Jaceuq 88:7 - Akha

⁷ Nawˇ nui ma pehˇ-eu jeˬ ngaˬ-euˬ kʼoeˇ taˆ kah suiˇ ni ciˬ tehˬ taˬ-awˇ, iˇ luˆ dzeh-eu loꞈ-ehˇ ciˬ tahˬ ciˬ tuˆ nehˬ laꞈ-eu meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁷ Nawr nuima paer-eu jeq ngaq-euq khoertav kansuixni javluf-awr; Nawq-euq irluv dawqtawvluf nae, Ngaq-anr shaqzanq bi keuvle naeqlaf-euq mae. Sela.

Jaceuq 88:7 ပူးပေါင်းရင်းမြစ်များ

Yawˇbaˆ 10:16

Ngaˇ tiˬ jeˬ paˬ mˇ pyeuꞈ-eu lehˇ gʼeh ngeh, aˇ laˬ jaˬ shiˇ loꞈ-ehˇ nawˇ ngaˬ-ahˇ teh le-awˇ, ngaˬ-ahˇ laˆ coeˬ laˆ ciˆ-eu gʼaˇ duˬ, kʼaˆ jeˬ-ehˇ gʼeh-eu jeˬ kʼawꞈ nawˇ mˇ-eu meh.

Yawˇbaˆ 6:4

Baoˬ huiˬ-eu Miˬyehˇ ngaˬ-ahˇ kaˆ myaˬ neh beuˆ coˆ-awˇ, kaˆ myaˬ doꞈ kʼoeˇ ngaˬ-euˬ gʼawˇ mawˇ-ahˇ iˇ byah-euˬ meh. Guˆ laˇ paˬ-ehˇ gʼeh-eu tiˬ jeˬ saˇ-iˬ tiˬ jeˬ-ahˇ, ngaˬ-euˬ kʼoeˇ taˆ Miˬyehˇ bi keuˆ le-euˬ meh.

Jaceuq 102:10

Aˬ jeˬ miˇ neh ehˇ naˇ nawˇ ngaˬ-ahˇ nui ma pehˇ-awˇ, ciˬ diˇ-awˇ baꞈ dzeh nehˬ laꞈ-euˬ meh.

Jaceuq 32:4

Uˬciꞈnah gʼahˇmaˬtsehˆleˇni, nawˬ-euˬaˬlaꞈngaˬ-ahˇkah-awˇ, jawˇla nahˇtsaˇlawꞈ-eu loꞈ-ehˇ, gʼaˬdawˬtawˆluꞈ lawꞈguiˇ-euˬnya.

Jaceuq 38:1

SahˬpaˬMiˬyehˇnui ma pehˇ-awˇ, ngaˬ-ahˇtaˬkʼehˬtaˬkʼaˆnehˬlaꞈ. Nawˬ-euˬnui ma pehˇ-eu jeˬneh, nawˇngaˬ-ahˇtaˬlawˬhaw nehˬlaꞈ.

Jaceuq 69:3

Caw ba nehˬ laꞈ-awˬ lehˇ guˇ doeˇ guˇ gʼa-awˇ, kuˬ byahˬ kuˬ shuˇ guˇ shuˇ-euˬ ma. Nawˇ caw ba le gaˇ haw luꞈ-eu, myaˆ nui haw gʼah laꞈ-euˬ ma.

Jaceuq 90:7

Nawˬ-euˬ nui pehˇ nga maꞈ-ahˇ laˆ cawˆ-awˇ, nawˬ-euˬ nui kʼaˬ nga maꞈ-ahˇ laˆ guˆ laꞈ-eu meh.

Yawˇnaˆ 2:3

Naꞈ dui dui-eu laˆ shaˆ dawˬ dah, nawˇ ngaˬ-ahˇ biˬ puꞈ nehˬ laꞈ-awˇ, ngaˬ-euˬ tiˬ jawˬ iˇ cuꞈ tehꞈ meh. Nawˬ-euˬ iˇ tahˬ iˇ luˆ dawˬ tawˆ, ngaˬ-euˬ kʼoeˇ taˆ cehˆ tsehˆ luꞈ meh.

Yawˇnaˆ 2:4

Nawˬ-euˬ myaˆ pyawˬ maˬ ya mawˇ gaˇ, nawˇ ngaˬ-ahˇ byehˇ dzeh nehˬ laꞈ-awˇ, nawˬ-euˬ Uˬ duˬ tahˬ nymˇ yaw shawˇ, maˬ paˇ ya mawˇ haw-eu miˇ-a.

Yoˇhaˬ 3:36

Zaˬmaˇ-ahˇ kʼaˇ jah-eu tsawˇ haˬ-aˬ, mˬ maˬ maˬ byaˆ zaˇ ziˇ dehꞈ-eu jeˬ za-eu meh. Zaˬmaˇ-ahˇ maˬ jah-eu tsawˇ haˬ-aˬ, dehꞈ-eu jeˬ maˬ za-ehˇ, Miˬyehˇ kʼehˬ nehˬ kʼaˆ nehˬ-eu uˬ moˆ ya jawˇ tehꞈ-a.

1 Beˬtuˆluˆ 2:24

Iˬ baˇ laꞈ kʼoeˇ aˬ dui maˬ paˇ dehꞈ ni shiˇ tsehˆ yaꞈ-awˇ, yaw tsaˬ yaw dawˇ jeˬ gʼaˇ duˬ yaw dehˬ dehꞈ nya ni aˬ dui-euˬ iˬ baˇ-ahˇ Ka li aˬ yawꞈ-euˬ gʼawˇ mawˇ laꞈ kʼoeˇ pi-awˇ, laꞈ yaꞈ kʼoeˇ taˆ kamˇ shiˇ-euˬ meh. Aˬ yawꞈ ya daˬ-euˬ maˇ kʼehˬ maˇ naˇ baˬ da neh naw maꞈ-euˬ naˇ gawˇ taˬ leˇ-euˬ meh.