Lormav 15:24 - Akha

²⁴ Nymˬ-mˇ poˆ-aˬ, naw maꞈ jawˇ gaˇ laˇ keuˆ ma lehˇ noeˬ tmˬ taˬ-euˬ ma. Saˬbeˬ miˇ kʼahˬ-ahˇ le ba jawˬ-ehˇ naw maꞈ jawˇ gaˇ laˇ naˬ-awˇ, naw maꞈ nehˬ-ehˇ tiˬ kʼehˬ jawˇ gʼaˬ naˇ, naw maꞈ neh bi caw ba-awˇ Saˬbeˬ miˇ kʼahˬ-ahˇ le ma lehˇ noeˬ taˬ-euˬ ma.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²⁴ Ngar, Saqbeq-anr le ngae, nawmaf jawr-eu gar lar taef-a. Aqjeq mirnae aernar-aq, ngar, nawmaf-anr jeqhu ya’mawr-awr nawmaf naeq-aer cawq tiqkhaeq yacawq-eu gar noeqtmq-eu uqtaf, ngar, Saqbeq-anr lenya’ni nawmaf cawba naeqlaf-eu gar khawf noeqtmq-eu ma.

Lormav 15:24 ပူးပေါင်းရင်းမြစ်များ

Dawqdaq 25:17

Aˇ dzehˬ dzaˬ dzeuˇ naˇ uˬ pehꞈ pehꞈ-eu meh. Yawˬ ha-ahˇ nymˇ kaˬ taꞈ-eu gʼaˬ jawˇ gaˇ, tiˬ kʼehˬ maˬ taˬ ni dawˬ deh maˬ ya gʼa-a. Tiˬ kʼehˬ maˬ taˬ ni dawˬ deh gʼa naˇ, aˬ yawꞈ nawˬ-ahˇ haw dehˆ-awˇ, maˬ haw nahˇ-ehˇ pyeuꞈ-iˇ tehꞈ-a.

Gʼaˬkʼehˇ 15:3

Aˬ yawꞈ maꞈ-ahˇ Ka li zaˬ aˇ muˇ neh kʼehˇ-awˇ bi iˇ-euˬ meh. Piˇniˇshaˆ miˇ kʼahˬ hawˇ-eu Saˬmaˬliˇ miˇ kʼahˬ kʼoeˇ deuˬ-ahˇ iˇ luꞈ ngeh, aˬ cawˬ tsawˇ jeuˬ deuˬ Miˬyehˇ jawˇ paw gʼoꞈ pyawˇ laˇ-euˬ gaˇ kawˆ ja mehˬ-euˬ meh. Gaˇ kawˆ kʼoeˇ kʼaˇ ya gaˬ-euˬ jah-eu tsawˇ haˬ dawˬ tawˆ luꞈ, laˬ kʼaˬ cehˇ dui dui-euˬ meh.

Gʼaˬkʼehˇ 19:21

Gaˇ kawˆ kʼoeˇ deuˬ pyeuꞈ laˇ gʼaˬ ngeh, Maˬgeˬdawˇniˆ miˇ kʼahˬ hawˇ-eu Aˬgaˬyaˇ miˇ kʼahˬ-ahˇ cah-iˇ-awˇ, Yeˬluˇsaˬlehˬ meuˬ-ahˇ iˇ ma lehˇ Pawˇluˆ noeˬ tsehˆ-euˬ meh. “Kʼoeˇ gaˇ iˇ gʼaˬ naˇ, Loˇmaˆ meuˬ-ahˇ kʼawꞈ ya iˇ haw nga siˬ” lehˇ aˬ yawꞈ ehˇ-eu meh.

Gʼaˬkʼehˇ 21:5

Ehˇ kʼawꞈ, nga maꞈ aˬ yawꞈ maꞈ nehˬ-ehˇ jawˇ-eu aˇ yamˬ jiˇ laˇ ngeh, mehˬ hu paw iˇ-euˬ ma. Aˬ yawꞈ maꞈ hawˇ-eu aˬ yawꞈ maꞈ-euˬ miˬ sawˇ zaˬ dawˬ tawˆ luꞈ, meuˬ-ahˇ neh iˬ ma laˆ shaˆ lawˇ deh-ahˇ keuˆ ni nga maꞈ-ahˇ sheuˬ keuˆ ha le-awˇ, nga maꞈ dawˬ tawˆ luꞈ kʼoeˇ gaˇ pawˬ tsuiꞈ pawˬ dmˬ dmˬ-awˇ guiˬ lahˬ shaˇ-euˬ ma.

Lormav 1:12

Ngaˇ ehˇ mawꞈ-eu-aˬ, ngaˬ-euˬ jah-eu jeˬ baˬ da neh naw maꞈ gʼaˬ ahˇ dzehˬ laˇ-eu uˬ taꞈ, naw maꞈ-euˬ jah-eu jeˬ baˬ da neh ngaˇ gʼaˬ ahˇ dzehˬ laˇ-awˇ, nyiˬ paw luꞈ guiˬ lahˬ baw-eu jeˬ-ahˇ ehˇ mawꞈ-eu ma.

Lormav 15:28

Ngaˇ gaˇ heu hmˬ mˇ luiˆ gʼaˬ-awˇ aˬ yawꞈ maꞈ gʼaˇ duˬ kʼaˇ laˆ uiˬ taˬ-euˬ pyuˇ daˬ dawˬ tawˆ luꞈ aˬ yawꞈ maꞈ-euˬ aˬ laꞈ laꞈ kʼoeˇ a nehˬ yaꞈ gʼaˬ naˇ, Saˬbeˬ miˇkʼahˬ-ahˇ le ba jawˬ-ehˇ naw maꞈ jawˇ gaˇ laˇ ma.

2 Gawˇliˬtu 1:16

Ngaˇ Yuˇdaˆ miˇ kʼahˬ-ahˇ iˇ ngeh naw maꞈ neh bi caw ba-eu gʼaˇ duˬ, Maˬgeˬdawˇniˆ miˇ kʼahˬ-ahˇ le paw jaw naw maꞈ jawˇ gaˇ uˇ le-awˇ, gʼoꞈ le paw jaw kʼawꞈ naw maꞈ jawˇ gaˇ paˇ uˇ le-eu lehˇ lehˬ hmˬ taˬ-euˬ ma.

3 Yoˇhaˬ 1:6

Nawˬ-euˬ gʼoeˇ-eu gaˬ-eu jeˬ gaˇ kawˆ, heu gaˇ jawˇ-eu Ka li zaˬ aˇ muˇ-ahˇ aˬ yawꞈ maꞈ ja mehˬ nehˬ-euˬ meh. Miˬyehˇ nui ma tsaˬ-eu loꞈ-ehˇ aˬ yawꞈ maꞈ mehˬ hu paw gaˇ ma doˆ-iˇ nya ni tiˬ poˆ caw ba nehˬ-awˬ lehˇ shaˇ-eu ma.