Lormav 15:27 - Akha

²⁷ Kʼoeˇ loꞈ-ehˇ noeˬ tsehˆ-euˬ kʼoeˇ-aˬ, aˬ yawꞈ maꞈ yawˬ haˇ yawˬ ha noeˬ siˬ-awˇ noeˬ tsehˆ-euˬ jeˬ pyeuꞈ-eu meh. Ehˇ kʼawꞈ, maˇ maˇ ni ehˇ leꞈ naˇ, aˬ yawꞈ maꞈ kʼoeˇ deuˬ-ahˇ ya caw ba-eu kʼaˆ behˆ jaˆ-eu meh. Aˬ jeˬ miˇ neh ehˇ naˇ, Yuˇdaˆ tsawˇ haˬ deuˬ neh Yuˇdaˆ tsawˇ haˬ maˬ ngeuˇ-eu deuˬ-ahˇ saꞈ laˇ paw-euˬ guiˬ lah caw ba nehˬ-euˬ-aˬ, Yuˇdaˆ tsawˇ haˬ maˬ ngeuˇ-eu deuˬ kʼawꞈ Yuˇdaˆ tsawˇ haˬ deuˬ-ahˇ shiˬ shaˬ jiˇ paw-euˬ guiˬ lahˬ caw ba nehˬ paˬ-ehˇ gʼeh-eu meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²⁷ Khoer-aq, aqyawf maf-anr aqdir nuikhanr bi shirler-euq mae. Khoeruqtaf, aqyawfmaf dzirdzov tsoeqnaeq-eu laer khawf aernya-eu mae. Aqjeq mirnae aernar-aq, aqcawq tsawrjeuq tsawrca deuq, saflar paw Yurdav tsawrhaq naeq-aer tiqkawv lof-aer guiqlanq za-euq ngeur nar-aq, shiqshaq paw-euq myawqganq Yurdav tsawrhaq-anr bifnaeq-eu-aq, aqyawfmaf ya’mr-eu gar pyeuf-eu mae.

Lormav 15:27 ပူးပေါင်းရင်းမြစ်များ

Maꞈtehˬ 6:12

Aˬ cawˬ mˇ bahˬ laꞈ-euˬ jeˬ-ahˇ, nga maꞈ iˬ baˇ pyehˬ-euˬ loꞈ-ehˇ, nga maꞈ mˇ bahˬ taˬ-euˬ jeˬ-ahˇ, nawˇ iˬ baˇ pyehˬ nehˬ laꞈ.

Lormav 11:17

Tsawˇ haˬ zaˬ neh ka taˬ-euˬ saˬ loˬ aˇ bawˇ-euˬ uˬ laꞈ tiˬ paˆ na deuˬ deuˆ tsehˆ dzeh-awˇ, bawˇ tsahˬ-ahˇ dehꞈ-eu saˬ loˬ aˇ bawˇ-euˬ uˬ laꞈ yuˇ-awˇ paˇ tsaꞈ nehˬ-euˬ meh. Naw maꞈ Yuˇdaˆ tsawˇ haˬ maˬ ngeuˇ-eu deuˬ-aˬ, bawˇ tsahˬ-ahˇ dehꞈ-eu saˬ loˬ aˇ bawˇ-ahˇ duˇ-eu meh. Ehˇ kʼawꞈ, Yuˇdaˆ tsawˇ haˬ-euˬ guiˬ lahˬ saꞈ laˇ paw gʼaˬ kʼaˆ dui dui-eu jeˬ-ahˇ nymˬ-mˇ naw maꞈ za luꞈ-eu meh.

Lormav 7:14

Zahˇ dawˬ kʼoꞈ dawˬ-aˬ, guiˬ lahˬ saꞈ laˬ-ahˇ taꞈ leˇ-eu jeˬ meh lehˇ aˬ dui siˬ nya ma. Ehˇ kʼawꞈ, ngaˇ-aˬ, iˬ baˇ-euˬ zaˬ kʼaˆ geuꞈ-eu lehˇ bi ahˬ ahˇ taˬ-euˬ shiˬ shaˬ jiˇ pi luꞈ-eu tsawˇ haˬ zaˬ ma.

1 Gawˇliˬtu 9:11

Naw maꞈ jawˇ gaˇ nga maꞈ guiˬ lah saꞈ laˇ-ahˇ taꞈ-eu siˬ yoeˬ sehˬ ngeh keuˆ-ehˇ-aˬ, shiˬ shaˬ jiˇ-ahˇ taꞈ leˇ-eu jeˬ yehˬ dzaˬ naˇ aˇ dzehˬ dzeuˇ ta loˇ.

Gaˬlaˬtiˆ 6:6

Miˬyehˇ dawˬ kawˬ dzaw luꞈ-eu tsawˇ haˬ-aˬ, yawˬ ha kʼaˇ jaˆ-eu yaw muiˬ jeˬ dawˬ tawˆ luꞈ yawˬ ha-ahˇ mehˬ nehˬ laꞈ-eu gʼaˬ-ahˇ biˇ nehˬ-eu tsaˬ meh.

Piˇleˇmoˬ 1:19

Ngaˬ-euˬ aˬ laꞈ neh ngaˇ heu loꞈ-ehˇ boꞈ-eu ma. Ngaˇ Pawˇluˆ nawˬ-ahˇ tsoeˬ kʼoꞈ nehˬ ma. (Nawˬ-euˬ mawˇ do do lah-ehˇ ngaˬ-ahˇ dziˇ dzoˆ naꞈ luꞈ-eu gaˇ kawˆ ngaˇ maˬ paˇ ehˇ ma.)