Lormav 1:28 - Akha

²⁸ Miˬyehˇ gaˇ kawˆ dawˇ coe ni siˬ nya taˬ paˬ-ehˇ gʼeh-eu jeˬ-ahˇ aˬ yawꞈ maꞈ maˬ shaˇ noeˬ-eu baˬ da neh, aˬ yawꞈ maꞈ maˬ mˇ kʼmˬ-eu jeˬ mˇ ni, bahˬ dui jawꞈ dui dui-eu jeˬ mˇ-eu nui ma jaˆ gaˇ, Miˬyehˇ neh aˬ yawꞈ maꞈ-ahˇ a dzeh nehˬ-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²⁸ Aqyawfmaf dirdaq-aer Miqyaer-anr maq siqnya mawf-eu lof-aer, maq noeqsiq maq noeqmawr nya-eu nuima bi anrlar-awr, maqtsaq-eu jeq mrni, Miqyaer, aqyawf maf-anr pyaeqnaeq-euq mae.

Lormav 1:28 ပူးပေါင်းရင်းမြစ်များ

Aˇ dahˬ 6:5

Miˇ tsaˬ kʼoeˇ taˆ jawˇ-eu tsawˇ haˬ zaˬ yawˬ gʼaˬ na luꞈ, maˬ tsaˬ maˬ dawˇ-eu jeˬ tehꞈ-ehˇ mˇ-awˇ, aˬ myah luꞈ maˬ muiˬ maˬ jaˬ-eu gaˇ kawˆ tehꞈ-ehˇ shaˇ noeˬ luꞈ gaˇ Sahˬpaˬ Miˬyehˇ ya mawˇ-euˬ meh.

2 Saˬmeuˬlaˆ 22:27

Nui ma shawˇ-eu tsawˇ haˬ deuˬ-ahˇ, nawˬ-euˬ yaw shawˇ nawˇ bi mawˇ-awˇ, nui ma gʼoꞈ-eu tsawˇ haˬ deuˬ-ahˇ, nawˬ-euˬ nui jaˆ mehˬ nehˬ-eu meh.

Jaceuq 69:27

Aˬ yawꞈ maꞈ-ahˇ kʼehˬ nehˬ-eu uˬ taꞈ-ehˇ paˇ kʼehˬ nehˬ-awˇ, nawˬ-euˬ ka kʼoꞈ-eu jeˬ laꞈ kʼoeˇ aˬ yawꞈ maꞈ-ahˇ taˬ sawˇ ahˇ.

Dawqdaq 1:22

“Aˬ dzawˬ deuˬ-oˇ, aˇ myah keuˆ ni dzawˬ-eu gʼeh te. Aˇ gah deuˬ-oˇ, aˇ myah keuˆ ni gah-eu gʼeh te. Aˇ myah keuˆ ni zaˬ siˬ tsawˇ gahˇ-ahˇ ja bu-eu gʼeh te.

Dawqdaq 1:29

Zaˬ siˬ tsawˇ gahˇ-ahˇ naw maꞈ bye-awˇ, Sahˬpaˬ Miˬyehˇ-ahˇ guˆ-eu jeˬ-ahˇ maˬ tseˇ geuꞈ-eu uˬ taꞈ,

Dawqdaq 1:7

Sahˬpaˬ Miˬyehˇ-ahˇ guˆ-eu jeˬ-aˬ, zaˬ siˬ tsawˇ gahˇ-euˬ duˬ ciˇ meh. Zaˬ siˬ tsawˇ gahˇ hawˇ-eu dawˬ mehˬ dawˬ tsoˆ-ahˇ bye-eu deuˬ-aˬ, aˬ dzawˬ aˇ gah meh.

Dawqdaq 17:16

Nui ma-ahˇ maˬ noeˬ-eu aˬ dzawˬ aˇ gah deuˬ, zaˬ siˬ tsawˇ gahˇ poˆ-eu pyuˇ laˆ jiˇ kʼawꞈ, tiˬ jeˬ-iˬ gaˇ dahˇ maˬ tsoeˬ-a.

