Lormav 15:26 - Akha

²⁶ Aˬ jeˬ miˇ neh ehˇ naˇ, Yeˬluˇsaˬlehˬ meuˬ-ahˇjawˇ-eu Miˬyehˇ-euˬ tsawˇ haˬ deuˬ laꞈ kʼoeˇ shaˬ-eu zahˬ-eu deuˬ-ahˇ caw ba nehˬ-eu gʼaˇ duˬ, Maˬgeˬdawˇniˆˆ miˇ kʼahˬ hawˇ-eu Aˬgaˬyaˇ miˇ kʼahˬ-ahˇ jawˇ-eu Ka li zaˬ aˇ muˇ deuˬ pyuˇ daˬ biꞈ nehˬ-eu lehˇ noeˬ tsehˆ taˬ-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²⁶ Aqjeq mirnae aernar-aq, Maqgeqdawrniv mirkhanq hawr-eu Aqgaqyar mirkhanq-anr jawr-eu tsawrshawr deuq, Yeqlursaqlaeq-anr jawr-eu tsawrshawr deuq-euq lafkhoer irshaqzaq deuq-euq gharduq, pyur damq-awr cawba-eu gar nuikhanr shir-eu mae.

Lormav 15:26 ပူးပေါင်းရင်းမြစ်များ

Dawqdaq 14:21

Yawˬ ha-ahˇ taꞈ-eu deuˬ-ahˇ maˬ haw nahˇ-eu tsawˇ haˬ iˬ baˇ mˇ gaˇ duˇ-awˇ, iˇ shaˬ zaˬ-ahˇ gʼawˬ shaˬ gaˬ-eu tsawˇ haˬ guiˬ lahˬ huiˬ-eu meh.

Dawqdaq 14:31

Yaw shaˬ zaˬ-ahˇ kʼehˬ-eu jeˬ, Beh-euˬ yaw sahˇ-ahˇ coeˬ leˇ-awˇ, yaw shaˬ zaˬ-ahˇ ngehˬ gʼeh-eu jeˬ, aˬ yawꞈ-ahˇ uˬ duˬ tahˬ gaˇ duˇ-eu meh.

Dawqdaq 17:5

Iˇ shaˬ zaˬ-ahˇ dawˬ doeˇ ngehˬ-eu jeˬ, beh-euˬ yaw sahˇ-ahˇ coeˬ leˇ-awˇ, tsawˬ toeˬ iˇ gaˇ kʼaˬ lo lahˬ nehˬ-eu deuˬ, kʼehˬ-eu kʼaˆ-eu jeˬ-ahˇ maˬ dzeuˇ-iˇ-a.

Zaˬkaˬliˇ 11:11

Kʼoeˇ miˇ neh, dawˬ ma saˇ jaˇ kʼoeˇ hmˬ kʼoeˇ ngeh nah cawˆ-iˇ-euˬ meh. Yawˇ gaꞈ-eu tsawˇ haˬ kʼoeˇ deuˬ ngaˇ mˇ gaˇ haw tsoˆ taˬ-awˇ, ngaˬ neh mˇ-euˬ jeˬ laꞈ kʼoeˇ Sahˬpaˬ Miˬyehˇ dawˬ ngehˬ luꞈ-eu nga lehˇ haw siˬ-euˬ meh.

Zaˬkaˬliˇ 11:7

Yawˇ gaꞈ-eu deuˬ neh sehꞈ-eu gʼaˇ duˬ zeuˇ taˬ-euˬ yawˇ deuˬ-ahˇ ngaˇ bo-euˬ ma. Daˇ cuiˇ nyiˬ cuiˇ ngaˇ tuˆ tehˬ taˬ-euˬ ma. Tiˬ cuiˇ-ahˇ “Gʼawˬ shaˬ gaˬ-eu jeˬ” lehˇ myahˇ-awˇ, biˬ cuiˇ-ahˇ “nui ma gm-eu jeˬ” lehˇ myahˇ-euˬ ma. Kʼoeˇ naˇ, yawˇ kʼoeˇ deuˬ-ahˇ ngaˇ bo-euˬ ma.

