Lormav 1:8 - Akha

⁸ Yeˬsuˇ Ka li-ahˇ gʼoe-awˇ, naw maꞈ-euˬ gʼaˇ duˬ Miˬyehˇ-ahˇ guiˬ lahˬ huiˬ-eu dawˬ huˬ teˇ ngehˬ-eu ma. Aˬ jeˬ miˇ neh ehˇ naˇ, naw maꞈ jah-eu gaˇ kawˆ, miˇ kʼahˬ dawˬ tawˆ luꞈ gaˬ byah jiˇ-euˬmeh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁸ Yawbae jeq-aq, nawmaf, Miqyaer-anr jan-eu garkawv mirkhanq doeni gaqdoe-ir-euq mirnae, ngar, nawmaf dawqtawv luf-euq gharduq Yeqsur Kali-anr ghoe-awr ngaq-euq Miqyaer-anr jaceuq ma.

Lormav 1:8 ပူးပေါင်းရင်းမြစ်များ

Maꞈtehˬ 24:14

Kʼoeˇ naˇ, miˇ tsaˬ tahˬ kʼawˇ heu doe ni, Miˬyehˇ Miˇkʼahˬ gaˇ kawˆ laˬ kʼaˬ cehˇ-eu guiˬ lahˬ dawˬ mehˬ doe tehꞈ-a. Kʼoeˇ dzeuˇ ngeh, aˇ saˬ saˬ-eu aˇ yamˬ keuˆ le tehꞈ-a.

Luˇkaꞈ 2:1

Kʼoeˇ ngeh, Loˇmaˆ miˇ kʼahˬ laꞈ oˆ kʼaˇ jawˇ-eu miˇ kʼahˬ zaˬ dawˬ tawˆ luꞈ tsawˇ myahˇ ya dawˆ meh lehˇ, sahˬ paˬ Gehˇsaˬ Awˇguˇtuˆ dawˬ biꞈ-euˬ meh.

Gʼaˬkʼehˇ 11:28

Miˬyehˇ gʼaˇ duˬ ngehˬ dah-eu kʼoeˇ deuˬ laꞈ kʼoeˇ, Aˬgaˬbuˇ lehˇ myahˇ-euˬ gʼaˬ tuˇ laˇ-awˇ, “Miˇ tsaˬ heu dawˬ tawˆ luꞈ kʼoeˇ taˆ, mehꞈ dui shuꞈ dui dui-eu jeˬ keuˆ le tehꞈ-a” lehˇ, Yaw sahˇ Miˬyehˇ-euˬ baoˬ-ahˇ gʼoe-awˇ ehˇ-eu meh. (Mehꞈ-eu shuꞈ-eu kʼoeˇ poˆ-aˬ, Loˇmaˆ sahˬ paˬ Gaˬlawˇdiˇ dzoeˬ dzaˬ ngeh keuˆ le-euˬ meh.)

Gʼaˬkʼehˇ 28:22

Ehˇ kʼawꞈ, iˬ nah nawˇ uˇ luꞈ-eu aˇ muˇ heu muˇ-ahˇ, yawˬ gaˇ na luꞈ aˬ cawˬ ja doeˇ-awˇ iˬ baˇ taˬ luꞈ-eu nga maꞈ ya siˬ duˬ taˬ-euˬ ma. Kʼoeˇ miˇ neh, nawˬ neh noeˬ taˬ-euˬ gaˇ kawˆ ja gaˇ nga maꞈ naˇ haˬ mawꞈ miˇ-a.”

Lormav 10:18

Ehˇ kʼawꞈ, “Aˬ yawꞈ maꞈ Miˬyehˇ dawˬ kawˬ maˬ ya gaˬ-aˬ lehˇ ehˇ-eu ngeuˇ meh loˇ” lehˇ ngaˇ naˇ haˬ mawꞈ-eu ma. Aˬ yawꞈ maꞈ Miˬyehˇ dawˬ kawˬ ya gaˬ-euˬ yaw duˬ baw meh. Aˬ jeˬ miˇ neh ehˇ naˇ, Jaˇliꞈ laꞈ kʼoeˇ heu loꞈ-ehˇ ehˇ taˬ-euˬ meh. “A yawꞈ maꞈ neh mehˬ nehˬ-euˬ dawˬ, miˇ tsaˬ tahˬ kʼawˇ gaˬ byah-iˇ-awˇ, mˬ dzeˇ miˇ dzeˇ gaˬ keuˆ-euˬ meh.”

