Lormav 12:6 - Akha

⁶ Miˬyehˇ neh biꞈ laꞈ-euˬ guiˬ lahˬ maˬ duˇ leˇ-eu loꞈ-ehˇ, aˬ dui za taˬ-euˬ maˬ duˇ leˇ-eu laꞈ sawˬ deuˬ-ahˇ, kʼaˇ za taˬ-euˬ loꞈ-ehˇ aˬ dui zmˬ kaˇ-euˇ. Aˬ cawˬ-ahˇ Miˬyehˇ dawˬ kawˬ mehˬ-eu gʼaˇ duˬ laꞈ sawˬ za-euˬ ngeuˇ naˇ, aˬ dui jah gʼaˬ kʼaˇ kʼaˆ-eu naˆ ni mˇ-eu tsaˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁶ Aqdui-anr bifnaeq laf-euq guiqlanq yawdzanr-euq baqda’nae, aqdui zataq-euq lafsawq maq durler-a. Aqdui lafsawq khoerdeuq zmq kar-eur: Miqyaer gharduq ngaeqdan-eu lafsawq za-euq ngeur nar-aq, jan-eu ghaq kharkhav-eu lof-aer Miqyaer gharduq ngaeqdan-awq.

Lormav 12:6 ပူးပေါင်းရင်းမြစ်များ

Maꞈtehˬ 23:34

Miˬyehˇ gʼaˇ duˬ ngehˬ dah-eu deuˬ, zaˬ siˬ tsawˇ gahˇ ahˇ-eu deuˬ hawˇ-eu, saˬ laˬ deuˬ-ahˇ naw maꞈ jawˇ gaˇ bi oe ma lehˇ ngaˇ ehˇ-eu ma. Aˬ yawꞈ maꞈ tiˬ paˆ na deuˬ-ahˇ naw maꞈ sehꞈ tehꞈ-a. Tiˬ paˆ na deuˬ-ahˇ laꞈ yaꞈ kʼoeˇ taˆ taꞈ sehꞈ-awˇ, tiˬ paˆ na deuˬ-ahˇ uˬ duˬ tahˬ nymˇ laꞈ kʼoeˇ yahˬ caˆ neh juiꞈ tehꞈ-a. Meuˬ tiˬ meuˬ saˇ-iˬ tiˬ meuˬ doe ni, aˬ yawꞈ maꞈ-ahˇ naw maꞈ teh tehꞈ-a.

Maꞈtehˬ 25:22

Kʼoeˇ naˇ, shuiˇ maˇ byaˆ nyiˬ heˇ byaˆ ha geuꞈ taˬ-euˬ zaˬ kʼaˆ kʼoeˇ gʼaˬ oe-awˇ, ‘Baw leˬ-oˇ, nawˇ ngaˬ-ahˇ shuiˇ mehˇ byaˆ nyiˬ heˇ byaˆ biꞈ taˬ yaꞈ-euˬ meh. Haw sheˇ. Ngaˇ nyiˬ heˇ byaˆ paˇ gaꞈ jeuˬ taˬ-euˬ ma.’

Luˇkaꞈ 11:49

Kʼoeˇ baˬ da neh, Miˬyehˇ-euˬ zaˬ siˬ tsawˇ gahˇ sahˬ boꞈ laꞈ kʼoeˇ, ‘Miˬyehˇ gʼaˇ duˬ ngehˬ dah-eu deuˬ hawˇ-eu Gʼaˬ kʼehˇ deuˬ-ahˇ aˬ yawꞈ maꞈ sehꞈ-awˇ, tiˬ paˆ na deuˬ-ahˇ kʼehˬ nehˬ kʼaˆ nehˬ tehꞈ-a’ lehˇ ehˇ taˬ-euˬ meh.