Maꞈtehˬ 25:40

Kʼoeˇ ngeh, aˬ yawꞈ maꞈ-ahˇ Sahˬ paˬ heu loꞈ-ehˇ ehˇ nehˬ tehꞈ-a. ‘Ngaˬ-euˬ aˬ yuiꞈ aˬ nyiˇ heu deuˬ laꞈ kʼoeˇ, aˬ cawˬ naˆ maˬ tseˇ nyiˇ teˬ-eu gʼaˬ-ahˇ naw maꞈ neh ngehˬ gʼeh nehˬ-euˬ jeˬ-aˬ, ngaˬ-ahˇ ngehˬ gʼeh nehˬ laꞈ gaˇ duˇ-eu meh lehˇ, ngaˇ naw maꞈ-ahˇ maˇ jawˆ ni ehˇ-eu ma.’

Maꞈtehˬ 26:11

Shaˬ-eu zahˬ-eu tsawˇ haˬ deuˬ naw maꞈ nehˬ-ehˇ aˬ myah luꞈ jawˇ tehꞈ-a. Ehˇ kʼawꞈ, ngaˇ naw maꞈ nehˬ-ehˇ aˬ myah luꞈ jawˇ-eu maˬ ngeuˇ.

Luˇkaꞈ 14:13

Ehˇ kʼawꞈ, nawˇ hawˬ byawˇ lawˇ ngeh, shaˬ-euˬ zahˬ-eu tsawˇ haˬ deuˬ, kuiˇ kuˆ laꞈ kuˆ kuˆ-eu tsawˇ haˬ deuˬ, kuiˇ shiˇ laꞈ shiˇ shiˇ-eu tsawˇ haˬ deuˬ hawˇ-eu, myaˆ behꞈ behꞈ-eu tsawˇ haˬ deuˬ-ahˇ kuˇ-awˬ.

Luˇkaꞈ 6:20

Yeˬsuˇ aˬ yawꞈ-euˬ zaˬ lahˇ deuˬ-ahˇ haw-awˇ ehˇ-eu, “Naw maꞈ shaˬ-eu zahˬ-eu tsawˇ haˬ deuˬ guiˬ lahˬ huiˬ-eu meh. Aˬjeˬ miˇ neh ehˇ naˇ, Miˬyehˇ Miˇkʼahˬ naw maꞈ-ahˇ oꞈ-eu meh.

Gʼaˬkʼehˇ 16:12

Kʼoeˇ gaˇ neh naˇ, Piˇliˇpiˆ meuˬ-ahˇ nga maꞈ le-euˬ ma. Meuˬ kʼoeˇ meuˬ-aˬ, Loˇmaˆ tsawˇ haˬ uˆ lahˇ luꞈ-eu Maˬgeˬdawˇniˆ miˇ kʼahˬ laꞈ kʼoeˇ aˬ cawˬ naˆ maˬ tseˇ huiˬ-eu meuˬ pyeuꞈ-eu meh. Kʼoeˇ gaˇ nga maꞈ gʼawˬ mya nah jawˇ-euˬ ma.

Gʼaˬkʼehˇ 16:9

Kʼoeˇ ngeh miˇ yaw sahˇ laꞈ kʼoeˇ Pawˇluˆ heu loꞈ-ehˇ ya mawˇ-euˬ meh. Maˬgeˬdawˇniˆ tsawˇ haˬ tiˬ gʼaˬ yawꞈ le-awˇ, “Maˬgeˬdawˇniˆ miˇ kʼahˬ-ahˇ laˇ-awˇ, nga maꞈ-ahˇ tiˬ poˆ caw ba laˇ-awˬ” lehˇ shaˇ le-euˬ gaˇ aˬ yawꞈ ya mawˇ-euˬ meh.

Gʼaˬkʼehˇ 18:12

Gaˬliˬoˬ lehˇ kuˇ-eu gʼaˬ, Aˬgaˬyaˇ miˇ kʼahˬ-ahˇ uˆ lahˇ luꞈ ngeh, Yuˇdaˆ tsawˇ haˬ deuˬ gm leˇ-awˇ Pawˇluˆ-ahˇ nyehꞈ-awˇ, yaˇ kʼaˬ daˇ-eu saˇ naˇ-ahˇ sheuˬ gʼeh-euˬ meh.