Lormav 16:19

Naw maꞈ Laˬ kʼaˬ cehˇ-eu Guiˬ lahˬ dawˬ-ahˇ ziꞈ dah ni tuˆ tehˬ taˬ-euˬ gaˇ kawˆ aˬ cawˬ siˬ nya jiˇ meh. Kʼoeˇ miˇ neh, naw maꞈ gʼaˇ duˬ ngaˇ laˬ kʼaˬ cehˇ dui dui-eu ma. Naw maꞈ laꞈ kʼoeˇ yaw muiˬ jeˬ-ahˇ tseˇ paˆ geuꞈ nya-eu nui gahˇ bi ahˇ mawꞈ-awˇ, maˬ muiˬ-eu jeˬ-ahˇ maˬ mˇ-eu shawˇ jehˆ ni gʼeh-eu tsawˇ haˬ bi pyeuꞈ mawꞈ miˇ-a.

Lormav 6:17

Ehˇ kʼawꞈ, Miˬyehˇ-euˬ guiˬ lahˬ yaw dzahˇ-ahˇ ja ceuˬ-eu tsaˬ meh. Aˬ jeˬ miˇ neh ehˇ naˇ, dzeuˇ laˇ ngeh naw maꞈ iˬ baˇ-euˬ zaˬ kʼaˆ pyeuꞈ-euˬ kʼawꞈ, naw maꞈ-ahˇ mehˬ nehˬ tsoˆ nehˬ-euˬ laꞈ kʼoeˇ ya mawˇ taˬ-euˬ yaw tsaˬ yaw dawˇ jeˬ-ahˇ nui ma laꞈ kʼoeˇ keuˆ ni naw maꞈ naˇ haˬ geuꞈ-euˬ meh.

1 Gawˇliˬtu 1:4

Yeˬsuˇ Ka li-ahˇ gʼoe-awˇ Miˬyehˇ neh naw maꞈ-ahˇ biꞈ nehˬ-euˬ guiˬ lahˬ yaw dzahˇ baˬ da neh, ngaˬ-euˬ Miˬyehˇ-euˬ guiˬ lahˬ-ahˇ ngaˇ aˬ myah luꞈ ja ceuˬ-eu ma.

2 Gawˇliˬtu 2:14

Ehˇ kʼawꞈ, Miˬyehˇ-euˬ guiˬ lahˬ-ahˇ ja ceuˬ-eu ma. Aˬ jeˬ miˇ neh ehˇ naˇ, Ka li laꞈ kʼoeˇ aˬ dui gʼaˬ leˇ nya ni aˬ yawꞈ sheuˬ gʼeh nehˬ laꞈ-awˇ, tsiˇ yaw saw jeˬ yawˬ gaˇ na luꞈ saw keuˆ-iˇ-eu loꞈ-ehˇ, Ka li-ahˇ siˬ nya-eu jeˬ yawˬ gaˇ na luꞈ byah-iˇ ni nga maꞈ-ahˇ aˬ yawꞈ zmˬ nehˬ laꞈ-euˬ meh.

Eˇpeˇsu 1:15

Heu baˬ da neh, sahˬ paˬ Yeˬsuˇ-ahˇ naw maꞈ jah-eu gaˇ kawˆ hawˇ-eu Miˬyehˇ-euˬ tsawˇ haˬ dawˬ tawˆ luꞈ-ahˇ naw maꞈ gaˬ-eu gaˇ kawˆ ngaˇ ya gaˬ ngeh,

Eˇpeˇsu 1:16

naw maꞈ gʼaˇ duˬ Miˬyehˇ-euˬ guiˬ lahˬ-ahˇ maˬ naˬ leˇ ni ja ceuˬ luꞈ ma. Ngaˇ guiˬ lahˬ shaˇ ngeh naw maꞈ gʼaˇ duˬ shaˇ-eu ma.

