Lormav 13:11 - Akha

¹¹ Naw maꞈ kʼoeˇ loꞈ-ehˇ ya mˇ meh. Aˬ jeˬ miˇ neh ehˇ naˇ, yuꞈ kʼaˆ taˬ-euˬ noeˬ laˇ-eu aˇ yamˬ tsaˬ laˇ-euˬ meh lehˇ naw maꞈ siˬ nya meh. Miˬyehˇ aˬ dui-ahˇ ka kʼoꞈ-eu aˇ yamˬ-aˬ, aˬ dui jah dahˬ beh ngeh naˆ maˬ tseˇ nymˬ-mˇ peh dzehˬ laˇ-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹¹ Heu uqtaf, nymq-mr-aq, uqnoeq noeqlar-eu yamq tsaqlar-euq ngar-a laer nawmaf siqnya-eu mae. Aqjeq mirnae aernar-aq, aqdui janbae baelar ngae navmaqtser, nymq-mr-aq, aqdui-anr buq-ir-eu jeq paedzaeq le-euq mae.

Lormav 13:11 ပူးပေါင်းရင်းမြစ်များ

Dawˬ tsoˆ 9:10

Nawˇ kʼaˇ mˇ kʼaˇ shaˇ-eu jeˬ laꞈ kʼoeˇ, leh jeh dui dui-awˬ. Aˬ jeˬ miˇ neh ehˇ naˇ, nawˇ le luꞈ-eu shiˇ-eu miˇ kʼahˬ-ahˇ, mˇ myawˬ mˇ-eu, nui noeˬ noeˬ-eu hawˇ-eu, zaˬ siˬ tsawˇ gahˇ heu deuˬ maˬ jaˆ-a.

Yawˇnaˆ 1:6

Saˇ baoˬ kʼoeˇ laˇ kʼoeˇ taˆ aˬ yuiꞈ geuꞈ-eu gʼaˬ aˬ yawꞈ-ahˇ mawˇ-awˇ, “Nawˇ aˬ jeˬ gʼeh-eu lehˇ teu naˆ naˆ-ehˇ yuꞈ sehꞈ taˬ teˬ. Tuˇ-awˇ nawˬ-euˬ miˬ yehˇ-ahˇ guiˬ lahˬ shaˇ-awˬ tawˇ. Aˬ yawꞈ aˬ dui maꞈ-ahˇ gʼawˬ shaˬ haw gaˬ-awˇ shiˇ gaˇ maˬ bi keuˆ law hawˇ maˬ siˬ tawˇ” lehˇ ehˇ-eu meh.

Maꞈtehˬ 16:3

Uˬ shawˬ yaw naꞈ-ehˇ mˬ neˇ naˆ naˆ naˇ, uˬ yehˇ yehˇ le ngaˇ lehˇ naw maꞈ ehˇ-eu meh. Naw maꞈ mˬ-ahˇ haw haw-ehˇ, uˬ yehˇ uˬ tsaˇ toꞈ nya-eu meh. Ehˇ kʼawꞈ, aˇ yamˬ aˇ law-ahˇ taꞈ-eu bi siˬ bi mawˇ-eu jeˬ-ahˇ naw maꞈ dawˬ tsuiꞈ maˬ yuˇ doˆ nya-a.

Luˇkaꞈ 21:28

Heu loꞈ-ehˇ gʼeh-eu deuˬ pyeuꞈ dahˬ beh laˇ ngeh, uˬ duˬ baꞈ diˇ-awˇ haw-awˬ. Aˬ jeˬ miˇ neh ehˇ naˇ, naw maꞈ-ahˇ ka kʼoꞈ le-eu aˇ yamˬ peh laˇ-euˬ meh.”