Gʼaˬkʼehˇ 19:21

Gaˇ kawˆ kʼoeˇ deuˬ pyeuꞈ laˇ gʼaˬ ngeh, Maˬgeˬdawˇniˆ miˇ kʼahˬ hawˇ-eu Aˬgaˬyaˇ miˇ kʼahˬ-ahˇ cah-iˇ-awˇ, Yeˬluˇsaˬlehˬ meuˬ-ahˇ iˇ ma lehˇ Pawˇluˆ noeˬ tsehˆ-euˬ meh. “Kʼoeˇ gaˇ iˇ gʼaˬ naˇ, Loˇmaˆ meuˬ-ahˇ kʼawꞈ ya iˇ haw nga siˬ” lehˇ aˬ yawꞈ ehˇ-eu meh.

Gʼaˬkʼehˇ 9:13

Aˬnaˬniˇ ehˇ-eu, “Sahˬpaˬ-oˇ, tsawˇ haˬ heu gʼaˬ gaˇ kawˆ hawˇ-eu, Yeˬluˇsaˬlehˬ meuˬ-ahˇ jawˇ-eu nawˬ-euˬ tsawˇ haˬ deuˬ-ahˇ aˬ yawꞈ neh kʼehˬ-euˬ kʼaˆ-euˬ gaˇ kawˆ, tsawˇ haˬ gʼawˬ mya gʼaˬ ngaˬ-ahˇ ja mehˬ laꞈ-euˬ meh.

1 Gawˇliˬtu 16:15

Saˬteˬpaˬ hawˇ-eu aˬ yawꞈ-euˬ miˬ sawˇ zaˬ deuˬ gaˇ kawˆ naw maꞈ siˬ nya meh. Aˬ yawꞈ pehˬ-aˬ, Aˬˬgaˬyaˇ miˇ kʼahˬ laꞈ kʼoeˇ Ka li zaˬ pyeuꞈ beh beh laˇ-awˇ, Miˬyehˇ-euˬ tsawˇ haˬ deuˬ gʼaˇ duˬ gaˇ mˇ-eu lehˇ gʼawˇ mawˇ damˬ taˬ-euˬ tsawˇ haˬ meh. Ngaˇ naw maꞈ-ahˇ heu loꞈ-ehˇ shaˇ-eu ma.

1 Gawˇliˬtu 16:5

Ngaˇ Maˬgeˬdawˇniˆˆ miˇ kʼahˬ-ahˇ cah gʼaˬ naˇ, naw maꞈ jawˇ gaˇ oe ma. Aˬ jeˬ miˇ neh ehˇ naˇ, Maˬgeˬdawˇniˆˆ miˇ kʼahˬ-ahˇ ngaˇ le paˬ-ehˇ gʼeh-eu meh.

2 Gawˇliˬtu 1:16

Ngaˇ Yuˇdaˆ miˇ kʼahˬ-ahˇ iˇ ngeh naw maꞈ neh bi caw ba-eu gʼaˇ duˬ, Maˬgeˬdawˇniˆ miˇ kʼahˬ-ahˇ le paw jaw naw maꞈ jawˇ gaˇ uˇ le-awˇ, gʼoꞈ le paw jaw kʼawꞈ naw maꞈ jawˇ gaˇ paˇ uˇ le-eu lehˇ lehˬ hmˬ taˬ-euˬ ma.

2 Gawˇliˬtu 11:9

Naw maꞈ nehˬ-ehˇ ngaˇ jawˇ ngeh, pyuˇ loˬ laˇ kʼawꞈ naw maꞈ-ahˇ maˬ shaˇ haw-aˬ. Maˬgeˬdawˇniˆˆ miˇ kʼahˬ-ahˇ neh oe-euˬ aˬ yuiꞈ aˬ nyiˇ Ka li zaˬ deuˬ ngaˇ kʼaˇ loˬ-eu jeˬ sha ha le-euˬ meh. Dzeuˇ laˇ ngeh naw maꞈ-ahˇ tiˬ jeˬ-iˬ maˬ shaˇ haw-euˬ loꞈ-ehˇ, aˬ kaˇ mehˬ hu paw kʼawꞈ maˬ shaˇ ni mˇ daˆ leꞈ ma.

