Lormav 12:19 - Akha

¹⁹ Aˬ yuiꞈ aˬ nyiˇ Ka li zaˬ deuˬ-oˇ, aˬ cawˬ-ahˇ laꞈ poˆ tiˬ jawˇ-iˬ taˬ poˆ. Miˬyehˇ yaˇ kʼaˬ daˇ luꞈ-uˇ. Aˬ jeˬ miˇ neh ehˇ naˇ, Jaˇliꞈ laꞈ kʼoeˇ heu loꞈ-ehˇ ehˇ taˬ-euˬ meh. “Laꞈ poˆ poˆ-eu jeˬ-aˬ, ngaˬ-ahˇ taꞈ-eu jeˬ pyeuꞈ-eu ma. Ngaˇ jahˇ kʼoꞈ nehˬ ma lehˇ Sahˬpaˬ Miˬyehˇ ehˇ-eu meh.”

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁹ Ngar zawr gaq-eu cawqdeuq-or! Yawqha yawqha lafpov taq povkhof. Aerkhawf, Miqyaer nuima paer-eu jeq-euq gharduq taq-awq. Aqjeq mirnae aernar-aq, Yaerbof-euq lafkhoer boftaq-euq, “Lafpov povkhof naeq-eu jeq-aq, ngaq-euq gar ma. Ngar janrkhofnaeq ma,” (Dm 32:35) laer Sanqpaq Miqyaer aer-eu mae.

Lormav 12:19 ပူးပေါင်းရင်းမြစ်များ

Dawqdaq 20:22

Laꞈ poˆ poˆ-eu dawˬ taˬ ngehˬ, Sahˬpaˬ Miˬyehˇ jahˇ jiˇ gaˇ dawˬ keuˆ-awˬ.

Dawqdaq 24:29

“Ngaˬ-ahˇ jahˇ nehˬ laꞈ-euˬ loꞈ-ehˇ aˬ yawꞈ-ahˇ jahˇ kʼoꞈ nehˬ ma. Aˬ yawꞈ-ahˇ kʼaˇ geuˇ-eu loꞈ-ehˇ jahˇ coeˬ nehˬ ma” lehˇ taˬ ehˇ.

Yeˬlaˬmiˇ 51:36

Kʼoeˇ miˇ neh, Yeˬluˇsaˬlehˬ meuˬ-ahˇ jawˇ-eu tsawˇ haˬ deuˬ-ahˇ Sahˬpaˬ Miˬyehˇ heu loꞈ-ehˇ ehˇ-eu meh. “Naw maꞈ gʼaˇ duˬ ngaˇ shaˇ noeˬ-awˇ, naw maꞈ-ahˇ jahˇ nehˬ-euˬ aˇ poeˬ, naw maꞈ-ahˇ muiˇ-eu deuˬ paˇ bi daˬ poˆ ma. Baˬbuˇloˬ lawˇ baˬ tahˬ mehˇ deuˬ bi tsiˇ leˇ jiˇ-awˇ, lawˇ baˬ bi gui-iˇ ma.

Yeˬsaˬgeˬlaˇ 25:12

Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ heu loꞈ-ehˇ ehˇ-eu meh. “Eˬdoˬ miˇ kʼahˬ-aˬ, Yuˇdaˆ miˇ kʼahˬ-ahˇ gʼawˬ shaˬ maˬ gaˬ ni laꞈ poˆ poˆ kʼoꞈ nehˬ-euˬ miˇ neh, iˬ baˇ huiˬ dui dui meh.

Uˬ duˬ 19:18

Aˬ cawˬ-ahˇ jahˇ kʼoꞈ nehˬ mawꞈ-eu nui ma taˬ bi ahˇ. Aˬ cawˬ-ahˇ bye-eu nui ma taˬ bi jaˆ. Ehˇ kʼawꞈ, yawˬ haˇ yawˬ ha gaˬ-eu loꞈ-ehˇ, yawˬ ha dawˬ peh jawˇ-eu tsawˇ haˬ-ahˇ gaˬ-awˬ. Ngaˇ-aˬ, Sahˬpaˬ Miˬyehˇ ma.

