Lormav 11:28 - Akha

²⁸ Yuˇdaˆ tsawˇ haˬ deuˬ-aˬ, Laˬ kʼaˬ cehˇ-eu Guiˬ lahˬ dawˬ heu-ahˇ maˬ ha geuꞈ-eu paw dzeˇ neh ehˇ leꞈ naˇ, naw maꞈ Yuˇdaˆ tsawˇ haˬ maˬ ngeuˇ-eu deuˬ-euˬ dah zaˇ Miˬyehˇ-ahˇ muiˇ-eu tsawˇ haˬ pyeuꞈ laˇ-euˬ meh. Ehˇ kʼawꞈ, Miˬyehˇ neh tseˇ doˆ-euˬ paw dzeˇ neh paˇ ehˇ leꞈ naˇ, aˬ yawꞈ maꞈ-euˬ aˬ poeˬ aˬ bawˇ deuˬ-euˬ myaˆ pyawˬ naˇ mehˇ baˬ da neh Miˬyehˇ-euˬ nui gaˬ-ahˇ za taˬ-euˬ tsawˇ haˬ pyeuꞈ-eu meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²⁸ Guiqlanqdawq pawdzer nae aerlef nar-aq, nawmaf guiqlanq za’ni, aqyawfmaf, muir-eu tsawrhaq pyeuf-eu mae. Aerkhawf, tserdov-euq pawdzer nae aerlef nar-aq, aqyawf maf-euq aqpoeq deuq-euq baqda’nae, Miqyaer zawr gaq-euq tsawrhaq pyeuf-eu mae.

Lormav 11:28 ပူးပေါင်းရင်းမြစ်များ

Aˇ dahˬ 26:4

Nawˬ-euˬ zaˬ nawˬ-euˬ uˆ deuˬ-ahˇ, mˬ kʼoeˇ taˆ tsehˬ-eu aˬ guiˇ deuˬ loꞈ-ehˇ bi jeuˬ bi o le-awˇ, miˇ kʼahˬ heu kʼahˬ kʼahˬ lah ni, aˬ yawꞈ maꞈ-ahˇ ngaˇ biꞈ ma. Nawˬ-euˬ zaˬ nawˬ-euˬ uˆ deuˬ-ahˇ ngaˇ guiˬ lahˬ biꞈ nehˬ-eu loꞈ-ehˇ, aˬ yawꞈ maꞈ-ahˇ kʼawꞈ biꞈ nehˬ laꞈ lehˇ, tsawˇ jeuˬ dawˬ tawˆ luꞈ ngaˬ-ahˇ shaˇ tehꞈ-a.

Aˇ dahˬ 28:14

Nawˬ-euˬ zaˬ nawˬ-euˬ uˆ deuˬ, miˇ tsaˬ kʼoeˇ taˆ jaˆ-eu kʼaˬ lehˇ loꞈ-ehˇ myaˬ dui dui laˇ tehꞈ-a. Miˇ tsaˬ heu yawˬ paw yawˬ na luꞈ aˬ yawꞈ maꞈ jawˇ byah jiˇ tehꞈ-a. Nawˇ hawˇ-eu nawˬ-euˬ zaˬ nawˬ-euˬ uˆ deuˬ-ahˇ gʼoe-awˇ tsawˇ jeuˬ dawˬ tawˆ luꞈ-ahˇ ngaˇ guiˬ lahˬ biꞈ nehˬ ma.

Yeˬlaˬmiˇ 31:3

Gaˇ mahˇ kaˬ-eu jawˇ duˬ-ahˇ neh Sahˬpaˬ Miˬyehˇ oe-awˇ, nga maꞈ-ahˇ heu loꞈ-ehˇ ehˇ le-euˬ meh. “Mˬ maˬ maˬ byaˆ zaˇ ziˇ ziꞈ-eu gʼoeˇ-eu gaˬ-eu jeˬ neh, naw maꞈ-ahˇ ngaˇ gaˬ-awˇ, naw maꞈ-ahˇ gʼawˬ shaˬ gaˬ-eu jeˬ laꞈ kʼoeˇ, iˬ nah keuˆ ni ngaˇ saˇ jaˇ ziꞈ luꞈ ma.

Miˇkaˬ 7:20

Aˇ hu ba nga maꞈ-euˬ aˬ poeˬ aˬ bawˇ deuˬ-ahˇ saˇ jaˇ dzaˬ taˬ-euˬ jaˆ-eu loꞈ-ehˇ, Aˬbyaˬhaˬ hawˇ-eu Yaˬkoˆ-euˬ zaˬ deuˬ uˆ deuˬ pyeuꞈ-eu nawˬ-euˬ tsawˇ haˬ deuˬ-ahˇ, nawˬ-euˬ saˇ jaˇ ziꞈ-eu jeˬ hawˇ-eu maˬ tsehˆ leˇ nya-eu gʼoeˇ-eu gaˬ-eu jeˬ nawˇ bi mawˇ tehꞈ-a.

