Lormav 14:23 - Akha

²³ Ehˇ kʼawꞈ, yawˬ ha dzaˬ-eu jeˬ-ahˇ yawˬ ha-euˬ nui ma laꞈ kʼoeˇ maˬ shaw naˇ, jah-eu laꞈ kʼoeˇ mˇ-eu maˬ ngeuˇ-eu miˇ neh Miˬyehˇ yaˇ kʼaˬ daˇ gaˇ ya daˬ tehꞈ-a. Maˬ jah-eu laꞈ kʼoeˇ kʼaˇ mˇ-euˬ yawˬ jeˬ na luꞈ iˬ baˇ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²³ Tsawrhaq tiq ghaq, jan-eu povpov lavlav-aer ghae-eu lafkhoer dzaq nar-aq, yarkhaq dar-eu gar yadaq taef-a. Aqjeq mirnae aernar-aq, aqyawf-aq, jan-eu lafkhoer dzaq-euq maqngeur-a. Maqjan-eu lafkhoer kharmr-eu yawqjeq navluf iqbax mae.

Lormav 14:23 ပူးပေါင်းရင်းမြစ်များ

Lormav 13:2

Uˆ lahˇ luꞈ-eu sahˬ paˬ sahˬ ma deuˬ-ahˇ kʼaˇ puiˬ-eu tsawˇ haˬ-aˬ, Miˬyehˇ neh mˇ taˬ-euˬ jeˬ-ahˇ puiˬ gaˇ duˇ-eu meh. Kʼoeˇ loꞈ-ehˇ kʼaˇ puiˬ-eu tsawˇ haˬ aˬ geu gʼaˬ maˬ kaˬ, yawˬ haˇ yawˬ ha yaˇ kʼaˬ daˇ gaˇ duˇ-eu meh.

Lormav 14:5

Tsawˇ haˬ tiˬ gʼaˬ na, aˇ nah nui deuˬ naˆ maˬ tseˇ huiˬ-eu aˇ nah jaˆ meh lehˇ noeˬ-awˇ, tiˬ gʼaˬ na, aˇ nah dawˬ tawˆ luꞈ tiˬ kawˆ meh lehˇ noeˬ-eu meh. Aˬ geu gʼaˬ maˬ kaˬ, yawˬ ha neh tsaˬ ma lehˇ noeˬ-euˬ jeˬ-ahˇ ziꞈ dah ni tuˆ tehˬ-eu tsaˬ meh.

1 Gawˇliˬtu 8:7

Ehˇ kʼawꞈ, yawˬ gʼaˬ na luꞈ kʼoeˇ loꞈ-ehˇ siˬ nya-eu zaˬ siˬ tsawˇ gahˇ ahˇ-eu maˬ ngeuˇ-a. Tsawˇ haˬ tiˬ paˆ na deuˬ-aˬ, tahˬ pahˬ aˬ ma mawˇ kawˇ-ahˇ jah sheuˆ taˬ-euˬ miˇ neh, kʼoeˇ loꞈ-ehˇ gʼeh-eu lawˇ dzaˇ-ahˇ dzaˬ ngeh, tahˬ pahˬ aˬ ma mawˇ kawˇ-euˬ dzaˇ meh lehˇ noeˬ luꞈ-eu meh. Aˬ yawꞈ maꞈ-euˬ siˬ nya-eu nui ma gʼaˬ baˬ-eu miˇ neh, dzaˇ kʼoeˇ tsawˇ haˬ-ahˇ laˆ jawꞈ-eu meh lehˇ noeˬ-eu meh.

Tiˇtuˆ 1:15

Shawˇ jehˆ ni gʼeh-eu tsawˇ haˬ deuˬ gʼaˇ duˬ, yawˬ jeˬ na luꞈ yaw shawˇ meh. Ehˇ kʼawꞈ, maˬ jah-eu jawꞈ-eu tsawˇ haˬ deuˬ gʼaˇ duˬ-aˬ, yaw shawˇ tiˬ jeˬ-iˬ maˬ jaˆ-a. Aˬ jeˬ miˇ neh ehˇ naˇ, aˬ yawꞈ maꞈ-euˬ nui ma maˬ ehˇ, noeˬ siˬ nya-eu jeˬ maˬ ehˇ, dawˬ tawˆ luꞈ yaw jawꞈ meh.

HeˬByehˇ 11:6

Jah-eu jeˬ maˬ ahˇ naˇ, tsawˇ haˬ tiˬ gʼaˬ-iˬ Miˬyehˇ nui kʼahˇ shiˇ ni maˬ dehꞈ nya-a. Aˬ jeˬ miˇ neh ehˇ naˇ, Miˬyehˇ jawˇ gaˇ kʼaˇ laˇ-eu tsawˇ haˬ yawˬ gʼaˬ na luꞈ, Miˬyehˇ aˬ diˇ jawˇ-eu gaˇ kawˆ hawˇ-eu, aˬ yawꞈ-ahˇ kʼaˇ poˆ-eu tsawˇ haˬ-ahˇ aˬ yawꞈ guiˬ lah biꞈ-eu gaˇ kawˆ ya jah meh.