1 Gawˇliˬtu 10:11

Gaˇ kawˆ kʼoeˇ deuˬ aˬ yawꞈ maꞈ kʼoeˇ taˆ keuˆ le-euˬ kʼoeˇ-aˬ, aˬ cawˬ bi dzaw geuꞈ-eu gʼaˇ duˬ pyeuꞈ-awˇ, aˬ dui kʼawꞈ dzaw geuꞈ-awˇ bi yahˇ-eu gʼaˇ duˬ boꞈ ka leꞈ-euˬ meh. Aˬ jeˬ miˇ neh ehˇ naˇ, aˬ duiˬ-euˬ ziˇ heu ziˇ-ahˇ miˇ tsaˬ heu aˇ saˬ saˬ-eu aˇ yamˬ peh le taˬ-euˬ meh.

1 Gawˇliˬtu 15:34

Yaw tsaˬ yaw dawˇ jawˇ paw gʼoꞈ kʼoꞈ laˇ-awˇ, iˬ baˇ maˬ mˇ ni byehˇ-awˬ. Naw maꞈ tiˬ paˆ na deuˬ Miˬyehˇ-ahˇ maˬ siˬ nya nga lehˇ, naw maꞈ bi shaꞈ dawˇ ni ngaˇ ehˇ-eu ma.

Eˇpeˇsu 5:14

Aˬ jeˬ miˇ neh ehˇ naˇ, bya cehˆ ni bi mawˇ duˬ laˇ-eu yawˬ jeˬ na luꞈ yaw shehꞈ pyeuꞈ-eu meh. Kʼoeˇ miˇ neh, heu loꞈ-ehˇ ehˇ taˬ-euˬ jaˆ-eu meh. “Yuꞈ kʼaˆ taˬ-euˬ deuˬ noeˬ laˇ-awˇ, shiˇ-euˬ gʼoꞈ dehꞈ laˇ-awˬ. Ka li yaw shehꞈ biꞈ laꞈ tehꞈ-a.” lehˇ ehˇ taˬ-euˬ jaˆ-eu meh.

Yaˬkoˆ 5:8

Naw maꞈ kʼawꞈ, kʼoeˇ loꞈ-ehˇ ya oˇ meh. Sahˬpaˬ Yeˬsuˇ zaꞈ le-eu Aˇnah peh laˇ-euˬ miˇ neh, noeˬ tmˬ-eu nui ma ziꞈ dah ni bi jaˆ-awˬ.

1 Beˬtuˆluˆ 4:7

Yawˬ jeˬ na luꞈ laꞈ kʼoeˇ aˇ saˬ saˬ-eu aˇ yamˬ peh le-euˬ meh. Kʼoeˇ miˇ neh, naw maꞈ guiˬ lahˬ shaˇ nya-eu gʼaˇ duˬ yawˬ ha-euˬ nui ma-ahˇ gʼaˬ leˇ ni nyehꞈ tehˬ-awˇ, yaw beuˇ beuˇ-ehˇ dehꞈ-awˬ.

2 Beˬtuˆluˆ 3:11

Yawˬ jeˬ na luꞈ kʼoeˇ loꞈ-ehˇ bi laˆ cawˆ jiˇ gaˇ keuˆ-eu-aˬ, naw maꞈ aˬ joˆ-ehˇ gʼeh-eu tsawˇ haˬ pyeuꞈ-eu tsaˬ nmˇ. Naw maꞈ yaw dehꞈ dehꞈ-eu jeˬ-aˬ, muiˬ-awˇ shawˇ-awˇ, Miˬyehˇ-ahˇ a nehˬ taˬ-euˬ jeˬ bi pyeuꞈ-eu tsaˬ meh.

2 Beˬtuˆluˆ 3:9

Sahˬpaˬ Miˬyehˇ-aˬ, tsawˇ haˬ tiˬ paˆ na deuˬ noeˬ-eu loꞈ-ehˇ, aˬ yawꞈ neh saˇ jaˇ dzaˬ taˬ-euˬ jeˬ maˬ mˇ byah ni nyi naˬ-eu Miˬyehˇ maˬ ngeuˇ-a. Ehˇ kʼawꞈ, tsawˇ haˬ tiˬ gʼaˬ-iˬ maˬ bi luˬ maˬ bi seˇ-iˇ mawꞈ-eu miˇ neh, dawˬ tawˆ luꞈ iˬ baˇ bi noeˬ poˆ-eu gʼaˇ duˬ aˬ yawꞈ oˇ luꞈ-eu jeˬ pyeuꞈ-eu meh.

