Lormav 1:30 - Akha

³⁰ Tiˬ gʼaˬ tiˇ gʼaˬ ja bu ja doeˇ-eu, Miˬyehˇ-ahˇ muiˇ-eu, aˬ cawˬ-ahˇ ngehˬ coeˬ ehˇ coeˬ-eu, yawˬ haˇ yawˬ ha taˬ huiˬ-eu, kʼahˬ sehˇ jehˆ-eu, yaw haiˬ jeˬ mˇ-eu gʼaˇ duˬ kʼaˆ kʼaˆ ni shaˇ noeˬ-eu, aˬ da aˬ ma ehˇ dawˬ maˬ naˇ haˬ-eu, heu deuˬ kʼawꞈ ahˇ-eu meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

³⁰ Narkhan paw jadoer-eu, Miqyaer-anr byae-eu, aqcawq-anr lavtanq lavnar-eu, nuima huiq-eu, jasae-eu, yawdoer jeq mr-eu garkawv sharnoeq-eu, aqma aqda-euq aerdawq maq narhaq geuf-eu.

Lormav 1:30 ပူးပေါင်းရင်းမြစ်များ

1 Sahˬpaˬ 20:11

Aˬhaˆ ehˇ-eu, “Maˇ maˇ ni gʼeh-eu yehˇ tiˬ gʼaˬ-aˬ, guiˇ maˬ deuˆ mi naˆ-ehˇ kʼahˬ sehˇ jeˬ huˬ maˬ jehˆ-aˇ. Guiˇ deuˆ gʼaˬ miˇ tsa hawˇ-eu kʼahˬ sehˇ jehˆ nmˇ lehˇ sahˬ paˬ Beˬhaˬdaˇ-ahˇ ehˇ nehˬ leˇ-awˬ.”

2 Laˬsaˬbaˬ 19:2

Haˬnaˬniˇ-euˬ aˬ li Yeˬhuˇ lehˇ myahˇ-euˬ Miˬyehˇ gʼaˇ duˬ ngehˬ dah-eu tiˬ gʼaˬ aˬ yawꞈ jawˇ gaˇ iˇ-awˇ, heu loꞈ-ehˇ ehˇ nehˬ-euˬ meh. “Nui ma maˬ dawˇ-eu tsawˇ haˬ-ahˇ caw ba-awˇ, Sahˬpaˬ Miˬyehˇ-ahˇ bye-eu tsawˇ haˬ nehˬ-ehˇ mˇ taꞈ shaˇ taꞈ-eu tsaˬ meh lehˇ nawˇ noeˬ te loˇ. Nawˬ neh mˇ-euˬ gaˇ baˬ da neh Sahˬpaˬ Miˬyehˇ nui ma pehˇ-eu jeˬ nawˬ-euˬ kʼoeˇ taˆ keuˆ le luꞈ meh.

2 Laˬsaˬbaˬ 25:19

Aˬmaˬziˇ-oˇ, nymˬ-mˇ nawˇ Eˬdoˬ tsawˇ haˬ deuˬ-ahˇ deuˆ gʼaˬ-euˬ miˇ neh, nui ma yaw kʼaˆ-ehˇ huiˬ luꞈ-eu nga laˬ. Ehˇ kʼawꞈ, ciˬ cuˇ ni iˇ kahˇ-ahˇ jawˇ-awˬ lehˇ ngaˇ nawˬ-ahˇ ehˇ mawꞈ miˇ-a. Nawˇ hawˇ-eu nawˬ-euˬ tsawˇ haˬ deuˬ kʼoeˇ taˆ luˬ-iˇ seˇ-iˇ-eu jeˬ keuˆ le ni nawˇ aˬ jeˬ gʼeh leh jeh mawꞈ-eu nya.”

Jaceuq 10:3

Yaw haiˬdeuˬ nui kʼahˇ mˇ dehˆ-awˇ, nui kʼahˇkʼahˬsehˇdeh luꞈ-eu meh. Nui kʼahˇhuiˬ-eu deuˬtuˇlaˇ-awˇ, SahˬpaˬMiˬyehˇ-ahˇ yaˬ-eu meh.

Jaceuq 106:39

Aˬ yawꞈ maꞈ maˬ muiˬ-eu jeˬ mˇ-euˬ baˬ da neh, yawˬ haˇ yawˬ ha maˬ shawˇ ni laˆ pyeuꞈ-awˇ, Miˬyehˇ-ahˇ saˇ jaˇ puiˬ-euˬ meh.

