Lormav 12:12 - Akha

¹² Noeˬ tmˬ-eu laꞈ kʼoeˇ laˬ kʼaˬ cehˇ-awˬ. Shaˬ-eu zahˬ-eu jeˬ laꞈ kʼoeˇ nui ma gʼawˬ mahˇ ni taˬ-awˬ. Aˬ myah luꞈ guiˬ lahˬ shaˇ-awˬ.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹² Noeqtmq-eu lafkhoer laqkhaq caer-awr, shaqzanq yadaq ngae or-eu uqtaf, aqmyanluf nuima keuvkeuv-aer guiqlanq shar-awq.

Lormav 12:12 ပူးပေါင်းရင်းမြစ်များ

Jaceuq 109:4

Ngaˇ aˬ yawꞈ maꞈ-ahˇ gaˬ-awˇ guiˬ lahˬ shaˇ nehˬ luꞈ kʼawꞈ, aˬ yawꞈ maꞈ ngaˬ-ahˇ muiˇ-eu meh.

Jaceuq 37:7

Nawˇnui ma gʼawˬmahˇni taˬ-awˇ, SahˬpaˬMiˬyehˇ-ahˇdawˬtawˬ-awˬ. Aˬcawˬdehꞈdzaˬgaˇtaˬnoeˬshaˬ. Yaw haiˬjeˬmˇgaˇmyaˆtaˬnaˆ.

Jaceuq 40:1

SahˬpaˬMiˬyehˇ caw ba le gaˇ, ngaˇoˇoˬ-awˇ dawˬluꞈ-eu ma. Aˬyawꞈngaˬ-ahˇhaw cawˬle-awˇ, ngaˬ-euˬngoeˇdawˬya gaˬ-euˬmeh.

Jaceuq 62:8

Ngaˬ-euˬ tsawˇ haˬ deuˬ-oˇ, Miˬyehˇ-ahˇ aˬ myah luꞈ gʼoe-awˬ. Naw maꞈ-euˬ shaˬ zahˬ dawˬ tawˆ luꞈ aˬ yawꞈ-ahˇ dzawˇ nehˬ-awˬ. Aˬ yawꞈ-aˬ, aˬ dui-euˬ gʼoe duˬ meh.

Dawqdaq 10:28

Yaw tsaˬ yaw dawˇ deuˬ noeˬ tmˬ-eu laˬ kʼaˬ cehˇ-eu jeˬ keuˆ le-awˇ, haiˬ-eu tsawˇ haˬ noeˬ tmˬ-eu jeˬ yawꞈ ngehꞈ meh.

Dawqdaq 14:32

Yaw haiˬ deuˬ-euˬ bawˬ toˆ yawˬ haˇ yawˬ ha paꞈ lah-awˇ, yaw tsaˬ yaw dawˇ mˇ-eu guiˬ lahˬ, tsawˇ shiˇ uˬ kʼawˇ dzeuˇ-iˇ-eu meh.

Maꞈtehˬ 5:12

Laˬ kʼaˬ cehˇ dui dui-awˬ. Aˬ jeˬ miˇ neh ehˇ naˇ, mˬ kʼoeˇ taˆ naw maꞈ gʼaˇ duˬ lehˬ hmˬ taˬ-euˬ laꞈ sawˬ huiˬ dui dui meh. Naw maꞈ-euˬ mehˬ hu dehꞈ dzeuˇ jawˇ dzeuˇ yaꞈ-euˬ Miˬyehˇ gʼaˇ duˬ ngehˬ dah-eu deuˬ kʼawꞈ, kʼoeˇ loꞈ-ehˇ kʼehˬ nehˬ kʼaˆ nehˬ gaˇ ya daˬ-euˬ meh.

Luˇkaꞈ 10:20

Ehˇ kʼawꞈ, nehꞈ deuˬ naw maꞈ-euˬ dawˬ-ahˇ naˇ haˬ gaˇ laˬ kʼaˬ taˬ cehˇ. Mˬ kʼoeˇ taˆ naw maꞈ-euˬ tsawˇ myahˇ boꞈ ahˇ taˬ-euˬ gaˇ laˬ kʼaˬ cehˇ-awˬ.”

Luˇkaꞈ 21:19

Naw maꞈ ziꞈ dah ni kamˬ coeˇ naˇ, dehꞈ-eu jeˬ-ahˇ za tehꞈ-a.