1 Yoˇhaˬ 2:18

Ngaˇ gaˬ dui dui-eu zaˬ deuˬ-oˇ, aˇ saˬ saˬ-eu aˇ yamˬ peh le-euˬ meh. Ka li-ahˇ Muiˇ-eu Gʼaˬ oe luꞈ meh lehˇ ehˇ-eu naw maꞈ ya gaˬ taˬ-euˬ meh. Ka li-ahˇ muiˇ-eu gʼawˬ mya gʼaˬ nymˬ-mˇ doˆ le gʼaˬ-euˬ meh. Kʼoeˇ miˇ neh, aˇ saˬ saˬ-eu aˇ yamˬ keuˆ le-euˬ gaˇ kawˆ aˬ dui siˬ nya-eu ma.

Panmaeq 1:3

Sahˬ boꞈ heu taꞈ-ahˇ kʼaˇ gui-eu tsawˇ haˬ guiˬ lahˬ huiˬ-eu meh. Miˬyehˇ gʼaˇ duˬ ngehˬ dah taˬ-euˬ dawˬ heu deuˬ-ahˇ ya gaˬ-eu laꞈ kʼoeˇ, heu gaˇ kʼaˇ boꞈ taˬ-euˬ gaˇ kawˆ deuˬ-ahˇ kʼaˇ naˇ haˬ geuꞈ-eu tsawˇ haˬ guiˬ lahˬ huiˬ-eu meh. Aˬ jeˬ miˇ neh ehˇ naˇ, heu gaˇ kʼaˇ ehˇ taˬ-euˬ jeˬ dawˬ tawˆ luꞈ keuˆ le-eu aˇ yamˬ dawˬ peh peh laˇ-euˬ meh.

Panmaeq 22:10

Kʼoeˇ naˇ, aˬ yawꞈ ngaˬ-ahˇ heu loꞈ-ehˇ ehˇ-eu meh. “Sahˬ boꞈ heu taꞈ laꞈ kʼoeˇ mehˬ hu paw pyeuꞈ laˇ-eu gaˇ kawˆ Miˬyehˇ gʼaˇ duˬ ngehˬ dah taˬ-euˬ dawˬ deuˬ-ahˇ aˬ cawˬ maˬ bi siˬ ni taˬ laˆ zaꞈ taˬ. Aˬ jeˬ miˇ neh ehˇ naˇ, gaˇ kawˆ heu deuˬ dawˬ tawˆ luꞈ pyeuꞈ laˇ-eu aˇ yamˬ peh laˇ-euˬ meh.

Panmaeq 22:12

Yeˬsuˇ ehˇ-eu, “Naˇ haˬ-awˬ. Ngaˇ yaw kawˇ-ehˇ oe ma. Tsawˇ haˬ yawˬ gʼaˬ na luꞈ-ahˇ yawˬ ha neh kʼaˇ mˇ kʼaˇ shaˇ dzeuˇ-euˬ loꞈ-ehˇ geuˇ ni laꞈ sawˬ biꞈ-eu gʼaˇ duˬ ngaˇ oe ma.

Panmaeq 22:20

Gaˇ kawˆ heu deuˬ dawˬ tawˆ luꞈ saˇ kiˇ kamˬ-eu gʼaˬ ehˇ-eu, “Ngaˇ yaw kawˇ-ehˇ oe ma. Maˇ maˇ ni yaw kawˇ-ehˇ oe ma.” Aˬ miˬ. Sahˬpaˬ Yeˬsuˇ-oˇ, oe-awˬ.