Lormav 12:17 - Akha

¹⁷ Aˬ cawˬ yaw doeˇ jahˇ laˇ ngeh, yaw doeˇ taˬ jahˇ kʼoꞈ nehˬ. Tsawˇ haˬ yawˬ gʼaˬ na luꞈ neh yaw muiˬ meh lehˇ noeˬ-euˬ jeˬ-ahˇ mˇ-awˬ.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁷ Aqcawq yawdoer janrlar-eu gar yawdoer taq janrkhof. Tsawrhaq dawqtawvluf haw ngae yawmuiq yawjaq ngar-a laer noeq-eu jeq mr-awq.

Lormav 12:17 ပူးပေါင်းရင်းမြစ်များ

Aˇ dahˬ 42:25

Yoˇsehˆ-aˬ, aˬ yawꞈ-euˬ aˇ doˆ deuˬ-euˬ cehˇ pehˇ zeuˇ-ahˇ cehˇ tiˬ byah ni pehˬ ahˇ nehˬ-awˇ, aˬ yawꞈ maꞈ neh cehˇ aˇ poeˬ biꞈ taˬ-euˬ pyuˇ deuˬ kʼawꞈ, cehˇ pehˇ zeuˇ kʼoeˇ deuˬ laꞈ kʼoeˇ paˇ dawˆ ahˇ kʼoꞈ nehˬ-euˬ uˬ taꞈ, aˬ yawꞈ maꞈ gaˇ pehˇ gʼoꞈ leˇ luꞈ ngeh bi dzaˬ-eu gʼaˇ duˬ, dzaˬ dzaˬ dawˇ dawˇ tiˬ byah tiˬ loꞈ biꞈ nehˬ-eu gʼaˇ duˬ, aˬ yawꞈ-euˬ tsawˇ haˬ deuˬ-ahˇ ehˇ nehˬ taˬ-euˬ meh. Yawˬ jeˬ na luꞈ aˬ yawꞈ neh kʼaˇ ehˇ nehˬ-euˬ loꞈ-ehˇ jahˇ-euˬ meh.

Dawqdaq 20:22

Laꞈ poˆ poˆ-eu dawˬ taˬ ngehˬ, Sahˬpaˬ Miˬyehˇ jahˇ jiˇ gaˇ dawˬ keuˆ-awˬ.

Dawqdaq 24:29

“Ngaˬ-ahˇ jahˇ nehˬ laꞈ-euˬ loꞈ-ehˇ aˬ yawꞈ-ahˇ jahˇ kʼoꞈ nehˬ ma. Aˬ yawꞈ-ahˇ kʼaˇ geuˇ-eu loꞈ-ehˇ jahˇ coeˬ nehˬ ma” lehˇ taˬ ehˇ.

Maꞈtehˬ 5:24

lawˇ-eu shehˇ-eu jeˬ-ahˇ lawˇ duˬ mehˬ shi bi jaˆ yaꞈ-awˇ, nawˬ-euˬ mehˇ nmˇ nehˬ-ehˇ jahˇ tsaˬ geuꞈ gʼaˬ miˇ tsa paˇ gʼoꞈ poˆ laˇ-awˇ, lawˇ-eu shehˇ-eu jeˬ mˇ-awˬ.

Maꞈtehˬ 5:39

Ehˇ kʼawꞈ, ngaˇ naw maꞈ-ahˇ heu loꞈ-ehˇ ehˇ-eu ma. Aˬ cawˬ yaw doeˇ jahˇ laˇ gaˇ yaw doeˇ taˬ jahˇ kʼoꞈ nehˬ. Tsawˇ haˬ tiˬ gʼaˬ na nawˬ-euˬ baˬ ba aˇ maˇ paw pyawˬ-ahˇ tehˆ laˇ naˇ, aˇ caˇ pyawˬ paˇ ciˬ daˬ nehˬ-awˬ.