Luˇkaꞈ 8:15

Miˇ tsaˬ miˇ muiˬ muiˬ gaˇ ga-iˇ-euˬ siˬ yoeˬ lehˇ ehˇ-eu-aˬ, Miˬyehˇ dawˬ kawˬ-ahˇ ya gaˬ ngeh, dawˇ coe ni gʼeh-eu muiˬ-eu jaˬ-eu nui ma laꞈ kʼoeˇ jeˬ hmˬ taˬ-awˇ, aˇ siˬ siˬ le ngeh keuˆ ni dawˬ kʼoeˇ deuˬ-ahˇ ziꞈ dah ni nyehꞈ tehˬ taˬ-eu tsawˇ haˬ deuˬ-ahˇ ehˇ mawꞈ-eu meh.

Gʼaˬkʼehˇ 1:14

Aˬ yawꞈ maꞈ-aˬ, zaˬ miˬ zaˬ deuˬ hawˇ-eu, Yeˬsuˇ-euˬ aˬ ma Maˬliˇ hawˇ-eu Yeˬsuˇ-euˬ aˬ nyiˇ deuˬ nehˬ-ehˇ tiˬ kawˆ loꞈ-ehˇ, tiˬ kʼehˬ maˬ taˬ ni uiˬ leˇ-awˇ guiˬ lahˬ shaˇ-eu meh.

Gʼaˬkʼehˇ 12:5

Kʼoeˇ miˇ neh, Beˬtuˆluˆ-ahˇ paꞈ kuˆ-ahˇ dawˆ taˬ-euˬ jeˬ pyeuꞈ-eu meh. Ehˇ kʼawꞈ, Ka li zaˬ aˇ muˇ muˇ lah-ehˇ, Beˬtuˆluˆ gʼaˇ duˬ nui ma keuˆ dui dui-eu laꞈ kʼoeˇ Miˬyehˇ-ahˇ guiˬ lahˬ shaˇ-euˬ meh.

Gʼaˬkʼehˇ 2:42

Aˬ yawꞈ maꞈ-aˬ, gʼaˬ kʼehˇ deuˬ neh mehˬ nehˬ-euˬ jeˬ-ahˇ yaw muiˬ paˬ-ehˇ dzaw geuꞈ-awˇ, tiˬ gʼaˬ tiˇ gʼaˬ cawˬ yaw muiˬ-ehˇ cawˬ taꞈ-eu laꞈ kʼoeˇ, tiˬ kawˆ loꞈ-ehˇ dzaˬ taꞈ dawˇ taꞈ-awˇ guiˬ lahˬ shaˇ taꞈ-euˬ meh.

Gʼaˬkʼehˇ 6:4

Nga maꞈ-aˬ, guiˬ lahˬ shaˇ-eu hawˇ-eu dawˬ mehˬ mehˬ-eu jeˬ tehꞈ-ehˇ aˇ yamˬ tiˬ byah ni mˇ ma.”

Lormav 15:13

Muiˬ-eu Shawˇ-eu Yaw sahˇ Miˬyehˇ-euˬ baoˬ baˬ da neh naw maꞈ-euˬ noeˬ tmˬ-eu jeˬ huiˬ laˇ mahˇ laˇ nya ni, naw maꞈ Miˬyehˇ-ahˇ jah-eu jeˬ-ahˇ gʼoe-awˇ, noeˬ tmˬ-eu jeˬ-euˬ dawˬ pehˬ duˬ puˇ pyeuꞈ-eu Miˬyehˇ naw maꞈ-ahˇ laˬ kʼaˬ cehˇ nui saˇ za-eu jeˬ bi byah laˇ luꞈ-uˇ.

Lormav 15:4

Jaˇliꞈ laꞈ kʼoeˇ kʼaˇ boꞈ taˬ-euˬ yawˬ jeˬ na luꞈ, aˬ dui-ahˇ bi mehˬ bi tsoˆ-eu gʼaˇ duˬ boꞈ taˬ-euˬ meh. Aˬ dui nui ma gʼawˬ mahˇ ni taˬ nya laˇ-eu gʼaˇ duˬ mehˬ nehˬ tsoˆ nehˬ laꞈ-awˇ, aˬ dui-euˬ nui ma-ahˇ gʼaˬ biꞈ lahˬ nehˬ laꞈ-eu laꞈ kʼoeˇ noeˬ tmˬ kʼaˇ za laˇ ni boꞈ taˬ-euˬ jeˬ pyeuꞈ-eu meh.

