Lormav 11:2 - Akha

² Aˇ dahˬ beh ngeh neh aˬ yawꞈ neh tseˇ doˆ taˬ-euˬ tsawˇ jeuˬ-ahˇ aˬ yawꞈ maˬ byehˇ dzeh-a. Eˇliˇyaˆ neh Iˇsaˬleˬlaˇ tsawˇ haˬ deuˬ-euˬ yaw lehˬ Miˬyehˇ-ahˇ ehˇ nehˬ-euˬ gaˇ kawˆ Jaˇliꞈ laꞈ kʼoeˇ heu loꞈ-ehˇ boꞈ taˬ-euˬ naw maꞈ siˬ nya meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

² Miqyaer, yawbae ngae nae siqluf-eu aqyawf-euq tsawrhaq-anr aqyawf maq byaerdzae-aq. Maqngeur nar-aq, Yaerbof-euq lafkhoer, Erlirya-euq garkawv boftaq-euq heu-anr nawmaf maq siqnya-eu le lor? Aqyawf, Miqyaer-euq maeqshi Irsaqleqlav tsawrhaq-anr iqbax taqtaq-aer guiqlanq shar-eu,

Lormav 11:2 ပူးပေါင်းရင်းမြစ်များ

Aˇ dahˬ 44:15

Yoˇsehˆ ehˇ-eu, “Naw maꞈ aˬ jeˬ mˇ yaꞈ teˬ. Ngaˇ loꞈ-ehˇ gʼeh-eu miˇ kʼahˬ-ahˇ uˆ lahˇ-eu tsawˇ haˬ tiˬ gʼaˬ ja maw maw haw-eu laꞈ kʼoeˇ, naw maꞈ neh kʼaˇ mˇ taˬ-euˬ jeˬ-ahˇ haw mawˇ nya tehꞈ-a lehˇ naw maꞈ maˬ siˬ nya te loˇ.”

Neˬhaˬmiˇ 9:30

Nawˇ nui ma gʼawˬ mahˇ ni taˬ-awˇ, tiˬ kʼoꞈ saˇ-iˬ tiˬ kʼoꞈ aˬ yawꞈ maꞈ-ahˇ mehˬ-euˬ meh. Miˬyehˇ gʼaˇ duˬ ngehˬ dah-eu deuˬ-ahˇ nawˬ-euˬ Yaw sahˇ sheuˬ gʼeh nehˬ-awˇ, aˬ yawꞈ maꞈ-ahˇ dawˬ bi ngehˬ cawˬ kʼawꞈ, aˬ yawꞈ maꞈ naˬ bawˇ maˬ gaˬ leˇ-eu miˇ neh, aˬ cawˬ tsawˇ jeuˬ deuˬ neh aˬ yawꞈ maꞈ-ahˇ nawˇ bi deuˆ gʼaˬ-euˬ meh.

Jaceuq 94:14

Sahˬpaˬ Miˬyehˇ-aˬ, aˬ yawꞈ-euˬ tsawˇ haˬ deuˬ-ahˇ maˬ ngehˇ-a. Aˬ yawꞈ-ahˇ taꞈ-eu tsawˇ haˬ deuˬ-ahˇ aˬ yawꞈ maˬ byehˇ dzeh-a.

Doˆ-iˇ 32:1

Gawˬ jawˬ-ahˇ neh Moˇseˬ maˬ zaꞈ ka le ni gʼawˬ myahˇ ni jawˇ gaˇ Iˇsaˬleˬlaˆ tsawˇ haˬ deuˬ ya mawˇ ngeh, Aˬloˬ-euˬ dawˬ peh aˬ yawꞈ maꞈ uiˬ leˇ-awˇ, heu loꞈ-ehˇ ehˇ nehˬ-euˬ meh. “Aˬ dui maꞈ-ahˇ Iˇjiˇtuˆ miˇ kʼahˬ laꞈ kʼoeˇ neh sheuˬ doˆ nehˬ laꞈ-euˬ Moˇseˬ heu gʼaˬ-ahˇ aˬ jeˬ gʼeh-euˬ lehˇ maˬ paˇ ehˇ nya ngaˇ. Teu miˇ neh, aˬ dui maꞈ-ahˇ bi sheuˬ gʼeh-eu gʼaˇ duˬ, miˬ yehˇ tiˬ gʼaˬ aˬ dui tehˆ kaˇ-euˇ.”

Yeˬlaˬmiˇ 31:37

Mˬ-ahˇ aˇ lmˇ lmˇ haw nya-awˇ, miˇ tsaˬ ciˇ tahˬ mawˇ laˇ ngeh nah hawˇ-eu, Iˇsaˬleˬlaˆ tsawˇ jeuˬ mˇ-euˬ iˬ baˇ baˬ da, aˬ yawꞈ maꞈ-ahˇ byehˇ dzeh ma lehˇ, Sahˬpaˬ Miˬyehˇ ehˇ taˬ-euˬ meh.

