Lormav 15:19 - Akha

¹⁹ Zahˬ leˇ paˬ-ehˇ gʼeh-eu jeˬ hawˇ-eu kʼaˆ jeˬ-ehˇ gʼeh-eu jeˬ mˇ nya-eu baoˬ hawˇ-eu, Muiˬ-eu Shawˇ-eu Yaw sahˇ Miˬyehˇ-euˬ baoˬ-ahˇ gʼoe-awˇ mˇ-euˬ jeˬ pyeuꞈ-eu meh. Yeˬluˇsaˬlehˬ meuˬ-ahˇ neh Iˇluˇliˆ miˇ kʼahˬ-ahˇ keuˆ ni iˇ-euˬ gaˇ pehˇ kahˇ li, Ka li-euˬ gaˇ kawˆ Laˬ kʼaˬ cehˇ-eu Guiˬ lahˬ dawˬ mehˬ doe-euˬ ma.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁹ Baoq huiq-eu bisiq bimawr-eu jeq hawr-eu zanqler paq-aer ghae-eu jeq heudeuq, Miqyaer-euq Saflar-euq baoq-anr ghoe-awr mr-euq ma. Khoerlof-aer mrmr-aer, ngar, Yeqlursaqlaeq-anr nae Irlurliv-anr keuvni, Kali-euq garkawv guiqlanqdawq maeqdoe-euq ma.

Lormav 15:19 ပူးပေါင်းရင်းမြစ်များ

Maꞈtehˬ 12:28

Miˬyehˇ-euˬ Yaw sahˇ-ahˇ gʼoe-awˇ ngaˇ nehꞈ teh doˆ-eu ma. Heu-aˬ, Miˬyehˇ Miˇkʼahˬ naw maꞈ kʼoeˇ taˆ keuˆ le-euˬ gaˇ kawˆ saˇ kiˇ pyeuꞈ-eu meh.

Yoˇhaˬ 4:48

Yeˬsuˇ aˬ yawꞈ-ahˇ ehˇ nehˬ-eu, “Kʼaˆ jeˬ-ahˇ gʼeh-eu bi siˬ bi mawˇ-eu jeˬ hawˇ-eu zahˬ leˇ paˬ-ehˇ gʼeh-eu jeˬ maˬ ya mawˇ naˇ, naw maꞈ maˬ jah-a.”

Gʼaˬkʼehˇ 1:8

Ehˇ kʼawꞈ, Muiˬ-eu shawˇ-eu Yaw sahˇ Miˬyehˇ naw maꞈ kʼoeˇ taˆ oe keuˆ ngeh, naw maꞈ baoˬ za-awˇ, Yeˬluˇsaˬlehˬ meuˬ laꞈ kʼoeˇ maˬ ehˇ, Yuˇdaˆ miˇ kʼahˬ hawˇ-eu Saˬmaˬliˆ miˇ kʼahˬ doe ni maˬ ehˇ, mˬ dzeˇ miˇdzeˇ keuˆ ni maˬ ehˇ, naw maꞈ ngaˬ-euˬ gʼaˇ duˬ saˇ kiˇ kamˬ-eu tsawˇ haˬ pyeuꞈ laˇ tehꞈ-a.”

Gʼaˬkʼehˇ 13:14

Beˬlaˬgeˬ meuˬ-ahˇ neh tiˬ poˆ paˇ luˆ-iˇ-awˇ, Biˇsiˇdiˇ miˇ kʼahˬ Aˬdiˇawˬ meuˬ-ahˇ iˇ keuˆ-euˬ meh. Kʼoeˇ gaˇ, Jawˇ nah keuˆ laˇ ngeh, aˬ yawꞈ nyaꞈ uˬ duˬ tahˬ nymˇ-ahˇ daˆ leˇ-awˇ nuiˇ-euˬ meh.

Gʼaˬkʼehˇ 13:51

Gʼaˬ kʼehˇ kʼoeˇ nyiˬ gʼaˬ-aˬ, aˬ yawꞈ nyaꞈ-euˬ aˬ kuiˇ pehˬ zaˬ-ahˇ lehꞈ-eu kʼaˬ lehˇ aˬ yawꞈ maꞈ-ahˇ sawˆ kʼaˇ nehˬ yaꞈ-awˇ Iˇgawˇniˇ meuˬ-ahˇ le-euˬ meh.

