Lormav 10:15 - Akha

¹⁵ Mehˬ nehˬ-iˇ-eu tsawˇ haˬ maˬ kʼehˇ gʼeh naˇ, aˬ joˆ-ehˇ bi mehˬ nehˬ-iˇ nmˇ. Kʼoeˇ miˇ neh, “Laˬ kʼaˬ cehˇ-eu Guiˬ lahˬ dawˬ mehˬ-eu tsawˇ haˬ deuˬ-euˬ kuiˇ toꞈ aˇ naˆ ni haw muiˬ-eu nga” lehˇ, Jaˇliꞈ laꞈ kʼoeˇ ehˇ taˬ-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁵ Dawqmaeq maeq-eu tsawrhaq maq khaerghae-euq nar-aq, dawqmaeq aqjox-aer maeqnya-eu? Yaerbof-euq lafkhoer boftaq-euq lof-aer, “Nuisar of-eu guiqlanqdawq maeq-eu tsawrhaq deuq-euq aqkuir arnavni hawmuiq-eu nga. Aqyawfmaf, yawmuiq jeq-euq laqkhaq caer-eu guiqlanqdawq pi-awr canluf-eu mae.” (Isy 52:7)

Lormav 10:15 ပူးပေါင်းရင်းမြစ်များ

Iˇsaˬyaˇ 40:9

Yeˬluˇsaˬlehˬ-oˇ, gawˬ jawˬ yaw goˇ-ahˇ daˆ leˇ-awˇ, laˬ kʼaˬ cehˇ-eu guiˬ lahˬ dawˬ guˇ gaˬ-awˬ. Ziˇoˬ gawˬ jawˬ-oˇ, teˇ saˇ yaw kʼaˆ kʼaˆ-ehˇ guˇ-awˇ, laˬ kʼaˬ cehˇ-eu guiˬ lahˬ dawˬ tsaꞈ gaˬ-awˬ. Maˬ guˆ ni dawˬ tmˇ dawˬ dzawˇ mˇ-awˇ, Yuˇdaˆ miˇ kʼahˬ-ahˇ jaˆ-eu meuˬ deuˬ-ahˇ, aˬ yawꞈ maꞈ-euˬ Miˬyehˇ oe luꞈ meh lehˇ ehˇ gaˬ nehˬ-awˬ.

Iˇsaˬyaˇ 52:7

Laˬ kʼaˬ cehˇ-eu guiˬ lahˬ dawˬ deuˬ hawˇ-eu, nui saˇ oꞈ-eu dawˬ deuˬ biꞈ le-eu lehˇ, gawˬ jawˬ nyiˬ tsehˆ-ehˇ oe luꞈ-eu, Miˬyehˇ neh kʼehˇ leꞈ-euˬ gʼaˬ-euˬ kuiˇ toꞈ, aˇ naˆ ni muiˬ-eu nga. Gʼaˬ leˇ-eu gaˇ kawˆ aˬ yawꞈ dawˬ dzawˇ mˇ le-awˇ, “Nawˬ-euˬ Miˬyehˇ sahˬ paˬ meh” lehˇ, Ziˇoˬ meuˬ-ahˇ tsaꞈ le-euˬ meh.

Iˇsaˬyaˇ 57:19

Dawˬ peh gaˇ mahˇ kʼaˇ jawˇ-eu tsawˇ haˬ-ahˇ, nui saˇ oꞈ-eu jeˬ ngaˇ biꞈ ma. Ngaˬ-euˬ tsawˇ haˬ deuˬ-ahˇ ngaˇ naˇ gawˇ laˆ saˆ ma.

Iˇsaˬyaˇ 61:1

Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ-euˬ yaw sahˇ, ngaˬ-euˬ kʼoeˇ taˆ keuˆ le-euˬ meh. Yaw shaˬ zaˬ-ahˇ laˬ kʼaˬ cehˇ-eu guiˬ lahˬ dawˬ tsaꞈ gaˬ-eu gʼaˇ duˬ, nui ma tsawˬ paˆ-euˬ deuˬ-ahˇ laˆ saˆ-eu gʼaˇ duˬ, aˬ cawˬ miˇ kʼahˬ-ahˇ bi nyehꞈ gʼeh-euˬ deuˬ hawˇ-eu, paꞈ kuˆ laꞈ kʼoeˇ ka lahˇ taˬ-euˬ tsawˇ haˬ deuˬ-ahˇ, ya buˬ ya law-iˇ meh lehˇ tsaꞈ gaˬ-eu gʼaˇ duˬ, aˬ yawꞈ ngaˬ-ahˇ tseˇ doˆ-awˇ pyehˬ gʼeh leꞈ-euˬ meh.