Eˇpeˇsu 3:21

Miˬyehˇ-ahˇ, Ka li zaˬ aˇ muˇ laꞈ kʼoeˇ maˬ ehˇ, Yeˬsuˇ ka li laꞈ kʼoeˇ maˬ ehˇ, mˬ maˬ maˬ byaˆ zaˇ ziˇ aˬ myah luꞈ yaw shehꞈ kʼahˬ sehˇ huiˬ luꞈ-uˇ. Aˬ miˬ.

Eˇpeˇsu 5:20

A dui-euˬ Sahˬpaˬ Yeˬsuˇ Ka li-euˬ tsawˇ myahˇ laꞈ kʼoeˇ yawˬ jeˬ na luꞈ gʼaˇ duˬ Aˬda Miˬyehˇ-euˬ guiˬ lahˬ-ahˇ ja ceuˬ-awˬ.

Piˇliˇpiˆ 1:11

Miˬyehˇ-euˬ yaw shehꞈ kʼahˬ sehˇ-ahˇ aˬ cawˬ taˬ huiˬ-awˇ Miˬyehˇ-ahˇ ja ceuˬ laˇ gaˇ keuˆ ni Yeˬsuˇ Ka li tehꞈ-ehˇ jahˇ nehˬ nya-eu maˇ maˇ ni muiˬ-eu jeˬ kʼoeˇ, naw maꞈ yaw dehꞈ dehꞈ-eu laꞈ kʼoeˇ byah laˇ tehꞈ-a.

Piˇliˇpiˆ 1:3

Naw maꞈ-ahˇ ngaˇ kʼaˇ noeˬ mawˇ ngeh, naw maꞈ gʼaˇ duˬ ngaˬ-euˬ Miˬyehˇ-euˬ guiˬ lahˬ-ahˇ ja ceuˬ-eu ma.

Gawˇlawˇsehˇ 1:3

Naw maꞈ gʼaˇ duˬ nga maꞈ guiˬ lahˬ kʼaˇ shaˇ ngeh, aˬ dui-euˬ Sahˬpaˬ Yeˬsuˇ Ka li-euˬ Aˬda Miˬyehˇ-euˬ guiˬ lahˬ-ahˇ ja ceuˬ-eu ma.

1 Teˇsaˬloˇni 1:2

Naw maꞈ dawˬ tawˆ luꞈ gʼaˇ duˬ nga maꞈ Miˬyehˇ-ahˇ aˬ myah luꞈ ja ceuˬluꞈ-awˇ, guiˬ lahˬ kʼaˇ shaˇ ngeh naw maꞈ gʼaˇ duˬ shaˇ luꞈ ma.

1 Teˇsaˬloˇni 2:13

Miˬyehˇ-euˬ guiˬ lahˬ-ahˇ nga maꞈ maˬ tsehˆ leˇ ni ja ceuˬ luꞈ-eu gaˇ kawˆ yawˬ hmˬ yawˬ-aˬ, heu loꞈ-ehˇ ma. Naw maꞈ jawˇ gaˇ nga maꞈ Miˬyehˇ dawˬ kawˬ hehˇ leꞈ ngeh, tsawˇ haˬ-euˬ dawˬ loꞈ-ehˇ sawˇ-awˇ naw ma ha geuꞈ-euˬ maˬ ngeuˇ-a. Maˇ maˇ ni Miˬyehˇ-euˬ dawˬ pyeuꞈ-eu miˇ neh, Miˬyehˇ-euˬ dawˬ loꞈ-ehˇ sawˇ-awˇ ha geuꞈ-euˬ meh. Aˬ jeˬ miˇ neh ehˇ naˇ, jah-eu tsawˇ haˬ pyeuꞈ-eu naw maꞈ-euˬ laꞈ kʼoeˇ Miˬyehˇ gaˇ mˇ luꞈ-eu meh.

2 Teˇsaˬloˇni 1:3

Aˬ yuiꞈ aˬ nyiˇ Ka li zaˬ deuˬ-oˇ, naw maꞈ gʼaˇ duˬ nga maꞈ Miˬyehˇ guiˬ lahˬ-ahˇ maˬ ja ceuˬ-ehˇ tiˬ kʼehˬ-iˬ maˬ jawˇ coeˇ nya. Naw maꞈ-euˬ jah-eu jeˬ huiˬ laˇ tehˇ tehˬ-awˇ, naw maꞈ yaw kaˬ tiˬ gʼaˬ tiˇ gʼaˬ gʼoeˇ-eu gaˬ-eu jeˬ myaˬ laˇ luꞈ-eu miˇ neh, nga maꞈ Miˬyehˇ-euˬ guiˬ lahˬ-ahˇ ja ceuˬ paˬ-ehˇ gʼeh-eu meh.

