Lormav 12:11 - Akha

¹¹ Yaw doeˇ maˬ doeˇ ni mˇ dui dui-awˬ. Nui ma keuˆ dui dui-eu laꞈ kʼoeˇ Miˬyehˇ gaˇ mˇ-awˬ.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹¹ Saflar-euq lafkhoer shaqdaef shaqnar anr-awr, nymrgawq yawdoer maqanrni, Sanqpaq Miqyaer-euq gar mr-awq.

Lormav 12:11 ပူးပေါင်းရင်းမြစ်များ

Doˆ-iˇ 5:17

Ehˇ kʼawꞈ, aˬ yawꞈ maꞈ-ahˇ sahˬ paˬ ehˇ nehˬ-eu, “Naw maꞈ yaw doeˇ doeˇ-awˇ, gaˇ maˬ mˇ mawꞈ-eu miˇ neh, naw maꞈ-euˬ Sahˬpaˬ Miˬyehˇ-ahˇ lawˇ-eu shehˇ-eu gʼaˇ duˬ bi iˇ laꞈ lehˇ ngaˬ-ahˇ shaˇ-eu meh.

Dawqdaq 10:26

Nymˇ gawˬ-ahˇ gʼoe dzaˬ naˇ, nawˬ-ahˇ seuˬ kmˬ kmˬ-awˇ, myaˆ nuiˆ-ahˇ uˬ kʼoeˬ kʼoeˬ-eu loꞈ-ehˇ, nawˇ maˬ jawˇ tehˬ coeˇ-a.

Dawqdaq 13:4

Yaw doeˇ neh noeˬ tmˬ-euˬ jeˬ tiˬ jawˇ-iˬ maˬ keuˆ le-ehˇ, leh jeh-eu deuˬ-euˬ nui kʼahˇ maˬ lehˬ-iˇ-a.

Dawqdaq 18:9

Yaw doeˇ doeˇ-eu jeˬ-aˬ, aˬ dzawˬ aˇ gah-ahˇ mehˇ nmˇ jawꞈ-eu meh.

Dawqdaq 22:29

Gaˇ yaw muiˬ muiˬ-ehˇ mˇ-eu tsawˇ haˬ tiˬ gʼaˬ poˆ doˆ laꞈ-awˬ. Sahˬ paˬ nehˬ-ehˇ gaˇ ya mˇ taꞈ-eu aˬ cawˬ naˆ maˬ tseˇ muiˬ dzehˬ-eu tsawˇ haˬ aˬ geu gʼaˬ-a lehˇ ngaˇ mehˬ nehˬ nyaˇ.

Dawqdaq 31:15

Aˬ yawꞈ-euˬ nymˇ kʼahˬ zaˬ deuˬ dzaˬ-eu gʼaˇ duˬ dzaˇ laˆ saˆ-awˇ, zaˬ mi zaˬ zaˬ kʼaˆ deuˬ-ahˇ gaˇ biˇ nehˬ-eu gʼaˇ duˬ, uˬ bya maˬ bya laˇ mi naˆ-ehˇ uˬ tuˇ tuˇ-eu meh.

Dawˬ tsoˆ 9:10

Nawˇ kʼaˇ mˇ kʼaˇ shaˇ-eu jeˬ laꞈ kʼoeˇ, leh jeh dui dui-awˬ. Aˬ jeˬ miˇ neh ehˇ naˇ, nawˇ le luꞈ-eu shiˇ-eu miˇ kʼahˬ-ahˇ, mˇ myawˬ mˇ-eu, nui noeˬ noeˬ-eu hawˇ-eu, zaˬ siˬ tsawˇ gahˇ heu deuˬ maˬ jaˆ-a.

Iˇsaˬyaˇ 56:10

Ngaˬ-euˬ tsawˇ haˬ deuˬ-ahˇ mehˬ-eu tsoˆ-eu gʼaˇ duˬ, aˬ yuiꞈ aˬ tsu bi geuꞈ taˬ-euˬ kʼoeˇ deuˬ, dawˬ tawˆ luꞈ myaˆ behꞈ tahˬ sawˇ meh. Aˬ yawꞈ maꞈ tiˬ jeˬ-iˬ maˬ siˬ nya-ehˇ, maˬ tsehꞈ-eu nymˇ loꞈ aˬ kuiˬ-ahˇ duˇ-awˇ, yuꞈ ja taˬ-awˇ yuꞈ maˆ maˆ-eu, yuꞈ gaˇ gaˬ-eu aˬ kuiˬ-ahˇ duˇ-eu meh.