Lormav 2:7

Tsawˇ haˬ tiˬ paˆ na deuˬ-aˬ, yaw muiˬ jeˬ-ahˇ maˬ tsehˆ leˇ ni mˇ-eu laꞈ kʼoeˇ, yaw shehꞈ kʼahˬ sehˇ hawˇ-eu taˬ huiˬ taˬ mahˇ nehˬ-eu jeˬ-ahˇ maˬ ehˇ, mˬ maˬ maˬ byaˆ zaˇ ziˇ maˬ shiˇ ni ya dehꞈ-eu jeˬ-ahˇ maˬ ehˇ, poˆ luꞈ-eu meh. Kʼoeˇ loꞈ-ehˇ gʼeh-eu tsawˇ haˬ deuˬ-ahˇ mˬ maˬ maˬ byaˆ zaˇ ziˇ dehꞈ-eu jeˬ Miˬyehˇ biꞈ nehˬ tehꞈ-a.

Lormav 8:25

Ehˇ kʼawꞈ, maˬ mawˇ-euˬ jeˬ-ahˇ aˬ dui noeˬ tmˬ-eu ngeuˇ naˇ, nui ma gʼawˬ mahˇ ni taˬ-awˇ ya dawˬ meh.

1 Gawˇliˬtu 13:13

Nymˬ-mˇ-aˬ, jah-eu jeˬ, noeˬ tmˬ-eu jeˬ, gʼoeˇ-eu gaˬ-eu jeˬ, heu smˇ jeˬ jaˆ-eu meh. Heu smˇ jeˬ laꞈ kʼoeˇ aˬ cawˬ naˆ maˬ tseˇ huiˬ dzehˬ-eu jeˬ-aˬ, gʼoeˇ-eu gaˬ-eu jeˬ meh.

2 Gawˇliˬtu 12:8

Shaˬ zahˬ kʼoeˇ yuˇ dzeh nehˬ laꞈ-eu gʼaˇ duˬ, smˬ poˆ keuˆ ni Sahˬpaˬ Yeˬsuˇ-ahˇ ngaˇ shaˇ-euˬ ma.

Piˇliˇpiˆ 3:1

Aˬ yuiꞈ aˬ nyiˇ Ka li zaˬ deuˬ-oˇ, aˇ saˬ saˬ-eu dawˬ heu loꞈ-ehˇ ehˇ mawꞈ-eu ma. Sahˬpaˬ Yeˬsuˇ laꞈ kʼoeˇ laˬ kʼaˬ cehˇ-awˬ. Boꞈ dzeuˇ yaꞈ-euˬ jeˬ-ahˇ paˇ boꞈ poˆ-eu gʼaˇ duˬ ngaˇ nymˇ gawˬ maˬ gawˬ. Kʼoeˇ-aˬ, naw maꞈ guˆ kʼaˇ za-eu jeˬ bi teˬ-iˇ-eu gʼaˇ duˬ ma.

Piˇliˇpiˆ 4:4

Aˬ myah luꞈ Sahˬpaˬ Yeˬsuˇ laꞈ kʼoeˇ laˬ kʼaˬ cehˇ-awˬ. Ngaˇ tiˬ poˆ paˇ ehˇ ma. Laˬ kʼaˬ cehˇ-awˬ.

Gawˇlawˇsehˇ 1:11

Yawˬ jeˬ na luꞈ-ahˇ naw maꞈ nui ma gʼawˬ mahˇ ni taˬ-awˇ daˬ coeˇ ni, aˬ yawꞈ-euˬ yaw shehꞈ kʼahˬ sehˇ huiˬ-eu baoˬ-ahˇ neh doˆ le-euˬ gʼaˬ baˬ da neh naw maꞈ gʼaˬ kʼaˆ laˇ luꞈ-uˇ. Yaw shehꞈ-euˬ miˇ kʼahˬ laꞈ kʼoeˇ aˬ yawꞈ-euˬ tsawˇ haˬ deuˬ bi jawˇ-eu gʼaˇ duˬ lehˬ hmˬ taˬ-euˬ jawˇ duˬ-ahˇ naw maꞈ jawˇ leˇ nya ni jahˇ nehˬ laꞈ-euˬ Aˬda Miˬyehˇ-euˬ guiˬ lahˬ-ahˇ, laˬ kʼaˬ tiˬ cehˇ ja ceuˬ-awˬ.

