Jaceuq 97:9 - Akha

⁹ Baoˬ huiˬ-eu Sahˬpaˬ Miˬyehˇ-oˇ, nawˇ-aˬ, miˇ tsaˬ dawˬ tawˆ luꞈ kʼoeˇ taˆ uˆ lahˇ-eu gʼaˬ meh. Miˬyehˇ dawˬ tawˆ luꞈ naˆ maˬ tseˇ, nawˇ huiˬ dui mahˇ dui dui-eu meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁹ Aqjeq mirnae aernar-aq, Ya’we Miqyaer-or, Nawr-aq, mirtsaq dawqtawv luf-euq khoertav gor duidui-eu ghaq mae. Nawr-aq, miqyaer dawqtawvluf navmaqtser, huiqdzaeq gordzaeq-eu mae.

Jaceuq 97:9 ပူးပေါင်းရင်းမြစ်များ

1 Laˬsaˬbaˬ 17:20

Sahˬpaˬ Miˬyehˇ-oˇ, nawˬ-ahˇ duˇ-eu tiˬ gʼaˬ-iˬ maˬ jawˇ-a. Nawˇ tiˬ gʼaˬ tehꞈ-ehˇ Miˬyehˇ pyeuꞈ-eu meh lehˇ, nga maꞈ aˬ myah luꞈ siˬ luꞈ ma.

Jaceuq 135:5

Aˬ dui-euˬ Sahˬpaˬ Miˬyehˇ huiˬ dui mahˇ dui dui-eu ngaˇ siˬ nya ma. Miˬyehˇ dawˬ tawˆ luꞈ kʼoeˇ taˆ aˬ yawꞈ huiˬ dzehˬ mahˇ dzehˬ-eu meh.

Jaceuq 136:2

Miˬyehˇ dawˬ tawˆ luꞈ kʼoeˇ taˆ huiˬ-eu Miˬyehˇ-ahˇ ja ceuˬ-awˬ. Aˬ yawꞈ gʼoeˇ-eu gaˬ-eu jeˬ mˬ maˬ maˬ byaˆ zaˇ ziˇ ziꞈ-eu meh.

Jaceuq 83:18

Nawˇ tiˬ gʼaˬ tehꞈ-ehˇ Sahˬpaˬ Miˬyehˇ pyeuꞈ-awˇ, miˇ tsaˬ dawˬ tawˆ luꞈ kʼoeˇ taˆ huiˬ dzehˬ-eu uˆ lahˇ-eu gʼaˬ pyeuꞈ-eu gaˇ kawˆ, aˬ yawꞈ maꞈ siˬ nya leˇ luꞈ-uˇ.

Jaceuq 92:9

Nawˬ-ahˇ muiˇ-eu deuˬ ya shiˇ jiˇ-awˇ, haiˬ-eu tsawˇ haˬ dawˬ tawˆ luꞈ ya smˬ-iˇ jiˇ tehꞈ-a lehˇ nga maꞈ siˬ nya ma.

Jaceuq 95:3

Aˬ jeˬ miˇ neh ehˇ naˇ, Sahˬpaˬ Miˬyehˇ-aˬ, Baoˬ huiˬ-eu Miˬyehˇ pyeuꞈ-awˇ, Miˬyehˇ dawˬ tawˆ kʼoeˇ taˆ baoˬ huiˬ-eu sahˬ paˬ meh.

Jaceuq 96:4

Sahˬpaˬ Miˬyehˇ huiˬ dui mahˇ dui dui-awˇ, ja ceuˬ dui dui paˬ-ehˇ gʼeh-eu meh. Miˬyehˇ dawˬ tawˆ luꞈ kʼoeˇ taˆ, aˬ yawꞈ-ahˇ yaw zeu baw-awˬ.

Doˆ-iˇ 18:11

Sahˬpaˬ Miˬyehˇ-aˬ, miˬ yehˇ dawˬ tawˆ luꞈ kʼoeˇ taˆ huiˬ dzehˬ mahˇ dzehˬ-eu nymˬ-mˇ ngaˇ ya siˬ-euˬ ma. Aˬ jeˬ miˇ neh ehˇ naˇ, Iˇjiˇtuˆ tsawˇ haˬ deuˬ Iˇsaˬleˬlaˆ tsawˇ haˬ deuˬ-ahˇ taˬ nyiˇ-awˇ, yehˬ bawˬ sehˇ lu-ehˇ jahˇ nehˬ ngeh, aˬ yawꞈ heu loꞈ-ehˇ mˇ-euˬ meh.”

Iˇsaˬyaˇ 33:5

Yaw goˇ-ahˇ jawˇ-eu Sahˬpaˬ Miˬyehˇ-ahˇ, ciˬ huiˬ ciˬ mahˇ tehꞈ-a. Yeˬluˇsaˬlehˬ meuˬ laꞈ kʼoeˇ yaw tsaˬ yaw dawˇ jeˬ, aˬ yawꞈ bi byah laˇ tehꞈ-a.

Yeˬlaˬmiˇ 10:10

Ehˇ kʼawꞈ Sahˬpaˬ Miˬyehˇ nawˇ-aˬ, maˇ maˇ ni gʼeh-eu Miˬyehˇ meh. Nawˇ dehꞈ luꞈ-eu Miˬyehˇ pyeuꞈ-awˇ, mˬ maˬ maˬ byaˆ zaˇ ziˇ nawˇ sahˬ paˬ meh. Nawˇ nui ma pehˇ laˇ ngeh, miˇ tsaˬ tahˬ kʼawˇ yaw dzuˬ dzuˬ-awˇ, miˇ kʼahˬ tsawˇ jeuˬ nawˬ-euˬ nui pehˇ maˬ daˬ coeˇ-a.

Yeˬlaˬmiˇ 10:8

Aˬ yawꞈ maꞈ dawˬ tawˆ luꞈ aˬ dzawˬ aˇ gah tehꞈ meh. Daˇ kawˬ neh jahˇ taˬ-euˬ tahˬ pahˬ aˬ ma, aˬ yawꞈ maꞈ-ahˇ aˬ jeˬ paˇ mehˬ nya nmˇ.

Eˇpeˇsu 1:21

Mˬ kʼoeˇ taˆ uˆ lahˇ luꞈ-eu deuˬ pyeuꞈ-eu, uˆ lahˇ-eu deuˬ, sahˬ paˬ sahˬ ma deuˬ, baoˬ deuˬ hawˇ-eu, miˇ kʼah-ahˇ haw-eu pyaˆ-eu deuˬ dawˬ tawˆ luꞈ kʼoeˇ taˆ Ka li uˆ lahˇ-eu meh. Heu ziˇ maˬ ehˇ, aˬ kaˇ kaˇ ziˇ maˬ ehˇ, kʼaˇ biꞈ taˬ-euˬ tsawˇ myahˇ dawˬ tawˆ luꞈ kʼoeˇ taˆ huiˬ dzehˬ-eu tsawˇ myahˇ aˬ yawꞈ jaˆ-eu meh.