Lormav 13:6 - Akha

⁶ Kʼoeˇ baˬ da neh, naw maꞈ kawˬ ya doˆ nehˬ-eu meh. Aˬ jeˬ miˇ neh ehˇ naˇ, aˬ yawꞈ maꞈ yawˬ ha-euˬ gaˇ mˇ-eu kʼoeˇ-aˬ, Miˬyehˇ-euˬ gʼaˇ duˬ mˇ luꞈ-eu jeˬ pyeuꞈ-eu meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁶ Heu-euq baqda’nae, nawmaf khawf jeq dovluf-eu mae. Aqjeq mirnae aernar-aq, aqyawfmaf, Miqyaer-euq gar mrzaq pyeuf-awr, aqmyanluf gar khoerdeuq mrluf-eu mae.

Lormav 13:6 ပူးပေါင်းရင်းမြစ်များ

2 Saˬmeuˬlaˆ 8:5

Sahˬ paˬ Haˬdaˬdeˬzaˬ-ahˇ bi caw ba le-eu gʼaˇ duˬ, Daˬmaˬsehˇ meuˬ-ahˇ jawˇ-eu Suˇliˆ tsawˇ haˬ deuˬ neh pyehˬ gʼeh leꞈ-euˬ guiˇ maꞈ-ahˇ Daˬbiˇ deuˆ ceh ceh-awˇ, nyiˬ muiˇ nyiˬ heˇ gʼaˬ paˇ deuˆ sehꞈ nehˬ-euˬ meh.

1 Laˬsaˬbaˬ 18:14

Iˇsaˬlaˬleˇ miˇ kʼahˬ kʼahˬ lah ni Daˬbiˇ uˆ lahˇ-awˇ, aˬ yawꞈ-euˬ tsawˇ haˬ deuˬ kʼoeˇ taˆ aˬ myah luꞈ yaw tsaˬ yaw dawˇ dawˇ-ehˇ haw-awˇ pyaˆ awˇ uˆ lahˇ-euˬ meh.

Eˇzaˬlaˬ 4:13

Sahˬ paˬ-oˇ, meuˬ kʼoeˇ meuˬ-ahˇ paˇ tsoˆ muiˬ gʼaˬ-awˇ, meuˬ meuˬ lahˇ paˇ gawˬ muiˬ gʼaˬ naˇ, tsawˇ haˬ kʼoeˇ deuˬ nawˬ-ahˇ kawˬ maˬ paˇ doˆ ni byehˇ-awˇ, nawˇ kawˬ taꞈ za-eu pyuˇ paw teˬ dui dui-iˇ tehꞈ-a.

Eˇzaˬlaˬ 4:20

Uˇpaˬlaˇ lawˇ baˬ nahˇ ma ga kʼehˬ paw jaˆ-eu miˇ kʼahˬ kʼahˬ lah ni-ahˇ uˆ lahˇ-eu laꞈ kʼoeˇ kawˬ taꞈ dzaˬ-euˬ baoˬ huiˬ-eu sahˬ paˬ deuˬ kʼawꞈ, meuˬ kʼoeˇ meuˬ laꞈ kʼoeˇ aˇ hu jawˇ-euˬ meh.

Eˇzaˬlaˬ 6:8

Aˬ yawꞈ maꞈ kʼoeˇ loꞈ-ehˇ tsoˆ gaˇ caw ba nehˬ-awˬ lehˇ ngaˇ naw maꞈ-ahˇ dawˬ biꞈ-eu ma. Gaˇ maˬ tsehˆ leˇ ni mˇ daˆ leꞈ nya ni, kʼoeˇ gaˇ jiˇ leˇ-euˬ pyuˇ deuˬ-ahˇ, Uˇpaˬlaˇ lawˇ baˬ nahˇ ma ga kʼehˬ paw miˇ kʼahˬ-ahˇ taꞈ za-euˬ sahˬ paˬ-euˬ pyuˇ laꞈ kʼoeˇ yuˇ doˆ-awˇ yaw kawˇ-ehˇ biꞈ nehˬ-awˬ.