Gawˇlawˇsehˇ 1:27

Miˬyehˇ-aˬ, aˬ yawꞈ-euˬ tsawˇ haˬ dawˬ tawˆ luꞈ gʼaˇ duˬ aˬ yawꞈ neh zaꞈ taˬ-euˬ jeˬ kʼoeˇ aˇ naˆ ni yaw shehꞈ kʼahˬ sehˇ byah-awˇ, aˇ naˆ ni zahˬ leˇ paˬ-ehˇ gʼeh-eu gaˇ kawˆ, aˬ yawꞈ-euˬ tsawˇ haˬ deuˬ-ahˇ bi siˬ bi mawˇ-eu lehˇ lehˬ hmˬ taˬ-euˬ meh. Zaꞈ taˬ-euˬ kʼoeˇ-aˬ, naw maꞈ laꞈ kʼoeˇ Ka li jawˇ-eu kʼoeˇ meh. Kʼoeˇ-aˬ, Miˬyehˇ zahˬ leˇ paˬ-ehˇ gʼeh-eu gʼaˬ pyeuꞈ-eu loꞈ-ehˇ, naw maꞈ kʼawꞈ bi pyeuꞈ laˇ-eu gʼaˇ duˬ ehˇ mawꞈ-euˬ meh.

Gawˇlawˇsehˇ 4:12

Naw maꞈ-euˬ aˇ muˇ zaˬ tiˬ gʼaˬ pyeuꞈ-eu Yeˬsuˇ Ka li-euˬ gaˇ mˇ luꞈ-eu Iˇbaˬpaˬlaˇ kʼawꞈ, naw maꞈ-ahˇ dawˬ cawˬ puˬ ahˇ laꞈ-euˬ meh. Naw maꞈ gʼaˇ duˬ aˬ yawꞈ aˬ myah luꞈ guiˬ lahˬ shaˇ dui dui luꞈ meh. Naw maꞈ jah-eu laꞈ kʼoeˇ ziꞈ dah ni yawꞈ nya-eu gʼaˇ duˬ maˬ ehˇ, Ka li-ahˇ jah-eu paw ehˇ kʼaˇ maˬ za ni bi byah laˇ-eu gʼaˇ duˬ maˬ ehˇ, Miˬyehˇ-euˬ nui kʼahˇ-ahˇ tiˬ byah tiˬ loꞈ bi caw teh-eu gʼaˇ duˬ maˬ ehˇ, aˬ yawꞈ Miˬyehˇ-ahˇ guiˬ lahˬ shaˇ-eu maˬ tsehˆ leˇ-a.

Gawˇlawˇsehˇ 4:2

Aˬ myah luꞈ maˬ tsehˆ leˇ ni guiˬ lahˬ shaˇ-awˬ. Naw maꞈ guiˬ lahˬ shaˇ ngeh, Miˬyehˇ-euˬ guiˬ lahˬ-ahˇ ja ceuˬ ja ceuˬ-ehˇ, yaw beuˇ beuˇ-ehˇ shaˇ-awˬ.

1 Teˇsaˬloˇni 1:3

Aˬ jeˬ miˇ neh ehˇ naˇ, jah-eu baˬ da neh naw maꞈ aˬ joˆ-ehˇ mˇ doˆ shaˇ doˆ laꞈ luꞈ-eu gaˇ kawˆ maˬ ehˇ, gʼoeˇ-eu gaˬ-eu jeˬ baˬ da neh naw maꞈ aˇ naˆ ni leh jeh-awˇ mˇ luꞈ-eu gaˇ kawˆ maˬ ehˇ, aˬ dui-euˬ Sahˬpaˬ Yeˬsuˇ Ka li-ahˇ naw maꞈ noeˬ tmˬ taˬ-euˬ jeˬ aˇ naˆ ni ziꞈ luꞈ-eu gaˇ kawˆ maˬ ehˇ, aˬ dui-euˬ Aˬda pyeuꞈ-eu Miˬyehˇ mehˬ shi nga maꞈ noeˬ keuˆ luꞈ-eu ma.