Yeˬlaˬmiˇ 4:22

Sahˬpaˬ Miˬyehˇ ehˇ-eu, “Ngaˬ-euˬ tsawˇ haˬ dzawˬ dui dui-awˇ ngaˬ-ahˇ maˬ siˬ nya-a. Naˬ lehˬ lehˬ-eu zaˬ-ahˇ duˇ leˇ-awˇ, noeˬ siˬ-eu jeˬ tiˬ pawꞈ-iˬ maˬ ahˇ-a. Yaw haiˬ mˇ-eu nya suˇ suˇ-awˇ, yaw muiˬ mˇ-eu maˬ kʼoˆ tsehˆ-a.”

Yeˬlaˬmiˇ 6:30

Sahˬpaˬ Miˬyehˇ pyeuꞈ-eu ngaˇ byehˇ dzeh-euˬ miˇ neh, gaˇ dahˇ maˬ tsoeˬ-eu shmˇ shmˇ keˬ meh lehˇ aˬ yawꞈ maꞈ-ahˇ ya kuˇ tehꞈ-a.

Yeˬlaˬmiˇ 9:6

Kʼehˬ-eu kʼoeˇ taˆ kʼaˆ-eu jeˬ baꞈ bymˇ-awˇ, jaˬ myawꞈ kʼoeˇ taˆ mehˇ shuiˇ geu daˆ-eu meh. “Aˬ yawꞈ maꞈ ngaˬ-ahˇ maˬ haw nahˇ-a” lehˇ, Sahˬpaˬ Miˬyehˇ ehˇ luꞈ-eu meh.

Yeˬsaˬgeˬlaˇ 14:5

Tahˬ pahˬ aˬ ma mawˇ kawˇ kʼoeˇ deuˬ, Iˇsaˬleˬlaˆ tsawˇ haˬ deuˬ-ahˇ ngaˇ jawˇ gaˇ neh sheuˬ byoˆ gʼeh-euˬ meh. Ehˇ kʼawꞈ, aˬ yawꞈ maꞈ ngaˬ-ahˇ saˇ jaˇ paˇ ziꞈ kʼoꞈ laˇ tehꞈ-a lehˇ ngaˇ noeˬ tmˬ-euˬ ma.

Yeˬsaˬgeˬlaˇ 20:25

“Kʼoeˇ naˇ, maˬ muiˬ-eu zahˇ dawˬ kʼoꞈ dawˬ hawˇ-eu, yaw dehꞈ maˬ bi dehꞈ-eu dawˬ deuˬ, aˬ yawꞈ maꞈ-ahˇ ngaˇ biꞈ-euˬ ma.

Hawˇseˬ 4:6

Ngaˬ-euˬ tsawˇ jeuˬ cawˆ-iˇ-euˬ-aˬ, ngaˬ-ahˇ siˬ nya gaˇ taꞈ leˇ-eu tsawˇ gahˇ teˬ-eu baˬ da neh meh. Naw maꞈ piˇ ma geuꞈ-eu deuˬ-aˬ, ngaˬ neh mehˬ-euˬ dawˬ deuˬ pyeuꞈ-eu, tsawˇ gahˇ-ahˇ byehˇ dzeh-euˬ miˇ neh, ngaˬ-euˬ piˇ ma maˬ paˇ ngeuˇ meh. Miˬyehˇ-euˬ zahˇ dawˬ kʼoꞈ dawˬ-ahˇ, naw maꞈ byehˇ dzeh-euˬ baˬ da neh, naw maꞈ-euˬ zaˬ deuˬ uˆ deuˬ-ahˇ, ngaˇ maˬ haw cawˬ ni byehˇ dzeh ma.

Gʼaˬkʼehˇ 17:23

Aˬ jeˬ miˇ neh ehˇ naˇ, meuˬ heu meuˬ doe ni ngaˇ cah-awˇ naw maꞈ uˬ duˬ tahˬ-eu jawˇ duˬ deuˬ-ahˇ haw ngeh, ‘Nga maꞈ maˬ siˬ nya-eu Miˬyehˇ tiˬ gʼaˬ-euˬ gʼaˇ duˬ’ lehˇ boꞈ myahˬ taˬ-euˬ lawˇ duˬ tiˬ tsahˇ mawˇ-euˬ ma. Naw maꞈ maˬ siˬ nya kʼawꞈ uˬ duˬ tahˬ luꞈ-eu kʼoeˇ-aˬ, nymˬ-mˇ ngaˇ naw maꞈ-ahˇ ja mehˬ le-euˬ heu meh.

