˇhaˬ ma. Yeˬsuˇ-euˬ mehˬ nah caw teh-euˬ tsawˇ haˬ tiˬ gʼaˬ pyeuꞈ-eu loꞈ-ehˇ, aˬ yawꞈ-euˬ Miˇ kʼahˬ-ahˇ kʼaˇ taꞈ-eu tsawˇ haˬ deuˬ kʼoeˇ taˆ keuˆ le-euˬ shaˬ-eu zahˬ-eu jeˬ-ahˇ naw maꞈ nehˬ-ehˇ tiˬ kawˆ loꞈ-ehˇ oˇ-awˇ daˬ luꞈ-eu ma. Miˬyehˇ-euˬ dawˬ kawˬ hawˇ-eu Yeˬsuˇ neh pah mehˬ nehˬ laꞈ-euˬ yaw tsaˬ yaw dawˇ jeˬ gaˇ kawˆ ngaˇ mehˬ-euˬ miˇ neh, Baˬmoˇ iˇ jaw lahˇ-ahˇ ka lahˇ-awˇ bi jawˇ laꞈ-euˬ meh.