Lormav 10:4 - Akha

⁴ Jah-eu tsawˇ haˬ yawˬ gʼaˬ na luꞈ Miˬyehˇ-ahˇ tsaˬ leˇ tsahˇ leˇ nya ni, Ka li neh Zahˇ dawˬ kʼoꞈ dawˬ-ahˇ aˇ saˬ bi saˬ-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁴ Kali-aq, aqyawf-anr kharjan-eu tsawrhaq yawqghaq navluf, tsaq-awr dawr-eu tsawrhaq pyeuflarni, zanrdawq mrbyan-eu ghaq mae.

Lormav 10:4 ပူးပေါင်းရင်းမြစ်များ

Iˇsaˬyaˇ 53:11

Shaˬ-eu zahˬ-euˬ jeˬ-ahˇ aˬ yawꞈ dehꞈ dzeuˇ gʼaˬ ngeh, nui saˇ oꞈ-eu laꞈ kʼoeˇ paˇ ya dehꞈ-awˇ, shaˬ-eu zahˬ-eu jeˬ-ahˇ ya daˬ-euˬ kʼoeˇ, yawˬ ngehꞈ maˬ ngeuˇ-a lehˇ ya siˬ tehꞈ-a. Ngaˇ nui kʼahˇ shiˇ-eu ngaˬ-euˬ zaˬ kʼaˆ-aˬ, tsawˇ haˬ gʼawˬ mya gʼaˇ duˬ kʼehˬ-eu kʼaˆ-eu jeˬ-ahˇ daˬ-awˇ, aˬ yawꞈ baˬ da neh tsawˇ haˬ kʼoeˇ deuˬ-ahˇ ngaˇ iˬ baˇ pyehˬ ma.

Bawˇtsahˬ 7:15

miˬ dzaˬ dzah puiˆ-awˇ lawˇ-eu jeˬ gʼaˇ duˬ mawˇ neˇ mawˇ gaw zaˬ tiˬ mawˇ, yawˇ aˬ buˬ tiˬ mawˇ hawˇ-eu tiˬ myaˇ byah-eu yawˇ zaˬ aˬ buˬ tiˬ mawˇ,

Maꞈtehˬ 3:15

Ehˇ kʼawꞈ, Yeˬsuˇ ehˇ-eu, “Miˬyehˇ-euˬ nui kʼahˇ byah laˇ ni, nymˬ-mˇ aˇ nyaꞈ heu loꞈ-ehˇ ya mˇ meh.” Kʼoeˇ ngeh, Yeˬsuˇ-ahˇ iˇ cuꞈ shawˇ nehˬ-eu gʼaˇ duˬ Yoˇhaˬ nui ma tsaˬ-euˬ meh.

Yoˇhaˬ 1:17

Miˬyehˇ aˬ dui-ahˇ Zahˇ dawˬ kʼoꞈ dawˬ biꞈ laꞈ ngeh, Moˇseˬ-ahˇ gʼoe-awˇ biꞈ laꞈ-euˬ meh. Ehˇ kʼawꞈ, Miˬyehˇ aˬ dui-ahˇ gʼawˬ shaˬ gaˬ-eu jeˬ hawˇ-eu saˇ jaˇ ziꞈ-eu jeˬ pah mehˬ laꞈ ngeh, Yeˬsuˇ-ahˇ gʼoe-awˇ pah mehˬ laꞈ-euˬ meh.

Lormav 3:22

Aˬ yawꞈ maꞈ Yeˬsuˇ Ka li-ahˇ jah-eu baˬ da neh Miˬyehˇ-ahˇ tsaˬ leˇ tsahˇ leˇ-eu tsawˇ haˬ bi pyeuꞈ laˇ-euˬ meh. Ka li-ahˇ kʼaˇ jah-eu tsawˇ haˬ dawˬ tawˆ luꞈ-ahˇ, tsawˇ jeuˬ maˬ tseˇ paˆ ni, Miˬyehˇ kʼoeˇ loꞈ-ehˇ jahˇ nehˬ-euˬ meh.

1 Gawˇliˬtu 1:30

Ehˇ kʼawꞈ, naw maꞈ-ahˇ-aˬ, Yeˬsuˇ Ka li-ahˇ bi tsoꞈ taꞈ-eu gʼaˇ duˬ Miˬyehˇ mˇ-awˇ, Ka li-aˬ aˬ dui-euˬ zaˬ siˬ tsawˇ gahˇ pyeuꞈ ni Miˬyehˇ jahˇ-euˬ meh. Ka li baˬ da neh Miˬyehˇ-ahˇ aˬ dui tsaˬ leˇ tsahˇ leˇ-awˇ, Miˬyehˇ-euˬ muiˬ-eu shawˇ-eu tsawˇ haˬ pyeuꞈ laˇ-awˇ, iˬ baˇ-ahˇ buˬ-iˇ law-iˇ gʼaˬ-euˬ ma.

Gaˬlaˬtiˆ 3:24

Jah-eu jeˬ baˬ da neh Miˬyehˇ-ahˇ aˬ dui bi tsaˬ bi dzoeˇ leˇ nya-eu gʼaˇ duˬ Ka li maˬ oe keuˆ kʼoeˇ keuˆ ni, Zahˇ dawˬ kʼoꞈ dawˬ kʼoeˇ aˬ dui-ahˇ haw piˇ tawˬ-euˬ meh.

Gaˬlaˬtiˆ 4:5

Aˬ dui Miˬyehˇ-euˬ za pyeuꞈ laˇ nya ni, Zahˇ dawˬ kʼoꞈ dawˬ uˬ moˆ dehꞈ luꞈ-eu tsawˇ haˬ deuˬ-ahˇ ka kʼoꞈ-eu gʼaˇ duˬ, aˬ yawꞈ kʼoeˇ loꞈ-ehˇ dehꞈ le-euˬ meh.

Gawˇlawˇsehˇ 2:10

Naw maꞈ-ahˇ aˬ yawꞈ laꞈ kʼoeˇ tiˬ byah tiˬ loꞈ ya jawˇ-eu jeˬ biꞈ taˬ-euˬ meh. Mˬ hawˇ-eu miˇ yaw kaˬ-ahˇ uˆ lahˇ-eu yaw sahˇ deuˬ hawˇ-eu baoˬ deuˬ kʼoeˇ taˆ aˬ yawꞈ huiˬ dzehˬ-eu meh.

Gawˇlawˇsehˇ 2:17

Heu deuˬ dawˬ tawˆ Luꞈ aˬ kaˇ pyeuꞈ laˇ-eu gaˇ kawˆ-euˬ aˇ baˇ naˇ shmˇ loˆ ni tehꞈ meh. Maˇ maˇ ni gʼeh-eu jeˬ-aˬ, Ka li meh.

HeˬByehˇ 10:14

Aˬ yawꞈ tiˬ poˆ tehꞈ-ehˇ lawˇ-euˬ laꞈ kʼoeˇ, i baˇ shawˇ-iˇ-euˬ tsawˇ haˬ deuˬ mˬ maˬ maˬ byaˆ zaˇ ziˇ byah-eu tsawˇ haˬ pyeuꞈ ni mˇ luiˆ jiˇ-euˬ meh.