Miˇ tsaˬ kʼoeˇ taˆ ngaˬ-euˬ sahˬ paˬ neh nawˬ-ahˇ maˬ poˆ doe-euˬ miˇ kʼahˬ maˬ paˇ jaˆ meh lehˇ, nawˬ-euˬ Miˬyehˇ pyeuꞈ-eu Sahˬpaˬ Miˬyehˇ mehˬ shi ngaˇ saˇ kiˇ kamˬ-eu ma. Miˇ kʼahˬ tiˬ kʼahˬ na-ahˇ uˆ lahˇ-eu sahˬ paˬ sahˬ ma tiˬ gʼaˬ na, aˬ yawꞈ maꞈ-euˬ miˇ kʼahˬ laꞈ kʼoeˇ nawˇ maˬ jawˇ-a lehˇ kʼaˇ ehˇ gaˬ laˇ ngeh, nawˬ-ahˇ aˬ diˇ aˬ maˇ poˆ mawˇ-euˬ gaˇ kawˆ tsawˇ haˬ kʼoeˇ gʼaˬ-ahˇ Aˬhaˆ bi kamˬ-euˬ meh.
Lormav 10:18 - Akha18 Ehˇ kʼawꞈ, “Aˬ yawꞈ maꞈ Miˬyehˇ dawˬ kawˬ maˬ ya gaˬ-aˬ lehˇ ehˇ-eu ngeuˇ meh loˇ” lehˇ ngaˇ naˇ haˬ mawꞈ-eu ma. Aˬ yawꞈ maꞈ Miˬyehˇ dawˬ kawˬ ya gaˬ-euˬ yaw duˬ baw meh. Aˬ jeˬ miˇ neh ehˇ naˇ, Jaˇliꞈ laꞈ kʼoeˇ heu loꞈ-ehˇ ehˇ taˬ-euˬ meh. “A yawꞈ maꞈ neh mehˬ nehˬ-euˬ dawˬ, miˇ tsaˬ tahˬ kʼawˇ gaˬ byah-iˇ-awˇ, mˬ dzeˇ miˇ dzeˇ gaˬ keuˆ-euˬ meh.” အခန်းကိုကြည့်ပါ။Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq18 Aerkhawf, ngar narhaq mawf-eu-aq, aqyawfmaf maqya gaq-aq lor? Aqdir yagaq-euq mae. “Aqyawf maf-euq tersar, mirkhanq doeni irkhawq ghae-awr, Aqyawf maf-euq dawq mqdzer mirdzer irkeuv taq-euq mae.” (Jc 19:3) အခန်းကိုကြည့်ပါ။ |
Lormav 10:18
23 ပူးပေါင်းရင်းမြစ်များ
Sahˬpaˬ Miˬyehˇ ngaˬ-ahˇ heu loꞈ-ehˇ ehˇ-eu meh. “Ngaˬ-euˬ zaˬ kʼaˆ-oˇ, ngaˇ nawˬ-ahˇ, huiˬ dzehˬ-eu gaˇ paˇ bi mˇ ma. Dzeuˇ-iˇ-euˬ Iˇsaˬleˬlaˆ tsawˇ haˬ-ahˇ sheuˬ kʼoꞈ doˆ-awˇ, aˬ yawꞈ maꞈ dehꞈ doˆ dzaˬ laˇ ni ya mˇ-eu gaˇ tehꞈ-ehˇ maˬ ngeuˇ, mˬ dzeˇ miˇ dzeˇ keuˆ ni ka kʼoꞈ-eu jeˬ za ni, nawˬ-ahˇ miˇ tsaˬ-euˬ yaw shehꞈ paˇ bi geuꞈ-eu ma.”
Sahˬpaˬ Miˬyehˇ-oˇ, ngaˬ-ahˇ haw piˇ-awˇ gʼaˬ biꞈ nehˬ laꞈ-eu gʼaˬ nawˇ meh. Shaˬ-eu zahˬ-eu aˇ yamˬ laꞈ kʼoeˇ, nawˇ ngaˬ-ahˇ ngehˬ gʼeh dah teˬ nehˬ laꞈ-euˬ meh. Miˇ tsaˬ tsawˇ jeuˬ deuˬ mˬ dzeˇ miˇ dzeˇ-ahˇ neh nawˇ jawˇ gaˇ laˇ-awˇ, heu loꞈ-ehˇ ehˇ tehꞈ-a. “Nga maꞈ-euˬ aˬ poeˬ aˬ bawˇ deuˬ-aˬ, maˬ ngeuˇ-eu miˬ yehˇ deuˬ-ahˇ tehꞈ-ehˇ gʼoe-awˇ, gaˇ dahˇ maˬ tsoeˬ-eu tahˬ pahˬ aˬ ma mawˇ kawˇ deuˬ-ahˇ tehꞈ-ehˇ jah-euˬ meh.
Ehˇ kʼawꞈ, Muiˬ-eu shawˇ-eu Yaw sahˇ Miˬyehˇ naw maꞈ kʼoeˇ taˆ oe keuˆ ngeh, naw maꞈ baoˬ za-awˇ, Yeˬluˇsaˬlehˬ meuˬ laꞈ kʼoeˇ maˬ ehˇ, Yuˇdaˆ miˇ kʼahˬ hawˇ-eu Saˬmaˬliˆ miˇ kʼahˬ doe ni maˬ ehˇ, mˬ dzeˇ miˇdzeˇ keuˆ ni maˬ ehˇ, naw maꞈ ngaˬ-euˬ gʼaˇ duˬ saˇ kiˇ kamˬ-eu tsawˇ haˬ pyeuꞈ laˇ tehꞈ-a.”
