Jaceuq 97:8 - Akha

⁸ Sahˬpaˬ Miˬyehˇ nawˇ yaˇ kʼaˬ daˇ-eu baˬ da neh, Ziˇoˬ meuˬ-ahˇ jawˇ-eu tsawˇ haˬ deuˬ laˬ kʼaˬ ya cehˇ-awˇ, Yuˇdaˆ miˇ kʼahˬ-ahˇ jaˆ-eu meuˬ deuˬ byawˬ dui dui meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁸ Ya’we Miqyaer-or! Nawr yarkhaq dar-eu baqda’nae; Ziroq gaq ngae laqkhaq caer-awr, Yurdav-euq zaqmiq deuq lurgha caergha-eu mae.

Jaceuq 97:8 ပူးပေါင်းရင်းမြစ်များ

1 Laˬsaˬbaˬ 16:14

Aˬ dui-euˬ Sahˬpaˬ Miˬyehˇ-aˬ, aˬ dui Miˬyehˇ maˇ maˇ ni ma. Aˬ yawꞈ neh ngehˬ-euˬ dawˬ deuˬ-aˬ, miˇ tsaˬ dawˬ tawˆ luꞈ gʼaˇ duˬ meh.

Jaceuq 48:11

Ziˇoˬ gawˬ jawˬ-ahˇ jawˇ-eu deuˬ laˬ kʼaˬ cehˇ luꞈ-uˇ. Nawˇ dawˇ coe ni yaˇ kʼaˬ daˇ-eu miˇ neh, Yuˇdaˆ meuˬ deuˬ laꞈ kʼoeˇ laˬ kʼaˬ cehˇ-eu jeˬ byah luꞈ-uˇ.

Jaceuq 48:12

Miˬyehˇ-euˬ tsawˇ haˬ deuˬ-oˇ, Ziˇoˬ meuˬ cah jawˬ-awˇ, loꞈ-euˬ nymˇ goˇ deuˬ-ahˇ gui haw sheˇ.

Jaceuq 52:6

Yaw tsaˬ yaw dawˇ tsawˇ haˬ deuˬ kʼoeˇ gaˇ mawˇ ngeh guˆ tehꞈ-a. Aˬ yawꞈ maꞈ naw maꞈ-ahˇ uiˇ-awˇ heu loꞈ-ehˇ ehˇ tehꞈ-a.

Jaceuq 58:10

Haiˬ-eu tsawˇ haˬ deuˬ-ahˇ kʼehˬ nehˬ kʼaˆ nehˬ gaˇ ya mawˇ ngeh, yaw tsaˬ yaw dawˇ tsawˇ haˬ laˬ kʼaˬ cehˇ-awˇ, haiˬ-eu tsawˇ haˬ deuˬ-euˬ shiˬ laꞈ kʼoeˇ, aˬ kuiˇ tsawˬ puꞈ-awˇ cah tehꞈ-a.

Iˇsaˬyaˇ 51:3

“Yeˬluˇsaˬlehˬ meuˬ-ahˇ ngaˇ gʼawˬ shaˬ gaˬ nehˬ ma. Meuˬ tsoeˬ kʼoeˇ-euˬ laꞈ kʼoeˇ kʼaˇ jawˇ-eu tsawˇ haˬ-ahˇ ngaˇ haw nehˬ ma. Aˬ yawꞈ-euˬ miˇ tsaˬ kʼaˇ shuiꞈ deh ga-ahˇ duˇ kʼawꞈ, ngaˬ neh mˇ-euˬ Eˬdeˬ yaˇ kmˇ loꞈ-ehˇ duˇ-eu, yaˇ kmˇ tiˬ kmˇ bi pyeuꞈ laˇ ma. Laˬ kʼaˬ cehˇ nui saˇ za-eu jeˬ kʼoeˇ gaˇ byah-awˇ, ngaˬ-ahˇ guiˬ lahˬ huiˬ-eu ja ceuˬ-eu caˇ dawˬ caˇ tehꞈ-a.

Iˇsaˬyaˇ 62:11

Miˇ tsaˬ dawˬ tawˆ luꞈ-ahˇ Sahˬpaˬ Miˬyehˇ heu loꞈ-ehˇ ehˇ luꞈ meh. “Naw maꞈ-ahˇ ka kʼoꞈ-eu gʼaˇ duˬ, aˬ yawꞈ neh ka kʼoꞈ doˆ laꞈ-euˬ tsawˇ haˬ deuˬ-ahˇ sheuˬ-awˇ, Sahˬpaˬ Miˬyehˇ oe luꞈ meh lehˇ, Yeˬluˇsaˬlehˬ tsawˇ haˬ-ahˇ ehˇ nehˬ-awˬ.”

Zaˬkaˬliˇ 9:9

Ziˇoˬ tsawˇ haˬ laˬ kʼaˬ cehˇ-awˬ. Yeˬluˇsaˬlehˬ meuˬ-euˬ tsawˇ haˬ, laˬ kʼaˬ cehˇ-awˇ guˇ dui dui-awˬ. Naw maꞈ-euˬ sahˬpaˬ oe luꞈ meh. Aˬ yawꞈ baoˬ kʼahˬ sehˇ huiˬ-eu kʼawꞈ, nui nahˬ nui yu ahˇ-eu laꞈ kʼoeˇ, mahˬ tahˬ laˆ zaˬ-ahˇ dziˬ-eu meh.

Panmaeq 18:20

Aˬ yawꞈ luˬ-iˇ seˇ-iˇ-euˬ gaˇ, Mˬ-oˇ laˬ kʼaˬ cehˇ-awˬ. Miˬyehˇ-euˬ tsawˇ haˬ deuˬ, Miˬyehˇ-euˬ gʼaˬ kʼehˇ deuˬ hawˇ-eu, bawˇ lawˇ peh deuˬ laˬ kʼaˬ cehˇ-awˬ. Naw maꞈ gʼaˇ duˬ meuˬ kʼoeˇ meuˬ-ahˇ, Miˬyehˇ yaˇ kʼaˬ daˇ nehˬ-euˬ meh.”