Lormav 1:32 - Akha

³² Kʼoeˇ loꞈ-ehˇ dehꞈ-eu tsawˇ haˬ deuˬ shiˇ-eu geuˇ meh lehˇ, Miˬyehˇ-euˬ zahˇ dawˬ kʼoꞈ dawˬ laꞈ kʼoeˇ ehˇ tsehˆ taˬ-euˬ aˬ yawꞈ maꞈ siˬ nya meh. Ehˇ kʼawꞈ, aˬ yawꞈ maꞈ kʼoeˇ loꞈ-ehˇ mˇ-eu maˬ byehˇ-eu uˬ taꞈ, kʼoeˇ loꞈ-ehˇ mˇ caw-eu tsawˇ haˬ deuˬ-ahˇ nui ma tsaˬ-eu meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

³² Heudeuq kharmr-eu tsawrhaq-aq, shir-eu geux mae laer Miqyaer nae tsaq-awr dawr-eu lafkhoer dartsaev taq-euq khoer-anr aqyawfmaf siqnya luf-eu khawf, aqyawfmaf mrluf-eu uqtaf, aqcawq khawf khoerlof-aer mrni nuima tsaq-eu mae.

Lormav 1:32 ပူးပေါင်းရင်းမြစ်များ

Jaceuq 50:18

Smˇ kʼoeˬ kʼaˇ tahˬ puˬ le gaˇ naw maꞈ cawˬ cawˬ taꞈ-awˇ, aˬ cawˬ-euˬ miˬ zaˬ yo zaˬ-ahˇ bahˬ-eu deuˬ nehˬ-ehˇ, naw maꞈ mehˬ bawˬ gm-eu meh.

Dawqdaq 28:4

Zahˇ sahˇ kʼoꞈ-ahˇ nawˇ yaw zeu maˬ baw naˇ, haiˬ-eu tsawˇ haˬ deuˬ-ahˇ gʼaˬ baꞈ baꞈ gaˇ duˇ-awˇ, zahˇ sahˇ kʼoꞈ-ahˇ nawˇ yaw zeu baw ngeh, aˬ yawꞈ maꞈ jawˇ paw maˬ pyawˬ gaˇ duˇ-eu meh.

Hawˇseˬ 7:3

Sahˬpaˬ Miˬyehˇ ehˇ-eu dawˬ-aˬ, “Aˬ yawꞈ maꞈ-euˬ nui ma laꞈ gʼoꞈ, sahˬpaˬ laˬ kʼaˬ cehˇ ni mˇ-awˇ, aˬ yawꞈ maꞈ-euˬ jaˬ myawꞈ mehˇ shuiˇ, sahˬ ma nui saˇ bi za-eu meh.

Luˇkaꞈ 11:48

Naw maꞈ-euˬ aˬ poeˬ aˬ bawˇ deuˬ neh kʼoeˇ loꞈ-ehˇ mˇ-euˬ gaˇ nui ma tsaˬ-eu ma lehˇ, naw maꞈ yawˬ haˇ yawˬ ha saˇ kiˇ kamˬ gaˇ duˇ-eu meh. Aˬ jeˬ miˇ neh ehˇ naˇ, Miˬyehˇ gʼaˇ duˬ ngehˬ dah-eu tsawˇ haˬ deuˬ-ahˇ aˬ yawꞈ maꞈ sehꞈ-euˬ gaˇ, naw maꞈ lmˬ bymˇ gawˬ caw nehˬ-eu meh.

Gʼaˬkʼehˇ 22:20

Kʼoeˇ uˬ taꞈ, nawˬ-euˬ gʼaˇ duˬ saˇ kiˇ kamˬ-eu gʼaˬ pyeuꞈ-eu Saˬteˬpaˬ-ahˇ sehꞈ ngeh, ngaˇ kʼawꞈ kʼoeˇ gaˇ jawˇ-euˬ ma. A yawꞈ-ahˇ sehꞈ gaˇ ngaˇ gʼaˬ baꞈ baꞈ-awˇ, aˬ yawꞈ-ahˇ diˬ sehꞈ leˇ-euˬ deuˬ mehˬ tsoeˬ lehˆ taˬ yaꞈ-euˬ gaˇ ngaˇ loꞈ yaꞈ-euˬ ma.’