Maꞈtehˬ 5:39

Ehˇ kʼawꞈ, ngaˇ naw maꞈ-ahˇ heu loꞈ-ehˇ ehˇ-eu ma. Aˬ cawˬ yaw doeˇ jahˇ laˇ gaˇ yaw doeˇ taˬ jahˇ kʼoꞈ nehˬ. Tsawˇ haˬ tiˬ gʼaˬ na nawˬ-euˬ baˬ ba aˇ maˇ paw pyawˬ-ahˇ tehˆ laˇ naˇ, aˇ caˇ pyawˬ paˇ ciˬ daˬ nehˬ-awˬ.

Lormav 12:14

Nawˬ-ahˇ kʼehˬ laˇ kʼaˆ laˇ-eu tsawˇ haˬ deuˬ-ahˇ Miˬyehˇ guiˬ lahˬ biꞈ nehˬ ni shaˇ-awˬ. Yaˬ kʼehˇ maˬ yaˬ nehˬ ni guiˬ lahˬ biꞈ nehˬ-eu gʼaˇ duˬ shaˇ-awˬ.

Lormav 12:17

Aˬ cawˬ yaw doeˇ jahˇ laˇ ngeh, yaw doeˇ taˬ jahˇ kʼoꞈ nehˬ. Tsawˇ haˬ yawˬ gʼaˬ na luꞈ neh yaw muiˬ meh lehˇ noeˬ-euˬ jeˬ-ahˇ mˇ-awˬ.

Lormav 13:4

Aˬ jeˬ miˇ neh ehˇ naˇ, sahˬ paˬ sahˬ ma-aˬ, nawˬ-euˬ gʼaˇ duˬ muiˬ ni Miˬyehˇ neh kʼehˇ taˬ-euˬ tsawˇ haˬ pyeuꞈ-eu meh. Ehˇ kʼawꞈ, nawˇ maˬ muiˬ-eu jeˬ mˇ naˇ, sahˬ paˬ sahˬ ma-ahˇ guˆ-awˬ. Aˬ yawꞈ nawˬ-ahˇ kʼehˬ-eu yaw duˬ baw meh. Aˬ jeˬ miˇ neh ehˇ naˇ, maˬ muiˬ-eu jeˬ mˇ-eu tsawˇ haˬ deuˬ kʼoeˇ taˆ Miˬyehˇ-euˬ kʼehˬ-eu kʼaˆ-eu jeˬ bi keuˆ le-eu gʼaˇ duˬ, Miˬyehˇ neh aˬ yawꞈ-ahˇ kʼehˇ taˬ-euˬ meh.

Eˇpeˇsu 4:27

Nehꞈ sahˬ paˬ neh muˇ juˇ taˬ bi juˇ gʼaˬ.

Dawˬmehˬ 32:35

Aˬ yawꞈ neh laꞈ poˆ bi poˆ-awˇ, muiˇ-eu deuˬ ya coˬ dzeh-iˇ-eu, aˇ nah kʼoeˇ nah peh le luꞈ meh.

Dawˬmehˬ 32:43

“Miˇ kʼahˬ tsawˇ jeuˬ dawˬ tawˆ luꞈ-oˇ, Sahˬpaˬ Miˬyehˇ-euˬ tsawˇ haˬ-ahˇ, naw maꞈ ya ja ceuˬ gaˇ keuˆ meh. Aˬ yawꞈ maꞈ-ahˇ sehꞈ-eu deuˬ-ahˇ, aˬ yawꞈ kʼehˬ nehˬ kʼaˆ nehˬ tehꞈ-a. Muiˇ-eu deuˬ-ahˇ laꞈ poˆ poˆ-awˇ, aˬ yawꞈ-euˬ tsawˇ haˬ deuˬ-ahˇ-aˬ, aˬ yawꞈ iˬ baˇ pyehˬ nehˬ tehꞈ-a.”

1 Teˇsaˬloˇni 4:6

Gaˇ kawˆ heu hmˬ-ahˇ taꞈ leˇ-awˇ, tsawˇ haˬ tiˬ gʼaˬ-iˬ aˬ yuiꞈ aˬ nyiˇ Ka li zaˬ-euˬ nymˇ jiˇ-ahˇ coeˬ-eu ciˆ-eu bahˬ-eu muˆ-eu jeˬ maˬ mˇ kʼmˬ-a. Gaˇ Kawˆ heu naw maꞈ-ahˇ nga maꞈ mehˬ nehˬ dzeuˇ gʼaˬ-euˬ ma. Kʼoeˇ loꞈ-ehˇ gʼeh-eu tsawˇ haˬ-ahˇ Sahˬpaˬ Yeˬsuˇ kʼehˬ nehˬ kʼaˆ nehˬ tehꞈ-a lehˇ, nga maꞈ yaw kʼaˆ kʼaˆ-ehˇ ehˇ-euˬ ma.

