Lormav 1:9 - Akha

⁹ Ngaˇ ehˇ-eu dawˬ heu deuˬ tsaˬ-eu gaˇ kawˆ saˇ kiˇ-aˬ, Miˬyehˇ meh. Aˬ jeˬ miˇ neh ehˇ naˇ, ngaˇ nui ma keuˆ dui dui-awˇ aˬ yawꞈ-euˬ Zaˬmaˇ gaˇ kawˆ Laˬ kʼaˬ cehˇ-eu Guiˬ lahˬ dawˬ mehˬ-eu laꞈ kʼoeˇ aˬ yawꞈ-euˬ gaˇ mˇ luꞈ-eu ma. Ngaˇ naw maꞈ-ahˇ noeˬ keuˆ luꞈ meh lehˇ Miˬyehˇ siˬ nya meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁹ Ngar, nawmaf-euq gharduq maq naqlerni aqmyanluf guiqlanq shar-eu gar Miqyaer, ngaq-euq gharduq sarkir kamqnya mae. Ngar-aq, ngaq-euq nuima saflar nae aqyawf-euq gharduq mr-awr, aqyawf-euq Zaqyo-euq garkawv guiqlanqdawq maeqluf-eu ma.

Lormav 1:9 ပူးပေါင်းရင်းမြစ်များ

Yawˇbaˆ 16:19

Ngaˇ jawˇ paw pyawˬ-awˇ ngaˬ-euˬ gʼaˇ duˬ yawꞈ dah-eu tsawˇ haˬ tiˬ gʼaˬ na, mˬ kʼoeˇ taˆ jawˇ luꞈ meh.

Maˬkuˆ 1:1

Heu-aˬ, Miˬyehˇ-euˬ Zaˬmaˇ Yeˬsuˇ Ka li gaˇ kawˆ Laˬ kʼaˬ cehˇ-eu Guiˬ lahˬ dawˬ meh.

Luˇkaꞈ 18:1

Zaˬ lahˇ deuˬ aˬ myah luꞈ guiˬ lahˬ shaˇ-awˇ, tiˬ jawˇ-iˬ nui ma maˬ ya cawˆ-eu gʼaˇ duˬ, Yeˬsuˇ yaw jeˬ ma jeˬ ja-awˇ, mehˬ nehˬ tsoˆ nehˬ-euˬ meh.

Gʼaˬkʼehˇ 12:5

Kʼoeˇ miˇ neh, Beˬtuˆluˆ-ahˇ paꞈ kuˆ-ahˇ dawˆ taˬ-euˬ jeˬ pyeuꞈ-eu meh. Ehˇ kʼawꞈ, Ka li zaˬ aˇ muˇ muˇ lah-ehˇ, Beˬtuˆluˆ gʼaˇ duˬ nui ma keuˆ dui dui-eu laꞈ kʼoeˇ Miˬyehˇ-ahˇ guiˬ lahˬ shaˇ-euˬ meh.

Gʼaˬkʼehˇ 19:21

Gaˇ kawˆ kʼoeˇ deuˬ pyeuꞈ laˇ gʼaˬ ngeh, Maˬgeˬdawˇniˆ miˇ kʼahˬ hawˇ-eu Aˬgaˬyaˇ miˇ kʼahˬ-ahˇ cah-iˇ-awˇ, Yeˬluˇsaˬlehˬ meuˬ-ahˇ iˇ ma lehˇ Pawˇluˆ noeˬ tsehˆ-euˬ meh. “Kʼoeˇ gaˇ iˇ gʼaˬ naˇ, Loˇmaˆ meuˬ-ahˇ kʼawꞈ ya iˇ haw nga siˬ” lehˇ aˬ yawꞈ ehˇ-eu meh.

Gʼaˬkʼehˇ 24:14

Ehˇ kʼawꞈ, nawˬ-euˬ mehˬ shi ngaˇ dawˇ coe ni heu loꞈ-ehˇ ja doˆ-eu ma. Aˬ yawꞈ maꞈ maˬ tsaˬ-a lehˇ ehˇ-eu Gaˇma kʼoeˇ kahˇ-ahˇ ngaˇ caw teh-eu laꞈ kʼoeˇ, nga maꞈ-euˬ aˬ poeˬ aˬ bawˇ deuˬ-euˬ Miˬyehˇ-ahˇ ngaˇ uˬ duˬ tahˬ luꞈ-eu ma. Ehˇ kʼawꞈ, Moˇseˬ-euˬ Zahˇ dawˬ kʼoꞈ dawˬ hawˇ-eu Miˬyehˇ gʼaˇ duˬ ngehˬ dah-eu deuˬ-euˬ sahˬ boꞈ laꞈ kʼoeˇ kʼaˇ boꞈ taˬ-euˬ yawˬ jeˬ na luꞈ-ahˇ kʼawꞈ ngaˇ jah luꞈ ma.

Gʼaˬkʼehˇ 27:23

Aˬ jeˬ miˇ neh ehˇ naˇ, ngaˇ uˬ duˬ tahˬ luꞈ-eu ngaˬ-ahˇ uˆ lahˇ-eu Miˬyehˇ-euˬ mˬ taˆ gʼaˬ kʼehˇ tiˬ gʼaˬ, miˇ ciꞈ ngaˇ jawˇ gaˇ oe-awˇ heu loꞈ-ehˇ ehˇ le-euˬ meh.

