Lormav 14:11 - Akha

¹¹ Jaˇliꞈ laꞈ kʼoeˇ ehˇ taˬ-euˬ, “Sahˬpaˬ Miˬyehˇ ehˇ-eu, Dehꞈ-eu Miˬyehˇ pyeuꞈ-eu ngaˬ-ahˇ, yawˬ gʼaˬ na luꞈ pawˬ dmˬ dmˬ-awˇ, ngaˇ maˇ maˇ ni Miˬyehˇ meh lehˇ, saˇ kiˇ kamˬ-eu dawˬ ngehˬ tehꞈ-a.”

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹¹ Yaerbof-euq lafkhoer boftaq-euq, “Sanqpaq Miqyaer aer-eu, Ngar-aq, aqmyanluf daefluf ma. Yawqghaq navluf, ngaq-euq maeqshi pawqtsuif pawqdmq ya dmqlar-awr, Maeqlar yawqlar navluf, Miqyaer-euq maeqshi ya aerdov taef-a.” (Isy 49:18; 45:23)

Lormav 14:11 ပူးပေါင်းရင်းမြစ်များ

Jaceuq 72:11

Sahˬ paˬ dawˬ tawˆ luꞈ aˬ yawꞈ mehˬ shi ya awˆ byaˆ-awˇ, tsawˇ jeuˬ dawˬ tawˆ luꞈ aˬ yawꞈ zaˬ kʼaˆ ya geuꞈ tehꞈ-a.

Iˇsaˬyaˇ 49:18

Doe doe-ehˇ nawˇ haw gʼeh-iˬ sheˇ. Nawˬ-euˬ tsawˇ haˬ uiˬ leˇ luꞈ meh. Aˬ yawꞈ maꞈ gʼoꞈ laˇ-eu lehˇ gʼeh luꞈ meh. Ngaˇ dehꞈ luꞈ-eu Miˬyehˇ pyeuꞈ-eu duˬ-euˬ loꞈ-ehˇ, jiˇ cehˇ gʼeh-eu zaˬ miˬ myawˬ guˇ geuꞈ-awˇ jahˇ gʼeh haw gaˇ duˇ ni, nawˬ-euˬ tsawˇ haˬ gʼaˇ duˬ nawˇ kʼahˬ sehˇ jehˆ tehꞈ-a.

Yeˬlaˬmiˇ 22:24

Yuˇdaˆ sahˬ paˬ Yeˬhawˇyaˬkmˬ-euˬ aˬ li sahˬ paˬ Yeˬhawˇyaˬciˬ-ahˇ Sahˬpaˬ Miˬyehˇ heu loꞈ-ehˇ ehˇ nehˬ-euˬ meh. “Nawˇ-aˬ, ngaˬ-euˬ aˇ maˇ laꞈ-ahˇ behˬ luꞈ-eu ngaˬ-euˬ jmˬ ahˇ-eu laꞈ behˬ pyeuꞈ-eu kʼawꞈ, nawˬ-ahˇ ngaˇ gʼeu lehˆ doˆ ma.

Yeˬsaˬgeˬlaˇ 5:11

“Kʼoeˇ miˇ neh, ngaˇ dehꞈ luꞈ-eu Miˬyehˇ pyeuꞈ-eu loꞈ-ehˇ, heu-aˬ, Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ pyeuꞈ-eu ngaˬ-euˬ dawˬ ma. Ngaˬ-euˬ Uˬ duˬ tahˬ nymˇ nymˇ ma-ahˇ yaw haiˬ jeˬ neh nawˇ laˆ jawꞈ-euˬ miˇ neh, nawˬ neh mˇ-euˬ nuiˇ daˆ daˆ laˇ paˬ-ehˇ gʼeh-eu jeˬ aˇ poeˬ, nawˬ-ahˇ ngaˇ gʼawˬ shaˬ maˬ gaˬ ni deuˆ tsehˆ ma.

Zeˬpaˬniˇ 2:9

Ngaˇ Baoˬ huiˬ-eu Sahˬpaˬ Miˬyehˇ, Iˇsaˬleˬlaˆ tsawˇ jeuˬ kʼoeˇ taˆ, Miˬyehˇ kʼaˇ pyeuꞈ luꞈ kʼoeˇ keuˆ ni, Mawˇbaˆ hawˇ-eu Aˬmoˬ tsawˇ jeuˬ, Sawˇdoˬ Gawˇmawˇlaˆ meuˬ loꞈ-ehˇ, kʼehˬ nehˬ kʼaˆ nehˬ gaˇ bi daˬ ma. Saˬ deuꞈ duˬ kʼahˬ pyeuꞈ-iˇ jiˇ-awˇ, yaˇ moꞈ neh bi uˆ tehˬ byoˆ-awˇ, yaˇ ziˇ yaw cawˆ-ehˇ jaˆ tehꞈ-a. Buˬ-iˇ-euˬ ngaˬ-euˬ tsawˇ haˬ deuˬ, miˇ kʼahˬ kʼoeˇ deuˬ ya geuꞈ tehꞈ-a.”

