Jaceuq 94:5 - Akha

⁵ Sahˬpaˬ Miˬyehˇ-oˇ, nawˬ-euˬ tsawˇ haˬ deuˬ-ahˇ aˬ yawꞈ maꞈ nawˬ tehˬ-awˇ, nawˬ-ahˇ taꞈ-eu tsawˇ haˬ deuˬ kʼoeˇ taˆ kʼaˆ dzaˬ-eu meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁵ Ya’we Miqyaer-or! Aqyawfmaf, nawq-euq tsawrhaq-anr diqpav diqshav-awr, Nawq-euq jeqbir-anr khaeq-awr khav-eu mae.

Jaceuq 94:5 ပူးပေါင်းရင်းမြစ်များ

Jaceuq 14:4

Sahˬpaˬ Miˬyehˇ ehˇ-eu, “Yaw haiˬmˇ-eu tsawˇhaˬkʼoeˇdeuˬ, tiˬ jeˬ-iˬ maˬ siˬ nya ta loˇ. Ngaˬ-euˬzaˬ-ahˇtahˇjoe joe-awˇ, hawˬtahˬdzaˬ-eu loꞈ-ehˇdzaˬ-awˇ, ngaˬ-euˬtsawˇmyahˇ-ahˇmaˬkuˇ-a.”

Jaceuq 44:22

Ehˇkʼawꞈ,nawˬ-euˬbaˬda baˇneh, nga maꞈshiˇnawˆnawˆluꞈ-eu ma. Bi sehꞈdzaˬ-euˬyawˇdeuˬloꞈ-ehˇ, nga maꞈ-ahˇjahˇnehˬlaꞈ-euˬmeh.

Jaceuq 7:2

Nawˇngaˬ-ahˇ maˬka kʼoꞈlaꞈnaˇ, haiˬ-eu aˇlaˬjaˬshiˇloꞈ-ehˇ, caw ba le-eu gʼaˬmaˬjawˇgaˇ, yawꞈmaꞈngaˬ-ahˇ baꞈdzaˬgʼeh-awˇ, cehˬpyaˬcehˬshaˇnehˬlaꞈtehꞈ-a.

Jaceuq 74:8

Geuꞈ-eu jeˬ maˬ ahˇ-ehˇ pyeuꞈ-iˇ gaˇ keuˆ ni, nga maꞈ-ahˇ aˬ yawꞈ maꞈ laˆ cawˆ mawꞈ-awˇ, miˇ kʼahˬ laꞈ kʼoeˇ kʼaˇ jaˆ-eu muiˬ-eu shawˇ-eu jawˇ duˬ dawˬ tawˆ luꞈ-ahˇ, miˬ dzaˬ dzah puiˆ dzeh yaꞈ-euˬ meh.

Jaceuq 79:7

Aˬ jeˬ miˇ neh ehˇ naˇ, nawˬ-euˬ tsawˇ haˬ deuˬ-ahˇ aˬ yawꞈ maꞈ sehꞈ-awˇ, nawˬ-euˬ miˇ kʼahˬ-ahˇ aˬ yawꞈ maꞈ laˆ cawˆ-euˬ meh.

Iˇsaˬyaˇ 3:15

Ngaˬ-euˬ tsawˇ haˬ deuˬ-ahˇ naw maꞈ nawˬ pahˬ-awˇ, iˇ shaˬ zaˬ deuˬ-euˬ baˬ ba miˇ tsa ciˬ jeˬ nehˬ-eu teu, aˬ jeˬ dawˬ tsuiꞈ jahˇ te lehˇ, Dawˬ tawˆ kʼoeˇ taˆ uˆ lahˇ-eu gʼaˬ pyeuꞈ-eu, Baoˬ huiˬ-eu Sahˬpaˬ Miˬyehˇ ehˇ-eu ma.”

Iˇsaˬyaˇ 52:5

Nymˬ-mˇ Baˬbuˇloˬ miˇ kʼahˬ kʼawꞈ, naw maꞈ-ahˇ kʼoeˇ loꞈ-ehˇ jahˇ nehˬ-euˬ meh. Naw maꞈ-ahˇ nyehꞈ geuꞈ gʼeh-awˇ, aˇ poeˬ maˬ biꞈ nehˬ-a. Naw maꞈ-ahˇ uˆ lahˇ-eu tsawˇ haˬ kʼoeˇ deuˬ kʼahˬ sehˇ jehˆ-awˇ, ngaˬ-ahˇ yaw zeu maˬ baw ni dehꞈ haw-eu maˬ naˬ leˇ-a.

