Jaceuq 89:4 - Akha

⁴ ‘Nawˬ-euˬ zaˬ nawˬ-euˬ uˆ aˬ myah luꞈ sahˬ paˬ ya geuꞈ tehꞈ-a. Nawˬ-eu dzoeˬ dzaˬ mˬ maˬ maˬ byaˆ zaˇ ziˇ bi ziꞈ ma.”’

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁴ ‘Ngar, nawq-euq aryoeq, li-eu maqbawni lavzif-awr; Nawq-euq nuirmanq, yawqzir navluf-euq gharduq janrtaq ma.’ ” Sela.

Jaceuq 89:4 ပူးပေါင်းရင်းမြစ်များ

2 Saˬmeuˬlaˆ 7:29

Ngaˬ-euˬ zaˬ ngaˬ-euˬ uˆ deuˬ aˬ myah luꞈ nawˇ nui ma tsaˬ-eu tsawˇ haˬ deuˬ pyeuꞈ ni, aˬ yawꞈ maꞈ-ahˇ guiˬ lahˬ biꞈ nehˬ-awˬ lehˇ ngaˇ nawˬ-ahˇ shaˇ-eu ma. Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ-oˇ, nawˬ neh saˇ jaˇ dzaˬ taˬ-euˬ jaˆ-eu loꞈ-ehˇ, nawˬ-euˬ guiˬ lahˬ yaw dzahˇ deuˬ, ngaˬ-euˬ zaˬ deuˬ uˆ deuˬ kʼoeˇ taˆ, mˬ maˬ maˬ byaˆ zaˇ ziˇ jaˆ luꞈ-uˇ.”

1 Sahˬpaˬ 9:5

nawˬ-euˬ zaˬ nawˬ-euˬ uˆ deuˬ Iˇsaˬleˬlaˆ miˇ kʼahˬ-ahˇ aˬ myah luꞈ ya uˆ lahˇ tehꞈ-a lehˇ, nawˬ da Daˬbiˇ-ahˇ ngaˬ neh saˇ jaˇ dzaˬ taˬ-euˬ dawˬ kʼoeˇ dawˬ ngaˇ mˇ byah ma.

1 Laˬsaˬbaˬ 22:10

Ngaˬ-euˬ gʼaˇ duˬ uˬ duˬ tahˬ nymˇ tiˬ nymˇ aˬ yawꞈ tsoˆ tehꞈ-a. Aˬ yawꞈ-aˬ, ngaˬ-euˬ aˬ li-ahˇ duˇ-awˇ, ngaˇ-aˬ, aˬ yawꞈ-euˬ aˬ da loꞈ-ehˇ duˇ tehꞈ-a. Aˬ yawꞈ-euˬ dzoeˬ dzaˬ Iˇsaˬleˬlaˆ miˇ kʼahˬ kʼoeˇ taˆ aˬ myah luꞈ ziꞈ tehꞈ-a’ lehˇ ehˇ-eu meh.”

1 Laˬsaˬbaˬ 28:4

Iˇsaˬleˬlaˆ tsawˇ jeuˬ-euˬ Miˬyehˇ pyeuꞈ-eu Sahˬpaˬ Miˬyehˇ-aˬ, Iˇsaˬleˬlaˆ miˇ kʼahˬ-ahˇ aˬ myah luꞈ bi uˆ lahˇ-eu gʼaˇ duˬ, ngaˇ hawˇ-eu ngaˬ-euˬ zaˬ deuˬ uˆ deuˬ-ahˇ tseˇ doˆ-euˬ meh. Aˬ yuiꞈ geuꞈ-awˇ bi sheuˬ gʼeh-eu gʼaˇ duˬ, Yuˇdaˆ tsawˇ jeuˬ-ahˇ aˬ yawꞈ tseˇ doˆ-awˇ, Yuˇdaˆ tsawˇ jeuˬ laꞈ kʼoeˇ ngaˬ da-euˬ aˇ jeuˬ-ahˇ aˬ yawꞈ paˇ tseˇ doˆ-euˬ meh. Ngaˬ da-euˬ aˇ jeuˬ jeuˬ lah ni laꞈ kʼoeˇ ngaˬ-ahˇ tseˇ doˆ-awˇ, Iˇsaˬleˬlaˆ miˇ kʼahˬ tiˬ kʼahˬ kʼahˬ lah ni kʼoeˇ taˆ sahˬ paˬ bi geuꞈ-eu gʼaˇ duˬ, aˬ yawꞈ nui ma tsaˬ-eu meh.

Jaceuq 132:11

Daˬbiˇ-ahˇ nawˇ saˇ jaˇ ziꞈ dah ni dzaˬ-awˇ, saˇ jaˇ kʼoeˇ nawˇ maˬ puiˬ-eu saˇ jaˇ meh. Nawˬ-euˬ aˬ li tiˬ li-ahˇ ngaˇ sahˬ paˬ bi keuˆ leˇ-awˇ, nawˬ-euˬ dzoeˬ dzaˬ aˬ yawꞈ-ahˇ oꞈ tehꞈ-a.

Jaceuq 132:12

Nawˬ li deuˬ ngaˬ-euˬ dawˬ ma saˇ jaˇ-ahˇ ziꞈ-awˇ, ngaˬ-euˬ zahˇ sahˇ kʼoꞈ-ahˇ caw teh naˇ, aˬ yawꞈ maꞈ-euˬ aˬ li deuˬ ziˇ keuˆ ni sahˬ paꞈ geuꞈ-awˇ, nawˬ-euˬ dzoeˬ dzaˬ aˬ myah luꞈ oꞈ tehꞈ-a.