Daˬmaˬsehˇ meuˬ-ahˇ neh aˇ dahˬ beh-awˇ, Yeˬluˇsaˬlehˬ meuˬ-ahˇ maˬ ehˇ, Iˇsaˬleˬlaˆmiˇ kʼahˬ kʼahˬ lah ni-ahˇ maˬ ehˇ, aˬ cawˬ tsawˇ jeuˬ deuˬ-ahˇ maˬ ehˇ, iˬ baˇ noeˬ poˆ-awˇ Miˬyehˇ jawˇ paw gʼoꞈ kʼoꞈ laˇ-eu uˬ taꞈ, aˬ yawꞈ maꞈ iˬ baˇ noeˬ poˆ-euˬ ngaˇ lehˇ siˬ duˬ laˇ ni mˇ-awˬ shaˇ-awˬ lehˇ ngaˇ dawˬ mehˬ mehˬ-euˬ ma.
Kʼoeˇ naˇ, aˬ yawꞈ maꞈ aˇ nah tiˬ nah laˆ duˬ-awˇ, aˇ nah kʼoeˇ nah keuˆ laˇ ngeh, tsawˇ haˬ gʼawˬ mya ni Pawˇluˆ jawˇ gaˇ uiˬ laˇ-euˬ meh. Uˬ shawˬ paw neh uˬ ciꞈ paw keuˆ ni, Pawˇluˆ neh aˬ yawꞈ maꞈ-ahˇ Miˬyehˇ Miˇkʼahˬ gaˇ kawˆ ja mehˬ-awˇ, Moˇseˬ-euˬ Zahˇ dawˬ kʼoꞈ dawˬ hawˇ-eu Miˬyehˇ gʼaˇ duˬ ngehˬ dah-eu deuˬ neh boꞈ taˬ-euˬ gaˇ kawˆ-ahˇ gʼoe gʼoe-ehˇ, Yeˬsuˇ-euˬ gaˇ kawˆ-ahˇ jah laˇ ni leh jeh-awˇ mehˬ nehˬ-euˬ meh.
Zahˬ leˇ paˬ-ehˇ gʼeh-eu jeˬ hawˇ-eu kʼaˆ jeˬ-ehˇ gʼeh-eu jeˬ mˇ nya-eu baoˬ hawˇ-eu, Muiˬ-eu Shawˇ-eu Yaw sahˇ Miˬyehˇ-euˬ baoˬ-ahˇ gʼoe-awˇ mˇ-euˬ jeˬ pyeuꞈ-eu meh. Yeˬluˇsaˬlehˬ meuˬ-ahˇ neh Iˇluˇliˆ miˇ kʼahˬ-ahˇ keuˆ ni iˇ-euˬ gaˇ pehˇ kahˇ li, Ka li-euˬ gaˇ kawˆ Laˬ kʼaˬ cehˇ-eu Guiˬ lahˬ dawˬ mehˬ doe-euˬ ma.
Naw maꞈ jah-eu jeˬ laꞈ kʼoeˇ ziꞈ dah ni ya dehꞈ daˆ gʼeh-awˇ, Laˬ kʼaˬ cehˇ-eu Guiˬ lahˬ dawˬ ya gaˬ ngeh za taˬ-euˬ noeˬ tmˬ-eu jeˬ poˆ poˆ laˆ laˆ-ehˇ maˬ ya bi gʼeh-a. Ngaˇ Pawˇluˆ zaˬ kʼaˆ geuꞈ luꞈ-eu heu-aˬ, miˇ tsaˬ kʼoeˇ taˆ kʼaˇ jawˇ-eu tsawˇ haˬ yawˬ gʼaˬ na luꞈ-ahˇ mehˬ nehˬ-euˬ Laˬ kʼaˬ cehˇ-eu Guiˬ lahˬ dawˬ heu-euˬ gʼaˇ duˬ ma.
Miˬyehˇ-euˬ guiˬ lahˬ yaw dzahˇ gaˇ kawˆ naw maꞈ gaˬ dahˬ beh-awˇ yaw muiˬ paˬ-ehˇ ya siˬ duˬ ngeh nah neh naw maꞈ kʼoeˇ taˆ muiˬ-eu guiˬ lahˬ gʼawˬ mya jeˬ keuˆ le luꞈ-eu loꞈ-ehˇ, Laˬ kʼaˬ cehˇ-eu Guiˬ lahˬ dawˬ-aˬ, tsawˇ haˬ zaˬ kʼoeˇ taˆ muiˬ-eu guiˬ lahˬ gʼawˬ mya jeˬ maˬ tsehˆ leˇ ni bi keuˆ le luꞈ-awˇ, miˇ kʼahˬ doe ni gaˬ byah-iˇ luꞈ-eu meh.
Aˬ jeˬ miˇ neh ehˇ naˇ, Maˬgeˬdawˇniˆ miˇ kʼahˬ hawˇ-eu Aˬgaˬyaˇ miˇ kʼahˬ doe ni, Sahˬpaˬ Yeˬsuˇ gaˇ kawˆ guiˬ lahˬ dawˬ gaˬ keuˆ-iˇ-euˬ kʼoeˇ-aˬ, naw maꞈ baˬ da neh gaˬ keuˆ-iˇ-euˬ uˬ jeˬ pyeuꞈ-eu uˬ taꞈ, naw maꞈ Miˬyehˇ-ahˇ jah-eu gaˇ kawˆ yawˬ gaˇ na luꞈ gaˬ doe-iˇ-euˬ meh. Kʼoeˇ miˇ neh, nga maꞈ tiˬ jeˬ-iˬ ehˇ kʼaˇ maˬ paˇ za miˇ-a.
ကြော်ငြာတွေ