2 Tiˆmoˇseˬ 1:3

Aˇ hu ngaˬ-euˬ aˬ poeˬ aˬ bawˇ deuˬ Miˬyehˇ-euˬ guiˬ lahˬ-ahˇ ja ceuˬ-euˬ loꞈ-ehˇ, ngaˬ-euˬ siˬ nya-eu nui ma shawˇ jehˆ ni taˬ-awˇ gaˇ mˇ nehˬ luꞈ-eu Miˬyehˇ-euˬ guiˬ lahˬ-ahˇ ngaˇ ja ceuˬ-eu ma. Uˬ ciꞈ nah gʼaˇ maˬ ehˇ ngaˇ guiˬ lahˬ kʼaˇ shaˇ ngeh, nawˬ-ahˇ noeˬ keuˆ-awˇ Miˬyehˇ-euˬ guiˬ lahˬ-ahˇ ja ceuˬ-eu ma.

Piˇleˇmoˬ 1:4

Aˬ nyiˇ Piˇleˇmoˬ-oˇ, ngaˇ guiˬ lahˬ kʼaˇ shaˇ ngeh nawˬ-ahˇ noeˬ keuˆ-awˇ ngaˬ-euˬ Miˬyehˇ-euˬ guiˬ lahˬ-ahˇ ja ceuˬ-eu ma.

HeˬByehˇ 13:15

Kʼoeˇ miˇ neh, aˬ dui Yeˬsuˇ-ahˇ gʼoe-eu laꞈ kʼoeˇ Miˬyehˇ-ahˇ ja ceuˬ-eu jeˬ lawˇ nehˬ kaˇ-euˇ. Kʼoeˇ-aˬ, aˬ yawꞈ aˬ dui-euˬ Sahˬpaˬ pyeuꞈ-eu gaˇ kawˆ bi siˬ bi mawˇ-eu, kʼaˬ meh mehˬ boeˬ neh lawˇ-eu jeˬ pyeuꞈ-eu meh.

1 Beˬtuˆluˆ 2:5

Naw maꞈ kʼawꞈ, dehꞈ luꞈ-eu kʼaˬ lo loꞈ-ehˇ laˇ-awˇ, saꞈ laˇ uˬ duˬ tahˬ nymˇ tsoˆ gaˇ bi zmˬ-awˬ. Uˬ duˬ tahˬ nymˇ kʼoeˇ-euˬ laꞈ kʼoeˇ naw maꞈ muiˬ-eu shawˇ-eu piˇ ma ya geuꞈ-awˇ, Yeˬsuˇ ka li-ahˇ gʼoe-eu laꞈ kʼoeˇ Miˬyehˇ ha geuꞈ nehˬ laꞈ nya-eu saꞈ laˇ paw taꞈ leˇ-eu lawˇ-eu jeˬ ya lawˇ tehꞈ-a.

1 Beˬtuˆluˆ 4:11

Mˬ maˬ maˬ byaˆ zaˇ ziˇ yaw shehꞈ kʼahˬ sehˇ hawˇ-eu baoˬ ahˇ-eu gʼaˬ pyeuꞈ-eu Miˬyehˇ-ahˇ, yawˬ jeˬ na luꞈ laꞈ kʼoeˇ Yeˬsuˇ Ka li-ahˇgʼoe-awˇ aˬ cawˬ ja ceuˬ ni, dawˬ mehˬ mehˬ-eu tsawˇ haˬ deuˬ Miˬyehˇ dawˬ kawˬ mehˬ-awˇ, aˬ cawˬ-ahˇ caw ba-eu tsawˇ haˬ deuˬ kʼawꞈ, Miˬyehˇ neh biꞈ-euˬ baoˬ-ahˇ gʼoe-awˇ caw ba-awˬ. Aˬ miˬ