Jaceuq 72:17

Sahˬ paˬ-euˬ tsawˇ myahˇ tiˬ jawˇ-iˬ maˬ byoˆ-iˇ ni, nahˇ ma kʼaˇ bya kʼoeˇ keuˆ ni aˬ yawꞈ tsawˇ myahˇ doˆ luꞈ-uˇ. Tsawˇ jeuˬ dawˬ tawˆ luꞈ aˬ yawꞈ-ahˇ ja ceuˬ luꞈ-uˇ. Aˬ yawꞈ maꞈ-ahˇ guiˬ lahˬ biꞈ laꞈ lehˇ Miˬyehˇ-ahˇ aˬ yawꞈ maꞈ shaˇ-awˇ, sahˬ paˬ nui saˇ oꞈ ni aˬ yawꞈ maꞈ nui ma keuˆ luꞈ-uˇ.

Jaceuq 89:1

Sahˬpaˬ Miˬyehˇ-oˇ, maˬ tsehˆ leˇ nya-eu nawˬ-euˬ gʼoeˇ-eu gaˬ-eu jeˬ-ahˇ ngaˇ aˬ myah luꞈ caˇ-awˇ ja ceuˬ ma. Nawˇ saˇ jaˇ ziꞈ-eu gaˇ kawˆ aˬ myah luꞈ ja gaˬ ma.

Jaceuq 89:29

Aˬ yawꞈ-euˬ dzoeˬ dzaˬ mˬ maˬ maˬ byaˆ zaˇ ziˇ ziꞈ-awˇ, aˬ yawꞈ-euˬ zaˬ deuˬ uˆ deuˬ aˬ myah luꞈ sahˬ paˬ geuꞈ tehꞈ-a.

Jaceuq 89:36

Nahˇ ma maˬ byoˆ tsehˆ kʼoeˇ keuˆ ni, aˬ yawꞈ-euˬ zaˬ deuˬ uˆ deuˬ aˬ myah luꞈ dehꞈ-awˇ jawˇ-awˇ, aˬ yawꞈ-euˬ miˇ kʼahˬ-ahˇ ngaˇ haw piˇ ma.

Jaceuq 89:50

Nawˬ-euˬ zaˬ kʼaˆ pyeuꞈ-eu ngaˬ-ahˇ aˬ cawˬ yehˬ bawˬ-ehˇ jahˇ nehˬ laꞈ gaˇ taˬ ngehˇ nehˬ laꞈ. Miˬyehˇ maˬ baw-eu deuˬ neh yaˬ kʼehˇ yaˬ-euˬ dawˬ-ahˇ ya daˬ luꞈ gaˇ taˬ ngehˇ nehˬ laꞈ.

Iˇsaˬyaˇ 42:1

Sahˬpaˬ Miˬyehˇ ehˇ-eu, “Heu-aˬ, ngaˬ-euˬ zaˬ kʼaˆ ma. Ngaˇ hehˇ tehˇ nehˬ luꞈ-eu gʼaˬ ma. Aˬ yawꞈ-ahˇ ngaˇ tseˇ doˆ-awˇ, nui kʼahˇ shiˇ luꞈ-eu gʼaˬ ma. Aˬ yawꞈ kʼoeˇ taˆ ngaˬ-euˬ Yaw sahˇ jawˇ-awˇ, tsawˇ jeuˬ yawˬ jeuˬ na luꞈ kʼoeˇ taˆ, yaw tsaˬ yaw dawˇ jeˬ aˬ yawꞈ bi keuˆ le tehꞈ-a.

Zaˬkaˬliˇ 12:8

Aˇ yamˬ kʼoeˇ yamˬ keuˆ laˇ ngeh, Yeˬluˇsaˬlehˬ meuˬ-ahˇ jawˇ-eu tsawˇ haˬ deuˬ-ahˇ Sahˬpaˬ Miˬyehˇ haw piˇ-awˇ, gʼaˬ baˬ dui dui-eu tsawˇ haˬ tiˬ gʼaˬ-ahˇ keuˆ ni, Daˬbiˇ naˆ ni gʼaˬ ahˇ tehꞈ-a. Daˬbiˇ-euˬ zaˬ deuˬ uˆ deuˬ, Sahˬpaˬ Miˬyehˇ-euˬ gʼaˬ kʼehˇ loꞈ-ehˇ maˬ ehˇ, Miˬyehˇ-euˬ mawˇ do loꞈ-ehˇ maˬ ehˇ, aˬ yawꞈ maꞈ-ahˇ sheuˬ gʼeh tehꞈ-a.

Lormav 15:12

Iˇsaˬyaˇ neh paˇ ehˇ taˬ-euˬ, “Yeˬshehˇ-euˬ tsuiꞈ toeˬ oe leꞈ gaˇ, aˬ cawˬ tsawˇ jeuˬ-ahˇ uˆ lahˇ-eu, tsawˇ haˬ tiˬ gʼaˬ doˆ le tehꞈ-a. Aˬ yawꞈ laꞈ kʼoeˇ aˬ cawˬ tsawˇ jeuˬ, noeˬ tmˬ kʼaˇ bi za laˇ tehꞈ-a.”

Panmaeq 22:16

“Ngaˇ Yeˬsuˇ-aˬ, Ka li zaˬ aˇ muˇ laꞈ kʼoeˇ gaˇ kawˆ heu deuˬ naw maꞈ-ahˇ bi ehˇ gaˬ-eu gʼaˇ duˬ, ngaˬ-euˬ mˬ taˆ gʼaˬ kʼehˇ-ahˇ kʼehˇ gʼeh leꞈ-euˬ ma. Ngaˇ-aˬ, Daˬbiˇ-euˬ zaˬ ma. Aˬ guiˇ shawˬ ga shawˬ muiˇ pyeuꞈ-eu ma.”