Maꞈtehˬ 24:12

Yaw haiˬ jeˬ kʼoeˇ loꞈ-ehˇ myaˬ laˇ-awˇ, tsawˇ haˬ zaˬ-euˬ gʼoeˇ-eu gaˬ-eu jeˬ coꞈ-iˇ tehꞈ-a.

Maꞈtehˬ 25:26

“Baw leˬ gʼaˬ ehˇ-eu, ‘Haiˬ dui dui-awˇ yaw doeˇ doeˇ dui dui-eu zaˬ kʼaˆ-oˇ, ngaˬ neh maˬ ka-euˬ gaˇ ngaˇ yehˬ dzaˬ-awˇ, ngaˬ neh maˬ baw shawˇ-euˬ cehˇ-ahˇ ngaˇ tawˆ geuꞈ-eu nawˇ siˬ duˬ-eu nga laˬ.

Gʼaˬkʼehˇ 18:25

Aˬ yawꞈ-aˬ, Sahˬpaˬ Yeˬsuˇ-euˬ Gaˇma gaˇ kawˆ ya dzaw haw-awˇ, nui ma keuˆ dui dui-eu laꞈ kʼoeˇ, Yeˬsuˇ-euˬ gaˇ kawˆ tiˬ pawꞈ-iˬ maˬ lehˬ ni mehˬ nya tsoˆ nya-eu meh. Ehˇ kʼawꞈ, iˇ cuꞈ shawˇ-eu gaˇ kawˆ-ahˇ taꞈ leˇ-awˇ, Yoˇhaˬ neh iˇ cuꞈ shawˇ-euˬ gaˇ kawˆ tehꞈ-ehˇ aˬ yawꞈ siˬ nya-eu meh.

Gʼaˬkʼehˇ 20:19

Yuˇdaˆ tsawˇ haˬ deuˬ ngaˬ-ahˇ sehꞈ-eu lehˇ nawˬ jawˬ-eu miˇ neh shaˬ dui dui-euˬ aˇ yamˬ kʼoeˇ yamˬ-ahˇ, nui nahˬ nui yu ahˇ-awˇ myaˆ biˇ doˆ-eu laꞈ kʼoeˇ Sahˬpaˬ Miˬyehˇ-euˬ zaˬ kʼaˆ geuꞈ-awˇ gaˇ mˇ yaꞈ-euˬ ma.

1 Gawˇliˬtu 7:22

Aˬ jeˬ miˇ neh ehˇ naˇ, Sahˬpaˬ Miˬyehˇ neh kuˇ-euˬ zaˬ kʼaˆ tiˬ gʼaˬ-aˬ, Sahˬpaˬ Miˬyehˇ-euˬ buˬ-iˇ-euˬ tsawˇ haˬ pyeuꞈ-eu meh. Kʼoeˇ loꞈ-ehˇ duˇ ni, Ka li neh bi kuˇ-euˬ buˬ-iˇ-euˬ tsawˇ haˬ tiˬ gʼaˬ-aˬ, Ka liˬ-euˬ zaˬ kʼaˆ pyeuꞈ-eu meh.

Eˇpeˇsu 4:28

Smˇ kʼoeˬ kʼoeˬ-eu tsawˇ haˬ maˬ kʼoeˬ ni byehˇ-awˇ, yawˬ ha dehꞈ nya jawˇ nya-eu uˬ taꞈ shaˬ zaˬ zahˬ zaˬ deuˬ-ahˇ caw ba nya ni, yaw sui yaw dawˇ laꞈ kʼoeˇ pyuˇ poˆ-eu gʼaˇ duˬ gaˇ mˇ-awˬ.