1 Teˇsaˬloˇni 5:8

Ehˇ kʼawꞈ, aˬ dui-aˬ, nah gʼahˇ-euˬ zaˬ pyeuꞈ-eu miˇ neh, yawˬ ha-euˬ nui ma-ahˇ nyehꞈ tehˬ taˬ-eu tsaˬ meh. Jah-eu jeˬ hawˇ-eu gʼoeˇ-eu gaˬ-eu jeˬ-ahˇ guiˇ deuˆ ngeh kʼahˬ-ahˇ dehˬ daˬ-eu shmˇ byaˆ dm-eu loꞈ-ehˇ dm-awˇ, noeˬ tmˬ-eu jeˬ-ahˇ uˬ duˬ-ahˇ tsahˬ-eu shmˇ uˬ kʼoˆ loꞈ-ehˇ tsahˬ kaˇ-euˇ.

2 Teˇsaˬloˇni 1:4

Kʼoeˇ miˇ neh, Miˬyehˇ-euˬ Ka li zaˬ aˇ muˇ deuˬ mehˬ shi, naw maꞈ gaˇ kawˆ nga maꞈ kʼahˬ sehˇ jehˆ-eu ma. Naw maꞈ ya daˬ luꞈ-eu kʼehˬ-eu kʼaˆ-eu jeˬ hawˇ-eu shaˬ-eu zahˬ-eu jeˬ dawˬ tawˆ luꞈ-ahˇ naw maꞈ daˬ dzeuˇ oˇ dzeuˇ-eu laꞈ kʼoeˇ, naw maꞈ jah luꞈ-eu gaˇ kawˆ nga maꞈ kʼahˬ sehˇ jehˆ-eu ma.

2 Teˇsaˬloˇni 3:5

Miˬyehˇ-euˬ gʼoeˇ-eu gaˬ-eu jeˬ-ahˇ naw maꞈ siˬ duˬ mawˇ duˬ dzehˬ laˇ gaˇ maˬ ehˇ, Ka li neh biꞈ-euˬ daˬ coeˇ oˇ coeˇ-eu jeˬ laꞈ kʼoeˇ maˬ ehˇ, Sahˬpaˬ Yeˬsuˇ naw maꞈ-ahˇ sheuˬ uˇ nehˬ laꞈ luꞈ-uˇ.

1 Tiˆmoˇseˬ 6:11

Ehˇ kʼawꞈ, Miˬyehˇ-euˬ tsawˇ haˬ pyeuꞈ-eu nawˇ-aˬ, heu deuˬ dawˬ tawˆ luꞈ-ahˇ gaˇ jaw jaw-awˬ. Yaw tsaˬ yaw dawˇ jeˬ, Miˬyehˇ-ahˇ yaw zeu baw-eu jeˬ, jah-eu jeˬ, gʼoeˇ-eu gaˬ-eu jeˬ, daˬ coeˇ oˇ coeˇ-eu jeˬ, nui nahˬ nui yu ahˇ-eu jeˬ, heu deuˬ-ahˇ leh jeh dui dui-awˬ.

2 Tiˆmoˇseˬ 3:10

Ehˇ kʼawꞈ nawˇ-aˬ, ngaˬ-euˬ mehˬ nah caw teh-awˇ dzaw geuꞈ luꞈ-eu tsawˇ haˬ pyeuꞈ-eu meh. Ngaˬ neh mehˬ-euˬ tsoˆ-euˬ jeˬ, ngaˬ neh dehꞈ mehˬ jawˇ mehˬ-euˬ jeˬ, ngaˬ neh noeˬ-euˬ jeˬ, ngaˬ-euˬ jah-eu jeˬ, ngaˬ-euˬ nui ma mahˇ-eu jeˬ, ngaˬ-euˬ gʼoeˇ-eu gaˬ-eu jeˬ, ngaˇ daˬ coeˇ oˇ coeˇ-eu jeˬ,

Tiˇtuˆ 2:13

aˬ dui-euˬ huiˬ dui dui-eu Miˬyehˇ hawˇ-eu Ka kʼoꞈ-eu gʼaˬ pyeuꞈ-eu Yeˬsuˇ Ka li-euˬ yaw shehꞈ kʼahˬ sehˇ doˆ le-eu Aˇ nah kʼoeˇ nah-ahˇ noeˬ tmˬ-awˇ dawˬ-eu gʼaˇ duˬ mehˬ nehˬ laꞈ-euˬ meh.