Gʼaˬkʼehˇ 3:26

Kʼoeˇ miˇ neh, naw maꞈ yawˬ gʼaˬ na luꞈ maˬ muiˬ maˬ jaˬ-eu jeˬ laꞈ kʼoeˇ maˬ paˇ dehꞈ ni iˬ baˇ bi noeˬ poˆ-awˇ guiˬ lahˬ biꞈ-eu gʼaˇ duˬ, Miˬyehˇ aˬ yawꞈ-euˬ Zaˬ kʼaˆ-ahˇ tseˇ doˆ-awˇ , naw maꞈ jawˇ gaˇ jeˬ huˬ pyehˬ gʼeh leꞈ-euˬ meh.”

Lormav 9:1

Ngaˇ dawˇ coe ni ehˇ-eu ma. Ka li-euˬ tsawˇ haˬ pyeuꞈ-eu miˇ neh jaˬ myawꞈ maˬ myawꞈ. Muiˬ-eu Shawˇ-eu Yaw sahˇ Miˬyehˇ uˆ lahˇ-eu ngaˬ-euˬ siˬ nya-eu nui ma kʼawꞈ, ngaˇ jaˬ myawꞈ maˬ myawꞈ-a lehˇ ngaˬ-ahˇ maˇ jawˆ ni ehˇ nehˬ laꞈ-eu meh.

2 Gawˇliˬtu 1:23

Miˬyehˇ-ahˇ tsawˇ kaˬ bi geuꞈ ma. Ngaˬ-euˬ nui ma-ahˇ aˬ yawꞈ siˬ nya meh. Ngaˇ Gawˇliˬtu meuˬ-ahˇ maˬ oe lehˇ ehˇ-eu-aˬ, naw maꞈ-ahˇ maˬ bi naˇ leˇ ni shaˇ noeˬ-awˇ ehˇ-eu ma.

2 Gawˇliˬtu 11:31

Ngaˇ jaˬ myawꞈ maˬ myawꞈ-eu gaˇ kawˆ Sahˬpaˬ Yeˬsuˇ-euˬ Aˬda pyeuꞈ-eu Miˬyehˇ siˬ nya luꞈ meh. Aˬ yawꞈ-euˬ tsawˇ myahˇ mˬ maˬ maˬ byaˆ zaˇ ziˇ guiˬ lahˬ huiˬ luꞈ-uˇ.

Gaˬlaˬtiˆ 1:20

Ngaˇ boꞈ luꞈ-eu heu-aˬ, jaˬ myawꞈ myawꞈ-eu maˬ ngeuˇ. Miˬyehˇ-euˬ mehˬ shi boꞈ-eu jeˬ pyeuꞈ-eu ma.

Eˇpeˇsu 6:18

Miˬyehˇ caw ba laꞈ ni guiˬ lahˬ shaˇ-awˇ, kʼoeˇ deuˬ dawˬ tawˆ luꞈ-ahˇ mˇ gʼeh-awˬ. Yaw sahˇ Miˬyehˇ sheuˬ gʼeh-eu laꞈ kʼoeˇ aˬ myah luꞈ guiˬ lahˬ shaˇ-awˬ. Maˬ ya smˬ-iˇ ni aˬ myah luꞈ yaw beuˇ beuˇ-ehˇ jawˇ-awˬ. Miˬyehˇ-euˬ tsawˇ haˬ dawˬ tawˆ luꞈ gʼaˇ duˬ aˬ myah luꞈ guiˬ lahˬ shaˇ-awˬ.

Piˇliˇpiˆ 1:3

Naw maꞈ-ahˇ ngaˇ kʼaˇ noeˬ mawˇ ngeh, naw maꞈ gʼaˇ duˬ ngaˬ-euˬ Miˬyehˇ-euˬ guiˬ lahˬ-ahˇ ja ceuˬ-eu ma.

Piˇliˇpiˆ 1:4

Naw maꞈ dawˬ tawˆ luꞈ gʼaˇ duˬ ngaˇ guiˬ lahˬ kʼaˇ shaˇ ngeh, laˬ kʼaˬ cehˇ-eu laꞈ kʼoeˇ shaˇ-eu ma.

Piˇliˇpiˆ 2:22

Aˬ yawꞈ aˇ naˆ ni gaˇ dahˇ tsoeˬ-eu gaˇ kawˆ maˬ ehˇ, Laˬ kʼaˬ cehˇ-eu Guiˬ lahˬ dawˬ gʼaˇ duˬ aˬ yawꞈ ngaˬ nehˬ-ehˇ aˬ da hawˇ-eu zaˬ loꞈ-ehˇ mˇ daˆ shaˇ daˆ laꞈ-euˬ gaˇ kawˆ maˬ ehˇ, naw maꞈ siˬ nya meh.

