Lormav 15:5 - Akha

⁵ Yeˬsuˇ Ka li-ahˇ dzaw geuꞈ-eu laꞈ kʼoeˇ naw maꞈ nui ma tiˬ siˬ tehꞈ-ehˇ taˬ-awˇ dehꞈ nya ni, nui ma gʼawˬ mahˇ ni taˬ-eu jeˬ biꞈ laꞈ-awˇ nui ma-ahˇ gʼaˬ biꞈ lahˬ nehˬ laꞈ-eu gʼaˬ pyeuꞈ-eu Miˬyehˇ naw maꞈ-ahˇ caw ba luꞈ-uˇ.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁵ Nymq-mr, ornya-eu jeq hawr-eu nuima sar-eu jeq bifnaeq laf-eu Miqyaer, nawmaf, Yeqsur Kali lof-aer nuima tiqsiq taef-aer taqnya’ni janrnaeqlaf luf-ur.

Lormav 15:5 ပူးပေါင်းရင်းမြစ်များ

2 Laˬsaˬbaˬ 30:12

Yuˇdaˆ miˇ kʼahˬ laꞈ kʼoeˇ kʼawꞈ Miˬyehˇ jawˇ-awˇ, sahˬ paˬ hawˇ-eu aˬ yawꞈ-euˬ gaˇ mˇ-eu yaw huiˬ yaw mahˇ deuˬ-euˬ mehˬ nah miˇ kʼahˬ zaˬ deuˬ caw teh-awˇ, nui ma tiˬ siˬ tehꞈ-ehˇ taˬ-eu laꞈ kʼoeˇ Miˬyehˇ-euˬ ehˇ dawˬ naˇ haˬ geuꞈ ni caw ba nehˬ-euˬ meh.

Jaceuq 86:5

Nawˇ nga maꞈ kʼoeˇ taˆ muiˬ-awˇ iˬ baˇ pyehˬ-eu laꞈ kʼoeˇ, nawˬ-ahˇ guiˬ lahˬ shaˇ-eu tsawˇ haˬ deuˬ-ahˇ, maˬ tsehˆ leˇ ni gaˬ-eu meh.

Doˆ-iˇ 34:6

Kʼoeˇ naˇ, Moˇseˬ-euˬ mehˬ shi Sahˬpaˬ Miˬyehˇ iˇ tsehˆ gʼeh-awˇ ehˇ-eu. “Sahˬpaˬ Miˬyehˇ pyeuꞈ-eu ngaˇ-aˬ, gʼawˬ shaˬ gaˬ nya-awˇ, caw ba nya-eu ma. Yaw awˇ laꞈ-ehˇ nui ma maˬ pehˇ-eu uˬ taꞈ, gʼoeˇ-eu gaˬ-eu jeˬ tiˬ byah ni ahˇ-awˇ, saˇ jaˇ ziꞈ dui dui-eu Miˬyehˇ pyeuꞈ-eu ma.

Yeˬlaˬmiˇ 32:39

Aˬ yawꞈ maꞈ nui noeˬ tiˬ jeˬ tehꞈ-ehˇ bi ahˇ ma. Aˬ yawꞈ maꞈ hawˇ-eu aˬ yawꞈ maꞈ-euˬ zaˬ deuˬ uˆ deuˬ muiˬ ni, aˬ myah luꞈ ngaˬ-ahˇ yaw zeu baw-eu nui noeˬ tiˬ jeˬ tehꞈ-ehˇ aˬ yawꞈ maꞈ-euˬ nui ma laꞈ kʼoeˇ bi ahˇ ma.

Yeˬsaˬgeˬlaˇ 11:19

Aˬ yawꞈ maꞈ-ahˇ ngaˇ nui ma saꞈ laˇ yaw shuiꞈ biꞈ paˇ nehˬ ma. Kʼaˬ lo loꞈ-ehˇ gʼahˇ-eu aˬ yawꞈ maꞈ-euˬ nui ma ngaˇ yuˇ dzeh-awˇ, shaˬ jiˇ loꞈ-ehˇ nahˬ-eu nui ma dawˆ paˇ nehˬ ma.

Gʼaˬkʼehˇ 4:32

Jah-eu tsawˇ haˬ-euˬ aˇ muˇ kʼoeˇ muˇ-aˬ, nui ma tiˬ siˬ tehꞈ-ehˇ taˬ-awˇ, nui noeˬ tiˬ gaˇ taꞈ-eu meh. Yawˬ ha kʼaˇ jaˆ-eu myawˬ gahˬ-aˬ, yawˬ ha-euˬ tehꞈ ma lehˇ tiˬ gʼaˬ-iˬ maˬ ehˇ ni, kʼaˇ jaˆ-eu yawˬ jeˬ na luꞈ tiˬ kawˆ loꞈ-ehˇ geuꞈ-euˬ meh.

