Jaceuq 77:2 - Akha

² Ngaˇ shaˬ zahˬ naꞈ ngeh, Sahˬpaˬ Miˬyehˇ-ahˇ guiˬ lahˬ shaˇ-euˬ ma. Uˬ ciꞈ miˇ lah-ehˇ aˬ laꞈ baꞈ diˇ-awˇ guiˬ lahˬ shaˇ kʼawꞈ, nui ma saˇ laˇ duˬ maˬ jaˆ nya.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

² Ngaq-anr gardzaq garkawv keuvle-eu arnan-anr, Ngar, Sanqpaq Miqyaer-anr pov-euq ma. Ngar, uqcif paw maq naqlerni, ngaq-euq aqlaf cawqdir-euq khawf, Ngaq-euq nuima saflar maqmuiq maq sarlar nya-a.

Jaceuq 77:2 ပူးပေါင်းရင်းမြစ်များ

Aˇ dahˬ 32:28

Tsawˇ haˬ kʼoeˇ gʼaˬ ehˇ-eu, “Aˬ kaˇ naˇ, nawˬ-euˬ tsawˇ myahˇ Yaˬkoˆ lehˇ maˬ paˇ ngeuˇ meh. Nawˇ-aˬ, Miˬyehˇ-ahˇ maˬ ehˇ, tsawˇ haˬ-ahˇ maˬ ehˇ, dawꞈ gʼaˬ-euˬ meh. Kʼoeˇ miˇ neh, nawˬ-ahˇ Iˇsaˬleˬlaˆ lehˇ ya kuˇ tehꞈ-a” lehˇ ehˇ-eu meh.

Aˇ dahˬ 37:35

Aˬ yawꞈ-euˬ aˬ buˇ aˬ li dawˬ tawˆ luꞈ aˬ yawꞈ jawˇ gaˇ laˇ-awˇ, aˬ yawꞈ nui ma saˇ laˇ ni gʼaˬ biꞈ nehˬ kʼawꞈ, aˬ yawꞈ maˬ naˇ haˬ-ehˇ, “Ngaˬ li jawˇ-eu shiˇ-eu miˇ kʼahˬ-ahˇ maˬ keuˆ kʼoeˇ keuˆ ni, tsawˇ ngoeˇ ngoeˇ ngoeˇ-ehˇ iˇ byoˆ gʼeh-eu ma” lehˇ ehˇ-eu meh. Yaˬkoˆ-aˬ, nah doˆ le ngeh Yoˇsehˆ-ahˇ noeˬ-awˇ, tsawˇ ngoeˇ ngoeˇ ngoeˇ-ehˇ jawˇ-euˬ meh.

2 Laˬsaˬbaˬ 6:28

“Miˇ kʼahˬ heu kʼahˬ kʼoeˇ taˆ, mehꞈ-eu shuꞈ-eu jeˬ hawˇ-eu yaw jaw naˇ-eu naˇ gawˇ gawˇ ma keuˆ le ngeh maˬ ehˇ, lahˇ dui dui-eu jaˬ lehˇ hawˇ-eu nyoiˬ oiˬ nyehˇ bahˇ gʼawˬ mya jeˬ baˬ da neh dzaˬ la gʼo cehˇ deuˬ ya cawˆ -iˇ ngeh maˬ ehˇ, muiˇ-eu deuˬ nawˬ-euˬ tsawˇ jeuˬ-ahˇ guiˇ deuˆ le ngeh maˬ ehˇ, shaˬ zahˬ naˇ gawˇ keuˆ le ngeh maˬ ehˇ,

Yawˇbaˆ 11:13

Yawˇbaˆ-oˇ, nawˬ-euˬ nui ma dawˇ coe ni taˬ-awˇ, Miˬyehˇ jawˇ paw aˬ laꞈ cawˬ ja-awˬ.

Jaceuq 18:6

Nui ma shaˬzahˬnaꞈ-eu miˇneh, SahˬpaˬMiˬyehˇ-ahˇkuˇ-euˬma. Ngaˬ-ahˇcaw ba le-eu gʼaˇduˬ, ngaˬ-euˬMiˬyehˇ-ahˇguˇ-euˬma. Uˬduˬtahˬnymˇnymˇma laꞈkʼoeˇ, ngaˬ-euˬteˇsaˇaˬyawꞈgaˬ-awˇ, ngaˬneh shaˇ-euˬshaˇdawˬdeuˬ-ahˇ, aˬyawꞈnaˇhaˬnehˬlaꞈ-euˬmeh.,

Jaceuq 50:15

Shaˬ-eu zahˬ-eu jeˬ keuˆ le ngeh ngaˬ-ahˇ kuˇ-awˬ. Ngaˇ naw maꞈ-ahˇ ka kʼoꞈ nehˬ-awˇ, naw maꞈ ngaˬ-ahˇ ja ceuˬ tehꞈ-a.”

Jaceuq 55:17

Uˬ shawˬ, nah gʼahˇ hawˇ-eu uˬ ciꞈ paw, ngaˇ nui ma cawˆ-eu dawˬ aˬ yawꞈ-ahˇ gaˬ leˇ ngeh, 2 ngaˬ-euˬ shaˇ dawˬ-ahˇ aˬ yawꞈ naˇ haˬ tehꞈ-a.

Jaceuq 63:6

Ngaˇ yuꞈ zaˇ-ahˇ yuꞈ luꞈ ngeh, nawˬ-ahˇ noeˬ mawˇ-eu ma. Uˬ ciꞈ miˇ lah-ehˇ nawˬ-euˬ gaˇ kawˆ ngaˇ shaˇ noeˬ-euˬ ma.

