Lormav 13:13 - Akha

¹³ Nah gʼahˇ yaw bya-ahˇ dehꞈ-eu tsawˇ haˬ deuˬ loꞈ-ehˇ, yaw muiˬ muiˬ-ehˇ dehꞈ gʼeh kaˇ-euˇ. Dzaˬ yehꞈ dawˇ yehꞈ dzaˬ boˆ dawˇ boˆ-eu jeˬ, aˬ cawˬ-euˬ miˬ zaˬ yo zaˬ-ahˇ bahˬ-eu jeˬ, kʼaˬ miˬ sheu-eu jeˬ, iˬ dehˬ iˬ ceh hawˇ-eu myaˆ naˆ-eu jeˬ, heu deuˬ-ahˇ byehˇ dzeh yaꞈ-awˇ dehꞈ daˆ jawˇ daˆ gʼeh kaˇ-euˇ.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹³ Aqdui nan’ghanr paw daef paq-aer ghae-eu lof-aer daefghae-awq. Byaeqlaeq shaevdae-aer bui-eu jeq hawr-eu dzaqnyawq dawryaef-eu jeq-euq lafkhoer maqdaef-aer, jawflafni ghae-eu jeq hawr-eu shiqshaq-euq nuikhanr-euq lafkhoer maqdaef-eu uqtaf, cae-awr myavnav nav-eu lafkhoer taqdaef.

Lormav 13:13 ပူးပေါင်းရင်းမြစ်များ

Dawqdaq 23:20

Jiˇ baˬ dawˇ yehꞈ-eu deuˬ hawˇ-eu dzaˬ boˆ dawˇ boˆ boˆ-eu deuˬ nehˬ-ehˇ mehˬ bawˬ taˬ mˇ.

Luˇkaꞈ 1:6

Nyiˬ dzeˇ zaˬ luꞈ Miˬyehˇ mehˬ shi dawˇ coe ni dehꞈ-awˇ, SahˬpaˬMiˬyehˇ-euˬ zahˇ dawˬ kʼoꞈ dawˬ hawˇ-eu zahˇ sahˇ kʼoꞈ dawˬ tawˆ luꞈ-ahˇ caw teh-eu meh.

Luˇkaꞈ 16:19

“Smˇ muiˬ smˇ baw tiˬ gʼaˬ jawˇ-eu meh. Aˬ yawꞈ-aˬ, aˇ poeˬ kʼaˆ dui dui-eu mehˬ tsoeˬ yaw pyuˇ yaw neˇ dm-awˇ, yawˬ nah na luꞈ dzaˬ-awˇ dawˇ-awˇ byawˬ gʼa luꞈ-eu meh.

Luˇkaꞈ 21:34

“Naw maꞈ yaw beuˇ beuˇ-ehˇ jawˇ-awˬ. Maˬ ngeuˇ naˇ, dzaˬ boˆ dawˇ boˆ boˆ-eu jeˬ, dzaˬ yehꞈ dawˇ yehꞈ-eu jeˬ hawˇ-eu, yaw dehꞈ dehꞈ-eu gaˇ kawˆ kʼahˬ lahˇ-eu jeˬ naw maꞈ-euˬ nui ma-ahˇ ciˬ tehˬ taˬ-awˇ maˬ noeˬ maˬ duˇ-ehˇ jawˇ luꞈ ngeh, lahˇ ju-ahˇ paꞈ leˇ-eu loꞈ-ehˇ, aˇ nah kʼoeˇ nah naw maꞈ kʼoeˇ taˆ ja pyuˬ ni bi keuˆ le nmˬ-mˇ.

Gʼaˬkʼehˇ 2:15

Naw maꞈ noeˬ-eu loꞈ-ehˇ, tsawˇ haˬ heu deuˬ aˬ gaꞈ dzaˇ uiˇ yaw shuiꞈ dawˇ yehꞈ-euˬ maˬ ngeuˇ-a. Aˬ jeˬ miˇ neh ehˇ naˇ, nymˬ-mˇ uˬ shawˬ paw naˬ liˬ gʼoeˬ laꞈ keuˆ laˇ-euˬ tehꞈ-a siˬ.