Lormav 12:19

Aˬ yuiꞈ aˬ nyiˇ Ka li zaˬ deuˬ-oˇ, aˬ cawˬ-ahˇ laꞈ poˆ tiˬ jawˇ-iˬ taˬ poˆ. Miˬyehˇ yaˇ kʼaˬ daˇ luꞈ-uˇ. Aˬ jeˬ miˇ neh ehˇ naˇ, Jaˇliꞈ laꞈ kʼoeˇ heu loꞈ-ehˇ ehˇ taˬ-euˬ meh. “Laꞈ poˆ poˆ-eu jeˬ-aˬ, ngaˬ-ahˇ taꞈ-eu jeˬ pyeuꞈ-eu ma. Ngaˇ jahˇ kʼoꞈ nehˬ ma lehˇ Sahˬpaˬ Miˬyehˇ ehˇ-eu meh.”

Lormav 14:16

Nawˬ neh yaw muiˬ meh lehˇ noeˬ-euˬ jeˬ aˬ cawˬ ja doeˇ duˬ taˬ bi pyeuꞈ.

Gawˇlawˇsehˇ 4:5

Ka li-ahˇ maˬ jah-eu tsawˇ haˬ deuˬ-euˬ mehˬ shi zaˬ siˬ tsawˇ gahˇ ahˇ-eu tsawˇ haˬ loꞈ-ehˇ dehꞈ-awˬ. Aˇ yamˬ kʼaˇ tsaˬ laˇ ngeh, yawˬ ha jah-eu tsawˇ haˬ pyeuꞈ-eu gaˇ kawˆ aˬ cawˬ-ahˇ bi siˬ bi mawˇ-awˬ.

1 Teˇsaˬloˇni 4:12

Kʼoeˇ loꞈ-ehˇ dehꞈ naˇ, Sahˬpaˬ Yeˬsuˇ-ahˇ maˬ jah-eu tsawˇ haˬ deuˬ naw maꞈ-ahˇ yaw zeu baw-awˇ, yawˬ ha loˬ-eu jeˬ gʼaˇ duˬ aˬ cawˬ-ahˇ maˬ kʼawˬ daˇ ni dehꞈ nya tehꞈ-a.

1 Teˇsaˬloˇni 5:15

Naw maꞈ tiˬ gʼaˬ-iˬ aˬ cawˬ yaw doeˇ jahˇ laˇ gaˇ yaw doeˇ maˬ ya jahˇ kʼoꞈ nehˬ ni yahˇ-awˬ. Ehˇ kʼawꞈ, tiˬ gʼaˬ tiˇ gʼaˬ yaw muiˬ jeˬ mˇ nehˬ-eu uˬ taꞈ, tsawˇ haˬ dawˬ tawˆ luꞈ-ahˇ yaw muiˬ jeˬ mˇ nehˬ-eu gʼaˇ duˬ, aˬ myah luꞈ noeˬ gahˇ taˬ-awˬ.

1 Teˇsaˬloˇni 5:22

Yaw muiˬ deuˬ-ahˇ jeˬ hmˬ geuꞈ-awˬ. Maˬ muiˬ-eu yawˬ jeˬ na luꞈ-ahˇ gaˇ jaw jaw-awˬ.

1 Tiˆmoˇseˬ 5:14

Kʼoeˇ miˇ neh, aˬ dui-ahˇ muiˇ-eu deuˬ aˬ dui-euˬ gaˇ kawˆ ja bu ja doeˇ kʼaˇ maˬ bi za ni, aˇ kʼoꞈ maˬ kʼawˆ laˇ-euˬ zaˬ miˬ zaˬ deuˬ bi dahˬ dzaˬ-iˇ-awˇ, zaˬ ciˬ zaˬ cu mˇ-eu laꞈ kʼoeˇ yawˬ ha-euˬ nymˇ jiˇ-ahˇ bo saˆ-eu jeˬ-ahˇ ngaˇ geuꞈ mawꞈ-eu ma.