Bawˇtsahˬ 16:15

Moˇseˬ nui ma pehˇ laˇ-awˇ, Sahˬpaˬ Miˬyehˇ-ahˇ ehˇ nehˬ-eu, “Tsawˇ haˬ heu deuˬ neh yuˇ laꞈ-euˬ lawˇ-eu jeˬ-ahˇ taˬ ha geuꞈ. Aˬ yawꞈ maꞈ kʼoeˇ taˆ yaw lehˬ tiˬ jeˬ-iˬ ngaˇ maˬ mˇ haw-aˬ. Aˬ yawꞈ maꞈ-euˬ mahˬ tahˬ laˆ tiˬ mawˇ tsahˇ geuꞈ taˬ-euˬ kʼawꞈ maˬ jaˆ.”

Maˬkuˆ 12:26

Shiˇ-euˬ tsawˇ haˬ gʼoꞈ dehꞈ laˇ-eu gaˇ kawˆ-ahˇ taꞈ leˇ-awˇ, Moˇseˬ-euˬ Sahˬ boꞈ laꞈ kʼoeˇ boꞈ taˬ-euˬ miˬ dzaˬ doꞈ-eu baw duˆ gaˇ kawˆ naw maꞈ ma gui haw-aˬ loˇ. ‘Ngaˇ-aˬ, Aˬbyaˬhaˬ, Iˇtsaˆ, Yaˬkoˆ-euˬ Miˬyehˇ ma’ lehˇ, Moˇseˬ-ahˇ Miˬyehˇ ehˇ nehˬ-euˬ gaˇ kawˆ, kʼoeˇ gaˇ boꞈ taˬ-euˬ maˬ ngeuˇ-a loˇ.

Luˇkaꞈ 4:1

Yeˬsuˇ-aˬ, Muiˬ-eu shawˇ-eu Yaw sahˇ Miˬyehˇ tiˬ byah ni ahˇ-eu laꞈ kʼoeˇ Yawˇdaˬ lawˇ baˬ-ahˇ neh gʼoꞈ laˇ-awˇ, Yaw sahˇ Miˬyehˇ neh aˬ yawꞈ-ahˇ bawˇ tsahˬ bawˇ dahˇ-ahˇ sheuˬ gʼeh-euˬ meh.

Yoˇhaˬ 4:11

Zaˬ miˬ zaˬ kʼoeˇ gʼaˬ ehˇ-eu, “Saˬ laˬ-oˇ, nawˇ iˇ cuꞈ kʼawꞈ doˆ-eu gʼaˇ duˬ iˇ cuꞈ bahˬ keuˆ maˬ ahˇ-eu uˬ taꞈ, lah duˬ heu duˬ naꞈ dui dui-eu meh. Dehꞈ-eu saꞈ laˇ biꞈ-eu iˇ cuꞈ kʼoeˇ nawˇ aˬ gaˇ kʼawꞈ laˬ-iˇ-eu duˇ teˬ.

Gʼaˬkʼehˇ 13:48

Aˬ cawˬ tsawˇ jeuˬ kʼoeˇ deuˬ dawˬ kʼoeˇ dawˬ-ahˇ ya gaˬ ngeh, Laˬ kʼaˬ cehˇ-awˇ Miˬyehˇ-euˬ dawˬ kawˬ-ahˇ ja ceuˬ-euˬ meh. Mˬ maˬ maˬ byaˆ zaˇ ziˇ dehꞈ-eu jeˬ za ni tseˇ doˆ taˬ-euˬ tsawˇ haˬ deuˬ, jah-eu tsawˇ haˬ pyeuꞈ laˇ-euˬ meh.

Gʼaˬkʼehˇ 15:18

gaˇ kawˆ heu deuˬ aˇ hu ba neh, bi siˬ laꞈ-euˬ yaw sahˇ pyeuꞈ-eu, SahˬpaˬMiˬyehˇ ehˇ taˬ-euˬ meh.’

Gʼaˬkʼehˇ 3:17

“Aˬ yuiꞈ aˬ nyiˇ deuˬ-oˇ, naw maꞈ hawˇ-eu naw maꞈ-euˬ aˬ yuiꞈ aˬ tsu deuˬ neh Yeˬsuˇ-ahˇ jahˇ nehˬ-euˬ heu-aˬ, naw maꞈ maˬ siˬ nya-eu miˇ neh meh lehˇ ngaˇ siˬ duˬ ma.

Gʼaˬkʼehˇ 7:40

Kʼoeˇ miˇ neh, ‘Nga maꞈ-ahˇ mehˬ hu paw bi sheuˬ gʼeh-eu gʼaˇ duˬ, Miˬyehˇ tiˬ deuˬ tehˆ nehˬ laꞈ-awˬ. Nga maꞈ-ahˇ Iˇjiˇtuˆ miˇ kʼahˬ laꞈ kʼoeˇ neh sheuˬ doˆ nehˬ laꞈ-euˬ Moˇseˬ kʼoeˇ gʼaˬ aˬ jeˬ gʼeh-euˬ maˬ siˬ miˇ-a’ lehˇ, Aˬloˬ-ahˇ aˬ yawꞈ maꞈ ehˇ nehˬ-euˬ meh.