Jaceuq 49:6

pyuˇ shuiˇ myawˬ gahˬ-ahˇ gʼoe-eu tsawˇ haˬ deuˬ, smˇ muiˬ muiˬ gaˇ kʼahˬ sehˇ jehˆ-eu tsawˇ haˬ deuˬ, haiˬ-eu tsawˇ haˬ kʼoeˇ deuˬ-ahˇ ngaˇ maˬ guˆ.

Jaceuq 5:5

Kʼahˬ sehˇjehˆgaˇ maˬhaw nahˇ-ehˇ, Yaw haiˬdeuˬ-ahˇ nawˇbye-eu meh.,

Jaceuq 52:1

Baoˬ yaw shehꞈ kʼahˬ sehˇ jaˆ-eu tsawˇ haˬ deuˬ-oˇ, naw maꞈ-euˬ haiˬ-eu gaˇ-ahˇ gʼoe-awˇ, aˬ jeˬ miˇ neh kʼahˬ sehˇ jehˆ te. Miˬyehˇ-euˬ gʼoeˇ-eu jeˬ mˬ maˬ maˬ byaˆ zaˇ ziˇ ziꞈ-eu meh.

Jaceuq 81:15

Ngaˬ-ahˇ bye-eu tsawˇ haˬ deuˬ ngaˬ-euˬ mehˬ shi ya awˆ byaˆ-awˇ, mˬ maˬ maˬ byaˆ zaˇ ziˇ kʼehˬ nehˬ kʼaˆ nehˬ ma.

Jaceuq 94:4

Yaw haiˬ jeˬ mˇ-eu tsawˇ haˬ deuˬ aˇ myah keuˆ ni nui ma huiˬ-awˇ ya dehꞈ nmˇ. Aˇ myah keuˆ ni aˬ yawꞈ maꞈ neh mˇ-euˬ haiˬ-eu gaˇ-ahˇ, kʼahˬ sehˇ jehˆ jehˆ-ehˇ ya jawˇ nmˇ.

Jaceuq 97:7

Miˬyehˇ dawˬ tawˆ luꞈ Sahˬpaˬ Miˬyehˇ mehˬ shi ya awˆ byaˆ-awˇ, tahˬ pahˬ aˬ ma mawˇ kawˇ-ahˇ uˬ duˬ kʼaˇ tahˬ-eu deuˬ, ya shaꞈ dawˇ dui dui meh.

Jaceuq 99:8

Ngaˬ-euˬ Miˬyehˇ pyeuꞈ-eu Sahˬpaˬ Miˬyehˇ-oˇ, nawˬ-euˬ tsawˇ haˬ deuˬ-euˬ shaˇ dawˬ-ahˇ nawˇ naˇ haˬ nehˬ-euˬ meh. Aˬ yawꞈ maꞈ-euˬ iˬ baˇ baˬ da neh kʼehˬ nehˬ kʼaˆ nehˬ taˬ-euˬ jaˆ kʼawꞈ, nawˇ iˬ baˇ pyehˬ-eu Miˬyehˇ pyeuꞈ-eu gaˇ kawˆ, aˬ yawꞈ maꞈ-ahˇ bi siˬ bi mawˇ-euˬ meh.

Dawqdaq 24:8

Nawˇ aˬ myah luꞈ yaw haiˬ jeˬ tehꞈ-ehˇ toˆ naˇ, miˇ kʼahˬ-ahˇ coeˬ-eu tsawˇ haˬ lehˇ aˬ cawˬ nawˬ-ahˇ myahˇ tehꞈ-a.

Dawqdaq 25:23

Laꞈ taˆ paw neh baw gʼeh leꞈ-eu jaˬ lehˇ uˬ yehˇ hehˇ ahˇ leꞈ-eu yaw duˬ baw-eu loꞈ-ehˇ, ja bu-eu jeˬ iˬ dehˬ iˬ ceh bi keuˆ le-eu yaw duˬ baw-eu meh.