Gʼaˬkʼehˇ 14:10

“Tuˇ-awˇ dawˇ coe ni yawꞈ-awˬ” lehˇ, teˇ saˇ yaw kʼaˆ kʼaˆ-ehˇ ehˇ nehˬ-euˬ meh. Tsawˇ haˬ kʼoeˇ gʼaˬ tsawˬ tuˇ laˇ-awˇ, gaˇ ma cah-euˬ meh.

Gʼaˬkʼehˇ 14:20

Ehˇ kʼawꞈ, jah-eu tsawˇ haˬ deuˬ aˬ yawꞈ ga-eu tiˬ jawˬ uiˬ le ngeh, aˬ yawꞈ tuˇ laˇ-awˇ, meuˬ-ahˇ gʼoꞈ uˇ leˇ-euˬ meh. Yawˬ nah yawˬ, Baˬnaˬbaˇ aˬ yawꞈ nyaꞈ-ehˇ Deˬbeˬ meuˬ-ahˇ iˇ-euˬ meh.

Gʼaˬkʼehˇ 14:25

Beˬlaˬgeˬ meuˬ-ahˇ Miˬyehˇ dawˬ kawˬ mehˬ nehˬ yaꞈ-awˇ, Aˬdaˬliˇ meuˬ-ahˇ iˇ-euˬ meh.

Gʼaˬkʼehˇ 14:6

Gaˇ kawˆ kʼoeˇ gʼaˬ kʼehˇ kʼoeˇ nyiˬ gʼaˬ ya siˬ ngeh, Luˇdaˬlaˇ meuˬ, Deˬbeˬ meuˬ hawˇ-eu, dawˬ peh jaˆ-eu miˇ kʼahˬ-ahˇ cehˆ-euˬ meh.

Gʼaˬkʼehˇ 15:12

Baˬnaˬbaˇ hawˇ-eu Pawˇluˆ aˬ nyaꞈ, Miˬyehˇ neh aˬ yawꞈ nyaꞈ-ahˇ gʼoe-awˇ aˬ cawˬ tsawˇ jeuˬ-euˬ mehˬ shi mˇ mehˬ-euˬ zahˬ leˇ paˬ-ehˇ gʼeh-eu jeˬ hawˇ-eu kʼaˆ jeˬ-ehˇ gʼeh-eu jeˬ gaˇ kawˆ dzawˇ mehˬ ngeh, uiˬ laˇ taˬ-euˬ tsawˇ haˬ dawˬ tawˆ luꞈ ciˬ cuˇ ni jawˇ-awˇ naˇ haˬ-euˬ meh.

Gʼaˬkʼehˇ 16:18

Aˬ yawꞈ kʼoeˇ loꞈ-ehˇ guˇ guˇ-ehˇ caw teh-eu gʼawˬ mya nah byah laˇ-euˬ miˇ neh, Pawˇluˆ maˬ oˇ oꞈ coeˇ laˇ-ehˇ, naˇ kʼah paw zeuˆ pyawˇ-awˇ, nehꞈ kʼoeˇ mawˇ-ahˇ “Aˬ yawꞈ-euˬ laꞈ kʼoeˇ neh doˆ-iˇ-awˬ lehˇ, Yeˬsuˇ Ka li-euˬ tsawˇ myahˇ uˬ moˆ ngaˇ nawˬ-ahˇ dawˬ biꞈ-eu ma” lehˇ ehˇ nehˬ ngeh, nehꞈ kʼoeˇ mawˇ aˬ buˇ kʼoeˇ buˇ-euˬ laꞈ kʼoeˇ neh tiˬ poˆ tehꞈ-ehˇ doˆ-iˇ-euˬ meh.

Gʼaˬkʼehˇ 17:10

Uˬ ciꞈ ciꞈ le-eu nehˬ-ehˇ, jah-eu tsawˇ haˬ deuˬ Pawˇluˆ hawˇ-eu Siˬlaˆ-ahˇ Beˬliˇ meuˬ-ahˇ tiˬ poˆ tehꞈ-ehˇ bi iˇ-euˬ meh. Aˬ yawꞈ nyaꞈ kʼoeˇ gaˇ iˇ keuˆ ngeh, uˬ duˬ tahˬ nymˇ-ahˇ le-euˬ meh.

