Lormav 1:27 - Akha

²⁷ Kʼoeˇ loꞈ-ehˇ duˇ ni, kʼaˬ dzeˇ zaˬ deuˬ kʼawꞈ, zaˬ miˬ zaˬ deuˬ-ahˇ nui kʼahˇ maˬ jaˆ-ehˇ, kʼaˬ dzeˇ zaˬ cawˬ cawˬ kʼaˬ miˬ sheu taꞈ mawꞈ-eu nui kʼahˇ-ahˇ maˬ gʼaˬ leˇ ni pyeuꞈ laˇ taˬ-euˬ meh. Kʼaˬ dzeˇ zaˬ cawˬ cawˬ shaꞈ dawˇ dui dui paˬ-ehˇ gʼeh-eu jeˬ jahˇ-eu laꞈ kʼoeˇ, aˬ yawꞈ maꞈ kʼoeˇ taˆ oꞈ-eu geuˇ-eu kʼehˬ-eu kʼaˆ-eu jeˬ keuˆ le ni yawˬ haˇ yawˬ ha mˇ-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²⁷ Zaqyo aqli deuq khawf, khoerlof-aer mrluf-eu mae. Zaqmiq aqbur naeq-aer yuftafni baetaq-euq jeq, khoer-anr byaer-awr zaqyo aqli yawkaq khaqmiq sheutaf mawf-eu nuikhanr anr duidui-awr, zaqyo aqli yawkaq tiqghaq tirghaq shafdawr duidui paq-aer ghae-eu jeq janr-eu mirnae, aqyawf maf-euq yawlaeq-anr geuxni, aqyawf maf-euq mawrdo yadaq-eu mae.

Lormav 1:27 ပူးပေါင်းရင်းမြစ်များ

Uˬ duˬ 18:22

Kʼaˬ dzeˇ zaˬ cawˬ cawˬ maˬ ya yuꞈ taꞈ-a. Kʼoeˇ loꞈ-ehˇ jahˇ gaˇ Miˬyehˇ maˬ haw nahˇ-a.

Uˬ duˬ 20:13

Kʼaˬ dzeˇ zaˬ tiˬ gʼaˬ kʼaˬ dzeˇ zaˬ yawˬ gʼaˬ yawˬ nehˬ-ehˇ joe naˇ, jawꞈ dui dui-eu jeˬ mˇ-euˬ miˇ neh, nyiˬ gʼaˬ luꞈ sehꞈ nehˬ gaˇ ya daˬ tehꞈ-a. Aˬ yawꞈ nyaꞈ-aˬ, yawˬ haˇ yawˬ ha ya shiˇ ni mˇ-euˬ meh.

1 Gawˇliˬtu 6:9

Maˬ tsaˬ maˬ dawˇ-eu tsawˇ haˬ Miˬyehˇ Miˇkʼahˬ laꞈ kʼoeˇ maˬ ya uˇ leˇ-a lehˇ naw maꞈ siˬ duˬ luꞈ meh. Naw maꞈ taˬ noeˬ lehˬ. Aˬ cawˬ nehˬ-ehˇ joe-eu tsawˇ haˬ, tahˬ pahˬ aˬ ma mawˇ kawˇ-ahˇ uˬ duˬ tahˬ-eu tsawˇ haˬ, aˬ cawˬ-euˬ miˬ zaˬ yo zaˬ-ahˇ bahˬ-eu tsawˇ haˬ, kʼaˬ dzeˇ zaˬ cawˬ cawˬ kʼaˬ miˬ sheu-eu tsawˇ haˬ,

Yuˇdaˆ 1:7

Sawˇdoˬ meuˬ, Gawˇmawˇlaˆ meuˬ hawˇ-eu dawˬ peh jaˆ-eu meuˬ kʼoeˇ deuˬ-euˬ gaˇ kawˆ shaˇ noeˬ haw sheˇ. Kʼoeˇ gaˇ jawˇ-euˬ tsawˇ haˬ kʼoeˇ deuˬ mˬ taˆ gʼaˬ kʼehˇ kʼoeˇ deuˬ loꞈ-ehˇ dehꞈ-awˇ, maˬ tsaˬ maˬ dawˇ-eu laꞈ kʼoeˇ kʼaˬ miˬ sheu-eu jeˬ hawˇ-eu bahˬ dui jawꞈ dui dui-eu jeˬ mˇ-euˬ meh. Tsawˇ haˬ zaˬ dawˬ tawˆ luꞈ-ahˇ bi siˬ leˇ-eu gʼaˇ duˬ, mˬ maˬ maˬ byaˆ zaˇ ziˇ miˬ dzaˬ neh aˬ yawꞈ maꞈ-ahˇ kʼehˬ nehˬ kʼaˆ nehˬ-euˬ meh.