Gʼaˬkʼehˇ 17:32

Shiˇ-euˬ tsawˇ haˬ-ahˇ paˇ bi gʼoꞈ dehꞈ laˇ-eu gaˇ kawˆ Pawˇluˆ ehˇ gaˇ ya gaˬ ngeh, tsawˇ haˬ tiˬ paˆ na deuˬ aˬ yawꞈ-ahˇ yehˬ bawˬ sehˇ lu-ehˇ ehˇ niˇ gʼa-awˇ uiˇ-eu meh. Ehˇ kʼawꞈ, tiˬ paˆ na deuˬ-aˬ, “Gaˇ kawˆ teu nawˇ ja gaˇ tiˬ poˆ paˇ naˇ haˬ mawꞈ nya siˬ” lehˇ ehˇ-eu meh.

Lormav 1:18

Yaw tsaˬ yaw dawˇ jeˬ-ahˇ aˬ cawˬ maˬ mawˇ nya ni laˆ tsoeˬ-eu tsawˇ haˬ zaˬ-euˬ iˬ baˇ hawˇ-eu yaw haiˬ jeˬ mˇ gaˇ, Miˬyehˇ nui ma pehˇ-eu laꞈ kʼoeˇ tsawˇ haˬ zaˬ-ahˇ yaˇ kʼaˬ daˇ-eu gaˇ kawˆ, mˬ-ahˇ neh pah mehˬ leꞈ-euˬ meh.

Lormav 1:21

Aˬ yawꞈ maꞈ Miˬyehˇ-ahˇ siˬ nya-eu kʼawꞈ, taˬ huiˬ taˬ mahˇ nehˬ geuˇ-eu loꞈ-ehˇ maˬ taˬ huiˬ maˬ taˬ mahˇ-eu uˬ taꞈ, aˬ yawꞈ-euˬ guiˬ lahˬ-ahˇ maˬ siˬ nya-a. Aˬ yawꞈ maꞈ tiˬ jeˬ-iˬ maˬ noeˬ doˆ nya-ehˇ, nui ma kʼehˬ bahˬ zahˇ tsui ni jaˆ-eu meh.

Lormav 1:24

Kʼoeˇ miˇ neh, Miˬyehˇ neh tsawˇ haˬ kʼoeˇ deuˬ-ahˇ aˬ yawꞈ maꞈ nui kʼahˇ jaˆ-eu jawꞈ dui dui-eu jeˬ laꞈ kʼoeˇ a dzeh nehˬ-awˇ, aˬ yawꞈ maꞈ tiˬ gʼaˬ tiˇ gʼaˬ shaꞈ dawˇ dui dui paˬ-ehˇ gʼeh-eu jeˬ mˇ taꞈ-eu meh.

Lormav 1:26

Aˬ yawꞈ maꞈ kʼoeˇ loꞈ-ehˇ dehꞈ-eu baˬ da neh, shaꞈ dawˇ dui dui paˬ-ehˇ gʼeh-eu kʼaˬ miˬ sheu-eu jeˬ laꞈ kʼoeˇ, Miˬyehˇ neh aˬ yawꞈ maꞈ-ahˇ a dzeh nehˬ-euˬ meh. Zaˬ miˬ zaˬ deuˬ-ahˇ keuˆ ni, zaˬ miˬ zaˬ cawˬ cawˬ kʼaˬ miˬ sheu taꞈ gaˇ dehꞈ keuˆ-euˬ meh.

1 Gawˇliˬtu 15:34

Yaw tsaˬ yaw dawˇ jawˇ paw gʼoꞈ kʼoꞈ laˇ-awˇ, iˬ baˇ maˬ mˇ ni byehˇ-awˬ. Naw maꞈ tiˬ paˆ na deuˬ Miˬyehˇ-ahˇ maˬ siˬ nya nga lehˇ, naw maꞈ bi shaꞈ dawˇ ni ngaˇ ehˇ-eu ma.

2 Gawˇliˬtu 10:5

Miˬyehˇ-ahˇ siˬ nya-eu jeˬ-ahˇ kʼaˇ laˆ tsoeˬ-eu nui ma huiˬ-eu mahˇ-eu jeˬ-ahˇ nga maꞈ gʼeu ka-eu ma. Nui noeˬ yawˬ hmˬ na luꞈ-ahˇ nga maꞈ paꞈ cuꞈ-awˇ, Ka li-euˬ ehˇ dawˬ bi naˇ haˬ-eu ma.