Yeˬlaˬmiˇ 23:32

Naˇ haˬ-awˬ. Sahˬpaˬ Miˬyehˇ pyeuꞈ-eu ngaˇ heu loꞈ-ehˇ ehˇ-eu ma. Jaˬ myawꞈ mehˇ shuiˇ tiˬ byah ni ahˇ-eu, yawˬ ha neh yuꞈ maˆ maˆ mawˇ-euˬ gaˇ kawˆ ja-eu Miˬyehˇ gʼaˇ duˬ ngehˬ dah-eu tsawˇ haˬ kʼoeˇ deuˬ-ahˇ ngaˇ muiˇ-eu ma. Aˬ yawꞈ maꞈ yuꞈ maˆ maˆ mawˇ-euˬ gaˇ kawˆ ja-awˇ, jaˬ myawꞈ mehˇ shuiˇ shuiˇ-awˇ, kʼahˬ sehˇ jehˆ-eu laꞈ kʼoeˇ ngaˬ-euˬ tsawˇ haˬ deuˬ-ahˇ gaˇ ma sheuˬ bahˬ-eu meh. Aˬ yawꞈ maꞈ-ahˇ ngaˇ dawˬ biꞈ-awˇ kʼehˇ gʼeh leꞈ-euˬ maˬ ngeuˇ. Aˬ yawꞈ maꞈ-aˬ, ngaˬ-euˬ tsawˇ haˬ deuˬ gʼaˇ duˬ tiˬ pawꞈ-iˬ gaˇ dahˇ maˬ tsoeˬ-a lehˇ, Sahˬpaˬ Miˬyehˇ pyeuꞈ-eu ngaˇ ehˇ-eu ma.”

Naˬhmˬ 1:15

Gawˬ jawˬ uˬ du oe ka luꞈ-eu, laˬ kʼaˬ cehˇ-eu dawˬ tsaꞈ le-euˬ, dawˬ dzawˇ mˇ-eu gʼaˬ-ahˇ haw yawˬ. Gʼaˬ leˇ-euˬ gaˇ kawˆ dzawˇ-eu lehˇ, aˬ yawꞈ oe ka luꞈ gaˇ haw yawˬ. Yuˇdaˆ miˇ kʼahˬ-oˇ, bawˬ-iˬ gʼeh-awˬ. Naw maꞈ saˇ jaˇ dzaˬ taˬ-euˬ jeˬ, Miˬyehˇ-ahˇ paˇ mˇ kʼoꞈ nehˬ-awˬ. Naw maꞈ-ahˇ muiˇ-eu haiˬ-eu deuˬ, naw maꞈ-ahˇ guiˇ maˬ deuˆ nya ni, laˆ piˬ laˆ byoˆ jiˇ nehˬ-euˬ meh.

Maꞈtehˬ 9:38

Kʼoeˇ miˇ neh, aˬ yawꞈ-euˬ cehˇ yehˬ duˬ-ahˇ cehˇ yehˬ zaˬ deuˬ gʼawˬ mya ni bi oe-eu gʼaˇ duˬ, Yaw sahˇ gʼaˬ-ahˇ guiˬ lahˬ shaˇ-awˬ.”

Luˇkaꞈ 10:1

Kʼoeˇ naˇ, Sahˬpaˬ Yeˬsuˇ-aˬ, zaˬ lahˇ shiꞈ tseˇ nyiꞈ gʼaˬ paˇ tseˇ doˆ-awˇ, nyiˬ gʼaˬ-euˬ tiˬ muˇ bi muˇ-awˇ, aˬ yawꞈ kʼaˇ iˇ-eu lehˇ gʼeh-eu meuˬ deuˬ hawˇ-eu pu deuˬ doe ni, aˬ yawꞈ-euˬ mehˬ hu kʼehˇ gʼeh-euˬ meh.