Tiˇtuˆ 3:7

Miˬyehˇ-euˬ guiˬ lahˬ yaw dzahˇ baˬ da neh, aˬ dui Miˬyehˇ-ahˇ tsaˬ leˇ tsahˇ leˇ-awˇ, aˬ dui noeˬ tmˬ taˬ-euˬ mˬ maˬ maˬ byaˆ zaˇ ziˇ dehꞈ-eu jeˬ-ahˇ za nya ni, kʼoeˇ loꞈ-ehˇ shehˆ daˆ nehˬ laꞈ-euˬ jeˬ pyeuꞈ-eu meh.

HeˬByehˇ 10:32

Dzeuˇ laˇ ngeh naw maꞈ aˬ joˆ-ehˇ pyeuꞈ dzeuˇ yaꞈ-euˬ gaˇ noeˬ mawˇ-awˬ. Miˬyehˇ-euˬ yaw shehꞈ-ahˇ naw maꞈ ya mawˇ gʼaˬ ngeh, kʼehˬ-eu kʼaˆ-eu gʼawˬ mya jeˬ-ahˇ naw maꞈ ya daˬ-euˬ meh. Ehˇ kʼawꞈ, naw maꞈ daˬ dzeuˇ oˇ dzeuˇ laꞈ-euˬ meh.

HeˬByehˇ 10:36

Miˬyehˇ-euˬ nui kʼahˇ mˇ byah-awˇ aˬ yawꞈ neh saˇ jaˇ dzaˬ taˬ-euˬ jeˬ-ahˇ za nya ni, nui ma gʼawˬ mahˇ ni ya taˬ meh.

HeˬByehˇ 12:1

Jah-eu jeˬ gaˇ kawˆ saˇ kiˇ kamˬ-euˬ tsawˇ haˬ kʼoeˇ deuˬ, aˬ dui-euˬ tiˬ jawˬ tiˬ byah ni jawˇ luꞈ ma. Kʼoeˇ miˇ neh, gaˇ ma-ahˇ kʼaˇ jaˆ tsoeˬ-eu yawˬ jeˬ na luꞈ-ahˇ aˬ dui teuˆ lehˆ-awˇ, aˬ dui-ahˇ deuˇ geuˆ ni lahˇ cuꞈ taꞈ-euˬ iˬ baˇ-ahˇ behˇ lehˆ-awˇ, aˬ dui mehˬ shi laˆ saˆ taˬ-euˬ cehˆ ceh ceh-eu gaˇ ma-ahˇ nui ma ziꞈ dah ni cehˆ gʼeh kaˇ-euˇ.

HeˬByehˇ 3:6

Ehˇ kʼawꞈ, Ka li-aˬ, Miˬyehˇ-euˬ nymˇ jiˇ-ahˇ haw-eu pyaˆ-eu gʼaˬ pyeuꞈ-eu saˇ jaˇ ziꞈ-eu Zaˬmaˇ meh. Aˬ dui kʼawꞈ, aˬ dui neh noeˬ tmˬ taˬ-euˬ jeˬ-ahˇ nui ma kʼaˬ duˬ ni taˬ-awˇ, ziꞈ dah ni tuˆ tehˬ taˬ naˇ, Miˬyehˇ-euˬ nymˇ jiˇ laꞈ kʼoeˇ jawˇ-eu aˬ yawꞈ-euˬ zaˬ deuˬ lehˇ ehˇ nya ma.

HeˬByehˇ 5:7

Yeˬsuˇ miˇ tsaˬ kʼoeˇ taˆ dehꞈ ngeh, shiˇ-eu jeˬ laꞈ kʼoeˇ aˬ yawꞈ-ahˇ bi buˬ-iˇ nya-eu Miˬyehˇ-ahˇ, teˇ saˇ yaw kʼaˆ-ehˇ guˇ guˇ-ehˇ myaˆ biˇ doˆ-eu laꞈ kʼoeˇ guiˬ lahˬ shaˇ dui dui-euˬ meh. Aˬ yawꞈ Miˬyehˇ-ahˇ yaw zeu baw-awˇ Miˬyehˇ-euˬ nui noeˬ geuꞈ-euˬ miˇ neh, aˬ yawꞈ-euˬ shaˇ dawˬ-ahˇ Miˬyehˇ naˇ haˬ nehˬ-euˬ meh.