Eˇpeˇsu 5:4

Jawꞈ dui dui-eu dawˬ, gaˇ dahˇ maˬ tsoeˬ-eu dawˬ hawˇ-eu, yaw jawꞈ jeˬ gaˇ kawˆ cehꞈ lehꞈ ka niˇ gʼa-eu dawˬ heu deuˬ-ahˇ naw maꞈ tiˬ pawꞈ-iˬ ngehˬ-eu maˬ tsaˬ-a.

2 Teˇsaˬloˇni 1:8

Miˬyehˇ-ahˇ Miˬyehˇ meh lehˇ maˬ sawˇ-ehˇ, aˬ dui-euˬ Sahˬpaˬ Yeˬsuˇ Ka li-euˬ Laˬ kʼaˬ cehˇ-eu Guiˬ lahˬ dawˬ-ahˇ maˬ naˇ haˬ geuꞈ-eu tsawˇ haˬ deuˬ-ahˇ kʼehˬ-eu gʼaˇ duˬ Sahˬpaˬ Yeˬsuˇ oe ngeh, miˬ dzaˬ miˬ lmˇ hehˇ leꞈ tehꞈ-a.

2 Tiˆmoˇseˬ 3:8

Yaˬneˬ hawˇ-eu Yaˬbeˬ aˬ nyaꞈ Moˇseˬ mehˬ gaˇ maˬ naˇ haˬ geuꞈ-euˬ loꞈ-ehˇ, tsawˇ haˬ kʼoeˇ deuˬ yaw tsaˬ yaw dawˇ jeˬ-ahˇ maˬ ha geuꞈ-a. Aˬ yawꞈ maꞈ-euˬ shaˇ noeˬ nya-eu nui ma gaˇ maˬ mˇ ni naˬ leˇ jiˇ-awˇ, jah-eu jeˬ-ahˇ smˬ-iˇ-euˬ tsawˇ haˬ pyeuꞈ-eu meh.

Tiˇtuˆ 1:16

Aˬ yawꞈ maꞈ Miˬyehˇ-ahˇ siˬ nya ma lehˇ ehˇ-eu kʼawꞈ, aˬ yawꞈ maꞈ mˇ-eu shaˇ-eu kʼoeˇ loꞈ-ehˇ maˬ ngeuˇ-a. Aˬ yawꞈ maꞈ-aˬ, bye dui dui laˇ paˬ-ehˇ gʼeh-eu, ehˇ dawˬ maˬ naˇ haˬ-eu tsawˇ haˬ deuˬ pyeuꞈ-awˇ, yaw muiˬ jeˬ mˇ-eu tiˬ pawꞈ-iˬ maˬ geuˇ-a.

Piˇleˇmoˬ 1:8

Miˬyehˇ-euˬ tsawˇ haˬ deuˬ-ahˇ nawˇ kʼoeˇ loꞈ-ehˇ gaˬ-eu miˇ neh, Ka li laꞈ kʼoeˇ ngaˇ nawˬ-euˬ aˇ doˆ pyeuꞈ-eu loꞈ-ehˇ, mˇ paˬ-ehˇ gʼeh-eu jeˬ-ahˇ nawˇ mˇ-eu gʼaˇ duˬ, kʼaˬ duˬ ni dawˬ biꞈ nya-eu tsawˇ haˬ ma.

2 Beˬtuˆluˆ 3:5

Aˇ hu ba Miˬyehˇ dawˬ biꞈ-awˇ mˬ hawˇ-eu miˇ-ahˇ beh-euˬ gaˇ kawˆ maˬ ehˇ, iˇ cuꞈ laꞈ kʼoeˇ neh miˇ tsaˬ heu-ahˇ beh doˆ-awˇ, iˇ cuꞈ-ahˇ gʼoe-awˇ miˇ tsaˬ tahˬ kʼawˇ heu bi pyeuꞈ doˆ laˇ-euˬ gaˇ kawˆ maˬ ehˇ, aˬ yawꞈ maꞈ diˇ daˬ-ehˇ maˬ siˬ nya-eu jahˇ geuꞈ-eu meh.