Gʼaˬkʼehˇ 8:1

Aˬ yawꞈ-ahˇ kʼoeˇ loꞈ-ehˇ sehꞈ gaˇ, Sawˇluˆ kʼawꞈ nui ma tsaˬ-euˬ meh. Kʼoeˇ ngeh nah, Yeˬluˇsaˬlehˬ meuˬ-ahˇ jawˇ-eu Ka li zaˬ aˇ muˇ, kʼehˬ-eu kʼaˆ-eu jeˬ-ahˇ yaw kʼaˆ-ehˇ ya daˬ-euˬ meh. Gʼaˬ kʼehˇ deuˬ maˬ ngeuˇ naˇ, jah-eu tsawˇ haˬ dawˬ tawˆ luꞈ Yuˇdaˆ miˇ kʼahˬ hawˇ-eu Saˬmaˬliˇ miˇ kʼahˬ doe ni cehˆ byaˆ jiˇ-euˬ meh.

Lormav 1:18

Yaw tsaˬ yaw dawˇ jeˬ-ahˇ aˬ cawˬ maˬ mawˇ nya ni laˆ tsoeˬ-eu tsawˇ haˬ zaˬ-euˬ iˬ baˇ hawˇ-eu yaw haiˬ jeˬ mˇ gaˇ, Miˬyehˇ nui ma pehˇ-eu laꞈ kʼoeˇ tsawˇ haˬ zaˬ-ahˇ yaˇ kʼaˬ daˇ-eu gaˇ kawˆ, mˬ-ahˇ neh pah mehˬ leꞈ-euˬ meh.

Lormav 1:21

Aˬ yawꞈ maꞈ Miˬyehˇ-ahˇ siˬ nya-eu kʼawꞈ, taˬ huiˬ taˬ mahˇ nehˬ geuˇ-eu loꞈ-ehˇ maˬ taˬ huiˬ maˬ taˬ mahˇ-eu uˬ taꞈ, aˬ yawꞈ-euˬ guiˬ lahˬ-ahˇ maˬ siˬ nya-a. Aˬ yawꞈ maꞈ tiˬ jeˬ-iˬ maˬ noeˬ doˆ nya-ehˇ, nui ma kʼehˬ bahˬ zahˇ tsui ni jaˆ-eu meh.

Lormav 6:21

Nymˬ-mˇ naw maꞈ nui daˆ daˆ luꞈ-eu gaˇ kʼoeˇ deuˬ-ahˇ naw maꞈ mˇ-euˬ miˇ neh aˬ jeˬ za ta. Shiˇ-eu jeˬ-ahˇ za-eu tehꞈ meh.

Lormav 6:23

Aˬ jeˬ miˇ neh ehˇ naˇ, iˬ baˇ-euˬ aˇ poeˬ-aˬ, shiˇ-eu jeˬ pyeuꞈ-eu meh. Ehˇ kʼawꞈ, Miˬyehˇ neh yawꞈ ngehꞈ-ehˇ biꞈ nehˬ laꞈ-euˬ laꞈ sawˬ-aˬ, aˬ dui-euˬ Sahˬpaˬ Yeˬsuˇ Ka li laꞈ kʼoeˇ mˬ maˬ maˬ byaˆ zaˇ ziˇ dehꞈ-eu jeˬ pyeuꞈ-eu meh.

2 Teˇsaˬloˇni 2:12

Kʼoeˇ ngeh jawˇ, yaw tsaˬ yaw dawˇ dawˬ-ahˇ maˬ jah ni iˬ baˇ mˇ gaˇ kʼaˇ cehˇ gʼa-euˬ tsawˇ haˬ deuˬ-aˬ, Miˬyehˇ yaˇ kʼaˬ daˇ nehˬ gaˇ ya daˬ tehꞈ-a.