Gʼaˬkʼehˇ 17:15

Pawˇluˆ-ahˇ sheuˬ ha-iˇ-euˬ tsawˇ haˬ kʼoeˇ deuˬ Aˬteˬ meuˬ-ahˇ keuˆ ni sheuˬ ha keuˆ-iˇ-euˬ meh. Kʼoeˇ naˇ, Siˬlaˆ hawˇ-eu Tiˆmoˇseˬ aˬ nyaꞈ-ahˇ aˬ yawꞈ jawˇ gaˇ yaw kawˇ-ehˇ bi oe-eu gʼaˇ duˬ aˬ yawꞈ maꞈ-ahˇ Pawˇluˆ dawˬ tsaꞈ tsaꞈ nehˬ-awˇ Beˬliˇ meuˬ-ahˇ bi gʼoꞈ leˇ-euˬ meh.

Gʼaˬkʼehˇ 18:1

Kʼoeˇ naˇ, Aˬteˬ meuˬ-ahˇ neh Pawˇluˆ doˆ-iˇ-awˇ, Gawˇliˬtu meuˬ-ahˇ iˇ-euˬ meh.

Gʼaˬkʼehˇ 18:19

Aˬ yawꞈ maꞈ Eˇpeˇsu meuˬ-ahˇ iˇ keuˆ-awˇ, Biˇgiˇla hawˇ-eu Gaˬguˇla aˬ nyaꞈ-ahˇ kʼoeˇ gaˇ taˬ yaꞈ-euˬ meh. Pawˇluˆ-aˬ, uˬ duˬ tahˬ nymˇ-ahˇ le-awˇ, Yuˇdaˆ tsawˇ haˬ deuˬ nehˬ-ehˇ ja sawˇ-euˬ meh.

Gʼaˬkʼehˇ 19:1

Aˬpawˇluˆ Gawˇliˬtu meuˬ-ahˇ jawˇ luꞈ ngeh, Pawˇluˆ laꞈ taˆ paw kʼahˬ-ahˇ neh oe ka-awˇ, Eˇpeˇsu meuˬ-ahˇ oe keuˆ-euˬ meh. Kʼoeˇ gaˇ, zaˬ lahˇ tiˬ paˆ na deuˬ-ahˇ aˬ yawꞈ tahˬ puˬ-euˬ meh.

Gʼaˬkʼehˇ 20:20

Miˇ kʼahˬ zaˬ mehˬ shi maˬ ehˇ, nymˇ jiˇ laꞈ kʼoeˇ maˬ ehˇ, naw maꞈ-ahˇ ngaˇ dawˬ mehˬ mehˬ ngeh, naw maꞈ gʼaˇ duˬ gaˇ dahˇ tsoeˬ-eu jeˬ tiˬ jeˬ-iˬ maˬ zaꞈ taˬ ni mehˬ nehˬ-euˬ naw maꞈ siˬ nya meh.

Gʼaˬkʼehˇ 20:6

Dehˬ tseˬ maˬ ahˇ-eu Kaˬ muˇ dzaˬ-eu Bawˬ-iˬ jahˇ gʼaˬ miˇ tsa, Piˇliˇpiˆ meuˬ-ahˇ neh nga maꞈ saˇ baoˬ dziˬ-awˇ doˆ-iˇ-euˬ ma. Ngaˬ nah byah laˇ ngeh Daˬloˇ meuˬ-ahˇ aˬ yawꞈ maꞈ jawˇ gaˇ iˇ keuˆ-awˇ, kʼoeˇ gaˇ ngaˬ nah paˇ jawˇ-euˬ ma.

Lormav 15:13

Muiˬ-eu Shawˇ-eu Yaw sahˇ Miˬyehˇ-euˬ baoˬ baˬ da neh naw maꞈ-euˬ noeˬ tmˬ-eu jeˬ huiˬ laˇ mahˇ laˇ nya ni, naw maꞈ Miˬyehˇ-ahˇ jah-eu jeˬ-ahˇ gʼoe-awˇ, noeˬ tmˬ-eu jeˬ-euˬ dawˬ pehˬ duˬ puˇ pyeuꞈ-eu Miˬyehˇ naw maꞈ-ahˇ laˬ kʼaˬ cehˇ nui saˇ za-eu jeˬ bi byah laˇ luꞈ-uˇ.