Bawˇtsahˬ 14:21

Ehˇ kʼawꞈ, ngaˇ dehꞈ luꞈ-eu jeˬ hawˇ-eu miˇ tsaˬ kʼoeˇ taˆ ngaˬ-euˬ yaw shehꞈ kʼahˬ sehˇ byah-eu jeˬ yaw duˬ baw-eu loꞈ-ehˇ,

Bawˇtsahˬ 14:28

Nymˬ-mˇ, aˬ yawꞈ maꞈ-ahˇ heu loꞈ-ehˇ ehˇ nehˬ-awˬ. ‘Sahˬpaˬ Miˬyehˇ pyeuꞈ-eu ngaˇ heu loꞈ-ehˇ ehˇ-eu ma. Ngaˇ dehꞈ luꞈ-eu jeˬ yaw duˬ baw-eu loꞈ-ehˇ, naw maꞈ neh kʼaˇ shaˇ-euˬ loꞈ-ehˇ ngaˇ mˇ nehˬ-eu jeˬkʼawꞈ yaw duˬ baw ma lehˇ ngaˇ kamˬ-eu ma.

Maꞈtehˬ 10:32

“Tsawˇ haˬ tiˬ gʼaˬ na ngaˬ-ahˇ ha geuꞈ-eu ma lehˇ tsawˇ haˬ zaˬ deuˬ-euˬ mehˬ shi ehˇ naˇ, tsawˇ haˬ kʼoeˇ gʼaˬ ngaˬ-ahˇ ha geuꞈ-euˬ meh lehˇ, mˬ kʼoeˇ taˆ ngaˬ Da-euˬ mehˬ shi ngaˇ ehˇ ma.

Lormav 10:9

Yeˬsuˇ-aˬ Sahˬpaˬ meh lehˇ saˇ kiˇ kamˬ-awˇ, Miˬyehˇ neh aˬ yawꞈ-ahˇ shiˇ-euˬ gaˇ bi gʼoꞈ dehꞈ laˇ-euˬ meh lehˇ nawˇ jah naˇ, ka kʼoꞈ-eu jeˬ za tehꞈ-a.

Lormav 15:9

Kʼoeˇ tehꞈ-ehˇ maˬ ngeuˇ ni, Miˬyehˇ gʼawˬ shaˬ gaˬ-eu jeˬ baˬ da neh Yuˇdaˆ tsawˇ haˬ maˬ ngeuˇ-eu deuˬ kʼawꞈ Miˬyehˇ-ahˇ ja ceuˬ nya laˇ ni mˇ le-euˬ jeˬ kʼawꞈ pyeuꞈ-eu meh. Jaˇliꞈ laꞈ kʼoeˇ heu loꞈ-ehˇ ehˇ taˬ-euˬ meh. “Kʼoeˇ miˇ neh nawˬ-euˬ tsawˇ myahˇ-ahˇ, aˬ cawˬ tsawˇ jeuˬ tsahˬ-ahˇ jawˇ-awˇ, ja ceuˬ-eu caˇ dawˬ ngaˇ caˇ ma.”

1 Yoˇhaˬ 4:15

Yeˬsuˇ-aˬ, Miˬyehˇ-euˬ Zaˬmaˇ meh lehˇ kʼaˇ ehˇ-eu tsawˇ haˬ-aˬ, Miˬyehˇ-euˬ laꞈ kʼoeˇ jawˇ-eu tsawˇ haˬ pyeuꞈ-awˇ, Miˬyehˇ kʼawꞈ, aˬ yawꞈ-euˬ laꞈ kʼoeˬ jawˇ-eu meh.

2 Yoˇhaˬ 1:7

Yeˬsuˇ Ka li tsawˇ haˬ zaˬ-euˬ shiˬ shaˬ jiˇ pi-awˇ oe-euˬ meh lehˇ maˬ ha geuꞈ-eu jaˬ myawꞈ mehˇ shuiˇ shuiˇ-eu tsawˇ haˬ deuˬ gʼawˬ mya ni miˇ tsaˬ kʼoeˇ taˆ iˇ byah taˬ-euˬ meh. Kʼoeˇ loꞈ-ehˇ ehˇ-eu tsawˇ haˬ-aˬ, jaˬ myawꞈ mehˇ shuiˇ pyeuꞈ-awˇ, Ka li-ahˇ Muiˇ-eu tsawˇ haˬ meh.

Panmaeq 5:14

Kʼoeˇ ngeh, dehꞈ luꞈ-eu jeˬ zaˬ kʼoeˇ oeˬ mawˇ “Aˬ miˬ” lehˇ ehˇ kʼoꞈ nehˬ-euˬ meh. Kʼoeˇ naˇ, aˬ yuiꞈ aˬ tsu kʼoeˇ deuˬ awˆ byaˆ-awˇ uˬ duˬ tahˬ-euˬ meh.