Gʼaˬkʼehˇ 13:1

Aˬdiˇawˬ Ka li zaˬ aˇ muˇ laꞈ kʼoeˇ, Miˬyehˇ gʼaˇ duˬ ngehˬ dah-eu deuˬ hawˇ-eu mehˬ-eu tsoˆ-eu saˬ laˬ deuˬ jawˇ-eu meh. Tsawˇ haˬ kʼoeˇ deuˬ-aˬ, Baˬnaˬbaˇ, Niˇgaˬ lehˇ kuˇ-eu Suˇmoˬ, Kuˇleˬniˬ miˇ kʼahˬ-ahˇ neh laˇ-euˬ Luˇgiˇ, sahˬ paˬ Heˬloˆ nehˬ-ehˇ tiˬ kawˆ loꞈ-ehˇ huiˬ laˇ-euˬ Maˬneˬ hawˇ-eu, Sawˇluˆ aˬ ha maꞈ meh.

Gʼaˬkʼehˇ 15:32

Yuˇdaˆ hawˇ-eu Siˬlaˆ aˬ nyaꞈ kʼawꞈ, Miˬyehˇ gʼaˇ duˬ ngehˬ dah-eu tsawˇ haˬ pyeuꞈ-eu loꞈ-ehˇ, aˬ yawꞈ maꞈ-ahˇ dawˬ gʼawˬ myahˇ ni ngehˬ-awˇ gʼaˬ biꞈ lahˬ nehˬ-euˬ meh.

Gʼaˬkʼehˇ 2:17

‘Miˬyehˇ neh ehˇ taˬ-euˬ dawˬ-aˬ, Aˇ saˬ saˬ-eu aˇ nah keuˆ ngeh, tsawˇ haˬ yawˬ gʼaˬ na luꞈ kʼoeˇ taˆ, ngaˬ-euˬ Yaw sahˇ shehˆ daˆ nehˬ ma. Naw maꞈ-euˬ aˬ buˇ aˬ li deuˬ, ngaˬ-euˬ gʼaˇ duˬ ngehˬ dah tehꞈ-a. Naw maꞈ-euˬ tsawˇ haˬ zaˬ guˬ deuˬ, Yaw sahˇ mehˬ-eu jeˬ ya mawˇ-awˇ, naw maꞈ-euˬ tsawˇ mawˬ tsawˇ kʼaˆ deuˬ, yuꞈ maˆ gʼawˬ mya jeˬ maˆ tehꞈ-a.

Gʼaˬkʼehˇ 21:9

Aˬ yawꞈ-aˬ, Miˬyehˇ gʼaˇ duˬ ngehˬ dah-eu smˇ miˇ maˬ iˇ-euˬ aˬ buˇ oeˬ buˇ jawˇ-eu meh.

Lormav 1:11

Naw maꞈ-ahˇ ngaˇ mawˇ mawꞈ dui dui nya. Saꞈ laˇ paw-euˬ guiˬ lahˬ biꞈ taꞈ yuˇ taꞈ-eu laꞈ kʼoeˇ, naw maꞈ gʼaˬ ahˇ dzehˬ laˇ ni mˇ mawꞈ dui dui nya.

Lormav 12:3

Miˬyehˇ neh ngaˬ-ahˇ gʼawˬ shaˬ gaˬ-eu laꞈ kʼoeˇ biꞈ laꞈ-euˬ laꞈ sawˬ baˬ da neh, naw maꞈ yawˬ gʼaˬ na luꞈ-ahˇ ngaˇ heu loꞈ-ehˇ ehˇ-eu ma. Naw maꞈ yawˬ haˇ yawˬ ha aˇ dzehˬ dzeuˇ ni taˬ noeˬ huiˬ. Tsaˬ tsaˬ ni tehꞈ-ehˇ noeˬ-awˬ. Miˬyehˇ neh biꞈ laꞈ-euˬ jah-eu jeˬ aˇ myaˆ ni ahˇ-eu nya lehˇ shaˇ sawˇ-awˇ, yawˬ haˇ yawˬ ha siˬ nya-awˬ.

1 Gawˇliˬtu 12:18

Ehˇ kʼawꞈ, Miˬyehˇ nui ma tsaˬ-eu loꞈ-ehˇ, maˬ duˇ leˇ-eu aˇ sehˇ yawˬ sehˇ na luꞈ-ahˇ nymˬ-mˇ kʼaˇ tsoꞈ luꞈ-eu loꞈ-ehˇ gʼawˇ mawˇ-ahˇ bi tsoꞈ-euˬ meh.