Lormav 12:16

Tsawˇ haˬ yawˬ gʼaˬ na luꞈ kʼoeˇ taˆ nui ma tiˬ kawˆ loꞈ-ehˇ taˬ-awˬ. Huiˬ mawꞈ mahˇ mawꞈ-eu nui ma taˬ bi ahˇ. Tsawˇ teˬ zaˬ deuˬ-ahˇ kʼawꞈ cawˬ cawˬ-awˬ. Yawˬ haˇ yawˬ ha zaˬ siˬ tsawˇ gahˇ ahˇ ma lehˇ taˬ noeˬ.

Lormav 15:13

Muiˬ-eu Shawˇ-eu Yaw sahˇ Miˬyehˇ-euˬ baoˬ baˬ da neh naw maꞈ-euˬ noeˬ tmˬ-eu jeˬ huiˬ laˇ mahˇ laˇ nya ni, naw maꞈ Miˬyehˇ-ahˇ jah-eu jeˬ-ahˇ gʼoe-awˇ, noeˬ tmˬ-eu jeˬ-euˬ dawˬ pehˬ duˬ puˇ pyeuꞈ-eu Miˬyehˇ naw maꞈ-ahˇ laˬ kʼaˬ cehˇ nui saˇ za-eu jeˬ bi byah laˇ luꞈ-uˇ.

Lormav 15:3

Aˬ jeˬ miˇ neh ehˇ naˇ, Ka li-aˬ, aˬ yawꞈ gʼaˇ duˬ muiˬ ni dehꞈ-euˬ maˬ ngeuˇ-a. “Naw maꞈ-ahˇ ja bu ja doeˇ-eu deuˬ-euˬ dawˬ doeˇ ngaˇ daˬ-euˬ ma” lehˇ Jaˇliꞈ laꞈ kʼoeˇ boꞈ taˬ-euˬ meh.

1 Gawˇliˬtu 1:10

Aˬ yuiꞈ aˬ nyiˇ Ka li zaˬ deuˬ-oˇ, aˬ dui-euˬ Sahˬpaˬ Yeˬsuˇ Ka li-euˬ tsawˇ myahˇ uˬ moˆ naw maꞈ-ahˇ ngaˇ heu loꞈ-ehˇ shaˇ mawꞈ-eu ma. Naw maꞈ aˇ muˇ maˬ ya muˇ paˆ-eu gʼaˇ duˬ, ngehˬ-eu tmˇ-eu laꞈ kʼoeˇ tsaˬ leˇ dzoeˇ leˇ-eu jeˬ bi ahˇ-awˬ. Nui ma tiˬ siˬ tehꞈ-ehˇ taˬ-awˇ, nui noeˬ tiˬ gaˇ taꞈ-awˬ.

2 Gawˇliˬtu 13:11

Aˬ yuiꞈ aˬ nyiˇ Ka li zaˬ deuˬ-oˇ, aˇ saˬ saˬ-eu dawˬ heu loꞈ-ehˇ ehˇ ma. Laˬ kʼaˬ cehˇ-eu jeˬ oꞈ luꞈ-uˇ. Naw maꞈ dehꞈ paˇ-awˬ. Ngaˬ-euˬ shaˇ dawˬ naˇ haˬ nehˬ laꞈ-awˬ. Tiˬ gʼaˬ tiˇ gʼaˬ tsaˬ leˇ dzoeˇ leˇ-awˬ. Gʼoeˇ-eu gaˬ-eu jeˬ hawˇ-eu nui saˇ oꞈ-eu jeˬ biꞈ-eu Miˬyehˇ naw maꞈ nehˬ-ehˇ jawˇ tehꞈ-a.

2 Gawˇliˬtu 7:6

Ehˇ kʼawꞈ, nui ma cawˆ-eu deuˬ-ahˇ gʼaˬ biꞈ-eu Miˬyehˇ-aˬ, Tiˇtuˆ-ahˇ bi laˇ-eu laꞈ kʼoeˇ nga maꞈ-euˬ nui ma-ahˇ gʼaˬ biꞈ lahˬ laꞈ-euˬ meh.

Eˇpeˇsu 5:2

Ka li aˬ dui-ahˇ gaˬ-eu miˇ neh, Miˬyehˇ nui kʼahˇ shiˇ-eu saw dui dui-eu lawˇ-eu jeˬ loꞈ-ehˇ aˬ yawꞈ-euˬ gʼawˇ mawˇ aˬ dui gʼaˇ duˬ lawˇ nehˬ-euˬ gaˇ duˇ ni, gʼoeˇ-eu gaˬ-eu jeˬ laꞈ kʼoeˇ dehꞈ gʼeh-awˬ.

Piˇliˇpiˆ 1:27

Huiˬ-eu tiˬ jeˬ-aˬ, ngaˇ naw maꞈ-ahˇ haw keuˆ laˇ-eu maˬ kaˬ, maˬ haw keuˆ laˇ-eu maˬ kaˬ, naw maꞈ nui ma tiˬ siˬ tehꞈ-ehˇ taˬ-awˇ ziꞈ dah ni jawˇ luꞈ-eu gaˇ kawˆ hawˇ-eu, La kʼaˬ cehˇ-eu Guiˬ lahˬ dawˬ-ahˇ taꞈ-eu jah-eu jeˬ gʼaˇ duˬ naw maꞈ nui ma gm-awˇ deuˆ ceh ceh luꞈ-eu gaˇ kawˆ-ahˇ ngaˇ ya gaˬ ni, Ka li-euˬ Laˬ kʼaˬ cehˇ-eu Guiˬ lahˬ dawˬ-ahˇ tsaˬ ni dehꞈ gʼeh jawˇ gʼeh-awˬ.