1 Gawˇliˬtu 3:3

Aˬ jeˬ miˇ neh ehˇ naˇ, miˇ tsaˬ zaˬ deuˬ dehꞈ-eu loꞈ-ehˇ naw ma dehꞈ luꞈ-a siˬ. Naw maꞈ yaw kaˬ myaˆ naˆ-awˇ iˬ dehˬ iˬ ceh jaˆ-eu kʼoeˇ-aˬ, naw maꞈ miˇ tsaˬ heu-ahˇ taꞈ-awˇ miˇ tsaˬ zaˬ deuˬ dehꞈ-eu aˇ tiˆ-ahˇ dehꞈ luꞈ-eu gaˇ kawˆ saˇ kiˇ pyeuꞈ-eu meh.

Gaˬlaˬtiˆ 5:19

Shiˬ shaˬ jiˇ nui kʼahˇ neh mˇ-euˬ gaˇ deuˬ-aˬ, heu loꞈ-ehˇ bya cehˆ ni mawˇ laˇ-eu meh. Kʼaˬ miˬ sheu-eu, maˬ muiˬ maˬ shawˇ-eu, maˬ tsaˬ maˬ dawˇ-eu laꞈ kʼoeˇ yuꞈ taꞈ joe taꞈ-eu,

Gaˬlaˬtiˆ 5:21

myaˆ naˆ-eu, dzaˬ yehꞈ dawˇ yehꞈ-eu, maˬ tsaˬ maˬ dawˇ-eu bawˬ-iˬ gʼeh-eu, heu loꞈ-ehˇ gʼeh-eu deuˬ mˇ doˆ laꞈ-eu meh. Kʼoeˇ loꞈ-ehˇ dehꞈ-eu tsawˇ haˬ deuˬ-aˬ, Miˬyehˇ Miˇ kʼahˬ-ahˇ maˬ ya uˇ lehˇ-a lehˇ dzeuˇ laˇ ngeh ngaˬ neh naw maꞈ-ahˇ ehˇ-euˬ loꞈ-ehˇ, nymˬ-mˇ kʼawꞈ tiˬ poˆ paˇ ehˇ-eu ma.

Eˇpeˇsu 4:1

Sahˬpaˬ Yeˬsuˇ-euˬ gaˇ mˇ-eu miˇ neh tawˬ-ahˇ ya uˇ-euˬ tsawˇ haˬ pyeuꞈ-eu ngaˇ, naw maꞈ-ahˇ heu loꞈ-ehˇ shaˇ-eu ma. Miˬyehˇ naw maꞈ-ahˇ kuˇ ngeh aˬ yawꞈ neh noeˬ taˬ-euˬ aˇ tiˆ kʼoeˇ tiˆ-ahˇ dehꞈ keuˆ-awˬ.

Eˇpeˇsu 4:17

Lawˇ ciꞈ zaˬ loꞈ-ehˇ taˬ paˇ dehꞈ lehˇ, Sahˬ paˬ Yeˬsuˇ-euˬ tsawˇ myahˇ uˬ moˆ ngaˇ naw maꞈ-ahˇ yaw kʼaˆ kʼaˆ-ehˇ ehˇ-eu ma. Aˬ yawꞈ maꞈ-euˬ nui noeˬ gaˇ dahˇ maˬ tsoeˬ-a.

Eˇpeˇsu 5:15

Kʼoeˇ miˇ neh, naw maꞈ aˬ joˆ-ehˇ dehꞈ luꞈ-eu gaˇ kawˆ yahˇ-awˬ. Zaˬ siˬ tsawˇ gahˇ maˬ ahˇ-eu tsawˇ haˬ loꞈ-ehˇ taˬ dehꞈ. Zaˬ siˬ tsawˇ gahˇ ahˇ-eu tsawˇ haˬ loꞈ-ehˇ dehꞈ-awˬ.