HeˬByehˇ 6:12

Naw maꞈ yaw doeˇ doeˇ-eu tsawˇ haˬ maˬ bi pyeuꞈ mawꞈ nya. Ehˇ kʼawꞈ, jah-eu laꞈ kʼoeˇ nui ma gʼawˬ mahˇ ni taˬ-eu baˬ da neh, Miˬyehˇ neh saˇ jaˇ dzaˬ taˬ-euˬ jeˬ-ahˇ za-eu tsawˇ haˬ bi pyeuꞈ mawꞈ-eu ma.

HeˬByehˇ 6:15

Aˬbyaˬhaˬ nui ma gʼawˬ mahˇ ni taˬ-euˬ baˬ da neh, Miˬyehˇ neh saˇ jaˇ dzaˬ-euˬ jeˬ-ahˇ za-euˬ meh.

Yaˬkoˆ 5:7

Aˬ yuiꞈ aˬ nyiˇ Ka li zaˬ deuˬ-oˇ, Sahˬpaˬ Yeˬsuˇ zaꞈ le ngeh keuˆ ni oˇ oˇ-ehˇ jawˇ-awˬ. Deh ma mˇ-eu tsawˇ haˬ tiˬ gʼaˬ aˇ poeˬ kʼaˆ dui dui-eu cehˇ deuˬ keuˆ le ngeh keuˆ ni, aˬ yawꞈ-euˬ deh ma-ahˇ aˬ joˆ-ehˇ dawˬ-eu gaˇ kawˆ shaˇ sawˇ-awˬ. Yehˇ gʼahˇ ahˇ dahˬ beh le ngeh neh yehˇ gʼahˇ jiˇ le ngeh keuˆ ni oˇ oˇ-ehˇ dawˬ-eu meh.

1 Beˬtuˆluˆ 4:13

Ka li ya shaˬ ya zahˬ gaˇ duˇ ni naw maꞈ kʼawꞈ ya shaˬ ya zahˬ-eu miˇ neh laˬ kʼaˬ cehˇ-awˬ. Aˬ jeˬ miˇ neh ehˇ naˇ, aˬ yawꞈ yaw shehꞈ kʼahˬ sehˇ laꞈ kʼoeˇ zaꞈ le ngeh, naw maꞈ laꞈ kʼaˬ ya cehˇ tehꞈ-a.

1 Beˬtuˆluˆ 4:7

Yawˬ jeˬ na luꞈ laꞈ kʼoeˇ aˇ saˬ saˬ-eu aˇ yamˬ peh le-euˬ meh. Kʼoeˇ miˇ neh, naw maꞈ guiˬ lahˬ shaˇ nya-eu gʼaˇ duˬ yawˬ ha-euˬ nui ma-ahˇ gʼaˬ leˇ ni nyehꞈ tehˬ-awˇ, yaw beuˇ beuˇ-ehˇ dehꞈ-awˬ.

2 Beˬtuˆluˆ 1:6

Zaˬ siˬ tsawˇ gahˇ kʼoeˇ taˆ yawˬ ha-euˬ nui ma-ahˇ gʼaˬ leˇ-eu jeˬ bi lahˬ laˇ-awˬ. Yawˬ ha-euˬ nui ma-ahˇ gʼaˬ leˇ-eu jeˬ kʼoeˇ taˆ daˬ coeˇ oˇ coeˇ-eu jeˬ bi lahˬ laˇ-awˬ. Daˬ coeˇ oˇ coeˇ-eu jeˬ kʼoeˇ taˆ Miˬyehˇ-ahˇ yaw zeu baw-eu jeˬ bi lahˬ laˇ-awˬ.

Panmaeq 13:10

Aˬ cawˬ neh bi paꞈ-eu lehˇ dehꞈ le-euˬ tsawˇ haˬ-aˬ, maˇ maˇ ni ya bi paꞈ tehꞈ-a. Mi cehˇ neh bi sehꞈ-eu lehˇ dehꞈ le-euˬ tsawˇ haˬ-aˬ, maˇ maˇ ni mi cehˇ neh ya bi sehꞈ tehꞈ-a. Heu-aˬ, Miˬyehˇ-euˬ tsawˇ haˬ deuˬ daˬ dzeuˇ oˇ dzeuˇ-awˇ jah-eu gʼaˇ duˬ ehˇ-eu jeˬ pyeuꞈ-eu meh.”