Dawqdaq 30:17

Yawˬ ha aˬ da-ahˇ cehꞈ lehꞈ ka niˇ gʼa-awˇ, aˬ ma ma mawˬ-ahˇ maˬ haw nahˇ-eu tsawˇ haˬ-aˬ, jeˬ shiˇ kʼaˬ dzeˇ neh bi dzaˬ-awˇ, dzeˇ ngawˇ neh myaˆ nuiˆ bi keuꞈ doˆ-eu tsaˬ meh.

Dawqdaq 8:36

Ehˇ kʼawꞈ, ngaˬ-ahˇ maˬ mawˇ-euˬ tsawˇ haˬ-aˬ, yawˬ haˇ yawˬ ha laˆ shaˬ tehꞈ-a. Ngaˬ-ahˇ kʼaˇ bye-eu tsawˇ haˬ shiˇ-eu jeˬ-ahˇ gaˬ-eu meh.”

Dawˬ tsoˆ 7:29

Ngaˬ neh poˆ duˬ-euˬ gaˇ kawˆ uˬ dzah-aˬ, heu loꞈ-ehˇ ma. Miˬyehˇ neh aˬ dui-ahˇ beh taˬ-euˬ muiˬ dui jaˬ dui dui-eu meh. Ehˇ kʼawꞈ, aˬ dui yawˬ haˇ yawˬ ha dehꞈ bahˬ dehꞈ lahˇ-euˬ meh.”

Yeˬsaˬgeˬlaˇ 14:5

Tahˬ pahˬ aˬ ma mawˇ kawˇ kʼoeˇ deuˬ, Iˇsaˬleˬlaˆ tsawˇ haˬ deuˬ-ahˇ ngaˇ jawˇ gaˇ neh sheuˬ byoˆ gʼeh-euˬ meh. Ehˇ kʼawꞈ, aˬ yawꞈ maꞈ ngaˬ-ahˇ saˇ jaˇ paˇ ziꞈ kʼoꞈ laˇ tehꞈ-a lehˇ ngaˇ noeˬ tmˬ-euˬ ma.

Yeˬsaˬgeˬlaˇ 22:7

Meuˬ laꞈ kʼoeˇ jawˇ-eu tsawˇ haˬ tiˬ gʼaˬ-iˬ, yawˬ ha-euˬ aˬ ma aˬ da-ahˇ yaw zeu maˬ baw-a. Aˬ cawˬ tsawˇ jeuˬ-ahˇ nawˇ mehˇ shuiˇ shuiˇ dzaˬ-awˇ, miˬ coeˬ miˬ ma hawˇ-eu muˇ coe aˬ nmˇ deuˬ-ahˇ nawˇ yehˬ bawˬ-ehˇ gʼeh nehˬ-euˬ meh.

Bawˇtsahˬ 10:35

Dawˬ ma saˇ jaˇ Bahˬ keuˆkʼoeˇ kʼaˇ baꞈ luˆ gʼeh ngeh, “Sahˬpaˬ Miˬyehˇ-oˇ, tuˇ-awˬ. Nawˬ-ahˇ muiˇ-eu deuˬ-ahˇ teh byaˆ-awˇ, nawˬ-ahˇ bye-eu deuˬ bi cehˆ byoˆ jiˇ-awˬ” lehˇ Moˇseˬ ehˇ-eu meh.

Maꞈtehˬ 15:4

‘Nawˬ da nawˬ ma-ahˇ yaw zeu ya baw meh’ lehˇ hawˇ-eu, ‘Yawˬ ha-euˬ aˬ da aˬ ma-ahˇ yaˬ kʼehˇ yaˬ-eu tsawˇ haˬ, sehꞈ gaˇ ya daˬ tehꞈ-a’ lehˇ, Miˬyehˇ neh ehˇ taˬ-euˬ jaˆ-eu meh.

Maꞈtehˬ 16:21

Kʼoeˇ ngeh nah neh aˇ dahˬ beh-awˇ, zaˬ lahˇ deuˬ-ahˇ Yeˬsuˇ heu loꞈ-ehˇ bya cehˆ ni ehˇ nehˬ-euˬ meh. “Yeˬluˇsaˬlehˬ meuˬ-ahˇ ngaˇ le-awˇ, aˬ yuiꞈ aˬ tsu deuˬ, piˇ ma aˬ yuiꞈ deuˬ hawˇ-eu, Zahˇ dawˬ kʼoꞈ dawˬ mehˬ-eu saˬ laˬ deuˬ, ngaˬ-ahˇ gʼawˬ mya jeˬ jahˇ nehˬ laꞈ gaˇ ya daˬ dui dui-eu yaw duˬ baw meh. Aˬ cawˬ ngaˬ-ahˇ sehꞈ tehꞈ-a. Ehˇ kʼawꞈ, smˬ nah byah laˇ naˇ, Miˬyehˇ ngaˬ-ahˇ paˇ bi gʼoꞈ dehꞈ laˇ tehꞈ-a.”