Lormav 15:16

Yuˇdaˆ tsawˇ haˬ maˬ ngeuˇ-eu deuˬ-euˬ gʼaˇ duˬ gaˇ bi mˇ-eu lehˇ, ngaˬ-ahˇ Yeˬsuˇ Ka li-euˬ zaˬ kʼaˆ bi geuꞈ laꞈ-euˬ meh. Miˬyehˇ-euˬ Laˬ kʼa cehˇ-eu Guiˬ lahˬ dawˬ mehˬ-eu gaˇ-ahˇ taꞈ leˇ-awˇ, piˇ ma tiˬ gʼaˬ loꞈ-ehˇ ngaˇ gaˇ mˇ luꞈ-eu ma. Yuˇdaˆ tsawˇ haˬ maˬ ngeuˇ-eu deuˬ-ahˇ Miˬyehˇ-ahˇ lawˇ nehˬ-euˬ jeˬ loꞈ-ehˇ Miˬyehˇ ha geuꞈ nya ni, Muiˬ-eu Shawˇ-eu Yaw sahˇ Miˬyehˇ neh Miˬyehˇ-ahˇ damˬ nehˬ-euˬ jeˬ loꞈ-ehˇ bi pyeuꞈ-eu gʼaˇ duˬ, piˇ ma tiˬ gʼaˬ loꞈ-ehˇ ngaˇ mˇ luꞈ-eu ma.

Lormav 15:24

Nymˬ-mˇ poˆ-aˬ, naw maꞈ jawˇ gaˇ laˇ keuˆ ma lehˇ noeˬ tmˬ taˬ-euˬ ma. Saˬbeˬ miˇ kʼahˬ-ahˇ le ba jawˬ-ehˇ naw maꞈ jawˇ gaˇ laˇ naˬ-awˇ, naw maꞈ nehˬ-ehˇ tiˬ kʼehˬ jawˇ gʼaˬ naˇ, naw maꞈ neh bi caw ba-awˇ Saˬbeˬ miˇ kʼahˬ-ahˇ le ma lehˇ noeˬ taˬ-euˬ ma.

1 Gawˇliˬtu 2:4

Ngaˬ neh ngehˬ-euˬ tmˇ-euˬ dawˬ deuˬ hawˇ-eu dawˬ mehˬ mehˬ-euˬ gaˇ kawˆ-aˬ, tsawˇ haˬ zaˬ-euˬ zaˬ siˬ tsawˇ gahˇ-ahˇ gʼoe-awˇ mehˇ shuiˇ shuiˇ le-euˬ maˬ ngeuˇ. Yaw sahˇ Miˬyehˇ-euˬ baoˬ gaˇ kawˆ saˇ kiˇ kamˬ le-euˬ tehꞈ ma.

2 Gawˇliˬtu 12:12

Ngaˇ maˇ maˇ ni gʼaˬ kʼehˇ pyeuꞈ-eu gaˇ kawˆ bi siˬ bi mawˇ duˬ-euˬ zahˬ leˇ paˬ-ehˇ gʼeh-eu jeˬ hawˇ-eu kʼaˆ jeˬ-ehˇ gʼeh-eu jeˬ-ahˇ, nui ma gʼawˬ mahˇ ni taˬ-eu laꞈ kʼoeˇ naw maꞈ-ahˇ mˇ mehˬ-euˬ ma.

Gaˬlaˬtiˆ 3:5

Miˬyehˇ neh naw maꞈ-ahˇ Yaw sahˇ Miˬyehˇ biꞈ nehˬ leꞈ-awˇ zahˬ leˇ paˬ-ehˇ gʼeh-eu jeˬ mˇ mehˬ-euˬ kʼoeˇ, naw maꞈ Zahˇ dawˬ kʼoꞈ dawˬ-ahˇ mˇ byah-euˬ miˇ neh-a loˇ. Laˬ kʼaˬ cehˇ-eu Guiˬ lahˬ dawˬ-ahˇ ya gaˬ-awˇ jah-euˬ miˇ neh-a loˇ.

Gawˇlawˇsehˇ 1:25

Ngaˇ-aˬ, Ka li zaˬ aˇ muˇ-euˬ zaˬ kʼaˆ geuꞈ-eu gʼaˇ duˬ Miˬyehˇ neh kʼehˇ taˬ-euˬ tsawˇ haˬ ma. Naw maꞈ gʼaˇ duˬ muiˬ ni aˬ yawꞈ ngaˬ-ahˇ gaˇ heu hmˬ bi mˇ laꞈ-euˬ meh. Gaˇ heu-aˬ, aˬ yawꞈ-euˬ dawˬ tiˬ byah tiˬ loꞈ ja mehˬ-eu gʼaˇ duˬ pyeuꞈ-eu meh.