1 Beˬtuˆluˆ 2:12

Miˬyehˇ-ahˇ maˬ jah-eu tsawˇ haˬ deuˬ-euˬ mehˬ shi naw maꞈ dehꞈ-eu jawˇ-eu gaˇ kawˆ muiˬ dui bi dui-awˬ. Kʼoeˇ loꞈ-ehˇ dehꞈ naˇ, naw maꞈ-ahˇ yaw haiˬ jeˬ mˇ-eu tsawˇ haˬ lehˇ aˬ yawꞈ maꞈ ja doeˇ kʼawꞈ, naw maꞈ yaw muiˬ jeˬ mˇ-euˬ meh lehˇ aˬ yawꞈ maꞈ ya ha geuꞈ-awˇ, Miˬyehˇ yaˇ kʼaˬ daˇ le ngeh Nah, aˬ yawꞈ maꞈ Miˬyehˇ-ahˇ ja ceuˬ tehꞈ-a.

1 Beˬtuˆluˆ 3:16

Ehˇ kʼawꞈ, kʼoeˇ loꞈ-ehˇ ja mehˬ nehˬ ngeh, nui ma nahˬ yu ni taˬ-awˇ yaw zeu baw-eu laꞈ kʼoeˇ ja mehˬ nehˬ-awˬ. Aˬ cawˬ yehˬ bawˬ sehˇ lu-ehˇ ehˇ laˇ gaˇ naw maꞈ ya daˬ ngeh, Ka li laꞈ kʼoeˇ naw maꞈ yaw muiˬ jeˬ mˇ luꞈ gaˇ ja doeˇ-eu tsawˇ haˬ deuˬ yawˬ ha-euˬ dawˬ-ahˇ yawˬ ha ya shaꞈ dawˇ-iˇ ni, naw maꞈ-euˬ siˬ nya-eu nui ma shawˇ jehˆ ni taˬ-awˬ.

1 Beˬtuˆluˆ 3:9

Aˬ cawˬ yaw doeˇ jahˇ laˇ gaˇ yaw doeˇ taˬ jahˇ kʼoꞈ nehˬ. Aˬ cawˬ yaˬ kʼehˇ yaˬ laˇ gaˇ yaˬ kʼehˇ maˬ yaˬ kʼoꞈ nehˬ-ehˇ, Miˬyehˇ guiˬ lahˬ biꞈ nehˬ ni dawˬ ngehˬ gʼeh nehˬ-awˬ. Aˬ jeˬ miˇ neh ehˇ naˇ, Miˬyehˇ naw maꞈ-ahˇ kuˇ ngeh, guiˬ lahˬ biꞈ ma lehˇ saˇ jaˬ dzaˬ-awˇ kuˇ-euˬ meh.

Luˇta 3:14

Kʼoeˇ naˇ, uˬ shawˬ paw keuˆ ni, Bawˇza-euˬ aˬ kuiˇ dawˬ peh luˇ ta yuꞈ-euˬ meh. Ehˇ kʼawꞈ, aˬ cawˬ aˬ yawꞈ-ahˇ maˬ bi mawˇ-eu gʼaˇ duˬ, uˬ bya maˬ bya laˇ mi naˆ-ehˇ tuˇ-euˬ meh. Aˬ jeˬ miˇ neh ehˇ naˇ, aˬ yawꞈ kʼoeˇ gaˇ jawˇ-eu gaˇ kawˆ, tsawˇ haˬ tiˬ gʼaˬ-ahˇ-iˬ, Bawˇza maˬ bi siˬ mawꞈ-a.

1 Saˬmeuˬlaˆ 26:11

Sahˬpaˬ Miˬyehˇ neh ka nehˬ-euˬ sahˬ paˬ-ahˇ laˆ tahˬ laˆ naˇ nehˬ-eu jeˬ maˬ ya mˇ ni, Sahˬpaˬ Miˬyehˇ ngaˬ-ahˇ laˆ tsoeˬ taˬ-euˬ meh. Aˬ yawꞈ-euˬ gahˬ hawˇ-eu iˇ puˬ yuˇ-awˇ doˆ-iˇ kaˇ-euˇ.”