Yeˬlaˬmiˇ 22:17

Ehˇ kʼawꞈ, nawˇ yaw dehꞈ dehꞈ-eu-aˬ, yawˬ ha gʼaˇ duˬ tehꞈ-ehˇ toˆ-eu miˇ neh, maˬ lehˬ maˬ ca-eu tsawˇ haˬ-ahˇ sehꞈ-awˇ, nawˬ-euˬ miˇ kʼahˬ zaˬ-ahˇ kʼehˬ-eu nga lehˇ, Sahˬpaˬ Miˬyehˇ ehˇ luꞈ-eu meh.

Yeˬlaˬmiˇ 50:11

Sahˬpaˬ Miˬyehˇ heu loꞈ-ehˇ ehˇ-eu meh. “Baˬbuˇloˬ tsawˇ haˬ deuˬ-oˇ, ngaˬ-euˬ tsawˇ jeuˬ-euˬ myawˬ gahˬ naw maꞈ ceh geuꞈ-euˬ meh. Cehˇ nawˬ-eu mawˇ neˇ mawˇ ma hawˇ-eu, hiˇ hiˇ-ehˇ cah-eu mahˬ mahˬ paˬ-ahˇ nawˇ duˇ-eu meh.

Yeˬlaˬmiˇ 51:34

Baˬbuˇloˬ sahˬ paˬ Yeˬluˇsaˬlehˬ meuˬ-ahˇ coeˇ tsehˆ-awˇ dzaˬ-euˬ meh. Ciˬ cuˇ shehˆ ngehꞈ-eu loꞈ-ehˇ, meuˬ kʼoeˇ-ahˇ aˬ yawꞈ shehˆ ngehꞈ-awˇ, aˇ lawˇ myoꞈ-eu loꞈ-ehˇ myoꞈ ahˇ-euˬ meh. Aˬ yawꞈ kʼaˇ geuꞈ mawꞈ-eu jeˬ yuˇ geuꞈ-awˇ, maˬ geuꞈ mawꞈ-eu deuˬ byaˆ dzeh yaꞈ-euˬ meh.

Ngoeˇ dawˬ 3:36

saˇ naˇ-ahˇ yaˇ kʼaˬ daˇ nehˬ ngeh, maˬ ngeuˇ gaˇ keuˆ jahˇ-eu tiˬ jeˬ, Sahˬpaˬ Miˬyehˇ maˬ haw nahˇ-a.

Yeˬsaˬgeˬlaˇ 22:7

Meuˬ laꞈ kʼoeˇ jawˇ-eu tsawˇ haˬ tiˬ gʼaˬ-iˬ, yawˬ ha-euˬ aˬ ma aˬ da-ahˇ yaw zeu maˬ baw-a. Aˬ cawˬ tsawˇ jeuˬ-ahˇ nawˇ mehˇ shuiˇ shuiˇ dzaˬ-awˇ, miˬ coeˬ miˬ ma hawˇ-eu muˇ coe aˬ nmˇ deuˬ-ahˇ nawˇ yehˬ bawˬ-ehˇ gʼeh nehˬ-euˬ meh.

Panmaeq 11:3

Guˬ daˇ pehˇ zeuˇ dm luꞈ-eu saˇ kiˇ kamˬ-eu ngaˬ-euˬ tsawˇ haˬ nyiˬ gʼaˬ-ahˇ ngaˇ pyehˬ gʼeh-awˇ, aˇ nah aˇ yamˬ kʼoeˇ tiˬ heˇ nyiˬ yaˇ koꞈ tseˇ nah laꞈ kʼoeˇ, aˬ yawꞈ nyaꞈ Miˬyehˇ dawˬ kawˬ mehˬ tehꞈ-a.”

Panmaeq 17:6

Zaˬ miˬ zaˬ kʼoeˇ gʼaˬ-aˬ, Miˬyehˇ-euˬ tsawˇ haˬ deuˬ-euˬ shiˬ hawˇ-eu, Yeˬsuˇ-ahˇ saˇ jaˇ ziꞈ-eu miˇ neh bi sehꞈ-euˬ tsawˇ haˬ deuˬ-euˬ shiˬ dawˇ yehꞈ taˬ-euˬ gaˇ ya mawˇ-euˬ ma. Zaˬ miˬ zaˬ kʼoeˇ gʼaˬ-ahˇ ya mawˇ ngeh, ngaˇ zahˬ leˇ-euˬ ma.