1 Teˇsaˬloˇni 1:5

Aˬ jeˬ miˇ neh ehˇ naˇ, naw maꞈ jawˇ gaˇ nga maꞈ Laˬ kʼaˬ cehˇ-eu Guiˬ lahˬ dawˬ hehˇ leꞈ ngeh, kʼaˬ meh mehˬ boeˬ neh tehꞈ-ehˇ hehˇ leꞈ-euˬ maˬ ngeuˇ. Baoˬ hawˇ-eu Muiˬ-eu shawˇ-eu Yaw sahˇ Miˬyehˇ laꞈ kʼoeˇ maˬ ehˇ, maˇ maˇ ni ngeuˇ meh lehˇ siˬ duˬ jah duˬ-eu laꞈ kʼoeˇ maˬ ehˇ, hehˇ leꞈ-euˬ jeˬ pyeuꞈ-eu ma. Naw maꞈ nehˬ-ehˇ jawˇ-euˬ aˇ yamˬ laꞈ kʼoeˇ nga maꞈ aˬ joˆ-ehˇ dehꞈ yaꞈ jawˇ yaꞈ-euˬ gaˇ kawˆ naw maꞈ siˬ nya meh. Kʼoeˇ-aˬ, naw maꞈ-euˬ gʼaˇ duˬ pyeuꞈ-eu ma.

2 Tiˆmoˇseˬ 4:17

Ehˇ kʼawꞈ, Sahˬpaˬ Yeˬsuˇ ngaˬ nehˬ-ehˇ jawˇ-awˇ, ngaˬ-ahˇ gʼaˬ biꞈ nehˬ laꞈ-euˬ meh. Kʼoeˇ miˇ neh, Yuˇdaˆ tsawˇ haˬ maˬ ngeuˇ-eu deuˬ-ahˇ Miˬyehˇ dawˬ kawˬ nui kʼahˇ tiˬ shiˇ ya mehˬ yaꞈ-euˬ ma. Kʼoeˇ uˬ taꞈ, ngaˬ-ahˇ sehꞈ-eu gʼaˇ duˬ yaˇ kʼaˬ maˬ daˇ nehˬ laꞈ ni nya dzeuˇ-iˇ-euˬ ma.

HeˬByehˇ 2:4

Miˬyehˇ aˬ yawꞈ kʼawꞈ, aˬ yawꞈ nui ma kʼaˇ tsaˬ-eu loꞈ-ehˇ, zahˬ leˇ paˬ-ehˇ gʼeh-eu jeˬ hawˇ-eu kʼaˆ jeˬ-ehˇ gʼeh-eu gʼawˬ mya jeˬ mˇ-eu uˬ taꞈ, Yaw sahˇ Miˬyehˇ neh biꞈ-euˬ laꞈ sawˬ deuˬ-ahˇ bi za-eu laꞈ kʼoeˇ, aˬ yawꞈ maꞈ nehˬ-ehˇ saˇ kiˇ caw kamˬ luꞈ-eu meh.

1 Beˬtuˆluˆ 1:12

Aˇ hu Miˬyehˇ gʼaˇ duˬ ngeh dah-eu kʼoeˇ deuˬ neh mˇ-euˬ gaˇ-aˬ, aˬ yawꞈ maꞈ-euˬ gʼaˇ duˬ maˬ ngeuˇ-ehˇ, naw maꞈ-euˬ gʼaˇ duˬ pyeuꞈ-eu gaˇ kawˆ aˬ yawꞈ maꞈ-ahˇ Miˬyehˇ pah mehˬ nehˬ-euˬ meh. Aˇ hu aˬ yawꞈ maꞈ neh ngehˬ dah-euˬ gaˇ kawˆ kʼoeˇ deuˬ-aˬ, nymˬ-mˇ mˬ kʼoeˇ taˆ neh bi oe-euˬ Muiˬ-eu Shawˇ-eu Yaw sahˇ Miˬyehˇ-euˬ baoˬ-ahˇ gʼoe-awˇ Laˬ kʼaˬ cehˇ-eu Guiˬ lahˬ dawˬ mehˬ-eu deuˬ mehˬ luꞈ-eu, naw maꞈ ya gaˬ luꞈ-eu gaˇ kawˆ heu deuˬ meh. Gaˇ kawˆ heu-aˬ, mˬ taˆ gʼaˬ kʼehˇ deuˬ-ahˇ keuˆ ni siˬ mawꞈ dui dui-eu gaˇ kawˆ meh.