1 Gawˇliˬtu 13:2

Ngaˇ-aˬ, Miˬyehˇ gʼaˇ duˬ ngehˬ dah nya-eu baoˬ za-euˬ tsawˇ haˬ pyeuꞈ-awˇ, zaˬ siˬ tsawˇ gahˇ dawˬ tawˆ luꞈ hawˇ-eu zaꞈ taˬ-euˬ jeˬ-ahˇ siˬ nya-eu tsawˇ gahˇ ahˇ-eu uˬ taꞈ, gawˬ jawˬ teh jiˆ nya gaˇ keuˆ ni jah-eu jeˬ ahˇ kʼawꞈ, gʼoeˇ-eu gaˬ-eu jeˬ maˬ ahˇ naˇ, tiˬ jeˬ-iˬ gaˇ dahˇ maˬ tsoeˬ-a.

1 Gawˇliˬtu 14:1

Gʼoeˇ-eu gaˬ-eu jeˬ-ahˇ naw maꞈ leh jeh dui dui paˬ-ehˇ gʼeh-eu meh. Saꞈ laˇ paw naw maꞈ za taˬ-euˬ laꞈ sawˬ deuˬ-ahˇ nui ma keuˆ-awˬ. Miˬyehˇ dawˬ kawˬ mehˬ nya ni za taˬ-euˬ laꞈ sawˬ-ahˇ, dawˬ tawˆ luꞈ naˆ maˬ tseˇ nui ma keuˆ-awˬ.

1 Gawˇliˬtu 14:24

Ehˇ kʼawꞈ, yawˬ gʼaˬ na luꞈ Miˬyehˇ dawˬ kawˬ mehˬ luꞈ ngeh, Ka li-ahˇ maˬ jah-eu tsawˇ haˬ deuˬ hawˇ-eu maˬ siˬ nya-eu tsawˇ haˬ uˇ laˇ zaˬ naˇ, dawˬ kʼoeˇ-ahˇ ya gaˬ-eu baˬ da neh yawˬ ha-euˬ iˬ baˇ gaˇ kawˆ noeˬ siˬ leˇ-awˇ, aˬ yawꞈ neh kʼaˇ ya gaˬ-euˬ jeˬ aˬ yawꞈ-ahˇ yaˇ kʼaˬ daˇ tehꞈ-a.

1 Gawˇliˬtu 14:29

Miˬyehˇ dawˬ kawˬ mehˬ-eu tsawˇ haˬ nyiˬ gʼaˬ smˇ gʼaˬ bi ngehˬ bi tmˇ-eu tsaˬ meh. Nui deuˬ-aˬ, aˬ yawꞈ maꞈ neh ngehˬ-euˬ jeˬ-ahˇ shaˇ sawˇ-eu tsaˬ meh.

1 Gawˇliˬtu 3:5

Aˬpawˇluˆ aˬ suˇ gʼaˬ-a. Pawˇluˆ aˬ suˇ gʼaˬ-a. Nga nyaꞈ-aˬ, naw maꞈ jah laˇ ni sheuˬ gʼeh nehˬ-eu Miˬyehˇ-euˬ zaˬ kʼaˆ pyeuꞈ-eu tehꞈ ma. Nyiˬ gʼaˬ luꞈ yawˬ ha-ahˇ Miˬyehˇ neh kʼaˇ bi mˇ laꞈ-euˬ jeˬ mˇ-eu tehꞈ ma.

1 Gawˇliˬtu 7:7

Maˇ maˇ ni ya ehˇ naˇ, naw maꞈ dawˬ tawˆ luꞈ ngaˬ loꞈ-ehˇ bi dehꞈ mawꞈ miˇ-a. Ehˇ kʼawꞈ, tsawˇ haˬ yawˬ gʼaˬ na luꞈ-ahˇ aˬ cawˬ-ahˇ biꞈ-euˬ gaˇ maˬ duˇ-eu laꞈ sawˬ Miˬyehˇ biꞈ taˬ-awˇ, tiˬ gʼaˬ tiˬ jeˬ za taˬ-euˬ meh.