2 Gawˇliˬtu 2:13

Ehˇ kʼawꞈ, a nyiˇ Tiˇtuˆ-ahˇ kʼoeˇ gaˇ maˬ ya mawˇ-euˬ miˇ neh nui ma tiˬ pawꞈ-iˬ maˬ saˇ nya. Kʼoeˇ miˇ neh, kʼoeˇ gaˇ jawˇ-eu tsawˇ haˬ deuˬ-ahˇ dawˬ cawˬ puˬ yaꞈ-awˇ, Maˬgeˬdawˇniˆˆ miˇ kʼahˬ-ahˇ le gʼeh leꞈ-euˬ ma.

2 Gawˇliˬtu 7:5

Nga maꞈ Maˬgeˬdawˇniˆˆ miˇ kʼahˬ-ahˇ laˇ keuˆ-euˬ kʼawꞈ, yaw saˇ maˬ oꞈ nya. Yawˬ paw na luꞈ shaˬ zahˬ keuˆ le teuˇ le-awˇ, aˬ cawˬ nehˬ-ehˇ ya ja dzaˬ-eu uˬ taꞈ, nui ma laꞈ kʼoeˇ guˆ-eu jeˬ pi luꞈ-eu ma.

2 Gawˇliˬtu 9:12

Aˬ jeˬ miˇ neh ehˇ naˇ, naw maꞈ heu loꞈ-ehˇ mˇ-eu heu-aˬ, Miˬyehˇ-euˬ tsawˇ haˬ loˬ luꞈ-eu tsahˇ-ahˇ gaˇ dahˇ tsoeˬ leˇ-eu tehꞈ maˬ ngeuˇ-a. Miˬyehˇ-euˬ guiˬ lahˬ-ahˇ ja ceuˬ-eu jeˬ kʼawꞈ maˬ ehˇ jiˇ coeˇ ni bi doˆ laˇ-eu meh.

2 Gawˇliˬtu 9:2

Naw maꞈ caw ba mawꞈ-eu nui ma ahˇ meh lehˇ ngaˇ siˬ nya-awˇ, Maˬgeˬdawˇniˆˆ miˇ kʼahˬ-ahˇ jawˇ-eu Ka li zaˬ deuˬ-ahˇ naw maꞈ-euˬ gaˇ kawˆ ngaˇ kʼahˬ sehˇ jehˆ mehˬ gʼaˬ-euˬ ma. “Aˬgaˬyaˇ miˇ kʼahˬ-ahˇ jawˇ-eu Ka li zaˬ deuˬ-aˬ, miˇ nui kʼoꞈ ba neh caw ba nehˬ-eu gʼaˇ duˬ lehˬ hmˬ dah taˬ-euˬ meh” lehˇ ngaˇ ehˇ nehˬ-euˬ ma. Naw maꞈ nui ma keuˆ-eu gaˇ kawˆ ya gaˬ ngeh, aˬ yawꞈ maꞈ dawˬ tawˆ luꞈ ehˇ gʼaˬ ni nui ma keuˆ laˇ-euˬ meh.

2 Gawˇliˬtu 9:4

Ehˇ kʼawꞈ, Maˬgeˬdawˇniˆˆ miˇ kʼahˬ-ahˇ jawˇ-eu tsawˇ haˬ deuˬ ngaˬ nehˬ-ehˇ oe ngeh, naw maꞈ maˬ lehˬ hmˬ taˬ ni jawˇ gaˇ ya mawˇ naˇ, naw maꞈ daˬ ga-eu gaˇ kawˆ ngaˇ maˬ paˇ ehˇ nahˇ miˇ-a. Naw maꞈ-ahˇ jah jah-ehˇ kʼahˬ sehˇ jehˆ-euˬ nga maꞈ kʼawꞈ aˇ naˆ ni daˬ ga nmˇ.