Luˇkaꞈ 21:16

Naw maꞈ-euˬ aˬ da aˬ ma, mehˇ nmˇ, aˬ yuiꞈ aˬ nyiˇ hawˇ-eu cawˬ deuˬ neh, naw maꞈ-ahˇ aˬ cawˬ-euˬ aˬ laꞈ laꞈ kʼoeˇ bi a nehˬ gaˇ keuˆ-awˇ, tiˬ paˆ na deuˬ-aˬ, sehꞈ gaˇ keuˆ ni ya daˬ tehꞈ-a.

Yoˇhaˬ 7:7

Miˇ tsaˬ zaˬ deuˬ nawˬ ha mehˇ nmˇ-ahˇ muiˇ-eu gaˇ kawˆ maˬ jaˆ-a. Ehˇ kʼawꞈ, ngaˬ-ahˇ muiˇ meh. Aˬ jeˬ miˇ neh ehˇ naˇ, aˬ yawꞈ maꞈ-euˬ dehꞈ jeˬ dehꞈ kawˆ maˬ muiˬ gaˇ ngaˇ maˬ tsehˆ leˇ ni ehˇ luꞈ-eu miˇ neh meh.

Gʼaˬkʼehˇ 5:36

Aˇ hu Tuˇdaˆ lehˇ kuˇ-euˬ tiˬ gʼaˬ doˆ le-euˬ naw maꞈ siˬ luꞈ meh. Aˬ yawˇ yawꞈ yaw huiˬ tiˬ gʼaˬ ma lehˇ ehˇ-awˇ, tsawˇ haˬ oeˬ yaˇ gʼaˬ byah ni aˬ yawꞈ nehˬ-ehˇ gm leˇ-euˬ meh. Ehˇ kʼawꞈ, aˬ yawꞈ-ahˇ sehꞈ ngeh, aˬ yawꞈ mehˬ nah caw teh-euˬ deuˬ cehˆ piˬ cehˆ byoˆ jiˇ-awˇ, gaˇ kawˆ kʼoeˇ hmˬ coꞈ-iˇ-euˬ meh.

Lormav 2:17

Nawˬ-euˬ gaˇ kawˆ aˬ joˆ-ehˇ ehˇ paˬ nga. Nawˇ Yuˇdaˆ tsawˇ haˬ ma lehˇ nawˇ yawˬ haˇ yawˬ ha ehˇ-eu meh. Zahˇ dawˬ kʼoꞈ dawˬ-ahˇ gʼoe luꞈ-awˇ, Miˬyehˇ-euˬ tsawˇ haˬ ma lehˇ kʼahˬ sehˇ jehˆ-eu meh.

Lormav 2:23

Nawˇ Miˬyehˇ-euˬ zahˇ dawˬ kʼoꞈ dawˬ jaˆ ma lehˇ kʼahˬ sehˇ jehˆ-eu kʼawꞈ, zahˇ dawˬ kʼoꞈ dawˬ-ahˇ mˇ bahˬ mˇ bahˬ-ehˇ, Miˬyehˇ-euˬ myaˆ pyawˬ naˇ mehˇ cawˆ ni jahˇ luꞈ te loˇ.

Lormav 3:27

Toˆ-ehˇ ngeuˇ naˇ, aˬ dui nui ma huiˬ kʼaˇ aˬ gaˇ paˇ za ta. Tiˬ gaˇ-iˬ maˬ paˇ za meh. Aˬ jeˬ miˇ neh ehˇ naˇ, Zahˇ dawˬ kʼoꞈ dawˬ mehˬ nah caw teh-eu baˬ da neh Miˬyehˇ-ahˇ tsaˬ leˇ tsahˇ leˇ-eu tsawˇ haˬ pyeuꞈ laˇ nya-eu maˬ ngeuˇ-a. Jah-eu baˬ da neh tehꞈ-ehˇ pyeuꞈ laˇ nya-eu meh.

