Lormav 10:20 - Akha

²⁰ Iˇsaˬyaˇ neh kʼoeˇ naˆ maˬ tseˇ paˇ ehˇ taˬ-euˬ jaˆ-eu meh. “Ngaˬ-ahˇ maˬ poˆ-euˬ tsawˇ haˬ deuˬ. ngaˬ-ahˇ ya mawˇ duˬ gʼaˬ-euˬ meh. Ngaˬ-ahˇ maˬ shaˇ caw-eu deuˬ-ahˇ, ngaˇ iˇ dzoeˇ-awˇ bi mawˇ-euˬ ma.”

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²⁰ Aerkhawf, Irsaqyar nuima khaqduqni aer-eu, “Ngaq-anr maq sharpov-eu tsawrhaq-anr, Ngar, aqyawf maf-anr bi povmawr-awr, Ngaq-anr maqshar-eu tsawrhaq-anr, Ngar, aqyawf maf-anr byacaevni bimawr ma.” (Isy 65:1)

Lormav 10:20 ပူးပေါင်းရင်းမြစ်များ

Dawqdaq 28:1

Maˬ sui maˬ dawˇ-eu tsawˇ haˬ deuˬ-aˬ, aˬ cawˬ maˬ caw teh gaˇ guˆ guˆ-ehˇ cehˆ-eu meh. Ehˇ kʼawꞈ, yaw sui yaw dawˇ tsawˇ haˬ aˇ laˬ jaˬ shiˇ loꞈ-ehˇ kʼaˬ duˬ ni dehꞈ-eu meh.

Iˇsaˬyaˇ 49:6

Sahˬpaˬ Miˬyehˇ ngaˬ-ahˇ heu loꞈ-ehˇ ehˇ-eu meh. “Ngaˬ-euˬ zaˬ kʼaˆ-oˇ, ngaˇ nawˬ-ahˇ, huiˬ dzehˬ-eu gaˇ paˇ bi mˇ ma. Dzeuˇ-iˇ-euˬ Iˇsaˬleˬlaˆ tsawˇ haˬ-ahˇ sheuˬ kʼoꞈ doˆ-awˇ, aˬ yawꞈ maꞈ dehꞈ doˆ dzaˬ laˇ ni ya mˇ-eu gaˇ tehꞈ-ehˇ maˬ ngeuˇ, mˬ dzeˇ miˇ dzeˇ keuˆ ni ka kʼoꞈ-eu jeˬ za ni, nawˬ-ahˇ miˇ tsaˬ-euˬ yaw shehꞈ paˇ bi geuꞈ-eu ma.”

Iˇsaˬyaˇ 52:15

Ehˇ kʼawꞈ, nymˬ-mˇ miˇ kʼahˬ tsawˇ jeuˬ dawˬ tawˆ, aˬ yawꞈ-ahˇ zahˬ leˇ-awˇ, sahˬ paˬ deuˬ dawˬ maˬ ngehˬ nya ni tsoˆ leˇ tehꞈ-a. Aˇ hu ba neh maˬ siˬ maˬ mawˇ haw-euˬ jeˬ-ahˇ, aˬ yawꞈ maꞈ ya siˬ ya mawˇ duˬ tehꞈ-a.”

Iˇsaˬyaˇ 58:1

Sahˬpaˬ Miˬyehˇ heu loꞈ-ehˇ ehˇ-eu meh. “Nawˇ kʼaˇ guˇ doˆ coeˇ-eu guˇ-awˇ, ngaˬ-euˬ tsawˇ jeuˬ Iˇsaˬleˬlaˆ tsawˇ haˬ deuˬ-ahˇ, aˬ yawꞈ maꞈ-euˬ iˬ baˇ gaˇ kawˆ-ehˇ gaˬ nehˬ-awˬ.

Maꞈtehˬ 20:16

“Kʼoeˇ gaˇ duˇ ni, heu ziˇ-ahˇ aˬ cawˬ mehˬ hu jawˇ-eu tsawˇ haˬ-aˬ, aˬ kaˇ kaˇ ziˇ-ahˇ aˬ cawˬ mehˬ nah ya jawˇ-awˇ, heu ziˇ-ahˇ aˬ cawˬ mehˬ nah jawˇ-eu tsawˇ haˬ-aˬ, aˬ kaˇ kaˇ ziˇ-ahˇ aˬ cawˬ mehˬ hu ya jawˇ tehꞈ-a.”

Luˇkaꞈ 14:23

Kʼoeˇ ngeh, baw leˬ gʼaˬ zaˬ kʼaˆ kʼoeˇ gʼaˬ-ahˇ ehˇ-eu, ‘Meuˬ-euˬ laꞈ nyiˇ gaˇ jawˬ hawˇ-eu gaˇ ma doe ni tsawˇ haˬ kuˇ laˬ-iˇ-awˇ, ngaˬ-euˬ nymˇ maˬ byah kʼoeˇ byah ni kuˇ byah-awˬ.

Lormav 10:3

Tsawˇ haˬ zaˬ aˬ yawꞈ-ahˇ tsaˬ leˇ tsahˇ leˇ nya ni Miˬyehˇ neh shaˇ dahˇ taˬ-euˬ gaˇ ma-ahˇ aˬ yawꞈ maꞈ maˬ siˬ nya-ehˇ, yawˬ haˇ yawˬ ha gaˇ ma tiˬ kahˇ shaˇ dahˇ-eu lehˇ leh jeh-eu meh. Kʼoeˇ miˇ neh, tsawˇ haˬ zaˬ aˬ yawꞈ-ahˇ tsaˬ leˇ tsahˇ leˇ ni Miˬyehˇ neh shaˇ dahˇ-euˬ gaˇ ma-ahˇ aˬ yawꞈ maꞈ maˬ ha geuꞈ-a.

Lormav 9:30

Aˬ dui heu loꞈ-ehˇ ehˇ nya meh. Miˬyehˇ-ahˇ tsaˬ lehˇ tsahˇ leˇ nya ni maˬ leh jeh-euˬ Yuˇdaˆ tsawˇ haˬ maˬ ngeuˇ-eu kʼoeˇ deuˬ kʼawꞈ, jah-eu baˬ da neh Miˬyehˇ-ahˇ tsaˬ lehˇ tsahˇ leˇ-eu tsawˇ haˬ pyeuꞈ laˇ-euˬ meh.

Lormav 9:31

Ehˇ kʼawꞈ, Iˇsaˬleˬlaˆ tsawˇ haˬ deuˬ-aˬ, yawˬ ha Miˬyehˇ-ahˇ tsaˬ leˇ tsahˇ leˇ nya ni jahˇ nehˬ laꞈ nya-eu zahˇ dawˬ kʼoꞈ dawˬ-ahˇ poˆ luꞈ kʼawꞈ, maˬ poˆ mawˇ nya-ehˇ shaˬ luꞈ meh.

1 Yoˇhaˬ 4:19

Miˬyehˇ aˬ dui-ahˇ jeˬ hu gaˬ-euˬ miˇ neh, aˬ dui aˬ yawꞈ-ahˇ gaˬ-awˇ, tiˬ gʼaˬ tiˇ gʼaˬ gaˬ-eu ma.