Maꞈtehˬ 21:43

“Kʼoeˇ miˇ neh, naw maꞈ-ahˇ ngaˇ ehˇ nehˬ nyaˇ. Miˬyehˇ Miˇkʼahˬ naw maꞈ-euˬ laꞈ-ahˇ neh yuˇ doˆ-awˇ, yaw tsaˬ yaw dawˇ jeˬ mˇ-eu tsawˇ jeuˬ tiˬ jeuˬ-ahˇ a nehˬ tehꞈ-a.”

Luˇkaꞈ 1:54

Poeˬ piˬ deuˬ-ahˇ dzaˬ taˬ yaꞈ-euˬ, saˇ jaˇ dawˬ-ahˇ aˬ yawꞈ ziꞈ-awˇ, zaˬ kʼaˆ Iˇsaˬleˬlaˆ jawˇ gaˇ, oe keuˆ-awˇ caw ba le-euˬ meh.

Gʼaˬkʼehˇ 14:2

Ehˇ kʼawꞈ, maˬ jah-eu Yuˇdaˆ tsawˇ haˬ deuˬ-aˬ, aˬ cawˬ tsawˇ jeuˬ-ahˇ kawˆ-awˇ, jah-eu tsawˇ haˬ deuˬ-ahˇ muiˇ laˇ ni jahˇ-euˬ meh.

Gʼaˬkʼehˇ 18:6

Aˬ yawꞈ maꞈ aˬ yawꞈ mehˬ gaˇ maˬ naˇ haˬ ni aˬ yawꞈ-ahˇ yaw doeˇ ehˇ ngeh, aˬ yawꞈ pehˇ kʼahˬ byuˬ kʼaˇ-awˇ ehˇ nehˬ-eu, “Naw maꞈ dehꞈ-eu jeˬ-ahˇ smˬ naˇ, naw maꞈ-euˬ iˬ baˇ meh. Ngaˬ-ahˇ tiˬ jeˬ-iˬ maˬ taꞈ. Iˬ nah taꞈ naˇ, aˬ cawˬ tsawˇ jeuˬ-ahˇ ngaˇ mehˬ-iˇ ma.”

Lormav 11:11

“Yuˇdaˆ tsawˇ haˬ deuˬ sahˬ tiꞈ tiꞈ ngeh, coˬ dzeh-iˇ-awˇ maˬ paˇ tuˇ laˇ nya ni pyeuꞈ-iˇ taˬ loˇ” lehˇ ngaˇ naˇ haˬ mawꞈ-eu ma. Maˬ ngeuˇ-a. Aˬ yawꞈ maꞈ iˬ baˇ mˇ-euˬ baˬ da neh, aˬ yawꞈ maꞈ myaˆ bi naˆ-eu gʼaˇ duˬ Yuˇdaˆ tsawˇ haˬ maˬ ngeuˇ-eu deuˬ kʼoeˇ taˆ ka kʼoꞈ-eu jeˬ bi keuˆ le-euˬ meh.

Lormav 11:30

Yuˇdaˆ tsawˇ haˬ maˬ ngeuˇ-eu naw maꞈ deuˬ-aˬ, dzeuˇ laˇ ngeh Miˬyehˇ-euˬ ehˇ dawˬ maˬ naˇ haˬ-aˬ. Ehˇ kʼawꞈ, nymˬ-mˇ-aˬ, Yuˇdaˆ tsawˇ haˬ deuˬ Miˬyehˇ-euˬ ehˇ dawˬ maˬ naˇ haˬ-eu miˇ neh, Miˬyehˇ-euˬ gʼawˬ shaˬ gaˬ-eu jeˬ-ahˇ naw maꞈ za-euˬ meh.

Lormav 11:7

Toˆ-ehˇ ngeuˇ naˇ, aˬ joˆ-ehˇ ehˇ nmˇ. Iˇsaˬleˬlaˇ tsawˇ haˬ deuˬ-aˬ, yawˬ ha poˆ luꞈ-eu jeˬ-ahˇ maˬ poˆ mawˇ-aˬ. Miˬyehˇ neh tseˇ doˆ-euˬ deuˬ pyeuꞈ-eu tsawˇ haˬ ui cuiˆ tehꞈ-ehˇ kʼoeˇ-ahˇ poˆ mawˇ-euˬ meh. Kʼoeˇ deuˬ-ahˇ dzeuˇ naˇ, tsawˇ haˬ dawˬ tawˆ luꞈ Miˬyehˇ kuˇ gaˇ maˬ gaˬ leˇ ni naˬ bawˬ bawˬ jiˇ-euˬ meh.