Jaceuq 86:7

Ngaˬ-euˬ shaˇ dawˬ-ahˇ nawˇ naˇ haˬ nehˬ laꞈ-eu miˇ neh, shaˬ ngeh zahˬ ngeh nawˬ-ahˇ ngaˇ kuˇ-eu ma.

Dawqdaq 18:14

Dehꞈ mawꞈ-eu nui kʼahˇ naˇ gawˇ-ahˇ kamˬ coeˇ-awˇ, nui ma ga byaˆ-iˇ naˇ, noeˬ tmˬ kʼaˇ maˬ paˇ za meh.

Iˇsaˬyaˇ 26:16

Sahˬpaˬ Miˬyehˇ nawˇ nawˬ-euˬ tsawˇ haˬ-ahˇ, kʼehˬ nehˬ kʼaˆ nehˬ-euˬ baˬ da neh, aˬ yawꞈ maꞈ noeˬ shaˬ dui dui-eu laꞈ kʼoeˇ, nawˬ-ahˇ guiˬ lahˬ shaˇ luꞈ-eu meh.

Iˇsaˬyaˇ 26:9

Uˬ ciꞈ miˇ lah-ehˇ nawˬ-ahˇ ngaˇ noeˬ-eu ma. Miˇ tsaˬ-ahˇ nawˇ yaˇ kʼaˬ daˇ ngeh, miˇ tsaˬ zaˬ deuˬ yaw tsaˬ yaw dawˇ jeˬ-ahˇ siˬ nya tehꞈ-a.

Yeˬlaˬmiˇ 31:15

Sahˬpaˬ Miˬyehˇ heu loꞈ-ehˇ ehˇ-eu meh. “Laˬmahˇ meuˬ-ahˇ teˇ saˇ gaˬ doˆ laˇ nya. Shaˬ zahˬ naꞈ-awˇ ngoeˇ-eu teˇ saˇ gaˬ doˆ laˇ nya. Laˬkeˬlaˇ ngoeˇ dui dui luꞈ meh. Aˬ li dawˬ tawˆ luꞈ maˬ paˇ ya mawˇ-eu miˇ neh, maˬ muˇ taˬ nya ni ngoeˇ-eu meh.”

Hawˇseˬ 5:13

“Yawˬ ha naˇ gawˇ aˇ naˆ kʼaˆ-eu, Iˇsaˬleˬlaˆ-ahˇ siˬ leˇ-awˇ, yawˬ ha maˇ naˇ aˇ naˆ naꞈ-eu, Yuˇdaˆ miˇ kʼahˬ-ahˇ siˬ leˇ ngeh, huiˬ-eu Suˇliˆ sahˬ paˬ jawˇ gaˇ, Iˇsaˬleˬlaˆ tahˬ shaˇ-euˬ meh. Ehˇ kʼawꞈ, naˇ gawˇ maˬ yaˇ nya-ehˇ, maˇ naˇ maˬ laˆ taˬ nehˬ nya-a.

Hawˇseˬ 6:1

Aˬ yawꞈ maꞈ heu loꞈ-ehˇ ehˇ-eu, “Laˇ-awˬ. Sahˬpaˬ Miˬyehˇ jawˇ gaˇ, aˬ dui paˇ gʼoꞈ poˆ leˇ kaˇ-euˇ. Aˬ dui-ahˇ aˬ yawꞈ laˆ naˇ-euˬ aˬ yawꞈ laˆ taˬ nehˬ laꞈ tehꞈ-a. Aˬ dui-ahˇ aˬ yawꞈ laˆ tahˬ-eu, aˬ yawꞈ lahˇ cuꞈ nehˬ laꞈ tehꞈ-a.

Yoˇhaˬ 11:31

Maˬliˇ-euˬ nymˇ-ahˇ oe-awˇ gʼaˬ biꞈ le-euˬ tsawˇ haˬ kʼoeˇ deuˬ kʼawꞈ, Maˬliˇ tehˬ law tehˬ tsaˇ-ehˇ iˇ doˆ gʼeh gaˇ ya mawˇ ngeh, caw teh gʼeh-euˬ meh. Aˬ yawꞈ lmˬ bymˇ-ahˇ iˇ-awˇ, tsawˇ ngoeˇ ngoeˇ-iˇ-eu gʼeh-eu nga lehˇ aˬ yawꞈ maꞈ noeˬ-euˬ meh.

HeˬByehˇ 5:7

Yeˬsuˇ miˇ tsaˬ kʼoeˇ taˆ dehꞈ ngeh, shiˇ-eu jeˬ laꞈ kʼoeˇ aˬ yawꞈ-ahˇ bi buˬ-iˇ nya-eu Miˬyehˇ-ahˇ, teˇ saˇ yaw kʼaˆ-ehˇ guˇ guˇ-ehˇ myaˆ biˇ doˆ-eu laꞈ kʼoeˇ guiˬ lahˬ shaˇ dui dui-euˬ meh. Aˬ yawꞈ Miˬyehˇ-ahˇ yaw zeu baw-awˇ Miˬyehˇ-euˬ nui noeˬ geuꞈ-euˬ miˇ neh, aˬ yawꞈ-euˬ shaˇ dawˬ-ahˇ Miˬyehˇ naˇ haˬ nehˬ-euˬ meh.