2 Gawˇliˬtu 8:12

Damˬ mawꞈ-eu nui ma ahˇ naˇ, naw maꞈ kʼaˇ gʼeh nya-eu loꞈ-ehˇ damˬ-euˬ gaˇ Miˬyehˇ ha geuꞈ nehˬ laꞈ tehꞈ-a. Maˬ gʼeh nya gaˇ keuˆ ni damˬ-awˬ lehˇ maˬ ehˇ-a.

Eˇpeˇsu 3:5

Dzeuˇ laˇ ngeh, zaꞈ taˬ-euˬ gaˇ kawˆ heu tsawˇ haˬ zaˬ-ahˇ maˬ bi siˬ-aˬ. Ehˇ kʼawꞈ nymˬ-mˇ-aˬ, Yaw sahˇ Miˬyehˇ-ahˇ gʼoe-eu laꞈ kʼoeˇ aˬ yawꞈ-euˬ muiˬ-eu shawˇ-eu gʼaˬ kʼehˇ deuˬ hawˇ-eu Miˬyehˇ gʼaˇ duˬ ngehˬ dah-eu deuˬ-ahˇ Miˬyehˇ pah mehˬ nehˬ-euˬ meh.

Eˇpeˇsu 4:11

“Miˇ tsaˬ zaˬ-ahˇ laꞈ sawˬ biˬ-euˬ” gʼaˬ-aˬ, aˬ yawꞈ meh. Tiˬ paˆ na deuˬ-ahˇ gʼaˬ kʼehˇ bi geuꞈ-awˇ, tiˬ paˆ na deuˬ-ahˇ Miˬyehˇ gʼaˇ duˬ ngehˬ dah-eu tsawˇ haˬ bi geuꞈ-eu gʼaˇ duˬ maˬ ehˇ, tiˬ paˆ na deuˬ-ahˇ Laˬ kʼaˬ cehˇ-eu Guiˬ lahˬ dawˬ mehˬ-eu tsawˇ haˬ bi geuꞈ-eu gʼaˇ duˬ maˬ ehˇ, tiˬ paˆ na deuˬ-ahˇ Ka li zaˬ aˇ muˇ-ahˇ sheuˬ gʼeh-eu saˬ laˬ bi geuꞈ-eu gʼaˇ duˬ maˬ ehˇ, mehˬ-eu tsoˆ-eu saˬ laˬ bi geuꞈ-eu gʼaˇ duˬ maˬ ehˇ, aˬ yawꞈ laꞈ sawˬ biꞈ-euˬ meh.

Piˇliˇpiˆ 3:15

Guiˬ lahˬ saꞈ laˇ paw tsawˇ kʼaˆ kʼaˆ laˇ-euˬ aˬ dui dawˬ tawˆ luꞈ, kʼoeˇ loꞈ-ehˇ nui ma taˬ-eu tsaˬ meh. Ehˇ kʼawꞈ, naw maꞈ tiˬ paˆ na deuˬ nui ma taˬ-eu yawˬ jeˬ yawˬ jaˆ naˇ, naw maꞈ-ahˇ geuˇ-eu loꞈ-ehˇ gʼoˆ shaw nya ni Miˬyehˇ caw ba nehˬ laꞈ tehꞈ-a.

1 Teˇsaˬloˇni 5:20

Miˬyehˇ neh bi mehˬ-euˬ loꞈ-ehˇ dawˬ mehˬ mehˬ gaˇ yehˬ bawˬ sehˇ lu-ehˇ taˬ ehˇ.

2 Beˬtuˆluˆ 1:20

Ehˇ kʼawꞈ, dawˬ tawˆ luꞈ kʼoeˇ taˆ heu loꞈ-ehˇ jeˬ hu siˬ nya taˬ-awˬ. Jaˇliꞈ laꞈ kʼoeˇ Miˬyehˇ gʼaˇ duˬ ngehˬ dah taˬ-euˬ dawˬ-ahˇ, tsawˇ haˬ tiˬ gʼaˬ-iˬ yawˬ haˇ yawˬ ha dawˬ tsuiꞈ maˬ yuˇ doˆ mehˬ nya-aˇ lehˇ siˬ nya taˬ-awˬ.