Lormav 5:10

Aˬ dui-aˬ, Miˬyehˇ-ahˇ muiˇ-euˬ tsawˇ haˬ ma. Ehˇ kʼawꞈ, aˬ yawꞈ-euˬ Zaˬmaˇ bi shiˇ dah-eu laꞈ kʼoeˇ aˬ dui aˬ yawꞈ-ahˇ cawˬ cawˬ taꞈ nya ni aˬ yawꞈ jahˇ-awˇ, nymˬ-mˇ aˬ dui Miˬyehˇ nehˬ-ehˇ cawˬ cawˬ taꞈ luꞈ gaˇ keuˆ-eu-aˬ, Ka li dehꞈ-eu baˬ da neh aˬ dui-ahˇ kʼoeˇ naˆ maˬ tseˇ maˬ ka kʼoꞈ nehˬ laꞈ-aˇ loˇ.

Lormav 9:5

Aˬ yawꞈ maꞈ-aˬ, tsawˇ myahˇ doˆ dui dui-eu Heˬbyehˇ tsawˇ haˬ aˬ poeˬ aˬ bawˇ kʼoeˇ deuˬ o neh jeuˬ le o le-euˬ tsawˇ haˬ deuˬ meh. Yeˬsuˇ Ka li kʼawꞈ, tsuiꞈ taꞈ gaˇ neh sawˇ leꞈ naˇ, aˬ yawꞈ maꞈ-euˬ tsawˇ jeuˬ pyeuꞈ-eu meh. Dawˬ tawˆ kʼoeˇ taˆ uˆ lahˇ-eu Miˬyehˇ-ahˇ mˬ maˬ maˬ byaˆ zaˇ ziˇ ja ceuˬ luꞈ-uˇ. Aˬ miˬ.

Dawˬmehˬ 10:15

Ehˇ kʼawꞈ, naw maꞈ-euˬ aˬ poeˬ aˬ bawˇ deuˬ-ahˇ Sahˬpaˬ Miˬyehˇ gaˬ dui dui-eu miˇ neh, tsawˇ jeuˬ heu myaˆ ni gʼeh-eu laꞈ kʼoeˇ, naw maꞈ-ahˇ aˬ yawꞈ tseˇ doˆ-euˬ meh. Naw maꞈ-aˬ, iˬ nah keuˆ ni aˬ yawꞈ neh tseˇ doˆ-euˬ tsawˇ haˬ pyeuꞈ luꞈ-eu meh.

Dawˬmehˬ 4:31

Aˬ yawꞈ-aˬ, gʼawˬ shaˬ gaˬ nya-eu Miˬyehˇ pyeuꞈ-eu meh. Naw maꞈ-ahˇ aˬ yawꞈ maˬ byehˇ dzeh-a. Maˬ laˆ luˬ maˬ laˆ seˇ-a. Naw maꞈ-euˬ aˬ poeˬ aˬ bawˇ deuˬ nehˬ-ehˇ aˬ yawꞈ neh dzaˬ taˬ-euˬ dawˬ ma saˇ jaˇ-ahˇ aˬ yawꞈ maˬ ngehˇ-a.

Dawˬmehˬ 8:18

Smˇ muiˬ bi muiˬ laˇ-euˬ baoˬ biꞈ nehˬ-euˬ gʼaˬ-aˬ, naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ meh lehˇ tiˬ jawˇ-iˬ maˬ ngehˇ ni noeˬ keuˆ-awˬ. Naw maꞈ-euˬ aˬ poeˬ aˬ bawˇ deuˬ nehˬ-ehˇ dzaˬ taˬ-euˬ saˇ jaˇ-ahˇ, iˬ nah keuˆ ni aˬ yawꞈ ziꞈ luꞈ-eu miˇ neh, kʼoeˇ loꞈ-ehˇ mˇ-eu meh.

Dawˬmehˬ 9:5

Naw maꞈ muiˬ-eu jaˬ-eu tsawˇ haˬ pyeuꞈ-awˇ, yaw tsaˬ yaw dawˇ jeˬ mˇ-eu miˇ neh, aˬ yawꞈ maꞈ-euˬ miˇ kʼahˬ kʼoeˇ, Sahˬpaˬ Miˬyehˇ naw maꞈ-ahˇ biꞈ-eu maˬ ngeuˇ-a. Tsawˇ haˬ kʼoeˇ deuˬ maˬ muiˬ maˬ jaˬ-eu tsawˇ haˬ pyeuꞈ-eu miˇ neh maˬ ehˇ, naw maꞈ-euˬ aˬ poeˬ aˬ bawˇ deuˬ pyeuꞈ-eu Aˬbyaˬhaˬ, Iˇtsaˆ, Yaˬkoˆ, aˬ ha maꞈ-ahˇ aˬ yawꞈ neh dzaˬ taˬ-euˬ saˇ jaˇ bi ziꞈ mawꞈ-eu miˇ neh maˬ ehˇ, tsawˇ haˬ kʼoeˇ deuˬ-ahˇ aˬ yawꞈ teh doˆ-euˬ jeˬ pyeuꞈ-eu meh.