Jaceuq 77:11 - Akha

¹¹ Sahˬpaˬ Miˬyehˇ-oˇ, nawˬ neh mˇ-euˬ huiˬ-eu gaˇ deuˬ-ahˇ ngaˇ noeˬ keuˆ ma. Dzeuˇ laˇ ngeh nawˬ neh mˇ yaꞈ-euˬ zahˬ leˇ paˬ-ehˇ gʼeh-eu gaˇ deuˬ-ahˇ ngaˇ noeˬ mawˇ ma.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹¹ Ngar, Ya’we Miqyaer-euq gardeuq-anr noeqkeuv ma. Ngar, arhuba nawq nae zanqler paq-aer ghae-eu jeq, Mryaf-euq gar aqdir noeqkeuv ma.

Jaceuq 77:11 ပူးပေါင်းရင်းမြစ်များ

Aˇ dahˬ 24:63

Uˬ ciꞈ uˬ taw paw ui cuiˆ yaw naꞈ-ehˇ, deh ga paw gaˇ ma cah baˇ-iˇ-eu lehˇ aˬ yawꞈ iˇ luꞈ ngeh, law taw kʼoeˇ deuˬ gʼoꞈ le luꞈ gaˇ ya mawˇ-euˬ meh.

1 Laˬsaˬbaˬ 16:12

Miˬyehˇ-euˬ zaˬ kʼaˆ geuꞈ yaꞈ-euˬ, aˬ da Yaˬkoˆ-euˬ zaˬ deuˬ-oˇ, Miˬyehˇ tseˇ doˆ-euˬ gʼaˬ pyeuꞈ-eu, Iˇsaˬleˬlaˆ-euˬ zaˬ deuˬ-oˇ, Miˬyehˇ mˇ-euˬ kʼaˆ-eu gaˇ deuˬ, Miˬyehˇ yaˇ kʼaˬ daˇ dzeuˇ-euˬ deuˬ, maˬ ngehˇ ni noeˬ taˬ juiˇ taˬ yawˬ.

Jaceuq 105:5

Aˬ yawꞈ-euˬ zaˬ kʼaˆ Aˬbyaˬhaˬ-euˬ zaˬ deuˬ uˆ deuˬ-oˇ, aˬ yawꞈ neh tseˇ doˆ-euˬ Yaˬkoˆ-euˬ zaˬ deuˬ uˆ deuˬ-oˇ, Miˬyehˇ neh mˇ-euˬ kʼaˆ jeˬ-ehˇ gʼeh-eu gaˇ deuˬ hawˇ-eu, aˬ yawꞈ neh yaˇ kʼaˬ daˇ-euˬ gaˇ kawˆ deuˬ-ahˇ, maˬ ngehˇ ni noeˬ keuˆ-awˬ.

Jaceuq 111:4

Aˬ yawꞈ neh mˇ-euˬ kʼaˆ jeˬ-ehˇ gʼeh-eu gaˇ deuˬ gaˇ kawˆ, Sahˬpaˬ Miˬyehˇ aˬ dui-ahˇ maˬ bi ngehˇ laꞈ-a. Aˬ yawꞈ-aˬ, gʼawˬ shaˬ gaˬ nya dui dui-eu meh.

Jaceuq 143:5

Dzeuˇ yaꞈ-euˬ aˇ nah aˇ yamˬ deuˬ-ahˇ noeˬ mawˇ laˇ miˇ-a. Nawˬ neh mˇ dzeuˇ shaˇ dzeuˇ yaꞈ-euˬ deuˬ-ahˇ ngaˇ shaˇ noeˬ-awˇ, gaˇ kawˆ kʼoeˇ deuˬ-ahˇ ngaˬ-euˬ nui ma laꞈ kʼoeˇ shaˇ sawˇ luꞈ-eu ma.

Jaceuq 28:5

SahˬpaˬMiˬyehˇ mˇ-euˬ gaˇ-ahˇ, yawꞈmaꞈ shaˇsawˇ-eu maˬbaw-ehˇ, SahˬpaˬMiˬyehˇ-euˬlaꞈzaˇ-ahˇ, yaw zeu maˬbaw nehˬ-eu miˇneh, aˬyawꞈneh bi kʼehˬbi kʼaˆ-awˇ, mˬmaˬmaˬbyaˆ cawˆ-iˇtehꞈ-a.

Jaceuq 77:10

“Miˬyehˇ baoˬ maˬ paˇ ahˇ meh lehˇ ehˇ-eu jeˬ taꞈ-ehˇ, ngaˬ-ahˇ coeˬ laˇ-eu tiˬ jeˬ-iˬ maˬ paˇ jaˆ miˇ-a” lehˇ ngaˇ ehˇ-euˬ ma.

Jaceuq 78:11

Aˬ yawꞈ neh mˇ mehˬ-euˬ zahˬ leˇ paˬ-ehˇ gʼeh-eu jeˬ hawˇ-eu, aˬ yawꞈ neh mˇ-euˬ gaˇ deuˬ-ahˇ aˬ yawꞈ maꞈ ngehˇ-euˬ meh.

Doˆ-iˇ 15:11

“Sahˬpaˬ Miˬyehˇ-oˇ, miˬyehˇ heu myaˆ ni gʼeh-eu laꞈ kʼoeˇ aˬ geu gʼaˬ nawˬ-ahˇ duˇ ta. Muiˬ-eu shawˇ-eu paw zahˬ leˇ paˬ-ehˇ gʼeh-eu, Nawˇ loꞈ-ehˇ aˬ suˇ gʼaˬ jawˇ ta. Zahˬ leˇ paˬ-ehˇ gʼeh-eu jeˬ hawˇ-eu baoˬ huiˬ-eu gaˇ mˇ nya-eu, nawˇ loꞈ-ehˇ aˬ suˇ gʼaˬ jawˇ ta.

Iˇsaˬyaˇ 5:12

Aˬ yawꞈ maꞈ dzaˬ byawˬ dawˇ byawˬ byawˬ gaˇ, deuˇ-mˬ, bawˬ law, cehˇ lehˇ hawˇ-eu jiˇ baˬ jaˆ kʼawꞈ, Sahˬpaˬ Miˬyehˇ neh mˇ-euˬ gaˇ-ahˇ maˬ shaˇ sawˇ-ehˇ, aˬ yawꞈ-euˬ kuiˇ zaˇ laꞈ zaˇ maˬ siˬ nya-a.