Neˬhaˬmiˇ 5:4

Tiˬ deuˬ na paˇ ehˇ-eu, “Sahˬ paˬ-ahˇ, deh yaˇ kawˬ hawˇ-eu aˬ gaꞈ yaˇ kmˇ kawˬ doˆ nehˬ-eu gʼaˇ duˬ, aˬ cawˬ-ahˇ pyuˇ shaˇ paˇ-euˬ ma.

Luˇkaꞈ 23:2

Aˬ yawꞈ maꞈ Yeˬsuˇ-ahˇ iˬ baˇ poˆ-awˇ ehˇ-eu, “Tsawˇ haˬ heu gʼaˬ nga maꞈ-euˬ tsawˇ jeuˬ-ahˇ gaˇ ma sheuˬ bahˬ-awˇ, sahˬ paˬ Gehˇsaˬ-ahˇ kawˬ taˬ doˆ nehˬ lehˇ nga maꞈ-ahˇ laˆ tsoeˬ-eu uˬ taꞈ, yawˬ haˇ yawˬ ha Ka li lehˇ kuˇ-eu sahˬ paˬ ma lehˇ ehˇ-eu nga maꞈ mawˇ-euˬ ma.”

Lormav 12:8

Aˬ cawˬ-ahˇ gʼaˬ biꞈ-eu gʼaˇ duˬ laꞈ sawˬ za-euˬ ngeuˇ naˇ, gʼaˬ biꞈ-eu tsaˬ meh. Aˬ cawˬ-ahˇ biꞈ nehˬ damˬ nehˬ-eu laꞈ sawˬ za-euˬ ngeuˇ naˇ, nui ma keuˆ-eu laꞈ kʼoeˇ biꞈ nehˬ-eu tsaˬ meh. Aˬ cawˬ kʼoeˇ taˆ aˬ yuiꞈ aˬ tsu geuꞈ-awˇ uˆ lahˇ-eu laꞈ sawˬ za-euˬ ngeuˇ naˇ, leh jeh dui dui-awˇ mˇ-eu tsaˬ meh. Aˬ cawˬ-ahˇ gʼawˬ shaˬ gaˬ nehˬ-eu laꞈ sawˬ za-euˬ ngeuˇ naˇ, laˬ kʼaˬ tiˬ cehˇ gaˬ nehˬ-eu tsaˬ meh.

Lormav 13:5

Kʼoeˇ miˇ neh, Miˬyehˇ-euˬ kʼehˬ-eu kʼaˆ-eu jeˬ-ahˇ guˆ-eu baˬ da neh tehꞈ-ehˇ maˬ ngeuˇ ni, kʼoeˇ loꞈ-ehˇ dehꞈ-eu jawˇ-eu tsaˬ meh lehˇ naw maꞈ-euˬ nui ma siˬ nya-eu laꞈ kʼoeˇ sahˬ paˬ sahˬ ma deuˬ uˆ lahˇ-eu uˬ moˆ yaw muiˬ paˬ-ehˇ jawˇ-awˬ.

Lormav 13:7

Toˆ-ehˇ ngeuˇ naˇ, aˬ yawꞈ maꞈ-ahˇ kʼaˇ biꞈ paˬ-ehˇ gʼeh-eu jeˬ biꞈ-awˬ. Kawˬ kʼaˇ doˆ nehˬ paˬ-ehˇ gʼeh-eu jeˬ dawˬ tawˆ luꞈ doˆ nehˬ-awˇ, aˬ yawꞈ maꞈ dawˬ tawˆ luꞈ-ahˇ yaw zeu baw-eu laꞈ kʼoeˇ taˬ huiˬ taˬ mahˇ nehˬ-awˬ.