Eˇpeˇsu 5:18

Jiˇ baˬ taˬ dawˇ yehꞈ. Kʼoeˇ-aˬ, naw maꞈ-ahˇ bi cawˆ-iˇ-eu tehꞈ meh. Ehˇ kʼawꞈ, Yaw sahˇ Miˬyehˇ naw maꞈ laꞈ kʼoeˇ bi byah laˇ-awˬ.

Eˇpeˇsu 5:8

Naw maꞈ kʼawꞈ, yaw zahˇ laꞈ kʼoeˇ dehꞈ haw-euˬ tsawˇ haˬ deuˬ meh. Ehˇ kʼawꞈ, Sahˬpaˬ Yeˬsuˇ-euˬ tsawˇ haˬ pyeuꞈ laˇ gʼaˬ-euˬ miˇ neh, yaw shehꞈ laꞈ kʼoeˇ naw maꞈ jawˇ luꞈ-eu meh. Kʼoeˇ miˇ neh, yaw shehꞈ-euˬ zaˬ deuˬ loꞈ-ehˇ dehꞈ gʼeh-awˬ.

Piˇliˇpiˆ 1:27

Huiˬ-eu tiˬ jeˬ-aˬ, ngaˇ naw maꞈ-ahˇ haw keuˆ laˇ-eu maˬ kaˬ, maˬ haw keuˆ laˇ-eu maˬ kaˬ, naw maꞈ nui ma tiˬ siˬ tehꞈ-ehˇ taˬ-awˇ ziꞈ dah ni jawˇ luꞈ-eu gaˇ kawˆ hawˇ-eu, La kʼaˬ cehˇ-eu Guiˬ lahˬ dawˬ-ahˇ taꞈ-eu jah-eu jeˬ gʼaˇ duˬ naw maꞈ nui ma gm-awˇ deuˆ ceh ceh luꞈ-eu gaˇ kawˆ-ahˇ ngaˇ ya gaˬ ni, Ka li-euˬ Laˬ kʼaˬ cehˇ-eu Guiˬ lahˬ dawˬ-ahˇ tsaˬ ni dehꞈ gʼeh jawˇ gʼeh-awˬ.

Piˇliˇpiˆ 2:3

Yawˬ ha-euˬ nui kʼahˇ gʼaˇ duˬ tehꞈ-ehˇ shaˇ noeˬ-eu jeˬ maˬ ehˇ, yawˬ ha-ahˇ aˬ cawˬ bi noeˬ huiˬ-eu gʼaˇ duˬ kʼahˬ sehˇ jehˆ-eu jeˬ maˬ ehˇ, tiˬ pawꞈ-iˬ taˬ mˇ. Ehˇ kʼawꞈ, tiˬ gʼaˬ tiˇ gʼaˬ nui ma nahˬ yu ni taˬ-awˬ. Aˬ cawˬ naˆ maˬ tseˇ maˬ gaˇ ma lehˇ noeˬ-eu nui ma taˬ bi ahˇ.

Gawˇlawˇsehˇ 1:10

Kʼoeˇ miˇ neh, Sahˬpaˬ Yeˬsuˇ bi dehꞈ mawꞈ-eu loꞈ-ehˇ naw maꞈ dehꞈ nya laˇ-awˇ, aˬ yawꞈ nui kʼahˇ shiˇ-eu jeˬ-ahˇ naw maꞈ aˬ myah luꞈ mˇ nya laˇ tehꞈ-a. Naw maꞈ yaw dehꞈ dehꞈ-eu laꞈ kʼoeˇ yaw muiˬ jeˬ gʼawˬ mya ni doˆ laˇ-awˇ, Miˬyehˇ-ahˇ siˬ nya dzehˬ laˇ tehꞈ-a.

Gawˇlawˇsehˇ 3:5

Naw maꞈ laꞈ kʼoeˇ gaˇ mˇ luꞈ-eu jeˬ pyeuꞈ-eu, miˇ tsaˬ shiˬ shaˬ jiˇ-ahˇ nui kʼahˇ jaˆ-eu laꞈ kʼoeˇ jawꞈ dui dui-eu kʼaˬ miˬ sheu-eu gʼawˬ mya jeˬ mˇ-eu, yaw haiˬ jeˬ mˇ-eu, nui kʼahˇ huiˬ-eu, heu deuˬ-ahˇ naw maꞈ ya laˆ sehꞈ jiˇ meh. (Nui kʼahˇ huiˬ-eu jeˬ-aˬ, tahˬ pahˬ aˬ ma mawˇ kawˇ-ahˇ uˬ duˬ tahˬ gaˇ duˇ-eu meh.)