Gawˇlawˇsehˇ 4:1

Baw leˬ deuˬ-oˇ, yawˬ ha-euˬ zaˬ kʼaˆ deuˬ-ahˇ yawˬ tsaˬ yaw dawˇ dawˇ-ehˇ haw nehˬ-awˬ. Naw maꞈ kʼawꞈ, mˬ kʼoeˇ taˆ naw maꞈ-euˬ Baw leˬ jawˇ ma lehˇ nui ma laꞈ kʼoeˇ noeˬ taˬ-awˬ.

1 Tiˆmoˇseˬ 5:13

Tiˬ nymˇ saˇ-iˬ tiˬ nymˇ cah cah-ehˇ aˇ yamˬ gʼa jiˇ-eu jeˬ aˬ yawꞈ maꞈ mˇ nya laˇ-eu meh. Kʼoeˇ naˆ maˬ tseˇ doeˇ-eu jeˬ pyeuꞈ-eu, aˬ cawˬ gaˇ kawˆ maˬ ja paˬ-ehˇ gʼeh-eu jeˬ-ahˇ keuˆ ni ja ja-ehˇ cah-eu jeˬ-ahˇ mˇ nya laˇ-eu meh.

HeˬByehˇ 12:28

Kʼoeˇ baˬ da neh, maˬ nyeh laˇ nya-eu miˇ kʼahˬ aˬ dui za taˬ-euˬ miˇ neh Miˬyehˇ-euˬ guiˬ lahˬ-ahˇ ja ceuˬ kaˇ-euˇ. Miˬyehˇ-ahˇ guiˬ lahˬ huiˬ-awˇ guˆ guˆ-ehˇ yaw zeu baw-eu laꞈ kʼoeˇ, aˬ yawꞈ nui ma tsaˬ-eu loꞈ-ehˇ uˬ duˬ tahˬ kaˇ-euˇ.

Yaˬkoˆ 5:16

Kʼoeˇ miˇ neh, naw maꞈ naˇ-eu gawˇ-eu taˬ leˇ nya ni tiˬ gʼaˬ tiˇ gʼaˬ iˬ baˇ ja doˆ-awˇ, tiˬ gʼaˬ tiˇ gʼaˬ guiˬ lahˬ shaˇ nehˬ-awˬ. Yaw tsaˬ yaw dawˇ tsawˇ haˬ tiˬ gʼaˬ neh guiˬ lahˬ shaˇ-euˬ-aˬ, baoˬ jaˆ-eu meh.

1 Beˬtuˆluˆ 1:22

Nymˬ-mˇ naw maꞈ yaw tsaˬ yaw dawˇ dawˬ-ahˇ naˇ haˬ geuꞈ-eu laꞈ kʼoeˇ yawˬ haˇ yawˬ ha bi muiˬ bi shawˇ laˇ-awˇ, Ka li-ahˇ jah-eu tsawˇ haˬ cawˬ cawˬ gʼoeˇ nya gaˬ nya-eu aˇ tiˆ-ahˇ dehꞈ keuˆ laꞈ-euˬ-aˬ, tiˬ gʼaˬ tiˇ gʼaˬ nui ma laꞈ kʼoeˇ keuˆ ni ziꞈ dah ni gaˬ-awˬ.

1 Beˬtuˆluˆ 4:8

Dawˬ tawˆ luꞈ kʼoeˇ taˆ huiˬ dzehˬ-eu jeˬ-aˬ, naw maꞈ tiˬ gʼaˬ tiˇ gʼaˬ ziꞈ dah ni gaˬ-eu jeˬ pyeuꞈ-eu meh. Aˬ jeˬ miˇ neh ehˇ naˇ, gʼoeˇ-eu gaˬ-eu jeˬ-aˬ, myaˬ dui dui-eu iˬ baˇ-ahˇ dehˬ kaˬ zaꞈ nya-eu meh.

Panmaeq 2:4

Ehˇ kʼawꞈ, ngaˇ nawˬ-ahˇ heu loꞈ-ehˇ iˬ baˇ taˬ kʼaˇ za-eu ma. Yaw beh nawˇ ngaˬ-ahˇ gaˬ-euˬ loꞈ-ehˇ, nymˬ-mˇ maˬ gaˬ-a.