Piˇliˇpiˆ 2:2

Kʼoeˇ miˇ neh, ngaˇ laˬ kʼaˬ cehˇ-eu jeˬ byah laˇ ni, naw maꞈ nui noeˬ tiˬ gaˇ taꞈ-awˇ, gʼoeˇ-eu gaˬ-eu jeˬ tiˬ kawˆ loꞈ-ehˇ ahˇ-awˇ, nui ma tiˬ siˬ tehꞈ-ehˇ taˬ-eu gʼaˇ duˬ, ngaˇ naw maꞈ-ahˇ shaˇ-eu ma.

Piˇliˇpiˆ 3:16

Aˬ geu gʼaˬ aˬ joˆ-ehˇ nui ma taˬ kʼawꞈ, aˬ dui neh caw teh gʼeh laꞈ-euˬ zahˇ sahˇ kʼoꞈ heu hmˬ-ahˇ tehꞈ-ehˇ caw teh-awˇ, ti kawˆ loꞈ-ehˇ mˇ daˆ shaˇ daˆ leꞈ kaˇ-euˇ.

Piˇliˇpiˆ 4:2

Iˇbawˇdiˇ hawˇ-eu Suˇtuˆ-oˇ, Sahˬpaˬ Yeˬsuˇ laꞈ kʼoeˇ nui ma tiˬ gaˇ taꞈ-awˬ lehˇ naw nyaꞈ-ahˇ ngaˇ shaˇ-eu ma.

1 Beˬtuˆluˆ 3:20

Bi ka lahˇ taˬ-euˬ saꞈ laˇ kʼoeˇ deuˬ-aˬ, Noˇaˬ saˇ baoˬ jahˇ-euˬ ziˇ kʼoeˇ ziˇ-ahˇ Miˬyehˇ nui ma gʼawˬ mahˇ ni taˬ-awˇ dawˬ-euˬ kʼawꞈ, Miˬyehˇ-euˬ ehˇ dawˬ maˬ naˇ haˬ-euˬ tsawˇ haˬ kʼoeˇ deuˬ-euˬ saꞈ laˇ deuˬ meh. Saˇ baoˬ laꞈ kʼoeˇ uˇ leˇ-euˬ tsawˇ haˬ yehꞈ gʼaˬ tehꞈ-ehˇ Miˬyehˇ neh iˇ cuꞈ-ahˇ bi buˬ-iˇ-euˬ meh.

1 Beˬtuˆluˆ 3:8

Aˇ saˬ saˬ-eu dawˬ-aˬ, heu loꞈ-ehˇ ma. Naw maꞈ nui noeˬ taꞈ-awˇ, nui ma gm-awˬ. Ti gʼaˬ tiˇ gʼaˬ aˬ yuiꞈ aˬ nyiˇ loꞈ-ehˇ gaˬ-awˬ. Tiˬ gʼaˬ tiˇ gʼaˬ gʼawˬ shaˬ gaˬ-awˇ nui nahˬ nui yu ahˇ-awˬ.

2 Beˬtuˆluˆ 3:15

Miˬyehˇ neh biꞈ-euˬ zaˬ siˬ nui gahˇ-ahˇ gʼoe-awˇ, aˬ dui gaˬ dui dui-eu aˬ yuiꞈ aˬ nyiˇ pyeuꞈ-eu Pawˇluˆ neh naw maꞈ-ahˇ sahˬ boꞈ boꞈ ahˇ laꞈ-euˬ loꞈ-ehˇ, naw maꞈ ka kʼoꞈ-eu jeˬ bi za-eu gʼaˇ duˬ Sahˬpaˬ Yeˬsuˇ oˇ oˇ-ehˇ dawˬ luꞈ meh lehˇ noeˬ siˬ noeˬ mawˇ-awˬ.

2 Beˬtuˆluˆ 3:9

Sahˬpaˬ Miˬyehˇ-aˬ, tsawˇ haˬ tiˬ paˆ na deuˬ noeˬ-eu loꞈ-ehˇ, aˬ yawꞈ neh saˇ jaˇ dzaˬ taˬ-euˬ jeˬ maˬ mˇ byah ni nyi naˬ-eu Miˬyehˇ maˬ ngeuˇ-a. Ehˇ kʼawꞈ, tsawˇ haˬ tiˬ gʼaˬ-iˬ maˬ bi luˬ maˬ bi seˇ-iˇ mawꞈ-eu miˇ neh, dawˬ tawˆ luꞈ iˬ baˇ bi noeˬ poˆ-eu gʼaˇ duˬ aˬ yawꞈ oˇ luꞈ-eu jeˬ pyeuꞈ-eu meh.