1 Teˇsaˬloˇni 2:12

Nga maꞈ naw maꞈ-ahˇ gʼaˬ biꞈ-awˇ nui saˇ bi za-euˬ ma. Aˬ yawꞈ-euˬ Miˇkʼahˬ hawˇ-eu yaw shehꞈ kʼahˬ sehˇ laꞈ kʼoeˇ uˇ laˇ ni naw maꞈ-ahˇ kuˇ luꞈ-eu Miˬyehˇ nui ma tsaˬ ni yaw dehꞈ dehꞈ-eu gʼaˇ duˬ, naw maꞈ-ahˇ nga maꞈ maˬ tsehˆ leˇ ni gʼaˬ biꞈ-euˬ ma.

1 Teˇsaˬloˇni 4:12

Kʼoeˇ loꞈ-ehˇ dehꞈ naˇ, Sahˬpaˬ Yeˬsuˇ-ahˇ maˬ jah-eu tsawˇ haˬ deuˬ naw maꞈ-ahˇ yaw zeu baw-awˇ, yawˬ ha loˬ-eu jeˬ gʼaˇ duˬ aˬ cawˬ-ahˇ maˬ kʼawˬ daˇ ni dehꞈ nya tehꞈ-a.

1 Teˇsaˬloˇni 5:17

Maˬ tsehˆ leˇ ni guiˬ lahˬ shaˇ-awˬ.

Yaˬkoˆ 4:5

“Miˬyehˇ neh aˬ dui-euˬ laꞈ kʼoeˇ dawˆ ahˇ nehˬ laꞈ-euˬ nui ma-aˬ, guˆ laˇ paˬ-ehˇ gʼeh-eu nui kʼahˇ tiˬ byah ni ahˇ-eu meh” lehˇ ehˇ-eu Jaˇliꞈ dawˬ kawˬ kʼoeˇ, aˬ diˇ aˬ maˇ maˬ ngeuˇ-a lehˇ taˬ noeˬ.

1 Yoˇhaˬ 2:6

Miˬyehˇ laꞈ kʼoeˇ jawˇ luꞈ ma lehˇ ehˇ-eu tsawˇ haˬ aˬ geu gʼaˬ maˬ kaˬ, Yeˬsuˇ Ka li dehꞈ-eu loꞈ-ehˇ dehꞈ-eu tsaˬ meh.

2 Yoˇhaˬ 1:4

Aˬda Miˬyehˇ neh dawˬ kʼaˇ biꞈ taˬ-euˬ loꞈ-ehˇ, nawˬ-euˬ zaˬ tiˬ paˆ na deuˬ yaw tsaˬ yaw dawˇ jeˬ laꞈ kʼoeˇ jawˇ luꞈ gaˇ ya siˬ ya mawˇ-euˬ miˇ neh ngaˇ laˬ kʼaˬ cehˇ dui dui-eu ma.

Yuˇdaˆ 1:23

Tiˬ paˆ na deuˬ-ahˇ-aˬ, miˬ dzaˬ laꞈ kʼoeˇ neh gʼeu doˆ-awˇ ka kʼoꞈ nehˬ-awˬ. Tiˬ paˆ na deuˬ-ahˇ-aˬ, guˆ-eu nui ma ahˇ-eu laꞈ kʼoeˇ gʼawˬ shaˬ gaˬ nehˬ-awˬ. Ehˇ kʼawꞈ, shiˬ shaˬ jiˇ-euˬ nui kʼahˇ mˇ-eu jeˬ laˆ lehꞈ taˬ-euˬ aˬ yawꞈ maꞈ-euˬ mehˬ tsoeˬ-ahˇ nui daˆ daˆ-awˬ.