Luˇkaꞈ 2:10

Ehˇ kʼawꞈ, mˬ taˆ gʼaˬ kʼehˇ kʼoeˇ gʼaˬ ehˇ-eu, ‘Taˬ guˆ. Aˬ jeˬ miˇ neh ehˇ naˇ, tsawˇ haˬ dawˬ tawˆ luꞈ laˬ kʼaˬ cehˇ dui dui paˬ-ehˇ gʼeh-eu laˬ kʼaˬ cehˇ-eu guiˬ lahˬ dawˬ naw maꞈ-ahˇ ngaˇ tsaꞈ gaˬ le-euˬ ma.

Luˇkaꞈ 2:14

“Mˬ taˆ yaw goˇ jawˇ-eu Miˬyehˇ, baoˬ yaw shehꞈ kʼahˬ sehˇ huiˬ luꞈ-uˇ. Miˇ tsaˬ tsawˇ haˬ zaˬ deuˬ laꞈ kʼoeˇ, aˬ yawꞈ nui kʼahˇ shiˇ-eu deuˬ-ahˇ, nui saˇ za-eu jeˬ oꞈ luꞈ-uˇ.”

Luˇkaꞈ 8:1

Kʼoeˇ naˇ, gʼawˬ myahˇ maˬ gʼeh-ehˇ, tiˬ meuˬ saˇ-iˬ tiˬ meuˬ, tiˬ pu saˇ-iˬ tiˬ pu, Yeˬsuˇ iˇ-awˇ, Miˬyehˇ Miˇkʼahˬ gaˇ kawˆ Laˬ kʼaˬ cehˇ-eu Guiˬ lahˬ dawˬ mehˬ mehˬ-ehˇ cah-euˬ meh. Zaˬ lahˇ tseˇ nyiꞈ gʼaˬ kʼawꞈ, aˬ yawꞈ nehˬ-ehˇ iˇ-euˬ meh.

Yoˇhaˬ 20:21

Yeˬsuˇ aˬ yawꞈ maꞈ-ahˇ tiˬ poˆ paˇ ehˇ nehˬ-eu, “Naw maꞈ nui saˇ oꞈ luꞈ-uˇ. Aˬda ngaˬ-ahˇ kʼehˇ gʼeh leꞈ-euˬ loꞈ-ehˇ, naw maꞈ-ahˇ ngaˇ kʼehˇ gʼeh-eu ma.”

Gʼaˬkʼehˇ 10:36

Dawˬ tawˆ kʼoeˇ taˆ sahˬ paˬ pyeuꞈ-eu Yeˬsuˇ Ka li baˬ da neh nui saˇ oꞈ-eu jeˬ za-eu gaˇ kawˆ Laˬ kʼaˬ cehˇ-eu Guiˬ lahˬ dawˬ heu-ahˇ, Iˇsaˬleˬlaˆ tsawˇ haˬ deuˬ jawˇ gaˇ bi mehˬ-iˇ-euˬ naw maꞈ siˬ nya meh.

Gʼaˬkʼehˇ 13:26

“Aˬbyaˬhaˬ-euˬ zaˬ deuˬ uˆ deuˬ pyeuꞈ-eu ngaˬ-euˬ aˬ yuiꞈ aˬ nyiˇ Iˇsaˬleˬlaˆ tsawˇ haˬ deuˬ hawˇ-eu, Miˬyehˇ-ahˇ uˬ duˬ kʼaˇ tahˬ-eu aˬ cawˬ tsawˇ jeuˬ deuˬ-oˇ, ka kʼoꞈ-eu gaˇ kawˆ guiˬ lahˬ dawˬ heu-aˬ, aˬ dui-euˬ gʼaˇ duˬ meh.

Gʼaˬkʼehˇ 22:21

Aˬ yawꞈ ngaˬ-ahˇ ehˇ-eu, ‘Iˇ-awˬ. Gaˇ mahˇ kaˬ gaˇ jawˇ-eu aˬ cawˬ tsawˇ jeuˬ tsawˇ ca deuˬ jawˇ gaˇ ngaˇ nawˬ-ahˇ kʼehˇ gʼeh-eu ma.”’