Piˇliˇpiˆ 4:15

Kʼoeˇ ngeh, ngaˇ Laˬ kʼaˬ cehˇ-eu Guiˬ lahˬ dawˬ mehˬ dahˬ beh ngeh, Maˬgeˬdawˇniˆˆ miˇ kʼahˬ-ahˇ neh ngaˇ gʼoꞈ ka le gaˇ caw ba nehˬ laꞈ-euˬ-aˬ, naw maꞈ-euˬ Ka li zaˬ aˇ muˇ tiˬ muˇ tehꞈ meh. Ngaˬ nehˬ-ehˇ jeˬ ma taꞈ-eu tsawˇ haˬ-aˬ, naw maꞈ tehꞈ meh.

1 Teˇsaˬloˇni 1:7

Kʼoeˇ miˇ neh naw maꞈ-aˬ, Maˬgeˬdawˇniˆ miˇ kʼahˬ hawˇ-eu Aˬgaˬyaˇ miˇ kʼahˬ-ahˇ jawˇ-eu tsawˇ haˬ deuˬ gʼaˇ duˬ dzaw geuꞈ duˬ pyeuꞈ laˇ-euˬ meh.

1 Teˇsaˬloˇni 1:8

Aˬ jeˬ miˇ neh ehˇ naˇ, Maˬgeˬdawˇniˆ miˇ kʼahˬ hawˇ-eu Aˬgaˬyaˇ miˇ kʼahˬ doe ni, Sahˬpaˬ Yeˬsuˇ gaˇ kawˆ guiˬ lahˬ dawˬ gaˬ keuˆ-iˇ-euˬ kʼoeˇ-aˬ, naw maꞈ baˬ da neh gaˬ keuˆ-iˇ-euˬ uˬ jeˬ pyeuꞈ-eu uˬ taꞈ, naw maꞈ Miˬyehˇ-ahˇ jah-eu gaˇ kawˆ yawˬ gaˇ na luꞈ gaˬ doe-iˇ-euˬ meh. Kʼoeˇ miˇ neh, nga maꞈ tiˬ jeˬ-iˬ ehˇ kʼaˇ maˬ paˇ za miˇ-a.

1 Teˇsaˬloˇni 4:10

Maˇ maˇ ni ehˇ naˇ, Maˬgeˬdawˇniˆ miˇ kʼahˬ laꞈ kʼoeˇ kʼaˇ jawˇ-eu aˬ yuiꞈ aˬ nyiˇ Ka li zaˬ dawˬ tawˆ luꞈ-ahˇ, naw maꞈ kʼoeˇ loꞈ-ehˇ gʼoeˇ-euˬ gaˬ-euˬ meh. Kʼoeˇ miˇ neh aˬ yuiꞈ aˬ nyiˇ Ka li zaˬ deuˬ-oˇ, naw maꞈ-euˬ gʼoeˇ-eu gaˬ-eu jeˬ kʼoeˇ naˆ maˬ tseˇ myaˬ laˇ ni leh jeh siˬ lehˇ nga maꞈ shaˇ-eu ma.

1 Tiˆmoˇseˬ 1:3

Maˬgeˬdawˇniˆ miˇ kʼahˬ-ahˇ ngaˇ iˇ luꞈ ngeh nawˬ-ahˇ ehˇ nehˬ-euˬ loꞈ-ehˇ, Eˇpeˇsu meuˬ laꞈ kʼoeˇ bi jawˇ mawꞈ miˇ-a. Kʼoeˇ gaˇ jawˇ-eu tsawˇ haˬ tiˬ paˆ na deuˬ beu gaˇ-eu jah-eu jeˬ gaˇ kawˆ mehˬ luꞈ-eu meh. Maˬ mehˬ ni bi naˬ-eu gʼaˇ duˬ nawˇ dawˬ ya biꞈ meh.

Piˇleˇmoˬ 1:5

Aˬ jeˬ miˇ neh ehˇ naˇ, Miˬyehˇ-euˬ tsawˇ haˬ dawˬ tawˆ luꞈ-ahˇ nawˇ gaˬ-eu gaˇ kawˆ hawˇ-eu, Sahˬpaˬ Yeˬsuˇ-ahˇ nawˇ jah-eu jeˬ-euˬ gaˇ kawˆ ngaˇ ya gaˬ-euˬ ma.