2 Gawˇliˬtu 10:15

Kʼoeˇ miˇ neh, nga maꞈ-ahˇ bi mˇ laꞈ-euˬ taꞈ-ehˇ aˬ cawˬ mˇ dzehˬ gʼeh-eu gaˇ nga maꞈ kʼahˬ sehˇ maˬ jehˆ. Nga maꞈ-aˬ, naw maꞈ-euˬ jah-eu jeˬ huiˬ laˇ mahˇ laˇ gaˇ noeˬ tmˬ-awˇ, Miˬyehˇ neh bi mˇ laꞈ-euˬ laꞈ kʼoeˇ tehꞈ-ehˇ naw maꞈ jawˇ gaˇ kʼoeˇ naˆ maˬ tseˇ huiˬ-eu gaˇ deuˬ-ahˇ ya mˇ gaˇ noeˬ tmˬ-eu ma.

2 Gawˇliˬtu 12:20

Ngaˇ naw maꞈ jawˇ gaˇ oe keuˆ ngeh, ngaˇ bi dehꞈ mawꞈ-eu loꞈ-ehˇ naw maꞈ maˬ dehꞈ-ehˇ, naw maꞈ bi dehꞈ mawꞈ-eu loꞈ-ehˇ ngaˇ maˬ dehꞈ ni pyeuꞈ-iˇ gaˇ kʼahˬ lahˇ miˇ-a. Iˬ dehˬ iˬ ceh doˆ-eu, tiˬ gʼaˬ tiˇ gʼaˬ myaˆ naˆ-eu, nui ma pehˇ-eu, yawˬ ha gʼaˇ duˬ tehꞈ-ehˇ toˆ-eu, aˬ cawˬ-ahˇ dawˬ doeˇ ngehˬ daˆ-eu, aˬ cawˬ gaˇ kawˆ ja bu ja doeˇ-eu, nui ma huiˬ-eu mahˇ-eu, aˇ muˇ muˇ-awˇ suˬ saˬ-eu laꞈ kʼoeˇ lawꞈ gʼa-eu, heu deuˬ-ahˇ ya mawˇ-eu baw le lehˇ ngaˇ kʼahˬ lahˇ miˇ-a.

Dawˬmehˬ 27:16

“ ‘Yawˬ ha-euˬ aˬ da aˬ ma-ahˇ yaw zeu maˬ baw-eu tsawˇ haˬ kʼoeˇ taˆ Miˬyehˇ-euˬ yaˬ kʼehˇ yaˬ-eu jeˬ keuˆ le luꞈ-uˇ’ lehˇ, Leˬbiˇ tsawˇ haˬ deuˬ ya ehˇ meh. “Kʼoeˇ ngeh, tsawˇ haˬ dawˬ tawˆ luꞈ, ‘Aˬ meˬ’ lehˇ ya ehˇ kʼoꞈ meh.

Dawˬmehˬ 7:10

Ehˇ kʼawꞈ, aˬ yawꞈ-ahˇ bye-eu tsawˇ haˬ-ahˇ aˬ yawꞈ maˬ nyi naˬ ni kʼehˬ nehˬ kʼaˆ nehˬ tehꞈ-a.

2 Teˇsaˬloˇni 2:4

Tsawˇ haˬ zaˬ uˬ duˬ kʼaˇ tahˬ-eu yaw sahˇ hawˇ-eu miˬ yehˇ deuˬ-ahˇ aˬ yawꞈ muiˇ-awˇ, kʼoeˇ deuˬ dawˬ tawˆ luꞈ kʼoeˇ taˆ aˬ yawꞈ huiˬ dzehˬ-eu geuꞈ tehꞈ-a. Miˬyehˇ-euˬ Uˬ duˬ tahˬ nymˇ nymˇ ma-ahˇ keuˆ ni aˬ yawꞈ uˇ leˇ-awˇ nuiˇ-eu laꞈ kʼoeˇ, yawˬ haˇ yawˬ ha Miˬyehˇ tsaˬ geuꞈ tehꞈ-a.