2 Tiˆmoˇseˬ 4:14

Ba jiˬ geuꞈ-eu Aˬleˬsaˬduˇ kʼoeˇ gʼaˬ ngaˬ-ahˇ yaw kʼaˆ-ehˇ jahˇ doeˇ nehˬ laꞈ-euˬ meh. Aˬ yawꞈ neh kʼaˇ jahˇ nehˬ laꞈ-euˬ loꞈ-ehˇ, Sahˬpaˬ Yeˬsuˇ aˬ yawꞈ-ahˇ jahˇ kʼoꞈ nehˬ tehꞈ-a.

HeˬByehˇ 10:30

Aˬ jeˬ miˇ neh ehˇ naˇ,“Laꞈ poˇ poˆ-eu jeˬ-aˬ, ngaˬ-euˬ gaˇ ma. Ngaˇ jahˇ kʼoꞈ nehˬ ma” lehˇ ehˇ-eu kʼoeˇ dawˬ hawˇ-eu, “Aˬ yawꞈ-euˬ tsawˇ haˬ deuˬ-ahˇ Sahˬpaˬ Miˬyehˇ yaˇ kʼaˬ daˇ tehꞈ-a” lehˇ ehˇ-eu kʼoeˇ dawˬ, aˬ suˇ gʼaˬ neh ehˇ-euˬ dawˬ pyeuꞈ-eu gaˇ kawˆ aˬ dui siˬ nya ma.

1 Saˬmeuˬlaˆ 25:26

Nawˬ-ahˇ muiˇ-eu deuˬ-ahˇ nawˇ laꞈ poˆ poˆ nehˬ-awˇ maˬ ya sehꞈ ni, nawˬ-ahˇ ha lahˇ-eu gʼaˬ-aˬ Sahˬpaˬ Miˬyehˇ meh. Nawˬ-ahˇ muiˇ-eu deuˬ hawˇ-eu nawˬ-ahˇ laˆ coeˬ laˆ ciˆ mawꞈ-euˬ deuˬ-aˬ, Naˬbaˬlaˇ loꞈ-ehˇ kʼehˬ nehˬ kʼaˆ nehˬ-eu jeˬ-ahˇ ya daˬ luꞈ-uˇ lehˇ, dehꞈ luꞈ-eu Sahˬpaˬ Miˬyehˇ mehˬ shi nymˬ-mˇ ngaˇ yaˬ kʼehˇ yaˬ-eu ma.

1 Saˬmeuˬlaˆ 25:33

Tsawˇ haˬ-ahˇ sehꞈ-awˇ laꞈ poˆ poˆ kʼoꞈ nehˬ-eu laꞈ kʼoeˇ, ngaˇ iˬ baˇ maˬ ya mˇ ni, iˬ nah ngaˬ-ahˇ laˆ tsoeˬ le-euˬ nawˬ neh mˇ-euˬ muiˬ dui dui-eu gaˇ heu hmˬ baˬ daˬ neh, Miˬyehˇ-ahˇ guiˬ lahˬ huiˬ dui dui luꞈ-uˇ.

1 Saˬmeuˬlaˆ 26:10

Daˬbiˇ paˇ ehˇ-eu, “Shiˇ yamˬ tsaˬ laˇ ngeh maˬ ngeuˇ naˇ, guiˇ deuˆ luꞈ ngeh Sawˇluˆ-ahˇ Sahˬpaˬ Miˬyehˇ bi shiˇ tehꞈ-a lehˇ, dehꞈ luꞈ-eu Sahˬpaˬ Miˬyehˇ laꞈ kʼoeˇ ngaˇ siˬ nya ma.

1 Saˬmeuˬlaˆ 26:11

Sahˬpaˬ Miˬyehˇ neh ka nehˬ-euˬ sahˬ paˬ-ahˇ laˆ tahˬ laˆ naˇ nehˬ-eu jeˬ maˬ ya mˇ ni, Sahˬpaˬ Miˬyehˇ ngaˬ-ahˇ laˆ tsoeˬ taˬ-euˬ meh. Aˬ yawꞈ-euˬ gahˬ hawˇ-eu iˇ puˬ yuˇ-awˇ doˆ-iˇ kaˇ-euˇ.”