Lormav 6:16

Tsawˇ haˬ tiˬ gʼaˬ na-euˬ myawˬ kʼehˇ gʼoˆ nehˬ-eu gʼaˇ duˬ zaˬ kʼaˆ geuꞈ-eu lehˇ yawˬ ha-euˬ gʼawˇ mawˇ a nehˬ gʼaˬ shaw naˇ, yawˬ ha myawˬ kʼehˇ gʼoˆ nehˬ-eu baw leˬ kʼoeˇ gʼaˬ-euˬ zaˬ kʼaˆ pyeuꞈ tsehˆ tsehˆ-euˬ meh lehˇ naw maꞈ siˬ duˬ luꞈ meh. Iˬ baˇ-euˬ ehˇ dawˬ naˇ haˬ naˇ, shiˇ gaˇ ya keuˆ tehꞈ-a. Miˬyehˇ-euˬ ehˇ dawˬ naˇ haˬ naˇ, aˬ yawꞈ-ahˇ tsaˬ leˇ tsahˇ leˇ gaˇ ya keuˆ tehꞈ-a.

Lormav 9:23

Aˬ yawꞈ-euˬ yaw shehꞈ kʼahˬ sehˇ biꞈ nehˬ laꞈ-eu lehˇ lehˬ hmˬ taˬ-euˬ aˬ yawꞈ gʼawˬ shaˬ gaˬ-eu aˬ dui maꞈ kʼoeˇ taˆ shehˆ daˆ nehˬ laꞈ-euˬ yaw shehꞈ kʼahˬ sehˇ kʼoeˇ kʼawꞈ, aˬ yawꞈ bi mawˇ mawꞈ-eu meh.

Lormav 9:6

Miˬyehˇ neh saˇ jaˇ dzaˬ taˬ-euˬ loꞈ-ehˇ maˬ pyeuꞈ laˇ-aˬ lehˇ ngaˇ ehˇ-eu maˬ ngeuˇ. Miˬyehˇ neh saˇ jaˇ dzaˬ taˬ-euˬ loꞈ-ehˇ aˬ diˇ pyeuꞈ laˇ taˬ-euˬ meh. Aˬ jeˬ miˇ neh ehˇ naˇ, Miˬyehˇ neh tseˇ doˆ-euˬ tsawˇ haˬ deuˬ laꞈ kʼoeˇ, Iˇsaˬleˬlaˆ tsawˇ haˬ deuˬ tehꞈ-ehˇ maˬ ngeuˇ ni, aˬ cawˬ tsawˇ jeuˬ kʼawꞈ ahˇ-eu meh.

1 Gawˇliˬtu 6:2

Miˬyehˇ-euˬ tsawˇ haˬ deuˬ miˇ tsaˬ heu-ahˇ yaˇ kʼaˬ ya daˇ tehꞈ-a lehˇ naw maꞈ maˬ siˬ nya te loˇ. Naw maꞈ miˇ tsaˬ heu-ahˇ yaˇ kʼaˬ ya daˇ-eu jeˬ ngeuˇ naˇ, nyiˇ dui dui-eu gaˇ teu deuˬ-ahˇ maˬ jahˇ jiˇ nya te loˇ.

1 Gawˇliˬtu 8:3

Ehˇ kʼawꞈ, Miˬyehˇ-ahˇ gaˬ-eu tsawˇ haˬ-ahˇ Miˬyehˇ siˬ nya-eu meh.

Piˇliˇpiˆ 1:22

Ehˇ kʼawꞈ, ngaˇ mehˬ hu paw ya dehꞈ daˆ leꞈ lawˬ naˇ, gaˇ dahˇ tsoeˬ-eu gaˇ gʼawˬ mya jeˬ mˇ nya-eu ma. Kʼoeˇ miˇ neh, dehꞈ-eu hawˇ-eu shiˇ-eu heu nyiˬ jeˬ-ahˇ ngaˇ tseˇ geuꞈ tsaˬ maˬ siˬ nya.

HeˬByehˇ 1:1

Aˇ hu ba, Miˬyehˇ gʼaˇ duˬ ngehˬ dah-eu deuˬ-ahˇ gʼoe-eu laꞈ kʼoeˇ, aˬ dui-euˬ aˬ poeˬ aˬ bawˇ deuˬ-ahˇ Miˬyehˇ gʼawˬ mya poˆ, gʼawˬ mya jeˬ dawˬ ngehˬ cawˬ-euˬ meh.

1 Beˬtuˆluˆ 1:2

Yeˬsuˇ Ka li-euˬ dawˬ-ahˇ naˇ haˬ geuꞈ-awˇ aˬ yawꞈ-euˬ shiˬ neh bi mˇ shawˇ-eu gʼaˇ duˬ, Aˬda Miˬyehˇ neh lehˬ hmˬ taˬ-euˬ jaˆ-eu loꞈ-ehˇ naw maꞈ-ahˇ tseˇ doˆ-awˇ, Yaw sahˇ Miˬyehˇ-ahˇ gʼoe-eu laꞈ kʼoeˇ muiˬ-eu shawˇ-eu tsawˇ haˬ bi pyeuꞈ laˇ-euˬ meh.