Lormav 1:15 - Akha

¹⁵ Kʼoeˇ miˇ neh, naw maꞈ Loˇmaˆ meuˬ-ahˇ jawˇ-eu tsawˇ haˬ deuˬ-ahˇ kʼawꞈ, ngaˇ dawˬ mehˬ mehˬ mawꞈ dui dui-eu ma.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁵ Khoermirnae, ngar nuima keuv-eu lof-aer, Lormav meuq-anr jawr-eu nawmaf-anr khawf, guiqlanqdawq maeq-eu laer laeqhmqdan taq-euq ma.

Lormav 1:15 ပူးပေါင်းရင်းမြစ်များ

1 Sahˬpaˬ 8:18

Ehˇ kʼawꞈ, Sahˬpaˬ Miˬyehˇ aˬ yawꞈ-ahˇ ehˇ nehˬ-euˬ, ‘Ngaˬ-euˬ gʼaˇ duˬ nawˇ uˬ duˬ tahˬ nymˇ tiˬ nymˇ tsoˆ mawꞈ-eu-aˬ muiˬ meh.

Iˇsaˬyaˇ 6:8

Kʼoeˇ ngeh, “Aˬ suˇ gʼaˬ-ahˇ pyehˬ gʼeh nmˇ. Aˬ suˇ gʼaˬ aˬ dui gʼaˇ duˬ ngehˬ dah-iˇ nmˇ” lehˇ Sahˬpaˬ Miˬyehˇ ehˇ-eu ngaˇ ya gaˬ-awˇ, “Ngaˇ iˇ ma. Ngaˬ-ahˇ pyehˬ gʼeh-awˬ” lehˇ ehˇ kʼoꞈ nehˬ-euˬ ma.

Maꞈtehˬ 9:38

Kʼoeˇ miˇ neh, aˬ yawꞈ-euˬ cehˇ yehˬ duˬ-ahˇ cehˇ yehˬ zaˬ deuˬ gʼawˬ mya ni bi oe-eu gʼaˇ duˬ, Yaw sahˇ gʼaˬ-ahˇ guiˬ lahˬ shaˇ-awˬ.”

Maˬkuˆ 14:8

Zaˬ miˬ zaˬ heu gʼaˬ aˬ yawꞈ kʼaˇ gʼeh nya-eu loꞈ-ehˇ mˇ-euˬ meh. Ngaˬ-ahˇ baꞈ pahˬ-eu aˇ yamˬ maˬ keuˆ laˇ mi naˆ-ehˇ, ngaˬ-euˬ gʼawˇ mawˇ-ahˇ tsiˇ yaw saw jeˬ shehˆ daˆ-awˇ, baꞈ pahˬ-eu gʼaˇ duˬ laˆ saˆ nehˬ laꞈ-euˬ meh.

Yoˇhaˬ 4:34

Yeˬsuˇ aˬ yawꞈ maꞈ-ahˇ ehˇ nehˬ-eu, “Ngaˬ-euˬ dzaˇ-aˬ, ngaˬ-ahˇ kʼehˇ gʼeh leꞈ-euˬ gʼaˬ-euˬ ehˇ dawˬ naˇ haˬ-awˇ aˬ yawꞈ neh bi mˇ laꞈ-euˬ gaˇ-ahˇ mˇ jiˇ-eu jeˬ pyeuꞈ-eu ma.

Gʼaˬkʼehˇ 21:13

Ehˇ kʼawꞈ, aˬ yawꞈ ehˇ-eu, “Aˬ jeˬ miˇ neh naw maꞈ ngoeˇ ngoeˇ-ehˇ ngaˬ-euˬ nui ma tsawˬ paˆ-iˇ ni jahˇ nehˬ laꞈ te. Yeˬluˇsaˬlehˬ meuˬ-ahˇ aˬ cawˬ neh bi paꞈ-eu tehꞈ-ehˇ maˬ ngeuˇ ni, Sahˬpaˬ Yeˬsuˇ-euˬ gʼaˇ duˬ kʼoeˇ gaˇ shiˇ dah gaˇ keuˆ ni ngaˇ leh hmˬ taˬ-euˬ ma.”

Lormav 10:15

Mehˬ nehˬ-iˇ-eu tsawˇ haˬ maˬ kʼehˇ gʼeh naˇ, aˬ joˆ-ehˇ bi mehˬ nehˬ-iˇ nmˇ. Kʼoeˇ miˇ neh, “Laˬ kʼaˬ cehˇ-eu Guiˬ lahˬ dawˬ mehˬ-eu tsawˇ haˬ deuˬ-euˬ kuiˇ toꞈ aˇ naˆ ni haw muiˬ-eu nga” lehˇ, Jaˇliꞈ laꞈ kʼoeˇ ehˇ taˬ-euˬ meh.

Lormav 12:18

Tsawˇ haˬ yawˬ gʼaˬ na luꞈ nehˬ-ehˇ tsaˬ leˇ ni, yawˬ ha kʼaˇ gʼeh nya-eu loꞈ-ehˇ leh jeh-awˇ dehꞈ-awˬ.

Lormav 15:20

Ngaˬ-euˬ nui kʼahˇ-aˬ, a cawˬ neh dawˬ pehˬ gawˬ gʼaˬ taˬ-euˬ gaˇ gawˬ tsaꞈ daˆ leꞈ-eu jeˬ maˬ mˇ ni, Ka li gaˇ kawˆ maˬ gaˬ haw-euˬ jawˇ duˬ-ahˇ iˇ-awˇ Laˬ kʼaˬ cehˇ-eu Guiˬ lahˬ dawˬ mehˬ-eu jeˬ-ahˇ nui ma keuˆ dzehˬ-eu ma.

1 Gawˇliˬtu 9:17

Ngaˇ yawˬ haˇ yawˬ ha nui ma keuˆ-awˇ mˇ-euˬ ngeuˇ naˇ, aˇ poeˬ za geuˇ tehꞈ-a. Ehˇ kʼawꞈ, Miˬyehˇ neh biꞈ laꞈ-euˬ gaˇ pyeuꞈ-eu miˇ neh, ngaˇ mˇ luꞈ-eu jeˬ pyeuꞈ-eu ma.

2 Gawˇliˬtu 8:12

Damˬ mawꞈ-eu nui ma ahˇ naˇ, naw maꞈ kʼaˇ gʼeh nya-eu loꞈ-ehˇ damˬ-euˬ gaˇ Miˬyehˇ ha geuꞈ nehˬ laꞈ tehꞈ-a. Maˬ gʼeh nya gaˇ keuˆ ni damˬ-awˬ lehˇ maˬ ehˇ-a.