2 Tiˆmoˇseˬ 3:2

Tsawˇ haˬ zaˬ deuˬ-aˬ, yawˬ ha gʼaˇ duˬ tehꞈ-ehˇ shaˇ noe-eu, pyuˇ-ahˇ mehˇ juiˇ juiˇ-eu, kʼahˬ sehˇ jehˆ-eu, nui ma huiˬ-eu mahˇ-eu, aˬ cawˬ-ahˇ yehˬ bawˬ sehˇ lu-ehˇ ehˇ-eu, aˬ da aˬ ma-euˬ ehˇ dawˬ maˬ naˇ haˬ-eu, guiˬ lahˬ-ahˇ maˬ siˬ nya-eu, uˬ duˬ tahˬ-eu zahˇ sahˇ kʼoꞈ-ahˇ maˬ taˬ huiˬ-eu,

Tiˇtuˆ 3:3

Aˬ jeˬ miˇ neh ehˇ naˇ, aˬ dui kʼawꞈ dzeuˇ laˇ ngeh aˬ dzawˬ aˇ gah gah-awˇ, ehˇ dawˬ maˬ naˇ haˬ-euˬ uˬ taꞈ, yaw lehˬ yaw ca jeˬ-ahˇ mˇ-euˬ ma. Shiˬ shaˬ jiˇ-euˬ nui noeˬ nui loˆ hawˇ-eu byawˬ gʼa mo gʼa-eu gʼawˬ mya jeˬ-euˬ zaˬ kʼaˆ geuꞈ dzeuˇ yaꞈ-euˬ ma. Aˬ cawˬ-ahˇ myaˆ naˆ-euˬ uˬ taꞈ, coeˬ-eu ciˆ-eu jeˬ mˇ dzeuˇ yaꞈ-euˬ tsawˇ haˬ deuˬ pyeuꞈ-eu ma. Aˬ cawˬ aˬ dui-ahˇ bye-awˇ, aˬ dui kʼawꞈ aˬ cawˬ-ahˇ bye-euˬ ma.

Yaˬkoˆ 3:5

Kʼoeˇ gaˇ duˇ ni, mehˬ laˇ-aˬ, nyiˇ dui dui kʼawꞈ, huiˬ dui dui-eu gaˇ kawˆ deuˬ-ahˇ kʼahˬ sehˇ jehˆ nya-eu meh. Huiˬ dui dui-eu aˇ bawˇ sahˬ kʼaˆ kʼaˆ ma-ahˇ miˬ dzaˬ miˬ dzuiꞈ tiˬ dzuiꞈ neh bi puiˆ dzeh nya gaˇ shaˇ noeˬ haw sheˇ.

Yaˬkoˆ 4:16

Ehˇ kʼawꞈ, nymˬ-mˇ naw maꞈ nui ma huiˬ-awˇ kʼahˬ sehˇ jehˆ-eu meh. Teu loꞈ-ehˇ kʼahˬ sehˇ kʼaˇ jehˆ-eu dawˬ tawˆ luꞈ yaw lehˬ meh.

2 Beˬtuˆluˆ 2:18

Aˬ yawꞈ maꞈ aˬ dzawˬ aˇ gah-euˬ dawˬ ngehˬ-awˇ kʼahˬ sehˇ jehˆ-eu laꞈ kʼoeˇ, yaw lehˬ jeˬ mˇ mˇ-ehˇ dehꞈ-eu tsawˇ haˬ deuˬ-euˬ baꞈ dzah laꞈ kʼoeˇ dzeuˇ-iˇ ni leh jeh dahˬ beh luꞈ-eu tsawˇ haˬ deuˬ-ahˇ, shiˬ shaˬ jiˇ-euˬ nui kʼahˇ mˇ-eu jeˬ-ahˇ gʼoe-awˇ lahˇ ju kʼmˇ-eu meh.

Yuˇdaˆ 1:16

Tsawˇ haˬ kʼoeˇ deuˬ-aˬ, aˬ myah luꞈ aˬ cawˬ-ahˇ toˇ toˇ-ehˇ iˬ baˇ taˬ-eu meh. Yawˬ ha-euˬ maˬ muiˬ maˬ jaˬ-eu nui kʼahˇ mehˬ nah caw teh-eu meh. Yawˬ ha-euˬ gaˇ kawˆ kʼahˬ sehˇ jehˆ-awˇ, yawˬ ha-ahˇ muiˬ laˇ ni aˬ cawˬ-ahˇ ja poeˬ nehˬ nya-eu meh.