Gʼaˬkʼehˇ 9:15

Sahˬpaˬ Yeˬsuˇ ehˇ-eu, “Iˇ-awˬ. Aˬ jeˬ miˇ neh ehˇ naˇ, Yuˇdaˆ tsawˇ haˬ maˬ ngeuˇ-eu deuˬ maˬ ehˇ, miˇ kʼahˬ sahˬ paˬ deuˬ maˬ ehˇ, Iˇsaˬleˬlaˇ tsawˇ haˬ deuˬ maˬ ehˇ, ngaˬ-euˬ tsawˇ myahˇ-ahˇ siˬ nya laˇ ni bi mˇ-eu gʼaˇ duˬ, aˬ yawꞈ-ahˇ ngaˇ tseˇ doˆ taˬ-euˬ ma.

Lormav 1:15

Kʼoeˇ miˇ neh, naw maꞈ Loˇmaˆ meuˬ-ahˇ jawˇ-eu tsawˇ haˬ deuˬ-ahˇ kʼawꞈ, ngaˇ dawˬ mehˬ mehˬ mawꞈ dui dui-eu ma.

Lormav 15:20

Ngaˬ-euˬ nui kʼahˇ-aˬ, a cawˬ neh dawˬ pehˬ gawˬ gʼaˬ taˬ-euˬ gaˇ gawˬ tsaꞈ daˆ leꞈ-eu jeˬ maˬ mˇ ni, Ka li gaˇ kawˆ maˬ gaˬ haw-euˬ jawˇ duˬ-ahˇ iˇ-awˇ Laˬ kʼaˬ cehˇ-eu Guiˬ lahˬ dawˬ mehˬ-eu jeˬ-ahˇ nui ma keuˆ dzehˬ-eu ma.

Eˇpeˇsu 2:17

Ka li oe-awˇ Miˬyehˇ-ahˇ gaˇ mahˇ kaˬ-eu naw maꞈ-ahˇ maˬ ehˇ, Miˬyehˇ-ahˇ peh-eu Yuˇdaˆ tsawˇ haˬ deuˬ-ahˇ maˬ ehˇ, tsaˬ leˇ dzoeˇ leˇ-eu Laˬ kʼaˬ cehˇ-eu Guiˬ lahˬ dawˬ mehˬ le-euˬ meh.

Eˇpeˇsu 3:8

Miˬyehˇ-euˬ tsawˇ haˬ deuˬ laꞈ kʼoeˇ aˬ cawˬ taꞈ-ehˇ nyiˇ teˬ dzehˬ-eu gʼaˬ ngaˇ ma. Ehˇ kʼawꞈ, maˬ ehˇ jiˇ coeˇ gaˇ keuˆ ni byah dui kuꞈ dui dui-eu Ka li-euˬ guiˬ lahˬ gaˇ kawˆ aˬ cawˬ tsawˇ jeuˬ-ahˇ mehˬ-eu gʼaˬ bi geuꞈ laꞈ-euˬ meh.

Eˇpeˇsu 6:15

Biˬ tsaˬ bi dzoeˇ leˇ-eu Laˬ kʼaˬ cehˇ-eu Guiˬ lahˬ dawˬ sehˬ nawˆ nawˆ-awˬ.

1 Beˬtuˆluˆ 1:12

Aˇ hu Miˬyehˇ gʼaˇ duˬ ngeh dah-eu kʼoeˇ deuˬ neh mˇ-euˬ gaˇ-aˬ, aˬ yawꞈ maꞈ-euˬ gʼaˇ duˬ maˬ ngeuˇ-ehˇ, naw maꞈ-euˬ gʼaˇ duˬ pyeuꞈ-eu gaˇ kawˆ aˬ yawꞈ maꞈ-ahˇ Miˬyehˇ pah mehˬ nehˬ-euˬ meh. Aˇ hu aˬ yawꞈ maꞈ neh ngehˬ dah-euˬ gaˇ kawˆ kʼoeˇ deuˬ-aˬ, nymˬ-mˇ mˬ kʼoeˇ taˆ neh bi oe-euˬ Muiˬ-eu Shawˇ-eu Yaw sahˇ Miˬyehˇ-euˬ baoˬ-ahˇ gʼoe-awˇ Laˬ kʼaˬ cehˇ-eu Guiˬ lahˬ dawˬ mehˬ-eu deuˬ mehˬ luꞈ-eu, naw maꞈ ya gaˬ luꞈ-eu gaˇ kawˆ heu deuˬ meh. Gaˇ kawˆ heu-aˬ, mˬ taˆ gʼaˬ kʼehˇ deuˬ-ahˇ keuˆ ni siˬ mawꞈ dui dui-eu gaˇ kawˆ meh.