Piˇliˇpiˆ 3:3

Dawˇ coe ni ya ehˇ naˇ, maˇ maˇ ni baˆ kʼoˆ mehˬ dzaˬ yehˬ-euˬ tsawˇ haˬ deuˬ-aˬ, aˬ yawꞈ maꞈ maˬ ngeuˇ-a. Aˬ dui maꞈ ma. Aˬ jeˬ miˇ neh ehˇ naˇ, Yaw sahˇ Miˬyehˇ-ahˇ gʼoe-eu laꞈ kʼoeˇ Miˬyehˇ-ahˇ aˬ dui u duˬ tahˬ-awˇ, Yeˬsuˇ Ka li laꞈ kʼoeˇ yaw dehꞈ dehꞈ-eu jeˬ-ahˇ aˬ dui laˬ kʼaˬ cehˇ-eu ma. Laꞈ nyiˇ paw mˇ mawˇ nya-eu zahˇ sahˇ kʼoꞈ deuˬ-ahˇ aˬ dui gʼoe-eu maˬ ngeuˇ.

1 Teˇsaˬloˇni 1:2

Naw maꞈ dawˬ tawˆ luꞈ gʼaˇ duˬ nga maꞈ Miˬyehˇ-ahˇ aˬ myah luꞈ ja ceuˬluꞈ-awˇ, guiˬ lahˬ kʼaˇ shaˇ ngeh naw maꞈ gʼaˇ duˬ shaˇ luꞈ ma.

1 Teˇsaˬloˇni 3:10

Naw maꞈ-ahˇ nga maꞈ paˇ ya mawˇ dzoeˇ-awˇ, naw maꞈ jah-eu laꞈ kʼoeˇ maˬ byah-eu jeˬ bi byah laˇ ni bi caw ba nehˬ-eu gʼaˇ duˬ, uˬ ciꞈ nah gʼahˇ maˬ ehˇ nui ma keuˆ dui dui-eu laꞈ kʼoeˇ aˬ yawꞈ-ahˇ guiˬ lahˬ shaˇ luꞈ ma.

1 Teˇsaˬloˇni 5:17

Maˬ tsehˆ leˇ ni guiˬ lahˬ shaˇ-awˬ.

1 Tiˆmoˇseˬ 2:7

Kʼoeˇ miˇ neh, jah-eu jeˬ hawˇ-eu yaw tsaˬ yaw dawˇ jehˬ-ahˇ taꞈ-eu guiˬ lah dawˬ mehˬ-eu gʼaˇ duˬ, Yuˇdaˆ tsawˇ haˬ maˬ ngeuˇ-eu aˬ cawˬ tsawˇ jeuˬ jawˇ gaˇ gʼaˬ kʼehˇ hawˇ-eu mehˬ-eu tsoˆ-eu saˬ laˬ bi geuꞈ-eu lehˇ, Miˬyehˇ neh ngaˬ-ahˇ kʼehˇ gʼeh laꞈ-euˬ meh. Ngaˇ jaˬ myawꞈ maˬ myawꞈ. Dawˇ coe ni ehˇ-eu ma.

2 Tiˆmoˇseˬ 1:3

Aˇ hu ngaˬ-euˬ aˬ poeˬ aˬ bawˇ deuˬ Miˬyehˇ-euˬ guiˬ lahˬ-ahˇ ja ceuˬ-euˬ loꞈ-ehˇ, ngaˬ-euˬ siˬ nya-eu nui ma shawˇ jehˆ ni taˬ-awˇ gaˇ mˇ nehˬ luꞈ-eu Miˬyehˇ-euˬ guiˬ lahˬ-ahˇ ngaˇ ja ceuˬ-eu ma. Uˬ ciꞈ nah gʼaˇ maˬ ehˇ ngaˇ guiˬ lahˬ kʼaˇ shaˇ ngeh, nawˬ-ahˇ noeˬ keuˆ-awˇ Miˬyehˇ-euˬ guiˬ lahˬ-ahˇ ja ceuˬ-eu ma.

Piˇleˇmoˬ 1:4

Aˬ nyiˇ Piˇleˇmoˬ-oˇ, ngaˇ guiˬ lahˬ kʼaˇ shaˇ ngeh nawˬ-ahˇ noeˬ keuˆ-awˇ ngaˬ-euˬ Miˬyehˇ-euˬ guiˬ lahˬ-ahˇ ja ceuˬ-eu ma.

1 Saˬmeuˬlaˆ 12:23

Ngaˇ tehꞈ law nmˇ-aˬ, naw maꞈ gʼaˇ duˬ guiˬ lahˬ maˬ shaˇ ni jawˇ-eu baˬ da neh ngaˬ-euˬ kʼoeˇ taˆ iˬ baˇ maˬ ya jaˆ laˇ ni yahˇ-eu gʼaˇ duˬ, Sahˬpaˬ Miˬyehˇ ngaˬ-ahˇ ehˇ nehˬ laꞈ gʼaˬ-euˬ meh. Yaw muiˬ jeˬ hawˇ-eu yaw tsaˬ yawˬ dawˇ jeˬ-ahˇ naw maꞈ mˇ ni, ngaˇ mehˬ luꞈ tsoˆ luꞈ-eu ma.